[ مذاكرة جماعية ] : مبادئ الاحصاء تاريخ 1\3\1437

[حصه راشد]

السلام عليكم

هنا نتجمع لطرح كل مايخص مقرر مبادئ الاحصاء

دكتور مقرر سعيد سيف الدين

الله يوفقنا يارب

[skon aljro7]

..


الله يوفقنا جميعا وشكرا لفتح المذكره
واتمنى من الجميع التعاون
انا لحد الان ماشاهدت المحاضرات هل فيها صعوبة ؟

[حصه راشد]

الاولى والثانيه واضحين تحتاج تركيز ومتابعة دكتور + تطبيق

[حصه راشد]

محاضره الاولى
....

المحاضرة الاولى ص9 من المحتوى ..

كيف افرق بين متغير متصل ، و متغير متقطع ؟

المتصل : ياخذ كسوراً
متقطع : ياخذ فقط اعداد صحيحه لا كسوراً

مثال / 1

البيانات المجمعه عن الدخل السنوي لمنسوبي إحدى الهيئات الحكوميه هي : ص13
بيانات كمية متصل .

ليش اخترنا [ بيانات كمية متصل ] !!

لانه ممكن الدخل يكون 3000 ويمكن يكون 3000 ونص < النص ذا كسر فـ اللي تاخذ كسر قلنا عنها متغير متصل


مثال / 2

عدد الايام n في كل شهر : ص13
متغير كمي متقطع .

ليش اخترنا [ متغير كمي متقطع ] !!

لانه عدد صحيح ، نقدر نقول اليوم 30 فالشهر ، بس مانقدر نقول اليوم 30 ونص فالشهر .

[حصه راشد]

محاضرة الثانية

مثال توضيحي / قام احد الباحثين بجمع البيانات التالية عن درجة الطلاب في مادة اللغة الانجليزية
بالثانوية العامة بأحد فصول المتميزة بإحدى مدارس المنطقة الشرقية و كانت الدرجات كالتالي ( الدرجة العظمى 10 )

100 - 95 - 99 - 99 - 59 - 93 - 94 - 99 - 98 - 92
97 - 95 - 94 - 95 - 93 - 96 - 95 - 92 - 95 - 94

المطلوب / تنظيم ، و عرض النتائج السابقة بطرق عرض مختلفة

اول شي نسوي جدول ويكون شامل على

التكرار ونرمز لها بـ f - العلامات - الدرجه ونرمز لها بـ x

طبعا الدرجه نكتب الارقام من الاصغر لـ اكبر عدد ، اصغر رقم فالجدول 92 نبدا فيها ونوصل لـ 100

العلامات : نشوف الارقام فـ الجدول كم مره اتكررت
92 : / / < التكرار 2
93 : / / < التكرار 2
94 : / / / < التكرار 3
95 : / / / / / < هنا نشطب عليها لآنه كل 5 علامات حزمه . / < هنا نبدا حزمه جديده < التكرار 6
96 : / < التكرار 1
97 : / < التكرار 1
98 : / < التكرار 1
99 : / / / < التكرار 3
100 : / < التكرار 1

بعد ماطلعنا الدرجه و العلامات والتكرار ، نجمع التكرارات يعني
2+2+3+6+1+1+1+3+1 = مجموع التكرارات 20 = سيجما f

- واذا قال احسب لي المدى ونرمز له بـ r : ندور ع اكبر قيمه كم ، واصغر قيمه كم ونطلع النتيجه
اكبر قيمه قلنا 100 _ واصغرها 92 ، يعني
r = 100 _ 92 = 8

هذا الجدول التكراري ، بس لو قال لك الجدول التكراري النسبي او المئوي . .

نستخدم : الدرجةx ، التكرار f ، التكرار النسبي ( f / سيجما f = ) f وعليها شرطه < رمز للتكرار النسبي

النسبي : ناخذ التكرار على مجموع التكرار اللي هو 20

مثلا 2 / 20 = 0.1 [ ونكرر الطريقة لـ بآقي التكرارات ]

ملحوظة : دائما مجموع التكرار النسبي 1


المئوي : ناخذ التكرار على مجموع التكرارات ونضربها في 100

مثلا : 2 / 20 × 100 = 10 %

ملحوظه : دائما مجموع التكرار المئوي 100 % .

[skon aljro7]

يسلمو حصه اي محتوى اللي عندك

[همس الروح 2015]

بالتوفيق لكم المادة دسمة وتحتاج متابعة مع الدكتور
اول باول .. والدكتور سعيد روووعة راح يسهل عليكم


موفقين

[حصه راشد]

محتوى هتان

هو نفسه ملخصات اللي ينزلها دكتور بكل محاضره

[حصه راشد]

المحاضرة 3 ص8 من المحتوى .


س2 / المدى لمجموعة من البيانات المنفصلة هو :
الفرق بين اكبر و اصغر قيمتين

ليش اخترنا هالخيار ؟!
مثل ماقلت اول [ اصغر قيمة _ اكبر قيمة = r ]


س3 الجدول المرافق يبين درجات 20 طالباً في أحد المقررات الدراسية :

92 - 93 – 94 – 95 – 96- 97 – 98 – 99 – 100
2 – 2 – 3 – 6 – 1 – 1 – 1- 3 – 1


( أ ) عدد الطلاب الحاصلين على 94 فأقل :
الجواب : 7

ليش اخترنا 7 ؟
يقول لك الحاصلين على 94 فأقل يعني نبدا نحسب من 94 واقل
3 ماخذين 94 ، 2 ماخذين 93 ، 2 ماخذين 92
كم عددهم =7


( ب ) عدد الطلاب الحاصلين على درجة أقل من 94
الجواب : 4

ليش 4 ؟
هنا 94 مانحسبها لانه طلب اقل
اذا 2 ماخذين 93 ، و 2 ماخذين 92
عددهم = 4


( ج ) نسبة الطلاب الحاصلين على 94 فأقل :
الجواب : 0.35

اول طلعنا عددهم اللي هو 7
طيب ناخذ 7 / 20 اللي هو عدد الطلاب ككل = 0.35

ملحوظة : بما ان السؤال مذكور فيه النسبه بدون المئويه نختار النسبه اللي بالفاصله


( د ) النسبة المئوية للطلاب الحاصلين على 94 فأقل :
الجواب 35 %

ناخذ نسبتهم × 100 = 35 %


طيب ليش 100 ؟ من فين جبنا 100 ؟
قلت لكم اول طالما انها نسبة مئويه دائما حتاخذ الـ 100

ملحوظة : بما ان السؤال مذكور فيه النسبه المئويه فـ نختار %

[حصه راشد]

س4 : الجدول المقابل يبين الجدول التكراري لأعمار عدد من الممرضات ( لأقرب سنة ) اللاتي تعملن
في أحد أقسام إحدى المستشفيات ، من هذا الجدول أجب على الأسئلة التالية :

الزاوية المركزية __ التكرار ( العدد ) f __ المتغير ( العمر ) x
72درجة __ 20 __ 20
36 درجة __ ؟ __ 25
؟ __ 30 __ 30
؟ __ ؟ __ 20

( أ ) عدد الممرضات ذات العمر 25 هو :
الجواب 10

طيب كيف اخترنا 10 وهو اصلا مجهول ؟
طبعا بالبداية ناخذ صف معلوم ، والمعلوم عندنا فالجدول اول صف
يعني : 72 ___ 20 و 36 ___ ؟ < مجهول
36 ×20 = 72 × ؟
10 = 72 / 36 × 20 = ؟ < بالحاسبة .
- ناخذ 20 × 36 = 720 ونقسم الناتج على 72 ويطلع لنا 10 وبس


( ب ) نفس اسلوب اللي قبل [ حاولوا تحلوها بنفسكم بدون ماتناظرون الحل ] .. م3 ، ص9 من المحتوى


( ج ) الزاوية المركزية المناظرة للعمر 35 هي ؟
الجواب : 144 درجه .

كيف ؟
هنا عندنا خانتين مجهوله اللي هي التكرار و الزاوية المركزيه ؟

سبق وعرفنا ان مجموع الزوايا المركزية = 360 درجة .
اذا نجمع الـ 72 + 36 + 108 + ؟ = 360
جمعناهم = 216 – 360 = 144 درجة


( د ) نفس اسلوب أ و ب < حاولوا تحلوه بنفسكم عشان تركزوا كثر .