 |
|
||||||
| منتدى ماقبل الجامعه والاستفسارات الأكاديمية العامة للطلاب المنتظمين استفسارات التسجيل في الجامعات والكليات و والاستفسارات الأكاديمية التي تخص الدراسة انتظام |
 |
|
|
أدوات الموضوع |
|
#1
2014- 5- 21
|
||||
|
||||
قبل القبول والتسجيل / نصائح خريجة من جامعة الملك فيصل إلى جميع خريجين و خريجات الثانويه
السلام عليكم ورحمة الله وبركاته  اسعد الله صباحكم / مساءكم  قبل كذا احب اعرفكم على نفسي << بدينا  لكن انصحكم تقرأون موضوعي مع كوب قهوه وعلى هدوء و روقان << ناوية تهرج هرجة تصدع الراس  أنا خرجية دفعة 2014 من جامعة الملك فيصل / كلية التربيه - تربية خاصه مسار الإعاقه العقليه بتقدير ممتاز ولله الحمد << اللي ناويه تدخل هالقسم تدرعم لي على الخاص وافيدها باللي تبيه  بما اني خريجة بقراطيسي بعلمكم كل حاجه ممكن تفيدكم من طقطق للسلام عليكم .gif "(269)") وبعلمكم ايش هي الاخطاء اللي ممكن تقعون فيها اثناء التسجيل في الجامعه و ترتيب الرغبات  طبعا من اصعب القرارات اللي مرت علي في حياتي وقتها كان هو : التسجيل في الجامعات واختيار الرغبات وترتيبها  كان جدا جدا صعب بحكم ان مافي احد يفيديني وينصحني وقتها وكنت اكبر اخواني  وكل ما سألت احد ما فادني كثير  بس كنت اعرف اصرف نفسي واحل الامور المعقده << وخروا عنها بس  ندخل في زبدة حكينا  بعد ما تخلص اختبارات , ريح بالك أسبوع بس ما تزيد ولا تنقص  وبعد ما تطلع نتيجة الثانوية العامه ونتائج قياس هِنا وقت الجد والعمل كل ما عليك طال عمرك تجيب دفتر ابو اربعين ورقه + قلم << ركزوا على دفتر مو ورقة .gif "(291)") طبعا انا قلت دفتر مو مذكرات الجوال .gif "(7)") << على كيفك هو  بس حقيقةً وعن تجربة شخصيه الافضل لك نفسيا الدفتر لانه يخليك تعبر عن مشاعرك مع قليلا من الرسوم العاطفيه الهامشيه << اخلصي بس  نجي للمهم اكتب في الصفحه الاولى من الدفتر عن طموحك .gif "(204)") ايش تبي تصير في المستقبل ؟  ايش هدفك من الحياه ؟ بعدها لو ما تحقق هدفك اللي كتبته  ايش ممكن تسوي خلكم مرنينين في هذي النقطه  وابدا ابدا لاتتعصبون على هدف وحلم واحد  عشان لو ما تحقق ما تتاثر نفسيتك كثير  اكتبوا ايش مخططاتك مشاريعك كل اللي تبي تسويه بعد الثانويه العامه لانكم لو كتبوا كل هذا , بتزيد ثقتكم في نفسكم وعشان تعرفون انتوا يش  لان اختيارك لحلمك وهدفك هو اللي بتبني عليه لان هذي هي النقطه الحقيقيه لدخولك في الحياه العمليه بعد ما كتبتوا كل شيء افتحوا على الصفحه اللي بعدها واكتبوا المعلومات هذي وحطوها في بالكم .gif "(119)") وبيصير الاعتماد واختيار وترتيب الرغبات عليها المعدل التراكمي : درجة التحصيلي : درجة القدرات : وبعدها احسب درجتك الموزونه وفي الغالب تكون 30%تراكمي + 30%تحصيلي + 40%قدرات = الدرجة الموزونه ليه اكتب كل هذي المعلومات !! انا اقولكم ليه  لان ترتيب رغباتكم بيعتمد عليها لنفرض مثال ان طلعت درجتك الموزونه 80% وانت تبغي طب طبعا بالحاله هذي تنسى انك تحط طب من ضمن الرغبات , < ليه !! لان 1- نسب الطب والكليات الصحيه غالبا ماتكون عاليه جدا جدا 2- بتقلل فرصك في القبول لان عدد الرغبات بتكون محدوده غالبا بتختار 7 رغبات بس انا بقولكم كيف تعرف وتخمن حظك في ترتيب الرغبات ؟؟ كل اللي عليكم انكم تشوفون اخر نسبة موزونه وقفت عليها الكليه في العام السابق طبعا ماراح تكون نفس النسبه وهذا يعتمد على شطارة الدفعه اللي انت متخرج معها عشآن يكون عندك فكره وما تحبط وتتحطم كثير وتضيع عليك فرص ^بس غالبا تكون في حدود هالنسبة مثل ما قلت في المثال السابق عن الطب^ << حوسة بس افهموها غصب .gif "(284)") بعد كذا اكتبوا الجامعات اللي انتوا ممكن تقدمون عليها << لا تنسون في الدفتر  ويفضل تسجلون في اكثر من جامعه مثل : جامعة الدمام - جامعة الملك فيصل - جامعة الملك سعود ......إلخ حطوا كل جامعه في صفحه << ابثرتنا مع الدفتر  وافتحوا على موقع كل جامعه وشوفوا ايش هي الكليات الموجوده والتخصصات واختاروا اللي تفضلونها وترغبون لها ورتبوها ترتيب حسب الافضل  وانتبهوا لهذي النقطه ( حسب الافضل والرغبه ) لان بعد كذا بتكون فيه ترقيات  مثال : لو انا رتبت رغباتي 1- كلية الطب 2- كلية الصيدله 3- كلية الهندسه 4- كلية الاداب 5- كلية التربيه 6- كلية العلوم 7- كلية المجتمع في الدفعه الاولى : نسبتي صارت عند العلوم في الدفعه الثانية تلقائيا صارت التربيه ممكن في الدفعه اللي بعدها توقف عن الاداب وماتوصل نسبتي عند الهندسه ولا الصيدله ولا الطب وانقبل في الاداب طبعا هِنا يصير اجباري اني ادرس في الاداب ومافيه اي مجال اني اغير رايي واقولهم خلاص ابي تربيه , ومن هالكلام فعشان كذا انتبهوا .gif "(157)") التعديل الأخير تم بواسطة راعية الكيف ; 2014- 5- 23 الساعة 06:24 PM 
|
|
2014- 5- 21
|
#2 |
|
مشرفة سابقة
|
رد: نصائح خريجة من جامعة الملك فيصل إلى جميع خريجين و خريجات الثانويه
كيف اعرف مواعيد التسجيل في الجامعات !! طبعا هذا الرابط ممكن يفيديكم http://www.ckfu.org/vb/registrationdates.php وانتبهوا لمواعيد التسجيل والبدء والانتهاء .gif "(118)") إذا انتهى التسجيل يعني راح عليكم  مافيه الا السنه الجايه حطوا بالكم على المواعيد واكتبوا في الدفتر الارقام السريه والبيانات اللي انتوا سجلتوا فيها عشان ما تنسونها << بتنجلد على هالدفتر بعد التسجيل , ايش اسوي !! كل اللي عليك تشوف مواعيد ظهور النتائج طلعت النتائج وما انقبلت !!  لو ما انقبلت مو معناها انهم ما قبلولك وتقلب الدنيا وتضيق فيك وتقول لعنبوها من جامعه بجلس بالبيت اصرف لي زكا ابي اكمل وادرس ومن هالكلام .gif "(281)") << ابدا ما تقصد نفسها .gif "(22)") في حاجه اسمها تنشيط  , تنشط ملفك  وتنتظر اسمك في الدفعات اللي بعدها ترا الدنيا لسا بخير والجو جميل .gif "(170)") << مدري وش دخل طلعت النتيجه وقبلوك لكن مو في نفس رغبتك الاولى !! كل اللي عليك طال عمرك تبارك لنفسك وتسلم ملفك وانت ساكت وفرحان .gif "(184)") وتنتظر ترقيتك في الدفعات الجايه .gif "(172)") ومو ضروري تكون حسب الرغبه الاولى ,, ممكن تكون الثانيه .gif "(96)") وعلى فكره في مواعيد محدده لتسليم الوثائق بتكون موجوده في ملفك طلعت النتيجه وقبلوك في رغبتك الاولى !! طبعا تطيرين طياره طياره وتسلم اوراقك والوثائق كامله  وتسوين حفله وترسلون لي بطاقة دعوة .gif "(314)") .gif "(64)") طلعت النتائج وكل الدفعات وكل شيء وما انقبلت !! مو اخر الدنيا ولا اخر الحظ فيه اشياء كثيره جدا جدا ممكن تسوينها وتشغلين وقتك وغلط غلط تتركين الدراسه والعلم عشان ما قبلوك صحيح بيضيق صدرك لما تشوف الكل حولك انقبلوا وانت لا 1- ممكن تسجيل السنه الجايه في الجامعه وتجرب حظك مره ثانيه 2- تسجل تعليم عن بعد 3- فيه كليات التقنيه والشريعه 4- فيه دبلومات حاسب ودورات انجليزي معتمده واشياء كثيره .... إلخ اي استفسارات او مشاورات عن التسجيل وترتيب الرغبات واختيارها .gif "(165)") لا يردكم الا لسانكم .gif "(210)") بكون متواجده وارد عليكم .gif "(90)") الصلاه ورضا الله والوالدين ودعائهم من اهم اسباب التوفيق والنجاح |
|
|
|
2014- 5- 21
|
#3 |
|
أكـاديـمـي
|
رد: نصائح خريجة من جامعة الملك فيصل إلى جميع خريجين و خريجات الثانويه
يعطيك العافية ع الموضوع استفدت منه واجد
بس عندي استفسار على الترقيات كيف نظامهم يعني ؟ يعني يطلع لي رغبة في الدفعة الاولى أنا ما أبغاها فأنتظر للدفعة الثانية احتمال تطلع رغبتي؟؟ .. لأن رغبتي الأولى هي الطب ..؟ استفسار ثاني : أنا راح أقدم على أكثر من جامعة ان شاء الله فلو طلع لي مثلا جامعة الملك عبد العزيز ثم انقبلت في الفيصل مثلا ايش أسوي في هالحالة وأنا رغبتي الأولى الفيصل طبعاً ؟ ومتى راح يبدأ التسجيل في الفيصل لان في جدول مواعيد التقديم الجامعة مش مدرج أسمها فيه ! |
|
|
|
2014- 5- 21
|
#4 |
|
أكـاديـمـي
|
رد: نصائح خريجة من جامعة الملك فيصل إلى جميع خريجين و خريجات الثانويه
سؤال اختي
انا قدمت السنه الي راحت بافيصل وما نقبلت :") طيب السنه هاذي انا عدت القدرات اذا باسجل ثاني با فيصل هل ارجع اسجل من جديد ولا تنشيط ملف على قولتك انا ابي ارجع ارتب الكليات لان ترتيبي العام كان فضيع وحاطه كل الكليات الي طالبه نسب عاليه في البدايه والكليات الي تاخذ نسبتي اخر شي :( واضن هذا سبب في اني ما نقبلت با الشواغر السؤال هل الملف ينحذف تلقائي بين كل سنه وسنه ولا بس انشطه زي ماقلتي علما اني ابي ارجع ارتب الكليات على حسب رغبتي ومشكوره |
|
|
|
2014- 5- 21
|
#5 | |
|
مشرفة سابقة
|
رد: نصائح خريجة من جامعة الملك فيصل إلى جميع خريجين و خريجات الثانويه
اقتباس:
بالنسبة للترقيات : طبعا إذا انقبلتي في الدفعه الاولى رغبه ما تبينها هِنا بتبدا مرحلة اتخاذ المصير اللامعلوم تسلمين اوراقك للجامعه وتنتظرين ترقيتك وممكن يرقونك على الرغبه الاولى ووممكن لا  بالنسبه للتقديم على اكثر من جامعه : فيه تضحيات لازم تسويها مثلا لو قدمتي على الجامعتين وطلع لك قبول في جامعة الملك عبدالعزيز ولسا نما انقبلتي في فيصل ومرحله تسليم الوثائق لها وقت معين في هذي الحاله فيه شوية مرمطه ممكن تقدمين اوراقك في جامعة الملك عبدالعزيز وبعد فتره طلع لك قبول في جامعة الملك فيصل وانتي تبين الجامعه الثانيه بس سلمتي اوراقك كل اللي عليك انك تروحين وتسحبين ملفك من الجامعه وتودينها لجامعة الملك فيصل بس لاحظي ان الجامعتين بعاد عن بعض وفترة التسليم قصيره وسحب الملف بعد التسليم تكون شخصيا بالنسبه لموعد التسجيل كل اللي عليك ان بعد التخرج تتابعين الموقع وتعرفين المواعيد لان لسا بدري على الموضوع هذا |
|
|
التعديل الأخير تم بواسطة راعية الكيف ; 2014- 5- 21 الساعة 04:55 PM |
||
|
|
|
2014- 5- 21
|
#6 | |
|
مشرفة سابقة
|
رد: نصائح خريجة من جامعة الملك فيصل إلى جميع خريجين و خريجات الثانويه
اقتباس:
اذا بتسجلين من جديد تسجلين كـ أي طالبه مستجده  مافيه تنشيط والمره هذي رتبي رغباتك بشكل يناسب درجتك الموزونه عشان تزداد فرصك للقبول
|
|
|
|
|
2014- 5- 22
|
#7 |
|
أكـاديـمـي
|
رد: نصائح خريجة من جامعة الملك فيصل إلى جميع خريجين و خريجات الثانويه
الله يعطيكِ الف عافيه أختي
معلومات ونصائح مهمة للمقبلين للجامعات، وموضوع محفز ومشوق. |
|
|
|
2014- 5- 22
|
#8 | |
|
أكـاديـمـي
|
رد: نصائح خريجة من جامعة الملك فيصل إلى جميع خريجين و خريجات الثانويه
اقتباس:
|
|
|
|
|
2014- 5- 24
|
#9 |
|
أكـاديـمـي مـشـارك
|
رد: نصائح خريجة من جامعة الملك فيصل إلى جميع خريجين و خريجات الثانويه
يعطيك الف عافيه يآ رآقيه على الموضوع المفيد لجميع خريجين هذه السنة
ان شاء الله الجميع يتطلع على هالموضوع قبل طرح استفسآره ويعطيك ربي الف عافيه + تثبيت |
|
|
|
2014- 5- 26
|
#10 |
|
أكـاديـمـي ذهـبـي
|
رد: نصائح خريجة من جامعة الملك فيصل إلى جميع خريجين و خريجات الثانويه
انا ابي اسجل بس نسيت كيف
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ صعوبات تعلم ] : غرفة مذاكرة لااعداد برامج تربوية لصعوبات التعلم | ام ريناد5816 | تربية خاصة 6 | 81 | 2014- 5- 20 02:57 PM |
| [ اسئلة مراجعة ] : مختصر وخلاصة المؤسسات الإجتماعية | اكاديمية | اجتماع 4 | 9 | 2014- 5- 19 01:37 PM |
