سؤال متعبني لشبـــــاب وابغى جواب صريح رجاء

[english gairl]

صباح الخير

عندي سؤال لشباب مو عارفه له اجابه

واكيد البنات قاعدين يعانون منه




سمعوو قصة وحده اعرفها

مره دق جوالها برقم غريب هي بحكم تربيتها طنشته ولا ردت عليه
بعد محاولات عده ارسل لها مسج خلاصته ان يبغى من عند اخته خدمه هي لما قرأت المسج قالت هذا غلطان
لما دق مره ثانيه ردت عليه قالت له اخوي تراك غلطان وسكرررررت رد بمسج ثاني واعتدر بعد فتره رجع يدق مره ثانيه
وبــــــأصرار وهذا الكلام من قبل كم شهر والى الان وهو معلق مو راضي يفك عنها >>> الى هنا قصتها

ســؤالــــــــــي
لمــــــــا تشوفون بنت متربيه سمعتها واهلها فوق كل شي ليش تبون تخربونها
لا واللي يزيد الطين بله انكم عقب ما توهقونها وتنكشف تقولون اهي اللي جابته لنفسها لو تبي سمعتها ما ردت وحافضت على سمعتها ويصير الغلط كله عليها ليش ما سمعتوو بالمثل اللي يقول كثر الدق يفك اللحام
ولما يقولون لك تزوجها تقول انا ما اتزوج من وحده تكلم شباب ليش مو انت اللي اصريت على انها تكلمك ولا هي كانت بخير قبل لا تشوفك

يــاااااااا اخوان اتقوو الله فيناا حراام اللي قاعدين تسونه
زي ما احنا نحاول ما نلفت انتباهكم ونفتنكم هم انتو حاولو تبتعدون عنــا
تبون تغازلــــــــــون ترى البلد فيها خير من البنات اللي من نفس فئتكم
بس اتركووو البنات اللي مايبون حتى يسمعون اصواتكم

انا ما اتكلم عن الشبـــاب اللي همه يقضي حاجته ويمشي لانه شخص بلا ضمير ولا يهتم لاحد بلا احساس والاهم بلا اخلاق وانا اترفع عن اني اكلم هالطبقه من الناس
انا اتكلم عن الشباااب اللي عنده مبادئ عنده اخلاق يحس ويقيم وتفكيره اصح من الصح نفسه لكن مشكلته انه يغازل

اتمنى ان احد يجيب علي "" ليش اللي قاعدين تسونه هذاا خصوصا في البنات المتربيات "


سوري اذا كنت جرحت في احد بس انا اتكلم عن شي فعلا قاعد يصير

سلام

[محمد القحطاني]

عزيزيتي انقليش جيرل
انتي وضعتي اليد على الجرح
انا كرجل لن افكر في بنات الناس لانه
اول شي اخاف ربي> الهم جعلني ساتر للاعراض وليس منتهكا لها :praying:
ثانيا يقال بالمثل
من دق باب الناس دقو بابه
هناك فئه من الشباب معليش على الكلمه (حيوان همه كرشه وفرجه) بالعكس الحيوان اكرمكم الله افضل منه بجد ومعليش على بعض الالفاظ بس هذا الواقع
ناقص ديين اولا وقبل كل شي
ثاني شي مو متربي
انسان تافه
لربما بعضهم سكران
ومعليش بكون واقعي بزوود
لماذ البنت ترد على اي رقم غريب مهما كان
انا تعامل اخواتي كالاتي
رقم غريب تقول محمد تعال رقم غريب
ارد اذا بنت اقول مرحبا من تبيه او هي تبادر تقول جوال فلانه بكذا اعطيها وتحفظ الرقم علىطوول
لماذا البنت ترد حتى لو ارسل انا مريض وانا احتاجك باستشار هم يدخلون من طريق الاستضعافحتى يتمكنون
لذا قولي لاختك تذهب لاحد اخوانه يوقف المهزله ان كانو اخوانه غير متفاهمين وشكاكين
تذهب لحماة اعراض الناس الهيئه راح يعاقبونه ويربونه اذا ماتربى
معليش على الكلمات بس الواقع يفرض ذالك

[همي اشيل همك]

صحيح اختي كلام محمد الله يحفظه عين العقل ...

يعني هي لاترد ع الارقام الغريبه ,,,حركات الشباب لها اول مالها آآخر الله يحفظنا منهم ,,,

تكفين ياللي يحتاج خدمه !!!! << اتحدى ,,,,

والله ياليت الشباب اللي من هالنوع يتركون هالحركات ,,, ويتركون البنت في حالها سواء كانت متربيه او لاااا,,,,

,,,,,,,,,اجمل تحيه ,,,,,,,,,,,,

[彡 هانا ミ彡 مونتانا ミ]

مره دق جوالها برقم غريب هي بحكم تربيتها طنشته ولا ردت عليه
تقولون اهي اللي جابته لنفسها لو تبي سمعتها ما ردت

الحين ابي اعرف شي واحد بس
ليش البنت اللي ترد ع أرقام غريبه تقولون عنها
مو متربيه وقليلة أدب و.... و.... و.... ؟
مو بالضروره يكون اي رقم غريب شاب يعاكس
ليش ماتحطين ببالك لما تشوفين الرقم الغريب
انها تكون وحده من صديقاتك ماعندها رصيد
واستخدمت أقرب جوال عندها
وليش ماتقولين انو شخص غلطان فعلاً
بغض النظر إذا كان شاب أو بنت
أنا عن نفسي أرد وإذا طلع واحد فاضي اطنشه أو أقول لأخوي
مو ع طول أخلي اخوي يرد ع الناس
تقبلوا وجهة نظري ولو انها مخالفه لوجهات نظركم
وثانكيو للجميع

[محمد القحطاني]

معليش اخالفك صديقتك بترسل لك انا فلانه وهذا جوال امي ابوي جدتي عمتي اين كان اما تردي وتشوفي عادي بس ليش نخلي له فرصه يقول كلام معسول او يحاول يحسب البنت معه للهذره والحب وبالاخير وش بيصير غير ؟
لي عودة للحوار معك

[STUART LITTLE]

بالنسبه لي ..


اناا اقول ..



ليه ترد عليه اصلآ ..



امس وهي امي يوم يدق رقم غريب ماترد عليه تقولي تعال شوفه تعرفه اقولها لا خلاص انتهى الموضوع ماترد عليه ..

تقول ان كان حرمه بترسلهاا ررساله اناا فلانه ردي علي . وقتهاا امي ترد ..

تقدر تتجاهله .. وكثر الدق يفك اللحام في اختراع جديد .

روحي خليهاا تاخذ شريحه جديده وانتهى الموضوع ..

واذا بتقولن بخصوص الارقام كل رساله وحده وتحط رقمهاا الجديد ونتهى موضوع وكل الناس عرفوا رقمهاا الجديد ..


وفي بعد الاماره موجوده .. وشركه موبايلي ماقصرت حاطه في الرد الالي رقم مخصص للمزعجين واللي يسببون ازعااج ,

تقدر تعطيهم رقمه وهم يقطعون رقمه او يشوفون معااه صرفهـ ..


هذاا بالنسبه لي وراي شخصي ..

[彡 هانا ミ彡 مونتانا ミ]

اوكي أنا كنت كذا ماأرد الا إذا شفت مسج من البنت اللي تدق
بعدها حسيت السالفه تعقيد ماله داعي
المفروض الوحده ترد وتشوف
إذا طلع ولد صدقوني ماراح يتمادى
الا إذا شاف تقبل من البنت اللي قدامه
اما إذا حس انه قاط وجهه بينسحب ع طول وبدون مشاكل
حتى لو أزعج فتره بيمل من التطنيش ويذلف بنفسه

بس اللي مضايقني في الموضوع الإتهامات اللي تطلقونها ع البنت
بس عشانها ردت ع رقم غريب
تخلون سمعتها في الحضيض !!! هالكلام مايعجبني
البنت المتربيه تقدر تحافظ ع سمعتها حتى لو كانت في مجتمع مختلط


الخلاف لايفسد للود قضيه

[دنيتي قلبك]

أقوووول أنا مع راااي بو تركي وبو حميد

ما أرد وبالطقااق إن شاء الله أمي اللي دااقة من رقم غير


ترسل رسالة الله لا يهينها

..

[محمد القحطاني]

طيب ماقلت انه البنت مو متربيه لما ترد بس يقال بالامثال الباب الي يجيك منه ريح سده واستريح
وفي مثل بين الشباب كثر الدق يلين قلب البنت مهما كانت ليس تقيليلا من قدرهم لكن تفكير الشباب كذا انا بالنسبه لي
لو يدخل بيتهم ويبي يغتصبها تقدر تمنعه> هاذي نظرتي للبنات وخاصه بناتنا السعوديات لانه متربيات الا القله
بس الشباب تفكيرهم كثر الدق يلين قلب البنت

[همي اشيل همك]

عاشقة بريمو ^^

لا ياختي من جد ماله داعي البنت ترد ,,,,,, والله هو راااح يتمادى ويدخل في رسايل وازعاج له اول وماله آآآخر ,,,,

والله انا تجيني ارقااام غريبه ومااااأرد اذا بنت الله لايهينها ترسل تقول انا فلانه ,,,,, وتبشر بالخير,,,,,,,,

اما أني ارد ثم اطيح بواحد ينشب بحلقي ويزعجني وبعدها يمكن اضطر اغير رقمي عشان الازعاج ,, وانا ماأبي اغير رقمي ,,,,,,

من اولها اختصر السالفه قبل لاتطووول ,,,,,

اجما تحيه ,,,,,