احتاج مساعدتكم !

[سارون ..]

السلام عليكم ورحمة اله وبركاته ..

طبعاً انا فاششله بالمقدمات مدري كيف ابد كلامي المهم اقولكم اني كنت تعبانه حيل قبل اسبوعين وم حسيت اني الحمد لله بخير الا يوم الاثنين كنت مسويه جدول لكنت بديت يوم الاثنين طبعاً الجدول كل يوم اجلس على ماده وخلصت لحد اللحين 5مواد و مادتين السبت والاحد م امدى الحق عليهم واليوم السبت بفتح الماده حقته واللي م فتحتها قبل للاسف !

المهم بقولكككم انا تعبانه لان قبل مر علي ارتجاج قوي يعني قل تركيزي وانسى كثير واحس هالمواد بصعوبه خلصتهم 4 محاضرات والتمهيديه معهم وحل 4 مناقشات لكل ماده تعبتني حيل حيل وافكر اني اجتهد لكككن كيف كيف ابي طريقه سهله للاجتهاد والدراسه ابي معدل فوق ال4
لان اطمح ان شاء الله اكمل للماستر
الكورس الاول م كنت مجتهده بس ايام الامتحانات وقبلها باسبوعين لكن مااشاء الله معدلي فوق ال3تهقون لو اجتهد اجيب 4ونص وفوق ؟؟

برايكم كيف اجيب معدل حلو ابي طرق حلوه للمذاكره وتثبيت المعلومات ..
احتاج مساعدة اللي معدلاتهم عاليه المستوى الاول

وبسسس , لكم ودي واحترامي

[سارون ..]

اعذروني على بدلياتي والمربعات الفاضيه مو مني مدري من جهازي ولا من المنتدى نفسه

[هولمز]

وعليكم السلام ورحمة الله ..

ما شاء الله تبارك الله عليك وأنا خوك ,,

و أسلوبك مرة حلو ومثلك لسا مخلص حل المناقشات

وتركيزي منصب على الأقتصاد والمحاسبة ,,, وخل أقول لك الدراسة مثل الجري أو السباحة ,

طالما تتمرن بتركيز وأنتباه راح تستفيد مو في البداية لأن النتائج ماراح نحصلها إلى أخر المطاف ..

وسعي صدرك ومن حقك تفرحي بما حققتي لحد الأن ..

تقبلي طرحي وبالتوفيق

[DaShKa]

اول شي سلامات وقدامك العافيه
ثاني شي برأيي الخاص أن الدنيا حظ وخصوصا الدراسة
أنا اعرف ناس كثير ماعندهم سالفه ولايحبو الدراسه ومشو وتخرجو وتوضفوا
وناس مكافحة وتحب العلم وطوال فترة دراستهم من الأوائل ومن المتفوقين
وحاست بهم الدنيا حوس
ولا اخذوا منها لاطين ولا عجين

أحس الدراسة بالذات إذا ماعطيتيها وجه تمشي معك
تماما مثل بعض الناس

<<<<< كني قلبتها محاضرة

الزيده لاتشيلي هم وعلى حسب كلامك انك تعبانه وتركيزك ضعيف وجبتي اعلى من 3
ان شاء الله تقدري ترفعي من معدلك وباصرارك وعزيمتك
تقدري تتغلبي على كل شي

وزين انك حملتي
انا للحين ماحملت ولامحاضرة ولا مناقشه ولا شي
ولا عندي نيه
وبالنسبة لسؤاللك عن طريقه فالمذاكره : فمثل حالتك
برأيي استمري على نفس طريقتك الترم اللي راح
والاشيا اللي كنتي مقصرة فيها شدي حيلك فيها

وفالنا جميعا التوفيق

[شموع العسيري]

صراااااحه ماااعرف وش أقوول
بس شدي حيلك وخذي بنصااائح الأعضاااء
وفاالك التوفيق
أهم شي ههههههههههههههههههه زي بعض الناس أعجبتني

[اغصان الشمال]

سلامات ماتشوفين شر والله يوفقك ويسهل عليك كل امورك

[سارون ..]

**

خلصت الماده حقت السبت يعني خلصت 6 مواد وبفتح اليوم ال7 ولله الحمد ‘
وزين مانزلوا هالاسبوع محاضرات لكن ي خوفي يضغطونا وينزلون اكثر من 2 مع بعض !
نظام : ( اما حبى ولا برك)
قررت بعد كل 5 محاضرات اذاكر مذاكره جديه
كأن علي امتحانات يعني احفظ واخطط
واطلع على اسئلة الاعوام السابقه ..


* من جد وجد ومن زرع حصد
كلنا قدها وقدود وم فيه شي اسمه حظ
فيه نصيب وفيها ارزاق *
( على نياتكم ترزقون )


يعني حلو لو ندرس ونخلي العلم لوجه الله
حلو لو ناخذ شهادات بمعدلات عاليه ونفرح ونفّرح اللي ربّونا واللي يحبونا صح ولالا !

* تقبلوا فلسفتي

و يعطيكم العافيه فرد فرد والله يسلمكم من الشر ويوفقكم *

[شموع العسيري]

ياقلبي لاتذاكرين من النظام عشان لاتنضغطين انا كنت أذاكر من النظام بس فوفه الله يسعدها قالت ذاكري من اليوتيوب وبعدين قبل مايقفل النظام حلي الواجبات والمناقشات وحملي المحاضرات وحملي المحتوى يعني يبغالك تجلسين يومين بس و إن شاء الله تخلصين تحميل وحل

[DaShKa]

فيه شي اسمه حظ


ولو هو مو موجود كان ماذكر في القران:

:{وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ }فصلت35
وايضا : {فَخَرَجَ عَلَى قَوْمِهِ فِي زِينَتِهِ قَالَ الَّذِينَ يُرِيدُونَ الْحَيَاةَ الدُّنيَا يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ }القصص79

لذلك لابد من الرضا بالقدر فان كان ذكر كلمة الحظ من باب اثبات القدر فلا بأس لكن ان كان من باب السخط فهذا من قلة الإيمان و الله أعلم

[أمنية أحمد]

المشاركة الأصلية كتبت بواسطة سارون ..

**

خلصت الماده حقت السبت يعني خلصت 6 مواد وبفتح اليوم ال7 ولله الحمد ‘
وزين مانزلوا هالاسبوع محاضرات لكن ي خوفي يضغطونا وينزلون اكثر من 2 مع بعض !
نظام : ( اما حبى ولا برك)
قررت بعد كل 5 محاضرات اذاكر مذاكره جديه
كأن علي امتحانات يعني احفظ واخطط
واطلع على اسئلة الاعوام السابقه ..

* من جد وجد ومن زرع حصد
كلنا قدها وقدود وم فيه شي اسمه حظ
فيه نصيب وفيها ارزاق *
( على نياتكم ترزقون )

يعني حلو لو ندرس ونخلي العلم لوجه الله
حلو لو ناخذ شهادات بمعدلات عاليه ونفرح ونفّرح اللي ربّونا واللي يحبونا صح ولالا !

* تقبلوا فلسفتي

و يعطيكم العافيه فرد فرد والله يسلمكم من الشر ويوفقكم *

طريقتك حلوة راح أعمل مثلك
بالتوفيق عزيزتي