[ المستوى الرابع ] : التطبيق على برنامج اكسس (ب_ب)

[Otaku]

السلام عليكم

بدش بلموضوع بسرعه وهو يخص التطبيق الي نزلته لنا دكتورة سناء الصمادي

طبعاً انا أنصدمت لأني ماعرفت عن التطبيق إلا اليوم o_O"

ماعرف شلون ما انتبهت لكن هذا الي صار ,عموماً

أخر موعد لنا نطرش عملنا بتاريخ 12 /5 /1435

يعني ضروري نخلصه بسرعه عشان نتفرغ لبحث التدريب الميداني

وعشان اوفر لكم جهد البحث وماتضيعون وقتكم مثلي

ترا برنامج اكسس 2010 مب متوفر بلانترنت حست لين قالي قوقل اغسلي ايدج مافي 2010

بس موجود 2007 وسمعت الدكتورة تقول 2007 يقارب حق 2010

لكن الافضل ناخذ 2010 انجلش لانه هو نفس الاصدار الي بنختبر فيه بلفاينل

طيب وشنو الحل ؟

الحل هو تثبيت البرنامج من محل خاص بلكمبيوتر (بفلوس)

طبعاً أنا للحين ماثبت البرنامج عندي 2007 وبحذفه ابي 2010 وانجلش بعد نفس الي بنختبر فيه بلكولج

والمصيبه المحاضرات ناقصة مافيهاش شرح ولاشي ’ يعني لازم كتاب عشان نفهم ونطبق الخطوات

مع اني شيكت ع شروحات للبرنامج بليوتيوب مرا مفيده

عموماً انا كتبت الموضوع عشان انبهكم لان ماظنتي حد بينتبه حقه لو كتبته تعليق بتجمع الماده

ولهذا بيكون هالموضوع حاله حال غيره من المواضيع لحل إختبار أو واجب

ونتعاون في حل التطبيق وإن شالله بشتري الكتاب اذا ربي قدر لي

ملاحظه:- الي عنده برنامج اكسس2010 ياليت يرفع لنا ويكون بموازين حسناته

وبس

[N o o r a h]

ترى عادي مو مهم 2010

لاني انا السمستر اللي راح أحل التطبيق والواجبات على access 2007

وأخذ درجات كاملة

اهم شي يكون عندكم البرنامج وتطبقون عليه


فالكم التوفيق

[Otaku]

ممممممرررررررررا شكراً نورا , ريحتيني من هم مشوار وتضيع وقت اركب 2010
ماقصرتي حبيبتي ..

[ريمنقو]

ان شاء الله سهل , وشرح الدكتوره ممتاز وبكل محاضره تعيد لك نفس المعلومات
انا اشوف الافضل تتابعين محاضراتها اول بأول مايجي الفآنيل الا حافظه البرنامج حفظ
ولاتنسين تلخصين كلامها وتكتبين الاشياء المهمه والخطوات

[Khaled.k]

مها
موفقه لكل خير

[Otaku]

احد يعرف كيف اسوي قائمة منسدله ؟

المشكلة المحاضرات في التيجريتي ماتطلع لي <خلل فني ×_×

إنشاء قاعدة بيانات (ا درجة)

إنشاء جدول يحتوي على ما يلي:

أربع حقول و خمس سجلات (ا درجة)

وجود حقل منها من نوع قائمة منسدلة (ا درجة)

وجود حقل منها من نوع نعم/لا ( yes/no) (ا درجة)

وجود حقل منها من نوع تاريخ وقت (ا درجة)

^^^^^^^^^^^^^^^^^^^^^^^^^^^^^^^^^^^^^^^^^^^^

هذا تطبيقنا عرفت اسوي كل الخطوات عدا القائمة المنسدله حد يعرف يقولي بليز :(

[Otaku]

المشاركة الأصلية كتبت بواسطة khaled.k

مها
موفقه لكل خير

آمين , وياك إن شالله ^_^

[Otaku]

المشاركة الأصلية كتبت بواسطة ريمنقو

ان شاء الله سهل , وشرح الدكتوره ممتاز وبكل محاضره تعيد لك نفس المعلومات
انا اشوف الافضل تتابعين محاضراتها اول بأول مايجي الفآنيل الا حافظه البرنامج حفظ
ولاتنسين تلخصين كلامها وتكتبين الاشياء المهمه والخطوات

يسلمووو ريمنقو حبيبتي ,كلامج مرا يريحني ودايم يشجعني

عسى الله مايحرمج من كل غالي

[hdawy]

بنات كيف احل التطبيق ماعرفت ؟؟؟؟؟

[mona-2]

احد عرف يحل !!؟