[ مذاكرة جماعية ] : ▁ ▂ ▃ توجيهات ونصائح للمقبلين على مستوى ثالث ▁ ▂ ▃

[3zf aljro7]

[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu13763307621.jpg');"][CELL="filter:;"][ALIGN=center]

[ توجيهات للمقبلين لمستوى ثالث ]

السلام عليكم ورحمة الله وبركاته

اخواني واخواتي مستوى ثاني الناجحين والمقبلين على مستوى ثالث
اولا : بكره ان شاء الله بينزل التقويم الجديد حسب كلام عميدنا الموقر
مستوى 3 15 ساعة فقط فما يصير تجلسون ع 15 ساعة لازم تضيفون مواد من مستوى رابع
راح نتكلم الان على مواد مستوى ثالث بالبداية

.
.

مطالعات وقراءات لـ عبدالعزيز التركي
مادة جميلة جدا الاسئلة ابدا ما طلعت من المحتوى
جاب لنا قطعة مكونه من 3 مقاطع وعليها اسئلة
ماعنده لف ودوران اللي متابع مع الدكتور بياخذ a+ بسهولة
وهنا اسئلتنا تصوير زميلنا المنقذ دوما عابر

https://vb.ckfu.org/showthread.php?t=776449

.
.


الاخلاق الاسلامية لـ ابراهيم الجندان
ايضا مادة سهلة جدا وما تحتاجون اكثر من يومين ثلاثة مذاكرة ع الراحة
واذا بتشدون حيلكم بتخلصونها بيوم
طبعا منهجها جديد الدكتور اول مرة يدرسنا وفيه موضوع كامل جديد للمادة من اعدادي ابحثوا عنه يمكن تلاقونه طار بالرابعة او الثالثة
اسئلته كلها من المحتوى ما طلع ابدا
خياراته مباشرة جدا يعني مافيها اجابتين محتار فيها
وهنا اسئلتنا ايضا تصوير عابر
https://vb.ckfu.org/showthread.php?t=776735

.
.

استماع واستيعاب د. الن
المادة سهلة وحلوة
لكن .....
ما ابخوفكم بس الدكتور يحب يتلاعب بالاختبار
طلع ببعض الكلمات من المنهج بس سهلة حقيقة مو صعبة يعني ممكن اللي مطلع وعنده لغة يحلهم بالسهولة
القطعة نفس اللي بالمحتوى بس غير بعض الكلمات فيها يعني بالمختصر لا تحفظون القطعة
وهنا تلاقون اسئلتنا بس ما تنفع بدون تسجيل الصوت دبروا حالكم فيها
https://vb.ckfu.org/showthread.php?t=778267

.
.

التركيب اللغوي لـ عبدالله الفريدان
وما ادراكم ما عبدالله الفريدان
يتلاعب بالخيارات والأسئلة
المنهج يعتمد كثير على الأزمنة
طبعا هو شرحه بوادي واسئلته بوادي فاعتمدوا على انفسكم
اهم شيء تلمون بشكل كبير بالازمنة
ما اقدر اقول اسئلته من المنهج لانها كلها جمل من راسه بس الاختبار من سهل الى متوسط
اهم شيء ركزوا على اسئلتنا لانها مكررة من اللي قبلنا مع تغيير الامثلة والخيارات
وهذي اسئلتنا
https://vb.ckfu.org/showthread.php?t=779154

.
.


انشاء وتعبير لـ ابراهيم المحبوب
اجمل مادة مرت علينا
اسئلته مكررة مكررة مكررة من الاعوام السابقة
القطع جاب ثنتين لا تحفظون الخيارات افهموا القطعة
لانه جاب نفس القطعة السابقة بس غير الفراغات
اسئلة القرامر بالضبط نفس المحتوى مع تغيير الجملة
سهل سهل ماتاخذون يوم واحد في مذاكرته
وهنا اسئلتنا
https://vb.ckfu.org/showthread.php?t=780187

.
.

الانترنت والاتصالات لـ محمد الزهراني
ماطلع من المحتوى ابدا
اختبار سهل جدا مذاكرته ما بتاخذ اكثر من يوم
مكررة اسئلته من الاعوام السابقة
ما ااحد صور اسئلتنا بس هي مكررة من اللي قبلها
وحتى لو ما شفتوا اسئلة الاعوام الماضية اكتفوا بالمحتوى و a+ بالراحة

.
.
نصيحة مهمة:
انتهينا من ثالث
بيواجهكم خياريين من مستوى رابع
اما تضيفون حاضر العام الاسلامي
او مدخل الى اللغويات

- حاضر العالم يقولون اسئلته مكررة وسهلة مع ان المادة دسمة وطويلة وهذي اول يوم اختبارات يعني اذا بتاخذونها لا تضيعون الـ A
.
.
- مدخل الى اللغويات مادة دسمة جدا اللي بياخذها يذاكر من اول يوم محاضرة محاضرة لانها صعبة تحتاج حفظ تحتاج وقت طويل
قبلها مواد مافيها قبلها غير يوم واحد ما يمديكم تراجعونها
الدكتور جديد والمنهج جديد موجود مترجم كامل لزميلنا motchii ما قصر معنا وفيه كويزات شاملة للمادة
اتركوا الاختبارات السابقة واتركوا الملخصات والمراجعات السابقة ابدا لا تلتفتون لها
خليكم بالمحتوى حق الدكتور فقط أحمد الخطيب
الاسئلة مباشرة جدا, الخيارات متباعدة يعني على طول بتعرفون الخيار الصحيح
تقريبا من 7 الى 10 اسئلة من بين السطور عميقة
يعني لازم تذاكرون بذمة وضمير
دفعتنا اغلبهم قالوا متوسط
انا شفتها سهلة لأني اعطيتها حقها بالمذاكرة

اعملوا تصويت فيما بينكم لتتفقون ع المادة اللي بتاخذونها من رابع

.
.

كلمة اخيرة: لا تسمعون لاي احد يقول صعبة وابقدم تظلم وما الى ذلك
اللي ما ذاكر من البداية اكيد صعبة
اللي مذاكر اول باول ومتابع المحاضرات كاملة مع الدكتور كل الاختبارات سهلة
اعتمدوا على انفسكم ولا تجون اخر يوم تدورون على ملخصات واسئلة وشروحات
احضروا اول باول واسالوا من اول الترم من شان اللي فاهم يشرح للي مو فاهم

بالتوفيق لكم جميعا واتمنى لكم اجازة سعيدة
ونلتقي في الجنان ان شاء الله

..

[/ALIGN][/CELL][/TABLE1][/ALIGN]

[Lazorde]

شرح وافي وفعلا عطيتي كل دكتور وحقه
يعطيك العافيه وبودع باذن الله هذا المستوى من هذا المنبر
وفالكم النجاح يالدفعه الجديده

[asooola]

ماشاء الله يعطيك العافية يا عزف متألقة دوما ولك بصمة في كل مكان
بارك الله فيك واسعدك
نودع ثالث وننتقل لرابع باذن الله

[foufousweethear]

مشكور على الموضوع :)

[المهرة العنيدة]

يعطيك العافيه انا باخذ حاضر العالم الاسلامي بالاضافه الى التذوق

[rasila]

لا تسمعون لاي احد يقول صعبة وابقدم تظلم وما الى ذلك
اللي ما ذاكر من البداية اكيد صعبة

ليش مايسمعون مثل مدخل الى اللغويات الدكتور مايعرف يشرح ومادته دسمه وغثيثه مره وندمت اني سمعت الكلام واخذته بس ضغطت نفسي من اول الترم على الفاضي
والتراكيب اللغويه على يدك الدكتور مايعرف يشرح والمحتوى والاسئله غير
الصعب الكل بيقول عنه صعب والسهل الكل بيقول عنه سهل
مثل الاستيعاب بالنسبه لي سهله لكن غيري يشوفها صعبه هنا سار فيه اختلاف بالاراء
وكلنا اتفقنا على ان اختبار الانترنت والاتصالات سهل جدا
وعلى حكاية المذاكره اول باول الناس تحتلف عن بعضها وحده ربة بيت وماله شغله غير بيتها بس تختلف عن ربة بيت وموظفه اكيد مابيكون عنده وقت كبير يادوب ساعه اذا فضلت لها تذاكر باليوم
ووحدده مو متزوجه وماعندها وظيفه تختلف عن وحده مو متزوجه وعندها وظيفه والحالات كثير والي يتظلمون اكيد عندددهم اسبابهم محد يتظلم من فراغ الي احنا نشوفه سهل غيرنا يشوفه صعب والعكس تمام

[meme.aa]

يعطيك الف عافيه حبيبتي عزف
والله يوفقنا و يوفقهم يارب
نستودع الله مستوى الثالث و ننتقل للمستوى الرابع ..

[3zf aljro7]

المشاركة الأصلية كتبت بواسطة rasila

ليش مايسمعون مثل مدخل الى اللغويات الدكتور مايعرف يشرح ومادته دسمه وغثيثه مره وندمت اني سمعت الكلام واخذته بس ضغطت نفسي من اول الترم على الفاضي
والتراكيب اللغويه على يدك الدكتور مايعرف يشرح والمحتوى والاسئله غير
الصعب الكل بيقول عنه صعب والسهل الكل بيقول عنه سهل
مثل الاستيعاب بالنسبه لي سهله لكن غيري يشوفها صعبه هنا سار فيه اختلاف بالاراء
وكلنا اتفقنا على ان اختبار الانترنت والاتصالات سهل جدا
وعلى حكاية المذاكره اول باول الناس تحتلف عن بعضها وحده ربة بيت وماله شغله غير بيتها بس تختلف عن ربة بيت وموظفه اكيد مابيكون عنده وقت كبير يادوب ساعه اذا فضلت لها تذاكر باليوم
ووحدده مو متزوجه وماعندها وظيفه تختلف عن وحده مو متزوجه وعندها وظيفه والحالات كثير والي يتظلمون اكيد عندددهم اسبابهم محد يتظلم من فراغ الي احنا نشوفه سهل غيرنا يشوفه صعب والعكس تمام

من شان كذا اقول لا تسمعون لاحد يقول صعب

ظروف الناس تختلف عن بعضها انتي تشوفينه صعب لان ظروفك ما سمحت تذاكرين
الثاني شافه صعب لانه ذاكر متاخر
بكذا نخلق لهم جو من الخوف قد تكون ظروفهم افضل وقد يكونون فاضيين ولما الكل يخوفهم بالمادة صعبة ( لان ظروفهم ما تسمح ) ما بياخذون المادة
انا من الناس اللي قالوا لي مدخل لغويات صعب ودسمة وكثيرة لكن اخذتها لاني اعرف اني اقدر اخصص لها وقت عندي امكانية ارتب جدولي
انا ما قلت انها سهلة ونبهت في كلامي عند مدخل لغويات تراها صعبة وتحتاج وقت مضاعف والاسئلة لا تقل عن 10 كلها من بين السطور
فاللي مستعد يذاكرها ياخذها بغض النظر عن اراء الناس
واللي مو مستعد لا ياخذها

لكن لازم هنا ملاحظة اضيفها:
مدخل لغويات الثلاثاء
قواعد المنظومة الاثنين
المادتين صعبه وطويلة ودسمة
لازم اللي بيرتب جدوله يخطط عدل
اذا مو ماخذينها بثالث يرتبون وضعهم مضبوط برابع لان بيتعبون مع المادتين

[Student37]

كلام جميل عزف بارك الله فيك
ومعاك بكل كلمه قلتيها الناس قدرات وكل شخص يتصفح الماده قبل لا يضيفها ويشوف
لكن مافي اختلاف انو المستوى الثالث مواد كثيره وضغط
بالنسبه للاستماع الصعوبه في المراكز وتجهيزاتها ناس بدون سمعات والاجواء مزعجه وهي ماده معتمده على السمع
ومراكز وفرت سماعات خاصه بكل طالب واجواءمريحه وهاديه هنا بيكون الصعوبه والا الماده سهله غير الي اشتكو من المشرفات انهم ماعادو لهم التسجيل
والله يوفق الجميع يارب

[umrefal60]

المشاركة الأصلية كتبت بواسطة عزف

من شان كذا اقول لا تسمعون لاحد يقول صعب

ظروف الناس تختلف عن بعضها انتي تشوفينه صعب لان ظروفك ما سمحت تذاكرين
الثاني شافه صعب لانه ذاكر متاخر
بكذا نخلق لهم جو من الخوف قد تكون ظروفهم افضل وقد يكونون فاضيين ولما الكل يخوفهم بالمادة صعبة ( لان ظروفهم ما تسمح ) ما بياخذون المادة
انا من الناس اللي قالوا لي مدخل لغويات صعب ودسمة وكثيرة لكن اخذتها لاني اعرف اني اقدر اخصص لها وقت عندي امكانية ارتب جدولي
انا ما قلت انها سهلة ونبهت في كلامي عند مدخل لغويات تراها صعبة وتحتاج وقت مضاعف والاسئلة لا تقل عن 10 كلها من بين السطور
فاللي مستعد يذاكرها ياخذها بغض النظر عن اراء الناس
واللي مو مستعد لا ياخذها

لكن لازم هنا ملاحظة اضيفها:
مدخل لغويات الثلاثاء
قواعد المنظومة الاثنين
المادتين صعبه وطويلة ودسمة
لازم اللي بيرتب جدوله يخطط عدل
اذا مو ماخذينها بثالث يرتبون وضعهم مضبوط برابع لان بيتعبون مع المادتين

طيب انا ابغى اخد وحده من ها لمادتين للعلم عندي ماده من مستوى ثاني الا وهي مادة برامج الحاسب المكتبية

كيف اقدر اقرر أي وحده اختار عشان اضمن ما يتعارضوا مع أي مواد ثانيه بأيام الاختبارات

ادا ممكن احد يفيدني!!