شرح الجدول الخاص بالكلية للطلاب الجدد

[كـحـ][ـيـلآن]

مساكم الله بالخير والرضا

ويالله حيهم

تو مااسفرت وانورت واستهلت وامطرت

والزينة حضرت >> سلامات خخخخخخخخ

المهم يالربع لزوم نبلغ الشيخ بالسالفه


السالفه ومافيها حبيت اضيف صوره شرح للجدول بسيطه جدا جدا ويمكن انها تفيدكم

وكل الشكر لاخوي NiGHT WOLF انه وضح الجدول بالتفصيل الممل وبيض الله وجهه

وانا حبيت اضيف لشرحه هالصوره وان شاء الله تفيدكم

المشاركة الأصلية كتبت بواسطة NiGhT wOlF

الجدول سهل ان شاء الله ومايحتاج اي شي

راح اعطيكم الشرح بشكل سريع

طبعا الجدول مقسم وراح ابدأ معكم من اليسار الى اليمين

1-رمز المادة >>>>> رمز المقرر وملكم شغل فيه.
2- اسم المقرر >>> اسم للمادة اللي راح تدرسها.
3- الساعات المعتمدة Cr >>>> وهذه للمعدل يعني كلما كانت عدد الساعات المعتمدة كبيرة كلما كانت ثقل المادة وتأثيرها على المعدل كبير يعني تجيب درجة زينة معدلك تشوفه فوق والعكس صحيح والسنة التحضيرية اللغة الانجليزية لازم تهتمون بها اما بقية المواد تأثيرها خفيف جدا ولكن مو معناه تهمل فيها
4- الساعات الفعلية Ct >>>> وهذه عدد الساعات الفعليه اللي راح تدرسها للاسبوع الواحد مثلا 25 ساعة لمقرر اللغة الانجليزية في الاسبوع وهكذا
5- الشعبة Sc >>>> وهذه رقم الشعبة اللي تنتمي لها وتم تقسيمها عليكم بناءا على درجاتكم في اختبار اللغة ( تحديد المستوى) وافضل شعبة اللي تبتدأ بالرقم 1 والارقام متسلسلة و طبعا في التدريس ماراح يكون فيه فرق بين الشعب لكن هذا الاجراء هو لمصلحة الطالب يعني يجمعون الطلاب نفس المستوى في كلاس واحد
6- المحاضرة >>>> عملي ( Practical) او نظري (Theoretical) هل هي Grammer او Skills وانت رايح واهم شي او يوم تاخذ معاك كتاب القرامر الاحمر و Book1 الازرق
7- اوقات المحاضرة >>>> يعني البعض عنده 1،2 والبعض 3،4 ...... الخ وهذا يقصد به فترة المحاضرة انتم راح تشوفون جدول صغير في الاسفل على اليسار وهو جدول لبيان وقت المحاضرة مثلا 1 يعني الدوام الساعة 7 صباحا و2 يعني الثامنة صباحا ..... الخ
8- مكان المحاضرة Room >>>> للغة الانجليزية ELC وهذا مبنى اللغة الانجلزية وراح تحصلون جنبه رقم مثلا ELC 6 يعني مبنى اللغة الانجليزية غرفة رقم 6 ويمكن حاطين لكم Ground او Floor1 وهذا الدور اللي راح تشوف فيه الكلاس او الغرفة ارضي او الدور الاول والثاني اما بالنسبة لمادة Study Skills في المباني القديمة WING وهذا معناه جناح وراح تحصل مكتوب جنبه رقم مثلا Wing 1 room 145 يعني جناح واحد غرفة 145
9- اسم المحاضر >>>>> مدرس المادة اللي راح تدرسها

وتحت الجدول موجود اسم مدرس Advisor وهو المرشد الاكاديمي ولكل طالب مرشد اكاديمي يتابعه خلال سنوات دراسته في الكلية يعني اذا عندك استفسار او مشكلة روح له وهو راح يساعدك

اتمنى انكم فهمتوا واذا صار عندي وقت راح انزل جدول مع الشرح

تحياتي

[الزعيم121]

الحين نداوم على حسب الارقام الي بالجدول ولا الاوقات الي بالجدول الصغير انا ما فهمت لها يعني اشرحوها لي والله ما فهمت لاني اخاف اداوم حسب الي مكتوب مثلا 7,8 اداوم الساعه 7 يعني ولا وش

[عـزام الشمري]

9 هذه تمثل اوقات المحاضرة

1 معناه دوامك ( وقت المحاضرة) راح يبدأ الساعة 7
2 الساعة 8
3 الساعة 9
4 الساعة 10 ...........الخ

اتوقع شي مفهوم وماهو صعب واليوم الاول ماراح يكون فيه دراسة راح تحضرون محاضرة ارشادية في مسرح الكلية وبتعرفون كل شي ان شاء الله

[7Яķ@Ť]

الله يوفقكـ دنيا وآخرهـ
ومجهود جبآآآآآآآآآآآآآآآر
وتسلم يمينكـ يا شيخ

[abuziad]

عمل ابحاث باللغة الانجليزية فى جميع الموضوعات بتنسيق رووووعة

[عـزام الشمري]

للرفع

[ABDULMAJEED]

وعليكم السلام ورحمه الله وبركاتو ..

مشكور اخوي على الشرح الواضح والمفييد جدا =)

بس في حاجه بسييطه مافهمتها .. دحين لو كاتبين وقت الدوام 9 = فعلياً من الساعه 3 وربع حلوين ...

طيب 5,7 = كم ؟ لأنو مالها حاجه في الجدول بالضبط =)

واسف بس متنح شويتين

[عـزام الشمري]

7,5 يعني تداوم من الساعه 11 الى 12
وبعدين ترجع تداوم من 1:10 اللى 2 ظهرا

[ABDULMAJEED]

اهااااا D;

شوووكرررااا جزيلااًً

[عـزام الشمري]

العفوووووو


للرفع