اليوم الوطني.. بين تكـــســيــر & شجـــآآعة !!!

[الغلا]

طالبه مجتهدة

تسلمين ع التسجيل والمشاركه!

واكيد انهم يقصدون يوصلون رساله

بس طريقتهم تدل ع شخصياتهم الهمجيه

الله يهديهم!!

[ورد و جوري]

الحمد الله على سلامتنا اول شي ( و السلامه الجميع اكيد)
شي فضيع إلي صار عندنا في الخبر
إلي حصل ان شباب الرياض الله يهديهم هم السبب
لان اول مره هذا الشي يصير عندنا
كم واحد من اهل الرياض حمسوا شباب الخبر
وصار إلي صار
اكثر شي كسر خاطري
بيت الدونت ليش ما عرف وهيرفي جاه شوي من المصايب

الله يهديهم الشباب
والحمد الله اني بنت مش ولد

[hah]

كل الي كتبته انحذف بس بكتب النقاط المهمة الي ابي اوصل لها

* اليوم الوطني في عام 1429 كان في رمضان انا كنت في الرياض قسم كان مهزله اي واحد يجي و يسد الشارع ويقعد يرقص ابي افهم وش الهدف من هل الحركة!!!! بعد الي شفت قلت لا ابوهم على اليوم الوطني حقهم السنة الجاية ان شاء الله مالي جلسة هنا . من يوم العيد قلت لأهلي كلهم يالله خل نمشي نروح المزرعة ما نبي وجع راس

*انا كلمت واحد في احد المنتديات من المخربين و قلت له ليه وش الهدف من هذا كله قال ان كل ما رحنا سوق او مدينة العاب قال عوااائل فما لقينا حل الا ان احنا تخرب المحلات عشان السنة الجاية يحسبون لنا الف حساب !!! عذر اقبح من ذنب الحين انت وش عندك في السوق السوق كله محلات نسائية اما مدينة الالعاب لا تعليق عمرك 19 و تروح مدينة العاب عشان تركب مرجيحة عسا ما شر !!!

*انا من سكان الرياض ودرست في الشرقية و اعرف اهلها زين اكيد ان الي حصل مو من اهلها ابد هذول اكثرهم من حثاله الرياض و انا متأكد ان الي جو الشرقية كانو قاصدين البحرين قال بروح وادخل بالبطاقة بس يوم راح قال توك بزر جب ابوك معك قام وزعل و قال بكسر كل شي << هذا توقعي انا

* اعمال التخريب في كل مناطق المملكة في الرياض و جدة و المدينة لا كن للأسف الخبر اخذت النصيب الاكبر

الله يعوض اهالي مدينة الخبر والله قهر لما نصحى من النوم و تشوف مدينتك في يوم وليله دمااار بدون سبب مقنع

الله يعينكم ان شاء الله :011:

بالتوفيق للجميع

[دمعـ العيون ـات]

لا حول ولا قوة الا بالله..

شيء محزن..

[الغلا]

ورد و جوري

انا قلت لحد يحط اللوم ع شباب الرياض او الشرقيه او السنه او الشيعه مانبي هذي النقاشات

بغض النظر شباب مين وشنو اصلهم ومذهبهم ومدينتهم

يبقى سعودي وسوى هالشي ببلده وعيب عليه!!

الله يهديهم الي صار ابد موشوي!



hah


نفس الشي مانبي نخصص بغظ النظر اذا هم شباب الرياض او الدمام او الخبر يبقى سعودي خرب وطنه!

الله يهديهم هم كل سنه يتفننون بالتخريب ويزيدوون ويطورون الادوات الحين مسدسات السنه الجايه قنابل!

وبالنسبه للعذر ان كل شي عوائل ياخي افتحوا لكم مشاريع روحوا تجمعوا مع ربعكم بكافيهات شباب يامكثرها

دبروا عمرركم باي شي يعني لازم تخربون علينا والله البنات يحسدون الاولاد ع انهم اولاد

والاولاد يبون يصيرون بنات

يعني ليش هالحسد حنا البنات مكبوتين اكثر منكم وبالبيت وبالحسره لا طلعنا رحنا مجمع ولا مطعم

تخربونهم علينا!!!

الله يهديهم يارب



دمعـ العيون ـات

الله الهآآدي

[كرستالهـ؛؛]

يسلموووووووو

مانقوول غير الله يهديهم

[أميره بشموخي]

اللهـ يهديهمـ..

منـ جد خرآآبـ مو طبيعيـ..

:011:

نفسيـ أفهمـ لييييهـ..؟؟

إذآآ عندهمـ طآآقهـ زآآيدهـ..كآآنـ جهزوآآ شيـ حلو لليومـ الوطنيـ..

يلاآآ كلـ وآآحد بيآآخذ جزآآهـ..

سوآآء كآآنـ..بالدنيآآ أو بالآخرهـ..

[الغلا]

كرستاله

أمووووره

الله يعين ويهديهم ويرجعهم لعقلهم ويوفر طاقاتهم لاهلهم وخدمتهم!!

[hah]

المشاركة الأصلية كتبت بواسطة الغلا

hah


نفس الشي مانبي نخصص بغظ النظر اذا هم شباب الرياض او الدمام او الخبر يبقى سعودي خرب وطنه!

الله يهديهم هم كل سنه يتفننون بالتخريب ويزيدوون ويطورون الادوات الحين مسدسات السنه الجايه قنابل!

وبالنسبه للعذر ان كل شي عوائل ياخي افتحوا لكم مشاريع روحوا تجمعوا مع ربعكم بكافيهات شباب يامكثرها

دبروا عمرركم باي شي يعني لازم تخربون علينا والله البنات يحسدون الاولاد ع انهم اولاد

والاولاد يبون يصيرون بنات

يعني ليش هالحسد حنا البنات مكبوتين اكثر منكم وبالبيت وبالحسره لا طلعنا رحنا مجمع ولا مطعم

تخربونهم علينا!!!

وي احس اني بنجلد

انت تقولين ان الحل هو في الكافيها (قهاوي) ومن المعروف ان القهاوي هنا كلها شيشة و دخان و ما يدخلها الا الشباب المندمر اذا كان هذا حل فأحنا ما استفدنا شي .

انا ما احسد البنات على شي انتم في نعمة واحنا في نعمه بس اذا الواحد ما عرف يستغل حياتة صح مو ودة يغير جنسة وبس الا انه يتمنى الانتحار و في بعض الحالات نشوف ناس انتحروا و اكبر دليل على هذا شوفي كم واحد يموت بسبب السرعة او التفحيط شي من جد يقهر الواحد اذا كانوا هذول الشباب الي يعتمد عليهم الوطن هذا حالهم ...

اما بالنسبة للي يقول سنة او شيعة فاليبانين قمة في الاخلاق و ما عمري سمعت عن اعمال شغب ومع هذا هم ملحدين يعني الدين ماله اي دخل

في شي ودي اقول بس احس اني بطلع برى الموضوع عاد اسمحيلي

معرف ان اليوم الوطني الكل تجمهر سواء في الاسواق او الشوارع او الحدائق انا شفت مقاطع في اليوتيوب ما صدقتها لاكن للأسف الي شفتة كان صحيح كان مجموعة من البنات في نص السوق مشغلين اغاني ويرقصون وين عسى ما شر اذا تبون ترقصون ارقصو في البيت انا اذا شفت شباب يرقصون في الشارع قسم اني احقرة و اقول ان هذول ما ربهم اهلهم اتوقع هذا احد اسباب تجمع الشباب في السوق بزيادة في اليوم الوطني . و ان شاء الله ان اليوم الوطني القادم ما نشوف الي شفناه و يكون احتفال بدون مشاكل بس والله انصحكم تبعدون عن اماكن التجمعات لأن ما يندرى وش الجاي ...

بالنسبة للكلام الي بالاحمر كانت صيغة التعميم واضحة وكأنك تقولين ان كل الشباب في السعودية مضايقينكم مشكله الشباب والعوائل لها اكثر من 20 سنة و الى الان ما فية حل المشكله ان الكل هنا ينتظر ان احد يساعدة ما يدر ان ما احد بيفهمة اكثر من نفسة الشباب اكثرهم اتكالين ما يعتمدون على انفسهم و الغلط هنا من التربية و من التعليم تحصل الطفل عمرة 7 سنوات يا خذ واجب في المدرسة بس الي يحل الواجب واحد من اهله بعدين يكبر الطفل وتكبر العادة معاه ومن الصعب انه يخليها .

والله احس اني طولت بالكلام كثير:c8:

اذا كنت غلطت على احد فأنا اعتذر وشكرا لصاحبت الموضوع على اتاحة الفرصة لنا بالتحدث و اشكرها على حسن الاسلوب
الله يحفظك يا بلادي

[حـور]

لا حول ولا قوة الا بالله

وين جالسين حررررب؟؟؟

حراام عليهم يخربون فرحة العيد

وكل هالأضرار والخسآآير بس هيك مزآآآج

كل الي أقدرر أقوله

الله يشفي أصحاب العقول المريضه ويحمينا منهم

مشكور الغلا على التغطيه