[ جميع التخصصات ] : ارجوكم بحق هالشهر انقذوني ولكم دعوة من القلب

[بنت الثانوي]

السلام عليكم حبايبي

انا عندي مشكلة مع كلية الاداب وحياتي كلها متوقفة عليها ارجوكم انقذوني
يمكن انا مو فاهمه شي ’’

بكتب لكم قصتي من البداية للنهاية

انا درست سنه وحدة في كلية الاداب . خلال هالترمين اللي درستهم مانجحت الا في مادتين فقط وبقية المواد حملتهم (( يعني معدّلي نازل اقل من 2 ))

بعد هالسنة قدّمت تأجيل ( ايقاف قيد ) وسويت الاجراءات كل شي ,, ورحت للكلية دخلت المكتب وقلت للمشفة كذا وكذا وسوت لي كل شي قالت لي اوكي خلاص الان انتي توقّف قيدك ,,, حلوو يعني خلاص ماعاد احتاج اني ارجع من جديد ولا شي ..

ومرت سنه كاملة وانا موقف قيدي .. السنه اللي بعدها رحت لهم قبل بداية الدوامات باسبوعين عشان اعيد القيد واكمل ادرس .. الا كل شوي تطلع لي بحجة انك منقطعة ,, قلت كيف منقطعة وانا مأجلة رسمي من خلال الموقع وجيت لحد عندكم ,,وسالتني عن كيف أجلت وقلت لها كذا وكذا .. قالت لي ايقاف القيد عندنا كل ترم لحاله .. مايجي ايقاف قيد سنه كاملة قلت لها ما ادري محد قالي هالكلام لما جيت وش الحل قالت الحين مايفيد تقفل اعادة القيد مالك الا ترسلين للمشرف وقلت لها ما اعرف انتي سوي لي قالت اوك وانتظري رد وماجاني قبول
وبقيت اطارد على هالموضوع من قبل الدراسة باسبوعين الى بعد الدراسة باسبوعين (( يعني مطاردتي صارت لها شهر كامل وبلا جدوى
وراحت علي سنه ع الفاضي

رجعت لهم السنه اللي بعدها اللي هي هذي السنه وقلت لهم كذا كذا كذا ..

واتفاجأ انها تقولي انتي منقطعة مالك عودة نهائياً كيف و ليه وشلون
قالت هذا الكلام ان مالك عودة وتسحبين ملفك
حاولت بشتى الطرق قالت مافيه ابد



وش السواة تكفون فيدوني وربي بموت قهر ضاعت علي سنتين على الفاضي


ارجوكم ارجوكم فيدوني ولكم دعوة من القلب صااااادققققققققة:C ry111:

[R.R]

كان ودي اساعدك
بس والله ما اعرف حل لمشكلتك ، خلي أحد يروح قسم الرجال اكيد يردون عليكم
الكلية عندنا بس يصرفون ما عندهم سالفه ويطلعونك انتي الغلطانه ، خلي أحد يروح قسم الرجال ويشوف ايش يصير
اهدي حبيبتي ، ان شاءالله يارب تكملين ، طمنيني ايش يصير معك
ما حبيت اطلع من الموضوع وانا ما رديت

الله يوفقك يارب ويسهل عليك

[بنت الثانوي]

المشاركة الأصلية كتبت بواسطة r.r

كان ودي اساعدك
بس والله ما اعرف حل لمشكلتك ، خلي أحد يروح قسم الرجال اكيد يردون عليكم
الكلية عندنا بس يصرفون ما عندهم سالفه ويطلعونك انتي الغلطانه ، خلي أحد يروح قسم الرجال ويشوف ايش يصير
اهدي حبيبتي ، ان شاءالله يارب تكملين ، طمنيني ايش يصير معك
ما حبيت اطلع من الموضوع وانا ما رديت

الله يوفقك يارب ويسهل عليك

اميييين يارب الله يسمع منك من فمك لباب السممااا يارب
المشكلة ماعندي احد عشان يروح لهم قسم الرجال

[R.R]

طيب راسليهم ع الأيميل
او ادخلي تويتر وراسلي عبد الرحمن الخالدي هو يشتغل قسم الرجال
عندك اكثر من طريقة عشان تراسلينهم

جربي سوي كل شي لا تسكتين

[آنسه مشاكل]

الله يعينك والله مسألتك صعبه اتمنى تنحل لك

اهم شي لا تسكتين , ان خربوها معك روحي للعميده بكبرها او سكرتيرتها وشوفي وقت تدخلك ع العميده

ولا كلمي قسم الرجال وخليهم يحلون مشكلتك

وطمنينا عليك ..

[بنت الثانوي]

مع الاسف

انتهت التتيجة بأني سحبت ملفي وكل شي تقفل
اذعو لي بالتوفيق في جامعة اخرى

[R.R]

الخيره فيما اختاره الله ، الحمدالله على كل حال
جربي تقدمين عن بعد ! الحين هو مفتوح

او جامعة فيصل

بالتوفيق

[Šãdêęm]

سبحان الله أختي ماتدرين الخيرة وينها فيه .. الي صار لك هذا خيره
والخيره فيما اختاره الله ، صدقيني يمكن تتوفقين بجامعه ثانيه وتحققين الي ببالك
وعسى ان تكرهو شيئاً وهو خير لكم ..

ونصيحه لگ ولجميع البنات مش بس بالامور الجامعية آي شيء تدخلونه او تدرسون فيه
لازم تعرفون كل قوانينه وتفهمونها استفسروا عن كل شيء .. لاني انصدم من بنات سنه ثاني وثالث
فيه أنظمه مايعرفونها أو يحكون لي عن أخطاء كبيرة صارت بسبب جهلهم لأنظمه أو قوانين الجامعه
من عدد ساعات من متطلبات من شؤون خريجات من انذارات معدل كل شيء

بالتوفيق لك و للجميع ..

[سارةةة]

الله يوفقك وان شاء الله تنقبلين لكن حاولي تستفسرين أكثر ممكن في خطأ عندهم وراجعيهم