 |
|
||||||
| E3 English Literature Students Level Three Forum |
 |
|
|
أدوات الموضوع |
|
#1
2013- 1- 1
|
||||
|
||||
|
الى اي واحد في قسم الانجليزي الكلام هذا والله صحيح
السلام عليكم ورحمه الله وبركاته
اخواني انا ابي ادخل بالموضوع على طول وهو قسم الانجليزي وانا شفت مواضيع كثيره عن ناس يفكرون في تغيير التخصص وانهم اتحطموا وان التخصص صعب وما ادري ايش ومن قالك ان الاقسام الثانيه سهله من شاف طلاب علم الاجتماع بعد الاختبار وان اغلبهم يقولون اذا هذي المبادي كيف بعدين المهم انا زوجتي مدرسه ثانوي وللأسف تخصصها مو انجليزي  تقولي والله العظيم ان فيه مدرسه انجليزي معها جهاز ينطق الكلمات ودايم تستخدمه وبعدين سألتها زوجتي وش قصه الجهاز هذا قالت لها انا والله داجه في الانجليزي وما اقدر امشي بدون هذا الجهاز  ولا يغرك اني مدرسه انجليزي بس والله يالله امشي عمري وفيه بنفس المدرسه مدرسه انجليزي ماخذه الاولى على الدفعه كلها وممتازه بالحيل لدرجه انهم طلبوها تصير مشرفه ورفضت وان كل مدرسات اللغه الانجليزيه يجون يسألونها ويستفسرون منها قلت لزوجتي بالله قولي لها كيف صارت ممتازه ودي اصير زيها ممتاز في الانجليزي قالت انها تجلس باليوم لا يقل عن 4 ساعات على القناه السعوديه الثانيه يعني كانت تسمع قد ماتقدر .الخلاصه انك ممكن تتخرج من قسم الانجليزي بس المهم انك راح تطلع مثل صاحبتنا ام جهاز ويالله تفك عمرك والا تصير مثل المميزه الي كلا يطلبها ويبيها تصير صديقه وتعمل معه يعني للمتشائم شد حيلك والجيد اجتهد اكثر تقبلوا تحياتي وبالتوفيق التعديل الأخير تم بواسطة almohab ; 2013- 1- 1 الساعة 09:26 AM |
|
2013- 1- 1
|
#2 |
|
متميزة في كلية ألأداب_قسم الأنجلش
|
رد: الى اي واحد في قسم الانجليزي الكلام هذا والله صحيح
صبحك بالخير
شكل مابه فاضي الا انا وانت  بالنسبه لكلامك صحيح السماع الكثير له دور كبير بتطوير اللغه اسمعوا الاخبار بالانجليزي وكمان القنوات الوثائقيه تعطيك مخزون لغوي هائل ولاننسى اهم بوينت اللي هو ممارسة اللغه حتى لو تسولف مع نفسك لو مالقيت احد تتكلم معاه يقولوا متى تعرف انك اتقنت اللغه وتشربتها خلاص ؟ اذا وصلت لمرحلة انو حتى تخيلك وتفكيرك يكون بالانجليزي وهالشي مايجي الا بالاستماع عود اذنك ع الانجليزي وتضبط امورك
|
|
2013- 1- 1
|
#3 |
|
أكـاديـمـي فـعّـال
|
رد: الى اي واحد في قسم الانجليزي الكلام هذا والله صحيح
شكرآ على النصيحه
الله يجزلك خير |
|
2013- 1- 1
|
#4 |
|
أكـاديـمـي
|
رد: الى اي واحد في قسم الانجليزي الكلام هذا والله صحيح
جزاك الله خير وكلام صحيح الممارسه اهم 
|
|
2013- 1- 1
|
#5 |
|
أكـاديـمـي ألـمـاسـي
|
رد: الى اي واحد في قسم الانجليزي الكلام هذا والله صحيح
اية هذا الجهاز عندي هو قاموس ناطق اسمة
اطلس  شريتة من جرير 1000 ريال بس ينطق الكلمة النطقس الصحيح وكانة لغتة الام  ياحبيبي نبغي الصعب احنا ونمووووووت علية بعد  لو تشوف دراسة تخصص الطب او جامعة البترول كل تخصصات دراسة بالانجلش مافي شي عربي  كان اعتبرت منهجنا هالسنة يطلع عند مناهجهم لعب عيال 
|
|
2013- 1- 1
|
#6 |
|
أكـاديـمـي فـعّـال
|
رد: الى اي واحد في قسم الانجليزي الكلام هذا والله صحيح
تصدقون هذا هو همي الوحيد ..
إني اتخرج بكالوريوس لغة انجليزية وانا مااعرف اتكلم انجليزي .. او اسمع واحد يتكلم انجليزي وماادري وش يقول .. طيب وش الحل في نظركم ..؟؟ |
|
2013- 1- 1
|
#7 | |
|
أكـاديـمـي فـعّـال
|
رد: الى اي واحد في قسم الانجليزي الكلام هذا والله صحيح
اقتباس:
مساكم الله بالخير انا حالي حال جاكي شان بس في تقدم ملحوظ صار لي على الانجليزي لدرجة اني ابديت اهرج كنت اول مابديت اسمع واسكت ولا ادري وش صاير وبعدها اقرا ولااعرف اترجم وبعد تطورت بي الحاله وصرت اسمع وافهم ولا اعرف اهرج انجلش اما الان مع دكتور المعاني والن وباقي الدكاتره لقفت كم كلمه اهرج فيهم وان شاء الله اصير بلبل في الانجليزي 
|
|
|
2013- 1- 1
|
#8 |
|
أكـاديـمـي فـضـي
|
رد: الى اي واحد في قسم الانجليزي الكلام هذا والله صحيح
في نقطه اشوفها بكل منتديات طلاب التعليم عن بعد وكان ودي من زمان اتكلم فيها بس استحيت وقلت الحين يقولون هذي مغروره وشايفه نفسها ويعلم الله ماابي الا مصلحتكم وانا مو مستفيده شي سواء تخرجتو بدرجات
عاليه او ناقصه بس نصيحه اخويه سالفه الترجمه للعربي هذي غلط ثم غلط ثم غلط .. ليش تترجم بالعربي؟ الكلمه الانجليزيه اللي ماتفهمونها ترجموها لانجليزي مبسط .. حاولو تشوفونها بمثال في جمله وجملتين وثلاث لين تفهمون معناها .. ترجمه الانجليزي للعربي هذي للاسف اللي دمرت طلاب السعوديه من ايام المدارس. ثانيا اللغه ممارسه ياجماعه الخير .. اللي اخذناه بالثلاث سمسترات هذي مع احترامي مايساعد بتاسيس لغه ولا هو يضيف لكم ولي اي شي .. وبالمستويات القادمه راح يكون التركيز على ادب انجليزي اكثر منه لغه. اذا ما الحل؟ الحل تحيطون نفسكم باللغه .. كتب التعليم الذاتي ( سيلف ستدي ) مليانه بمكاتب جرير والعبيكان وايضا كتب اخرى مو تعليم ذاتي لكن تنفع تكون تعليم ذاتي .. مواقع انترنت كثيره جدا تساعد على الدراسه .. واهم شي وانا اعتبره سبب إن شاء الله انكم تتفوقون باللغه هو سماع الراديو .. مثلا خواتي الطالبات بتغسلين الصحون مثلا قلنا مثلا .. استفيدي من تلفونك ونزلي ابب بي بي سي واسمعي البث المباشر .. اخوانيالطلبه مثلا قاعدين تلعبون فيفا 13  بعد قلنا مثلا .. اسمعو لاذاعات وانتو تلعبون .. او بما ان نص شعبنا عنده اجهزه ابلروحو على الاي تونز وبتلفون ملايين البودكاسات الانجليزيه .. اختارو الشي اللي يعجبكم .. رياضه او سياسه او فن او ضحك واسمعو البودكاسات اللي تتكلم عن مجال اهتماماتكم .. اللغه يااخوان عمرها ماتجي بالحفظ بل بحب اللغه والاستمراريه.  اعرف اني طولت .. بس هذا شي كان بقلبي من اول سمستر دخلت فيه الجامعه .. تحملوني.
|
|
2013- 1- 1
|
#9 |
|
أكـاديـمـي فـعّـال
|
رد: الى اي واحد في قسم الانجليزي الكلام هذا والله صحيح
شكر شكرا شكر كلام من القلب مفيد
الله يسعدك |
|
2013- 1- 1
|
#10 |
|
أكـاديـمـي مـشـارك
|
رد: الى اي واحد في قسم الانجليزي الكلام هذا والله صحيح
كلام جدا مفيد الله يعطيك العافية
 انا أحكي عن نفسي الان بمستوى 4 والله قدرتي باللغه الأنجليزيه ماتحسنت  كأني توني بالبدايه كله أقول ليه ماكون دافوره وأحفظ كلمات وأمارس اللغه  ياليت نتساعد مع بعض ونشجع بعضنا نفتح موضوع للحفظ وكل شئ باللغه الأنجليزية 
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| المرجع الأكاديمي والتقني للجدد والقدامى .........بالتوفيق !!! | |~ مهاوي الشمري ~| | ملتقى طلاب التعليم عن بعد جامعة الملك فيصل | 71 | 2013- 3- 14 07:44 PM |
| علوم القراان2 | لولي 4 | الدراسات الإسلامية | 6 | 2012- 12- 22 04:47 PM |
| تأملوا هذا الموضوع اعزائي (( المخ وكيف يمكن تجديده )).. | DewDrop | ملتقى المواضيع العامة | 6 | 2011- 5- 23 11:26 PM |
| نقلت لكم موضوع مهم في منتديات النقاش لتسجيل المواد ومهم مررررره الرجاء منكم قراتها @@@ | ابو ريان سليمي | ارشيف المستوى 2 تربية خاصة | 44 | 2011- 4- 4 12:00 AM |
| {[شرح وإرشآدآت لِ عملية تسجـيل المقررآت ]} | *مريم* | ملتقى طلاب التعليم عن بعد جامعة الملك فيصل | 84 | 2011- 2- 19 03:00 AM |
