جامعتنا احسن جامعة في الشرق الأوسط

[محترف]

السلام عليكم ورحمة الله وبركاته

يبدوا أن نوعية الإدارة في جامعة الملك فيصل عبارة عن مدير مدرسة ثانوية ومدرسين يسمعون كلام المدير ويمدحونه في الداخلة والطالعة في كل كلمة يلقونها

لم اجلس مع احد الطلاب في جامعة الملك فيصل الا وكان مشدود نفسيا بسبب طريقة الدراسة فيها

هل هو هم الواجبات .. أم هو هم المشاركات التي أعادها معضم الطلاب الذين لا يثقون في نظام هذه الجامعة

عندما سجلنا في هذه الجامعة .. تم الضحك علينا فيما يلي:
الرسوم : 2475 ريال ... وفي النهاية اكتشفنا انها أعلى سعر من بقية الجامعات ( لما تسجل العدد الأقصى من الساعات ) تطلع الحسبة فوق الـ 3000 ريال

البلاك بورد : قلنا ماشاء الله تطور اكيد الطريقة الدراسية راح تكون ممتعة ... وفي النهاية اكتشفنا قمة الفشل واجبات مملة نجدها في المنتديات .. لا اعرف ما الفائدة منها .. ومشاركات عقيمة .. جميعنا شاركنا أو اغلبنا .. بكلمة ( جزاكم الله خير ) .. وحنا ماندري وش محتوى المشاركة


وفي الاختبارات .. ههههههههه حدث ولا حرج .. في كل مرة تأخير من المدرسة الثانوية والمدرسين حقين الابتدائي اللي يراقبون علينا ويعاملونا كأننا ( بزارين )
نفسي مره وحده نختبر بالوقت المحدد

هههههههه ايه ومافيه ترم صيفي .. تكملون 4 سنوات يعني تكملون اربع سنوات
الاخ النجار الله يخليه لاهله ولجامعته .. يقول لازم تدعمون السياحة الداخلية في هالصيف هههههههههه ااااه ياقلبي


اما المنتديات حقتنا ... كل ما ادخل المنتدى ... احصل المواضيع هذي ..
متى المشاركات تنزل
متى ينزل الواجب حق المادة الفلانية
متى تنزل المحاضرة المباشرة

وفي النهاية لما نجي نتكلم يرد علينا المشرف على الانتساب نسيت اسمه .
ماحد قال لكم تجون اخر السنة وتشاركون
ياخي لا تجنني .. جالسين تعطونا بالقطارة ونظامكم زي الزفت .. وتجي تحط الحق علينا
ياخي الانتظام مايدرسون زينا .. عطني شي منطقي استوعبه .. لا تعاملني بغباء


وكالعادة بعد كل اختبار .. او لما تنزل درجات الاختبار نجد المواضيع التالية
الله لا يوفقك يا مدرس المحاسبة
حسبي الله عليك يالنجار
ومواضيع تنحذف من المراقبين بسبب عدم لباقتها أو احتوائها على مواضيع هادفة ( زي مايقولون ) انا مادري وش الهادف برأيهم .. وشعارهم ( لا حرية في التعبير )

وحنا كالعادة لما يجي احد ينتقد مدرس بسبب أو بدون سبب
مانجي والله ونعرف وش السالفة ووش اللي صار .. على طول بعد ما نقرا العنوان فقط نروح لخانة الرد ونكتب .. ( مالك داعي يا راعي الموضوع ) الدكتور يتعب علشانا
المدرس الفلاني والله يبغى مصلحتنا
المشرفين هنا علشان يساعدونا علشان نعيش حياة رغيدة
النجار يحبنا حيل ويبي يخرجنا من عالم الضلمات إلى عالم النور لكي نرا الحقيقة ( شطحة )
فعلا حنا زي ما قالوا .. (مع الخير يا شقرا )


الله يعينا على هالجامعة وعلى بعض الناس
تدرون ان جامعة الملك عبد العزيز وجامعة الإمام من يوم الجمعة طلعت نتائجهم
ههههههههههه وتوني اقرا موضوع واحد يسأل عن توقيت النتائج واشوف ردود عجيبة
احد المشرفات ترد وتقول .. صار لنا اسبوعين مخلصين اختبارات .. اعتقد ان النتائج الاسبوع القادم أو الاسبوع اللي بعده او اسبوعين ونص ؟؟ بالله وش افهم من هالرد ههههههه ماحد عنده علم يسكت احسن له ..
وفيه واحد الله يرجه رد بشكل عجيب . هههههههه
يقول من باب خبرتي انها مسألة وقت ههههههههههههه طيب ؟؟ ههههههههه الله يعين
صرنا مفهين والا وش صار لنا بسبب هالجامعة


عموما انا بس حبيبت افضفض على هالصبح وبرجع لشغلي
وتحياتي للجامعة الجميلة ..
عسى بس الإمام يعادلون موادنا ونروح لهم
ادعوا لنا ..

[ناوي السوكبا]

اتفق معك في العنوان فقط

[ناوي السوكبا]

+

أتمنى تغيير العنوان الى

جامعتنا أفضل جامعة في مجرة جالكسي

لكي لا نبخص حق الجامعة العزيزة

[Lilac]

المشاركة الأصلية كتبت بواسطة ناوي السوكبا

+

المشاركة الأصلية كتبت بواسطة ناوي السوكبا

أتمنى تغيير العنوان الى

جامعتنا أفضل جامعة في مجرة جالكسي

لكي لا نبخص حق الجامعة العزيزة

المجره باللغة الانجليزية معناها Galaxy

واسم المجره بالعربيه درب التبانه ~

[ تصحيحا لمعلوماتك فقط ]

"

أخي محترف أتفق معك في اغلب ما قلته

بالنسبه لتأخر النتائج فهذا بسبب العدد الهائل في عدد طلاب الجامعة

ومن جميع أنحاء المملكة و لا ننسى أن التصحيح يكون في مركز الجامعه في الأحساء
بمعنى ارسال جميع اوراق الامتحانات الى المركز في نهاية فترة الاختبارات
وهذا بعكس الجامعات التي ذكرتها

"

والجامعه كذلك تدرج النتائج لجميع الكليات بكافة المستويات في يوم واحد

هذا كله كفيل في التأخير الحاصل ..

نلتمس العذر لجآمعتنا لعل وعسى تتدارك أخطائها البسيطه في يوم مآ ..

بالتوفيق ،،

[سعد الساهر]

جامعة الملك فيصل افضل من غيرها بكثير

بس مشكلة الشعب السعودي يحب الانتقاد واذا مالقى شي حوله ينتقده انتقد نفسه

[الحميدي2010]

للمعلوميه
جامعة الملك عبدالعزيز الان استحدثت نظام الاختبارات طول الدراسه في المناطق يعني ماله داعي تروح جده

سجل فيها وريح عمرك


جامعة الملك فيصل بدات بدايه قويه ونوعيه ورائعه وحققت مالم تحققه الجامعات الاخرى في وقت قياسي
للمعلوميه العام الماضي المنتسبين في جامعة الملك عبدالعزيز 9000ى طالب وطالبه
اعتقد ان هناك فرق عن المنتسبين في جامعة الملك فيصل الذين قاربوا 35000 طالب وطالبه

يا اخي الجامعه فاتحه لك البلاك بورد طول الترم تكتب مشاركاتك وتنزل محاضراتك اول باول
بتقول لي ماعندك وقت اقول لك غير صحيح كم من الوقت يضيع منا على المنتديات اللي مالها داعي والفيس بوك وانا رحت وانا جيت وهذي صوري في البر و و و و الى ماله داعي

تجي انت اخر الترم وتقول ابي اخلص كل شي في ساعه لا ياخي
انت لما تتاخر والثاني والثالث ترا كلكم تضغطون على السستم في وقت واحد
وتجي تقول الجامعه فيها وما فيها

يا اخي والله العظيم اني من بداية الترم ماشي حسب النظام المتبع واقسم بالله انه مانقصني من درجات المشاركه ولا حتى نص درجه

لا نجلس يا اخوان نجعل الاخرين شماعات لفشلنا

اذا فيه عيب فالعيب منا نحن

نجلس فاضين طول الترم وكل يوم نقول بكره حتى يضايقنا الوقت


اذا فعلا جامعة الملك فيصل تعتبر افضل جامعه في الشرق الاوسط

[الطالبة المعذبة]

طيب اذا انت مو عاجبتك الجامعة وجالس تمدح في جامعة عبد العزيز والامام وشوله رافع ضغطك وجالس هنا ليه ماتدور راحتك وتسجل في وحدة منهم


مافي مكان في العالم سواء جامعة مدرسة بنك شركة مستشفى مايخلى من الايجابيات و السلبيات بصراحة جامعتنا ما اقول لك روووعة بس احسن من غيرها


وله تجلس تمدح في الجامعة الفلانية لاجل فلان قال لك التجربة خير برهان جرب وبعدها احكم ع الاخرين

[أنور جنبي]

أخوي ما أعرف اذا ينفع استخدم المثل هذا لكن ، ارضى بقردك لا يجيك أقرد ، ترى الملك عبدالعزيز و الأمام لهم عيوبهم الخاصة ، و أنا أتقبل عيوب فيصل على عيوب الجامعات الأخرى وما حدخل في التفاصيل الآن.

أتفق معك بالتالي:

1- نظام المنتدى بالبلاك بورد نظام عقيم فلم و لن استفد منه.
2- الرسوم أعلى بكثير من مستوى التعليم الذي نحصل عليه ، أي ندفع أكثر مما نحصل عليه. لكن هو ليس الأعلى فأختلف معك في هذه أنما هو الأدنى في القيمة
3- أقفال أيقونة المشاركات أمر غريب ، المفروض انهم يتركوه مفتوح طوال العام ، لأن بأقفاله لا أرى فائدة أكاديمية أو غاية تدرك سوى أذية الطلاب و تركهم في ظلمات النظام أطول مدة ممكنة

[العازم]

باختصار ..كلامك مردود عليه

يكفيك في نظام جامعه الملك فيصل انك تستطيع الاختبار في اغلب مناطق المملكه ..يعني ليس هناك عناء سفر ومايترتب عليها من مصاريف ماليه عاليه قد لايستطيع كل الطلاب تحملها ..فهل هذه الخاصيه موجود في عبدالعزيز او الامام ..اعتقد لالالالالالالا

[سعد الساهر]

علشان تعرف الفرق... اذكر ايجابيات جامعة الملك فيصل مقارنة بإيجابيات الجامعات الاخرى وراح تعرف الفرق .. لاتذكر سلبيات جامعة الملك فيصل وتذكر ايجابيات الجامعات الاخرى وتقولي الجامعات الثانية افضل