كلام الدكتور محمد الدوغان عااجل للاهميه

[بنت سبيع]

السلام عليكم ورحمة الله وبركاته

بخصوص الموضوع الي منزله ميدناوي على منهج اداره الموارد البشريه

انا كلمت الدكتور محمد الدوغان وصراحه تفاجاء من الكلام الي كاتبه الاخ ميدناوي

والاخت بنت عائشه في المنتديات الخاصه ب الجامعه منتدى النقاش وملتقى الجامعه

وقال انا ماعندي اي صلاحيه اقول مثل هذا الكلام ولا قلت اعترضو
ودام الماده ناازله عندكم بالخطه
ليه اقول ممثل هذا الكلام وغير كذاا قال انا ادرس الماده لجميع الكلياات ماعندي خطط لاي قسم
يعني هو يدرس الماده لجميع الاقسام وماعنده اي خلفيه عن الخطه

وقال مثل هذاا الكلام ما يصرح فيه الا عماده التعليم الاكتروني

(وياليت الاخ ميدناوي يصحح فهمه ويوصل المعلومه صح

هذا كلامي انا له لانه شوشر على الطلاب )

ونصيحتى لكم لاتسون بلبله الماده من ضمن الخطه

وبتوفيق للجميع يارب

[جوري الملتقى]

وعليكم السلام ورحمة الله وبركاته

يااختي هذا مو كلام اخونا مديناوي لوحده يمكن 3 غيره كلموا الدكتور وقال لهم نفس الكلام ..
الاخوان ماجابو شي من عقولهم ..

يمكن الدكتور فعلا ماكان يدري وسئل المسؤولين وخبروه ..
فرد عليك بهذا الرد ..

[بنت سبيع]

الدكتور ماجاه اي اتصال بخصوص الموضوع

هل تكذبون الدكتور وتصدقون الطلاب

[verymoon*14]

حسبي الله الحين من نصدق

يارب سهلها معانا ياكريم

[جوري الملتقى]

مراح اكذب الاعضاء ..

والدكاترة غير معصومين عن الخطأ ..

ورجاء لا تغلطين على اعضاء شهد عليهم الجميع بثقتهم وكفائتهم ..

[كلـ جرراح ـي]

السلام عليكم ورحمة الله وبركاته
صرراحه مووضوع مو بوقته واحس فيه انا بالسالفه
انا كلمت دكتور الماده وقال مثل ماقالت صاحبة الموضوع
لكن للحين احس فيه شي غاامض
احنا بنمسك الماده وربي يسهلها

[جوري الملتقى]

شغله عاديه جدا وتحصل كثير ..

ان الدكتور يخبرنا بشي بالبدايه .. بس بعد مايتأكد يقول لنا الخبر الاكيد ..

بس مومعناته نتهم غيرنا بتزوير الكلام ..

كلنا اخوان هنا وبيننا عشرة 3 سنوات دراسية ومابيننا هالكلام ..

[كلـ جرراح ـي]

المشاركة الأصلية كتبت بواسطة جوري الملتقى

شغله عاديه جدا وتحصل كثير ..

ان الدكتور يخبرنا بشي بالبدايه .. بس بعد مايتأكد يقول لنا الخبر الاكيد ..

بس مومعناته نتهم غيرنا بتزوير الكلام ..

كلنا اخوان هنا وبيننا عشرة 3 سنوات دراسية ومابيننا هالكلام ..

جد ياليت الموضوع ماياخذ اكبر من حجمه
فيه سوء فهم حصل وياليت الكل يهدي حاله ويريح باله وياخذ له كاس كافي ويمسك له ماده ويذاكر احسن ماننجلد بالدرجات بيوم الامتحان
وبالتوووفيق للجميع

[آلقلب آلطفولي]

..



لا صج عاد واضحه

بعد ماخبر مديناوي وباقي الطلبه الي كلموه بعده راح وتأكد

وبعدين قال هالكلام صحح الخطأ .. مافيها شي الانسان مومعصوم عن الخطأ

يلآ الله يهديه ,, المفروض يتأكد قبل اهو يدرس اي اقسام بعدين يقول هالكلام

وانا اشوف الماده تمشي مع تخصصنا ومافيها اي مشكله

وتراها حلوه وسهله لاتخافوون

مووفقين ان شاء الله ..

[محبة عائشه]

شوف اقسم بالله اني انا كلمته وقال نفس ماذكر مديناوي وكما ذكرت انا
انا احب ان اساعد ولا احب التشويش
ايش هذا الدكتور ورئيس القسم يناقض اقواله على الاقل يقول حصل لبس في الموضوع ولا ينكر ماقال
نحن هنا مو نلعب وفعلن قال اعترضوا لان فيه متطلب سابق لازم ناخذه وهو مبادى الموارد البشرية
وقال هذي مادة تخصص وليست لكم
ويابنت سبع لاتستصغرين عقولنا ولاتكذبينا نحن هنا مو صعار
انا كلمته وكل كلمه كتبتها قالها دكتوررررررررنا الفاضل
مايبغونا نعترض و لانطلب اسئلة مراجعة ولا بحذف محاضرات