ڛڪر عٌيُوُنْڪ..*

[عاشقة H]

صباح الخير

طبعاً امس جاني اتصال من مدرسة ولدي خلعوني و انا بعدي ما اصحصح من نومي خلوني اصحصح غصب
الو السلام عليكم لو سمحتي اختي الطالب فلان ما جبتو اوراقه ولا كملتو الإجراءات و احنى رسلنا لكم رسايل طبعاً كل هذا الكلام بزمخه شوي معصب الاخ
قلت له اول شي ما وصلتني رسالة منكم
ثاني شي انا انتظر قروب انتظر اي شي عشان نعرف متى نجيب الأوراق
الاخ ما عجبه كلامي عطى الجوال واحد ثاني يكمل المكالمه
الدليل ان رقمي كان عدل و انا حاطته ف النظام عدل اتصالهم امس إلي خلاني طول اليوم انا اخلص شغله و انا من الاساس تعبانة
على طول كلمت عمتي تشتغل ادارية ف مدرسة السالفه كذا كذا كذا رسلت لي المطلوب و قالت بعد زين تسوي فيه لما رديتي عليه قهرني
و عرفت انهم رسلو رسايل للأمهات قبل تاريخ ١٠ محرم ع الواتس و انا المسكينة انتظر ما وصلني شي
بس قلت لزوجي اليوم لم تروح قول لهم ان سكت عنهم بعدين بعد بضيفونا بقروبات يحطو فيها الاطفال تطلع الساعه كم وما يصيفوني و يصير لولدي شي اسوي النون وما يعلمون مو جاي يزمخ على راسي جعل راس العدو البط
خسارة مدرسة اولاد لو بنات كان رحت هاوشتهم بعد التقصير منهم و يجو يعصبو و يزمخو و حالتهم حاله

[عاشقة H]

.الحين ايش معنى يزمخو ؟ ... قلبي اللي صار سنه أولى عقبال الدكتوراه يارب الله يبارك لك فيه وبأخواته يارب ..

يزمخو يعني يعصبو يرفعو صوتهم خزبقني باقي بس شوي و يطلع لي من الجوال

تسلمي ي عمري و يخلي لك الحلوين

[عاشقة H]

.الحين ايش معنى يزمخو ؟ ... قلبي اللي صار سنه أولى عقبال الدكتوراه يارب الله يبارك لك فيه وبأخواته يارب

يزمخ يعني يصارخ غير عصبيته البايخ قهرني لكن زوجي ما قصر فيه

الله يسمع منك يارب

[عاشقة H]

فيه فئه من الناس في هالدنيا ينطبق عليهم المثل (يعطي و يعاير)

السالفه كل ما طالت صارت تلوع الجبد

بس ما اقول الا حسبي الله ونعم الوكيل
الله ياخذ حقي منهم

[عاشقة H]

وأعنّا يا الله ، فأننا دُون رضاك وهُداك لا نقوَى الحيّاة*

صباح الخير

[عاشقة H]

دايماً عندي هالجملة( كل تأخيرة فيها خيرة)
تصير اشياء انا اكون متمنيتها تصير
فجأة يتغير كل شي تجي الحسرة او اتضايق و حتى الصياح عادي اصيح هههه بس ارجع اقول لو هالشي زين لي كان اكتمل بس الحمدالله كل تأخيرة فيها خيرة
ربي بيعوضني بشي احلى
هذي الكلمة تطفي كل شي فيني من زعل او من عصبية و حتى لو كنت اصيح اسكت ما كأن صاير شي

الحمدالله دائماً و ابداً

[عاشقة H]

كورونا وما ادراك ما كورونا

هذي كورونا ولا تفكك مفاصل و عظام
اكلت فيني لين قالت بس 😭😭😭😞

[عاشقة H]

تعب تعب تعب 😞😞😞

الحمدالله ي ربي الحمدالله

[عاشقة H]

الحمدالله خلصت فترة الحجر من يوم الاثنين
بس الكحة مو طبيعية و الآم المفاصل للحين و نستمر ع البندول لين نصير مصنع بندول

[عاشقة H]

الأوقات الصعبة .. هي أفضل كاشف عن جوهر البشر .. !!