بالنسبه للبنت اللي تقول محتاره بين الملك فيصل والابتعاث،، تعالي سألت التدقيق عن حالتك

[AmD92]

السلام عليكم

اذكر بنت هنا سألت عن الابتعاث هل تجازف وتسحب اوراقها ولا لا

اليوم رحت وسألت

وقبل مابدأ بس حاب اقولكم تعاملهم كان جدن جدن راقي ،، حبيتهم والله

طبعا بالبدايه روحتي للتدقيق كانت بس للإستفسار ،، حتى شهادة الثانويه الاصل ماكانت عندي ،،

لأاني حطيت ملفي في جامعة الملك فيصل طب ،،

المهم دخلت على مدير المركز سألته ، قلت ياغالي انا مقبول بجامعة الملك فيصل ، تضمن لي ابتعاث وتلبي لي رغباتي في التخصص والدوله ،، قالي لا

قلت كيف كذا وشسوي انا الحين ؟؟ ابي بعثه ومابي اضحي

قالي لو اختبرت الــ ietls وجبت فيه 5 او فوق اضمن لك كل اللي تبيه

دخل واحد بالعرض قال طيب انا اختبرت ielts وجبت فيه 6

في هاللحظه مدير المركز حط يده على صدره وقال :انا أضمن لك الابتعاث بالدوله اللي تبيها والتخصص اللي تبيه

وراح يقول للمسؤولين ياجماعه هذا لا يروح منكم لازم يتبعث


وقال درجاتك بالثانوي والقدرات والتحصيلي بمجرد انها تستوفي الشروط ،، وجايب في الـ ietls 5 او فوق ،، خلاص اضمن نفسك بأي مكان تبيه


لأانه الجامعه الاجنبيه اللي بتقدم لها ماراح تشوف شهادتك الثانوي او القدرات او التحصيلي لأانهم مايعترفون فيها اكيد ، بس يشوفونك جايب درجه عاليه بالــ ietls راح يدخلونك تخصصك اللي كتبته في استمارة القبول للدول الاجنبيه

واضاف مدير المركز قائلا :) : شباب اللي مقبول في جامعة بالسعوديه انصحه يجلس فيها ولا يجازف


واللي فهمته من كلامه ان اللي جايب 90 بالثانوي و70 بالقدرات و75 بالتحصيلي يعني كل درجاته ع الحفه بس جايب 5 او فوق بالـ ietls هذا يضمن الابتعاث في المكان والتخصص اللي يبيهم ،، ويفضلونه على اللي جاب 90 بالقدرات والتحصيلي والثانوي

اختبار الـ ietls هو اللي يحدد كل شئ


والله شئ يقهر ،، لو ادري كان اختبرت هالأختبار من بعد اختبارات الثانويه على طول

المهم وانا طالع عطاني ورقة تاجيل موعد التدقيق وأجلته الى يوم الاحد

وبشوف اذا بسحب اوراقي ولا لا والله مدري

موفقين جميعا

[اورجوان]

أنا اختي في بعثة تبغى تدرس ماجستير ..

لكن من شروط الدخول للجامعه بالدولة الي راحتها = استراليا

انها تجيب 6 و نص او 7 في اختبار الايلتس ..

غير ان صديقاتها و اللي معها يدرسون هناك .. منعوهم من دخول الجامعه لانهم يقولون

الاحقية لابنااء الدولة

لذالك ..

الي يبغى بعثه .. خل يختار الدولة االمناسبة و يكون حذر ..

موفقين

[Dr.ALa'a]

طيب أنه عندي سؤآل وشو هذآ الاختبآر وحتى اللي ببرنامج خآدم الحرمين للابتعآث يختبرونه

ومتى بالمقآبلة ؟

سوري بس حبيت استفسر !!

[اورجوان]

هذا اختبار يقيسون فيه لغتك الانجليزية

يشبه التوفل المشهور !

لكن اسمه ايلتس

فيه اختبار قراءة و استماع و كتابة و سبيكنق ..

[روح شفافة]

حبيت اعرف وين يجرى الاختبار وكيف طريقه الدخول له..؟

وفقتم..

[اورجوان]

[align=center]
فيه بالدمام و الرياض و جدة ..

تفضلي الروابط ..

لمعلومات اكثر عن مكان ومواعيد اختبار IELTS في الرياض من خلال الرابط التالي:

http://www.ielts.org/test_centre_search/results.aspx?TestCentreID=c0c3902a-3cd4-4dd0-8fc5-f9ef2dc7ec12

وهنا جدة:

http://www.ielts.org/test_centre_search/results.aspx?TestCentreID=0f93b6dc-a5f8-49a1-a136-6f3dddd7dd8b

وهنا المنطقة الشرقية:

http://www.ielts.org/test_centre_search/results.aspx?TestCentreID=db1f4071-8e74-48f5-bee9-15487cf88458

[/align]

[اورجوان]

طبعا هذا زي اختبار القياس => يدخلونه بفلوس

اختي توها سجلت بالرياض قيمة الاختبار

825 ريال

و في استراليا كانت تدخله بأغلى

310 او 320 دولار !

[AmD92]

^

الاختبار يجرى في القنصليه البريطانيه

بالخبر والرياض ومدينه ثانيه مدري ايش

رسوم الاختبار 850

وعلى حد علمي اقرب اختبار في نهاية شهر سيبتمبر

بس لو تجيبين فيه درجة 5 وفوق ،، مررا راح تفيدك بحياتك الجامعيه وكل شئ

اسأل ربي لك التوفيق

وعلميني اذا تبين اساعدك بطريقة التسجيل

للعلم ان التسجيل يجب ان يكون بحضور شخصي للقنصليه ،،

بس تعبين فورم معين وتروحين لهم

موفقه يختي

[AmD92]

اووه مانبهت لأرجوان ماقصرت شوفي عطتك كلل المعلومات اللي تحتاجين لها

ثاتكس رجووو << كيف الدلع متعوب عليه تري : )

[روح شفافة]

حبيبتي اروجوان..ماقصرتي كفيتي ووفيتي..

اخوي amd92..العفو ويعطيك ربي الف عاافيه..اذا احتجت شيء برجع لكم

مررره افدتوني

وفقتم لكل خير يااارب