:: دروس :: مجرد اقتراح وفكره (( دروس خصوصيه في اللغه الانجليزيه )) مارأيكم ؟؟

[F-fatimah]

بسم الله الرحمن الرحيم



السلام عليكم ورحمة الله وبركاته




مجرد فكره بودي اقترحها عليكم لو حصلت منكم تأييد واقبال ان شاء الله راح ابتدي فيها واذا ماودكم نقفل على الموضوع

ايش الفكره ؟

نفتح موضوع لشرح الانجليزي غير شرح الاخواات الله يجزاهم خير ويعطيهم العافيه وغير القروب للي حاب ياخذ دروس اضافيه باللغه يعني راح يكون الموضوع مثل المدرس الخصوصي هو تقريباُ نفس المنهج لان انتم عارفين الانجليزي لغه وكل لغه لها قواعد ثابته يعني لو شرحنا من أي مصدر راح تفهمون الملخص المعتمد والمحاضرات الاساسيه بإذن الله

جات على بالي الفكره بعد ماشفت انو كثير يعانون من هاذي الماده ومو ملحقين على الدكتور لانو يشرح اكثر من 6 قاعدات بمحاضره واحده وهذا صعب على البعض منا وبنفس الوقت مانبقى نلخبط الطلاب اللي ماشين مع محاضرات الدكتور والجامعه

ان شاء الله لو وافقتو بشرح لكم كل يوم حاجه وبعتمد على كتاب معين بنزل لكم صورته بالموضوع الخاص بالدروس للي حاب يشتريه في واحدة الله يذكرها بالخير نصحتني فيه واشتريته واستفدت منه كثير عندي الكتاب تقريباً من 4 سنوت المفرووض في هالاربع سنواات شديت على نفسي وتعلمت اللغه لكن الزوول اللي بداخلي وش اسووي فيه المهم ماعلينا الدروس نفس دروسنا لكن مو نفس الترتيب في بعض الدروس ممكن تكون اضافات لكن تنفعكم اثناء قراءة القطع وكذا وكمصطلحات اضافيه وايضاً ماراح انسى الاسئله لإختبر نفسك بإذن الله وابقى تفاعل مو فقط متابعه لانو التفاعل والمشاركه يساعدك على الفهم والترسيخ بالذهن

وعلى فكره لاتظنون اني بلبل انجليزي بالعكس ابقى اشرح عشان استفيد وافيد


بعض من الدروس التي ستطرح ان شاء الله :

1- قاعده تركيب الجمله
2- اقسام اللغه الانكليزيه
3- الضمائر بأنواعها
4- السؤال , النفي , الاستفهام
5- المحادثه الانكليزيه
6- صيغ المضارع والماضي ( البسيط , المستمر , التام , التام المستمر ) والمستقبل
7- المقارنات والتفضيل




ان شاء الله انو تدخل مزاجكم الفكره وابدأ فيها




بإنتظاركم

[Reem 2016]

رائعه الفكره يعطيك ألف عافيه

[هولمز]

فكرة رائعة ..

لكن هذا بيأخذ منك وقت فطوم ,, وأنتي زينا ملتزمة بمقررات وواجبات ومناقشات والفكرة الأصلية في دراسية

اللغة الأنجليزية كانت الصيف تكون فيه أترام وكورسات خاصة للغة ..

على العموم فكرة رائعة والله يقويك ,,

[هتان 2]

جميل بس انا ماخذت انجليزي هسمسترر ولا كان ودي اكوون معكمم

[F-fatimah]

الله يعافيكم

لاتشيل هم لو مااقدر عليه مااقترحت عليكم

شكراً لك هولمز


.....

[هولمز]

ok

عدني معاكم وفكرة أكثر من رائعة

[شرقيه وبس]

فكره رووووعه الله يقويك ويعطيك العافيه يااارب:

[F-fatimah]

انت الراس والاساس هولمز حياك الله

شرقيه الله يعافيك

الى الآن اربع اصواات راح اعتبر الردود واللايكات موافقه واحسب عدد الاصوات واذا وصلت الـ10 ببدأ ان شاء الله


موفقين



......

[مصطفى بزاته]

فطوم جهد ملموس وافكار ايجابيه من لا انجبت مثلك تراها عقيمه الله يسعدك يارب قووهيد

[EMAN.89]

بصراحه فكره حلوه مره

انا من زمان تاركه الانجلش واحس مخي مقفل من ناحيته

واتوقع مع هالدروس راح استفيد منها اذا كل مره بنتكلم عن شي معين

احسن من يتجمع كل شي بوقت الاختبار وخصوصا ان هالماده بالذات بتكون ورا اختبار الاقتصاد يعني مافي وقت

بس ربي يسهل ان شاء الله ونبتدي نذاكر اول باول

فطووومه جهودك واضحه بالمنتدى

وانا معاكم

اذا ماعليك امر ياليت ترسلين لي تنبيه لو بديتي بالدروس واكون شاكره لك

جزاك الله خير