اللي يقول ماانظلم تعال انت وياه هنا

[nona22]

الحين اللي جالسين يقولون نشكر الاداره والعماده على انصافها لنا ومدري وشو

الحين انت وياه تشكرونها على اعطاها لكم الــ30 درجه كامله

طيب غيرك انت وهي مظلوم
أنا اخذت بمادة تقنية المعلومات 24 من 30 بدون وجه حق وانا مشاركه جميع المشاركات والمحاضرات المسجله والمباشره بأي حق حسمت مني


وغيرنا مافتح لا محاضرات ولا يدري عنها واخذ الـ30 كاملة

تقولون النظام مو ذنب العميد بنقول اوك الحين مرسله للنجار والشعيبي ايميل ومتصله على د. مصلح فوق 18 مره ولا يرد ويعطيني مشغول بعد

هذا وش نسميه تلاعب او ظلم او غش او تزييف وش نسميه ابغى اجابه للي يطبلون للنجار

حتى التظلم على الاختبارات محرومين منها ليه ؟؟؟؟؟؟؟؟؟؟؟؟؟؟؟؟؟؟؟؟

طيب دافعين فلوس انا مو ادرس عندهم بلاش علشان يحرموني من التظلم او ادفع لهم مره ثانيه

انا دافعه عن كل ماده مبلغ وقدره يعني اتظلم بفلوسي زي ماابغى

والنتائج ماتطلع الا بطلعة الروح وجامعة عزوز بعدها بيومين او 3ايام ان كثرت


اللي يدافع عن النجار يتكرم ويقوله طال عمرك اعط الطلاب وجه ورد عليهم انت والشعيبي ومصلح

على الجوال مو ايميل ولا فاكس لا وبعد الاتصال ترى علينا لايخافون مافي شيء على حسابهم

ارجوا من المشرفين مايحذفون الموضوع

علشان المظلوم ياخذ حقه واللي مجتهد مو زي اللي مايدري وين الله حاطه

ودرجاتي ترجع ماابغى غير حقي فقط

[farahq8]

الله يكون بعونك!!!بس رجاءا هدي شوي!!
لا تقعون بنفس مشكلة الدكتور غسان مع الدكتور النجار!!!
[align=justify] اتوقع ان جميع من دخل عالبلاك بورد من بدايه التيرم((دخل فقط وشارك علي الاقل في ماده واحده ولم يشارك في كل المواد)) أخذ 30كامله!!
والذي لم يفتح البلاك بورد الا قبل الاختبارات بقليل او اثناء الاختبارات او بعدها ،،،أخذ درجة مشاركه ناقصه!!![/align]

[nona22]

لا مو صحيح

اطلاقا هالكلام ان اللي شارك من اول اخذ درجه كامله ناس فتحت الواجب فقط وقبل الاختبارات واخذت درجات كامله كامله

اهدي شوي هذا درجات اختبار وفيها نجاح او رسوب مو بساهل انها تمر مرور الكرام

واللي بين غسان والنجار مالي علاقه فيه لامن قريب ولامن بعيد

انا ابغى درجاتي وحقي جهدي ليش يروح بسبب نظام

[كيف حالك]

ارسلي فاكس لمدير الجامعة بلي حصل لك وطالبي بحقك
هنا اللي جاته 30 وهو مادخل البلاك بورد خير شر راح يحبطك عشان خايف على درجاته .

[الراقي11]

نونا والله اني مثلك منقصيني بمواد انا متأكد منها ومنزل محاضرتها المباشرة والمسجلة بس الشكوى لله

[كيف حالك]

هذا فاكس مدير الجامعة ليه تتذمرون طالبو بحقكم من مدير الجامعة

هذا رقم الفاكس لمدير الجامعة ارسلو شكوى له

035801243

[nona22]

شكرا كيف الحال

الله يجزاك الجنه ويكثر من امثالك

والله الدعوه مستقبل والكل حريص على درجاته

[صمت الظلام]

إنشاء الله تأخذون الدرجة الكاملة

[B A N D R]

الله يكون بعونك


بس لاتسكتي عن حقك اذا متأكده

[عاشق الانجلش]

نونا اولا اللي يشكر الدكتور النجار يتكلم عن نفسه مايتكلم باسم الطلاب والطالبات
وبالنسبة للي تقولين ان بعضهم ماشارك واخذ درجات موصحيح انا عندي اصدقاي اكثر من عشرة كلهم اعرفهم مو نت وجامعة وبس لا اعرفهم عن قريب وكلهم اللي شارك اخذ حقه واللي ماشارك اخذ حقه بعد ومن حقك تطالبين بحقك اكييييييييييد لكن مالهم علاقة اللي شكروا الدكتور لان كل واحد يتكلم عن نفسه فقط وبعدين لاتحطين بذمتك شي ان في غيرك مافتح المحاضرات واخذ 30 كلامك هذا مستحيل احد مايفتح المحاضرات وياخذ الدرجة كاملة ابد وبعدين الطالب او الطالبة لو حس/ت انه مظلوم يدافع عن حقه هو بس مايدخل احد معه زي كلامك في ناس وفيه ناس ومن هالقبيل وماعليش لاتزعلي لان هذي الحقيقة.