طفشت ♂▬,♣

[Lion Heart]

أنا تعبت يااااااااااشباب
وصرت أكلم الجدران
من رفعة الضغط ولا عرفت أذاكر وعندي في الكمبيوتر أكثر من 600ملف المهمممممممممممم
أبي طريقة للمذاكرة واللي يقدر يساعدني يرسل لي رسالة خاصة ومستعد أعطيه ايميلي

[,, لحظة لقاك ,,]

عشان تترتب افكارك امسك ماده وذاكرها من المحتوى + المحاضره وارجع للأسئله وحاول تحدد المحتوى وتلخصه بالصفحه المقابله له واذا خلصت منها خذ الماده الثانيه وكذاا....

[يـآرب توفـيـقكـ]

هذا موضوع حافظته عندي من المستوى الأول لكن غلطت وماكتبت اسم الكاتب عندي

آتمنى يفيدك

وياليت لو صاحبه مر وشاف ردي ينزل رابط موضوعه



السلام عليكم ورحمة الله وبركاتة ,,

هذا أول موضوع لي معكم في الملتقى ,,

وهو عباره عن طريقة اتمنى انها تساعدكم في كيفية التغلب على دراستنا الي هي الانتساب المطور ,,

اتوقع ان معظمكم مثلي موظف ووقته صعب التحكم فيه لكن ,, احب اشاركم بطريقتي واتمنى تجربوها اسبوع ,, ولا زلنا في البدايه ولا ابيكم بكره تتراكم عليكم المواد وتصيروا كذا

الطريقة بكل سهوله .. صعبه

ولا تنفع مع الكسوووول مع احترامي الشخصي له .. وترا الكسول ما تنفع له ولا طريقه
وقسم بالله لو تجرب هالطريقة اسبوع بس ,, راح تدعي لي ,,


الطريقه ..:
1- يومياً ساعتين لماده محدده .. جدول ظروري .. ولازم كل اللي في البيت يعرفوا ان عبسي أو لينا << اسمائكم طبعاًهذا في هالوقت عنده دراسه لااحد يقاطعه ولا يزعجه ولا هوب ناقص قلق ,, ..

ماذا يحدث في هالساعتين ..
غلطكم كلكم وغلطتي في الترم السابق , . ووالله اني احذركم من هالغلطه ,, الي هي:

الانترنت بحر ,, أعرف انك اذا دخلت الانترنت في هالساعتين بس للمحاضره (( للماده الي انت داخل على شانها )) فقط هالساعتين مو للمنتدى ولا لليوتيوب ولالفلكر ولا للفيس بوك ,, هذي للمحاضره او للماده ,, اذا خلصت منها عاد ادشر فيالانترنت بكيفك<< ماقلت شي

2- شغلت الجهاز وفتحت البلاكبورد ,, يجب ان يكون معك أقلام (( احمرازرق أخضرأسود )) وقلم رصاص .. وطبعاً دفتر ابو 200 لكل ماده ,,
أنصحكم بطاولة كمبيوتر فيها مسافه للكتابه ,, وبسماعة اذن اثناء سماع المحاضره ,,

أفتح المحاضره .. خل الدكتور يتكلم في النقطه الي هو يتكلم عنها ,, أفهمها (( لا تكتب و الدكتور يشرح )) افهم الي يقوله ... اذا فهمتها وقف المحاضره بضغط على الي يوقف المحاضره ,, اكتب الي فهمته الحين ,, وانت تكتب حاول تحط بالالوان مثل العناوين المواضيع الرئيسيه بلون و المحتوى بلون ثاني وهكذا .. اذا ما فهمته رجع المحاضره لبداية النقطه الي تكلم منها الدكتور ,, وبعد ما تفهمها اكتب الي فهمته .. تعريف .. طرق .. خصائص ,, الززي منووو

اذا خلصت المحاضره ,, استرخي على اي كنبه خمس دقائق ,, ارجع اقراء الي كتبته ,,
^
^^
لعيال النعمه استرخي على كنبه والي مثل حالتي طبطح في المقلط

خلصت من محاضرة اليوم ,,

[,, لحظة لقاك ,,]

نفس طريقتي بالضبببببببببببط ماعدا عدد الساعات انا امسك كل يوم ماده واجلس عليها اطول فتره ممكنه يقدر عقلي يستوعبها..

[الفراوله 1]

ربي يسعدك يارب توفيقك

[هيـــثم]

الله يعين

[Lion Heart]

[align=center]
مشكوريييين لكم
انا الي تاعبني الوقت دوام اجتماع
شباب وتحس الوقت ضيق
كلشي موفر اجهزه طابعات قلبت امممم البيت مكتبات العبيكان ههههه
معاد الوقت
ابخذ بطريقت يارب توفيقك
واقلبها تسداح في المقلط والصاله والمطبخ والله يوفقنىاجميعا
[/align]

[أسعـد أنسانه]

الله يعييييين يااررب
و يووفق الجمييع

[الوحيدهـ*]

قلل من جمعة الشباب واختصر الوقت
والملفات وش تسوي بها
تجي تفتح لك مجلد باسم مجلد الجامعه داخل المجلد سبع مجلدات
وكل مجلد باسم ماده
وكل ثلاث ايام حدد وخطط لك ماده او اقراها
وبعد كل ثلاث ايام ابدا بالقراءه في الماده الاخرى
وحتى تخلص السبع مواد
ثم ارجع ذاكرها
وثم ارجع للجزئيه الثانيه السبع المحاضرات الاخرى
وتخلص
عندك الصحه واللياقه يا عزيزي كامله ذاكرها
وراجع الاسئله
الاحصاء والانجليزي اخر شيئ
وبعد كذا تتنظم امورك
ويا اخي التنظيم للوقت يساعدك كثيير
وخلي عندك اولويات في حياتك دائما اول شيئ نفسك
وش تقول باللي متزوجين وعندهم عيال وموظفين وبالجامعه معنا هنا
الله يوفق الجميع