حـوار بـيـن البـنـات والشـبـاب هـــااام للمشــاركـه ..

[*"الحالمة"*]

حــور.. لأني امون بتحـرش فيييييك
مو ضــروري سؤال واحـد للطرفين!!
عــادي يجي واحد يسأل سؤال لحواء.
يكون:
سؤال لآدمـ,.
&
سؤال لحـواء.

بدل ماننتظــر احنا الحواءات يجون الأدوام يردون :t1: !!

*"مع خالص محبتي"*

[هايدي]

اهلين

يلا مريووووووووووم اذا اكتفيتي وبدك يتغير السؤال قولي؟؟؟؟

وبعدين يجي شاب ويحط سؤال اوكي

[كاتم العبرات]

خلصونا أدم عنده أسئلة يبغى يسألها

:praying::praying::praying:

إذا كتفيت مريووووووووم من الأجابات قولي بليزززز

[الحور]

طيب يا كاتم لا تستعجل ان شاء لله يجي دورك<<<:t5:

شكلي بخلي احد الاعضاء يجي قبلك يا كاتم ويحط سؤال

هههههههههههههههههههههههههههههه

لا انت تابع الموضوع اول بأول لان اذا انتهت مريوم

راح تتاح الفرصه للي يسبق ويبي يحط سؤال

[ba7rainia]

أصلا مافي الا انت ياكاتم اللي رديت على سؤالي

حور حبيبي.. سوري وقفت الأسئلة

أمري لله وراح أقول اكتفيت

مع ان ماشفنا الا راي وااحد بس يالله

كاتم.. الطريق سااااااااالكه

[كاتم العبرات]

:praying::praying::praying:



مشكورة أختي مريوووم


طيب عندي سؤال لي حواء



ليه حواء دايم داوم غيورة وشكاكة خاصة إذا كانت متزوجة


وبدون زعل و أتمنى المشاركة

[|..الندى..|]

:003:

أما سؤالك جى في وقت أنا أفكر في إجابة له قبل لاتسأل

مو أضحك على السؤال بس لأنه واقعي أشوي

:003: أحياناً الحب الزايد عن حده سبب الغيرة والشك

أنا أقول الوحدة تحب بس لاتغار حيل لأن الغيرة مع الزمن تولد الشك

أي صح الشك يخلي الزوج أو الأخ يسوي نفس اللي تقول له عنه من كثر الضغط عليه

:D أنا أقول الواحد يغار بحدود وإذا شك يخليه بقلبه أحسن له ولا بيسوي لنفسه مشاكل

هذا إجابتي

[أدمنت حبك]

عذراً على تأخري في العودة , بس تدرون رجل أعمال و الشغل إلى راسي ..

و على فكرة مساعة دخلت و كتبت رد على سؤال مريووم بس خبط الكمبيوبر قبل ما أعتمد المشاركة , و طقيته طق بقى ينكسر ..

بس أنتي يا مريووم الله يهديك حاطة أربع مهن في سؤال واحد ..

و خلونا نبدأ بالقضاء ..

آنا أشوف أن هالمهنة ما تصلح أبداً للمرأة لأن المرأة معروف عنها أنها عاطفية و مزاجها متقلب
أكثر من الرجل ,

أما بالنسبة للمهن الثانية , فأنا أؤيد عمل المرأة فيها , لكن بشرط أنه ما يؤثر على اهتمامها ببيتها و زوجها و عيالها ..

أما بالنسبة لما ذكره كاتم عن الإختلاط , فأكيد أن أي رجال في العالم يفضل أن زوجته ما تعمل في مكان فيه اختلاط , لكن إذا كان و لا بد - مثل ما يقولون - فـ ( ذاتس أوكاي ) ما عندي أي مانع لأني أصلا ما راح أتزوج إلا وحده أنا واثق من أخلاقها و إخلاصها لي ..

و عذراً مرة ثانية لأني قطعت سؤال كاتم ,, و يالله ردوا يا بنات لا تزعلونه ,,

( و يا عيني على الحور , صايرة مديرة الحوار ) ..


تحياتي : أدمنت حبكـ ..

[ba7rainia]

وهــــــــ فن جوابك أدمنت

بالنسبة لسؤالك ياكاتم : آنه أموووت من الغيييييييرة على حبيبي
اهو ماشاء الله حلوو.. يعني مابقول جميييل حده بس ينقال له حلوو
وواايد مهتم في نفسه ووايد بنات عينهم عليه
وهو واايد اجتماعي .. ومستعد يسولف مع الجميع

طيب... الكورس اللي فات كان عنده مادة هو تقريبا فااهم ومتمكن منهاا.. ووياه بنات بالسكشن ولا ملحقين شي

فراحوا له وقالوا له نبيك تشرح لنا

هو جاء وقال لي طبعا.. آنه قلت له مو مشكلة .. لأني واثقة فيه

طيب لاحظوا : قلت له مو مشكلة

ويوم شفته قاعد يدرسهم رحت له تضايقت وتنرفزت واتصلت فيه أصييح أقول له بسرعة خلص من عندهم وقوم تعال اقعد وياي

جاء يقول عسى ماشر.. قلت له لا.. بس ماهان علي أشوفك مع وحدة غيري مهما كانت طبيعة العلاقة

وخليته يوعدني انه ماراح يسوي هالشي..

وهذي ماكانت المرة الوحيدة لما يسألني أقول له اي.. وتالي أخانقه وأعصب

يقول والله انتو غريبين يالبنات الحين انتي تقولين عادي وبعدين تقعدين تصيحين

قلت له شووووف: مره ثانية لا تسألني .. على طول قول لا... ماأرضى.. والحين تعلّم من يقولون له يقول لهم المدام ماترضى

أو إذا كلش يقول لهم عندي شغل.. ماأقدر

يعني ماأدري شلون أقعد ليالي أفكر ليش أقول له اي.. آنه أقول له عادي وبعدين آنه اللي أزعل وأعصب وهو اللي يعتذر ويراضيني

اكتشفت السبب واللي ماكنت راضية أعترف فيه: أغااااااااااار عليييييييه.. وأمووووت من الغيييرة بس شسوي

هو بعد يغار ومايحب يشوفني أمشي مع أحد.. هذاك اليوم قاعدة مع نائب رئيس مجلس الطلبة نص ساعة وهو يدري ان حق شغل مو لعب وحسيته تنرفز مع انه ماتكلم

بس من وجهة نظري الواحد مايغار على شخص إلا إذا كان يحبه

الخلاصة الغيرة = الحب

وأتمنى أكون كفيت ووفيت

[*"الحالمة"*]

يب..
المشكــلة ان الإنسان اذا حب يســوي حركاااات موب طبيعية!!
اشوف احنا البنات
اذا وحـدة حبت شخص ماتبي حــد يشوفه ولا تبي حــد يكلمه ولا تبي أي شيي يقرب منه..
ليش.. الجواب سمبل لأنها مقنوونة فيه!
هذي مريوم أثبتت هالكلام.. وهـ ياحبي لس يابنت!

*"مع خالص محبتي"*