بخصوص العذر وتغيير رقم الجوال ^^

[خجل الورد]

السلام عليكم

لو سمحتوا انا قدمت عذر طبي لتغيبي عن مادة التقنيه 1

من يوم الاختبار وللحين كل مادخلت على نتيجة العذر يكتب لم يتم تقديم عذر

واروح ابي اقدم من جديد يكتب اني مقدمه من قبل !!!!

فـ اللي عنده خبره بالعذر .. متى ينزلون انهم قبلوا العذر ؟؟




وبخصوص رقم جوالي .. انا غيرته وهم يرسلون لي على الجوال القديم .. كيف اغييره بالنظام ؟؟


الله يسعدكم

[دوحه غَنّاء]

بالنسبه للعذر ما ادري متى تطلع النتيجه
بس الي متأكده منه ان الماده رح تختبرينها المستوى القادم
واذا عذرك مقبول ما يحتاج تدفعين رسومها

فانتظري

اما جوالك من البانر سوي تحديث بيانات
بس اتوقع الآن النظام متوقف

[BREAKING_NEWS]

اختي خجل الورد انا نفس الشي يطلع معاي

[سعيد العيسى]

نقلا عن الشعيبي في طبلة اذني
دوحة اوكية بالنسبة للعذر سألته نفس سؤالك قال اذا اعطاك تم استلام طلبك
انت في السليم وبالنسبه للدفع انسي انك تدفعين ثانية الاختبار نهاية الترم القادم
والجوال احسن لك تكلمين الشعيبي 9 الصباح يفيدك على المضمون

[خجل الورد]

الله يعطيكم العافيه ويجزاكم خير


يعني اذا كتبوا تم استلام طلبك معناتها اقبلوا العذر ؟؟

طيب ليه مايكتبون مثلا جاري استلام طلبك .. واذا شافوه يكتبون تم الأستلام والموافقه او الرفض .. افضل كذا من المحاتاه

[دوحه غَنّاء]

شوفي قريت انه لازم تكون من جهه حكوميه او رسميه
يعني مستشفى حكومي او عمل رسمي


+

أخي الكريم خلني أوضح لك شغلة ..

أولاً /

سالفة انك معتذر عن الدراسة مالها شغل بغيابك عن الإمتحانات النهائية بعذر مقبول.

إذا انت غبت عن الإمتحانات النهائية ، والجامعة قبلت عذرك فتجي تمتحن موادك اللي غبت عنها وبدون ماتدفع رسوم ، متى تجي تمتحن ؟ في موعد الإمتحانات النهائية اللي موجودة في جدول الإختبارات النهائية ..

وكونك معتذر عن الدراسة معناتها إنك ماتدرس مواد هذا الفصل لكن مو معناته إنك ماتقدر تقدم الإختبارات اللي غبت عنها الفصل الماضي .

يعني كونك معتذر مالها شغل بتقديم الإمتحانات اللي انت غايب عنها .


ـــــــــــــــــــــــــــ


ثانياً /

درجات المشاركة في المواد اللي انت غبت عنها تم رصدها لك ..

يعني انت الان قدامك فقط الـ70 درجة اللي على الورقة .

لأن معنى ان الطالب يكون غايب عن الإمتحان النهائي ، إنه كان مواصل الدراسة ، بس جا وقت الإمتحان وغاب فبالتالي تنطبق عليه جميع الإجراءات الأكاديمية التي تطبق على الدارسين وقت الدراسة ..

لكن مين اللي تتاح له فرصة درجات المشاركة من جديد ؟

هو الطالب اللي رسب وسجل المادة مرة ثانية ..

يعني مثلا طالب رسب في 4 مواد ..

الفصل الجاي إذا اراد أنه يدرس المواد اللي رسب فيها ، يدفع رسومها ويدرسها ويحل واجباتها ويشارك في منتدى الحوار ويحمل المحاضرات والمحتوى ويحضر اللقاءات المباشرة من جديد وتتحسب له درجات مشاركة من جديد كأنه يدرس المادة لأول مرة .

أنت ما تسمى راسب ..

انت غايب عن الإمتحان النهائي بعذر .

فبالتالي درجات مشاركتك موجودة ومرصودة لك ، انت فقط اللي ناقص عندك هو درجة الإختبار النهائي .

تجي تمتحن المواد اللي غبت عنها بعذر في موعدها الذي تم تحديده في جدول الإختبارات النهائية .



ـــــــــــــــــــــــــ



ثالثاً /

الجامعة عندها قائمة بأعداد وأسماء والمعلومات التفصيلية للطلبة الذين تم قبول أعذار تغيبهم عن الإختبار النهائي ..

فتنزل لهم موادهم اللي غابو فيها على البلاك بورد ، عشان يذاكرون هالمواد هذي .

لأن الجامعة حاطة في اعتبارها إن قد يكون الطالب ما حمل كل المحاضرات للمواد اللي غاب عن امتحاناتها فبالتالي ما تبي تضيع عليه فرصة المذاكرة وتكون فرصة له انه يذاكر .




أتمنى إني أفدتك وسامحنا على القصور ..

منقول من الاخ (طالب منتسب) من منتديات النقاش

الجامعة موكلته بالرد على استفسارات الطلاب

[دوحه غَنّاء]

بالنسبه لتعديل البيانات
لقيت الصفحه

http://www.ckfu.org/vb/t194059.html

نزلته في موضوع علشان الكل يستفيد

[لووودي]

موفقين يارب ان شاء الله..