[ آخر الأخبار ] : انطباعكم عن التحليل الاحصائي

[ترد الروح]

المشاركة الأصلية كتبت بواسطة آهــات

يا جماعة واللي فاته الاختبار
وش يسوي! !

يندب حظه

[hussien]

يارب وفق هذا الدكتور بدينه وحياته ياناس اكثر من رائع بشرحة واسلوبه واسئلته بجد يستاهل كلمة دكتور ياشيخ الدكتوراه تفتخر بك انك حملتها هذي ثاني مرة اخذ مادة عندة ويعجز اللسان عن شكرة اسلوب تفهيم واسلوب تعامل واسلوب واضع اسئله ولكن كل مانرجوه ان تدعون له بظهر الغيب بدعوة صادقة

[hussien]

المشاركة الأصلية كتبت بواسطة ذيباان

أخر أختبار كان عندي يوم الأثنين الماضي
وبديت بالتحليل يوم الثلاثاء صباحاً
اول المحاضرات مشت معي ويوم وصلت بواسون وشلته غرزت
ودقيت على فوق 30 مدرس خصوصي اللي يقول ماعندي وقت واللي يقول مسافر واللي ما أدرسها واللي هو في جدة وانا بالرياض

وتذكرت لي زميل خريج أحصاء وكلمته وانا منحرج منه قال لا تستحي يارجال منت اول واحد أشرح له ويوم جاني بالبيت وشاف المنهج قال وش ذا المنهج بصراحة كل موضوع عندكم له كتاب مستقل
وبالأخير قال السالفة ومافيها إذا ماتحفظ قوانين ولا ماراح تحل لو أشرح لك من اليوم إلى شهر قدام
وشرح لي شوي وحلينا مسائل وشطح بي بفكرة
قال ألا ماتبيني أختبر عنك مره وحده أنا أشتقت للمقاعد الدراسية ...
قلت أحلى مرقه
قال دام ودك وش يردك
قلت يارجال ألا انت أشرح لي واللي أفهمه بفهمه واللي مانيب عارفه في امقيط وارشاه
قال فكر في كلامي وراح

يوم جاء اليوم قلت انا الحين خريج وهذا أخر اختبار ومعدلي طايح ورى ما اكلمه واصور الأسئلة وهو يرسل الجواب والله والشيطان يزبطها في راسي وأكلمه
قال هات محاضرة 14 ورح للأمتحان وبيني وبينك الواتس
وتم تصوير بعض الصفحات وتم الرد بالأجابات

والله غفور رحيم

مايجب منك المجاهرة بمثل هذا الكلام واذا ابتليتم فاستتروا واعتقد انه شي يستحي انه ينكتب دون ان تجاهر فيه اتمني تحذف كلامك وتتقبل مني هذا الكلام بصدر رحب وانا اسف اني اقول لك مثل كذا لكن للمنفعه العامه

[ابو نوااف]

الله يستر بعض الاسئلة طويلة وتضيعك
ربي يوفق الجميع

[parliament]

المشاركة الأصلية كتبت بواسطة آهــات

يا جماعة واللي فاته الاختبار
وش يسوي! !

يغني على ليلاه

[خُـلـودْ ..!]

المشاركة الأصلية كتبت بواسطة البنت الشطوره

نضرب 6%ضرب2يطلع اتوقع 12من ميه
المهم التباين نضرب الجواب 12من ميه في (1-سته من ميه)

انا جاوبت الاسئله الصعبه والهبااااله في مخي غلطت في السهل المويا..
داااايم كذا ..لكن الحمدلله على كل حال

آي محآضرة هذي ،؟؟ وش يقصد آي درس :"(
آلبنآت كآنوآ يقولون آن المقصود من السؤال توزيع بواسون . ؟؟
إللي يكون الوسط فيه هو نفسه التبآين ..!!

آنآ طبعـآ زيكك آغلط في الشي إللي غير متوقع تمآمآ تمآمآ ..

[البنت الشطوره]

المشاركة الأصلية كتبت بواسطة خُـلـودْ ..!

آي محآضرة هذي ،؟؟ وش يقصد آي درس :"(
آلبنآت كآنوآ يقولون آن المقصود من السؤال توزيع بواسون . ؟؟
إللي يكون الوسط فيه هو نفسه التبآين ..!!

آنآ طبعـآ زيكك آغلط في الشي إللي غير متوقع تمآمآ تمآمآ ..

هذا بكل بساطه سؤال من جزء ثنائي الحدين
نستخرج المتوسط من خلال ضرب n*p

اما التباين npq

تذكرتيها؟؟
انا اول ماقريت السؤال جاني صداع وفجأه نزلت الاجابه ههههه
اللي قاهرني غلطت في التاافه

[ابو فيصل fm]

الحمد الله كما توقعت سهله ،انا ذاكرت حتى خمس محاضره بعدين حسيت أن الوقت مايسعفني وذاكرت المحاضرة الاخيرة ونشاء الله بجيب درجة زينه

[ضمير رفع]

دائما د. احمد فرحان
عند وعده
دائما نجده في افضل الحالات
متألقا متعاونا
الله يجزاه خير ويسهل اموره

[ابو مشعل121]

المشاركة الأصلية كتبت بواسطة ذيباان

أخر أختبار كان عندي يوم الأثنين الماضي
وبديت بالتحليل يوم الثلاثاء صباحاً
اول المحاضرات مشت معي ويوم وصلت بواسون وشلته غرزت
ودقيت على فوق 30 مدرس خصوصي اللي يقول ماعندي وقت واللي يقول مسافر واللي ما أدرسها واللي هو في جدة وانا بالرياض

وتذكرت لي زميل خريج أحصاء وكلمته وانا منحرج منه قال لا تستحي يارجال منت اول واحد أشرح له ويوم جاني بالبيت وشاف المنهج قال وش ذا المنهج بصراحة كل موضوع عندكم له كتاب مستقل
وبالأخير قال السالفة ومافيها إذا ماتحفظ قوانين ولا ماراح تحل لو أشرح لك من اليوم إلى شهر قدام
وشرح لي شوي وحلينا مسائل وشطح بي بفكرة
قال ألا ماتبيني أختبر عنك مره وحده أنا أشتقت للمقاعد الدراسية ...
قلت أحلى مرقه
قال دام ودك وش يردك
قلت يارجال ألا انت أشرح لي واللي أفهمه بفهمه واللي مانيب عارفه في امقيط وارشاه
قال فكر في كلامي وراح

يوم جاء اليوم قلت انا الحين خريج وهذا أخر اختبار ومعدلي طايح ورى ما اكلمه واصور الأسئلة وهو يرسل الجواب والله والشيطان يزبطها في راسي وأكلمه
قال هات محاضرة 14 ورح للأمتحان وبيني وبينك الواتس
وتم تصوير بعض الصفحات وتم الرد بالأجابات

والله غفور رحيم

دامك غاش غاش خله يختبر محلك ............ ودام المراقبيين مفهيين الى درجة انك تسولف باوتس اب كان جيت انت وياه القاعه وحلوها سوا................ الله يوفقك ويغنيك بحلاله عن حرامه