[ مذاكرة جماعية ] : مدخل الى تقنية المعلومات الثلاثاء 1437/3/4

[فهد001]

اسعد الله مساكم وفالكم التوفيق يارب والدرجات الكامله

الاجابة هي الالياف البصريه (لانها تعتمد على نقل البيانات بسرعه الضوء ) اجابة منطقيه


كل اللي بالمنتدى يستخدمون الحاسب الالي والتقنيه بشكل عام يعني ان شاء الله الموضوع بسيط جدا بأذن اللي ماتنام عينه


اتوقع ابسط طريقة انك تقراء الملخص او المحتوى وبعدها تدخل في كويزات
اتوقع اللي راح يعاني من هالمادة هو اللي استخدامه للحاسب الالي بسيط جدا
وفي النهاية فالكم التوفيق والدرجات العاليه ومافيه شي صعب ياجماعه

[منتسب بليد]

شاب نبي ملخص او اسألة السنوات الماضيه كيف اجيبها

[Lazorde]

اقرا الموضوع من البدايه وشوف الردود منزلين اسئله

[DIOOR]

مرحبا

للاسف البعض منزل اسئلة الواجب على شكل كويز

للمعلوميه قديمه وتختلف عن اسئلة الواجب الحاليه

[3zf aljro7]

المشاركة الأصلية كتبت بواسطة رائد عبدالرحمن

ايه حفظ ي ام ريان

الدكتور ما حذف شي نهائيا ،،


اللي عنده مشكله بالمخترعين و التواريخ
وناوي يسحب عليها ما يذاكرها

يشوف ع الاقل الكويز لـ اخونا مجرد عابر
60 سؤال على المحاضره الاولى من اجتهاده ،، يعطيه العافيه



http://www.ckfu.org/vb/quiz.php?do=take&quiz_id=11849

لو الاسئلة بتجي كذا كلها تواريخ قول عليّ السلام
ما حليت ولا تاريخ صح
واللي جبتهم صح بالصدفة
الله يعيننا بس


طبعا انا ذاكرت وخلصت واغث محاضرتين هي الثامنة اللي هي اخت الادارة
والحادية عشرة اللي هي الذكاء الاصطناعي
المحاضرة الأولى ختمتها مرتين ولما حليت الكويز جبت العيد في التطور التاريخي
ماش مافيه عقل يحفظ


بالنسبة للمحاضرة الثامنة النظم اذكر انه قال بيجيب منها تعاريف بس
مثل سلسة القيمة والنظام واشياء كذا
الذكاء الاصطناعي 3 تعاريف قال ممكن يجيب التعريف هذا لمين وهم الاثننين لباتريك بس واحد مختلف لـ ريتش

[keyobo]

قريت اسئلته الترم اللي فات وكانت سهلة معضمها ما تحتاج مذاكر.
بس لو فكّر يغير منهاجه وينحرف الى:
متى حدث الاختراع؟ من الذي اخترعه؟ ما كان اختراعه؟ ماذا تضمن؟
الاختراع مستوحى من الاختراع هذاك ولا ذاك؟


هنا باكون "اكلت خازوء" على قولة المصاريا. ورحت في خبر كان.
حالياً بالمحاضرة العاشرة. اشياء كثيرة مريت عليها مرور الكرام.
بكرى الامتحان و"عند الامتحان يُكرم المرء أو يهان"

[RarRar]

المحاضره الثانيه الحين وشلون مافهمت التعدادات ملخبطه وش العنوان الرئيسي ووش المعلومات

[aboody11]

المشاركة الأصلية كتبت بواسطة keyobo

قريت اسئلته الترم اللي فات وكانت سهلة معضمها ما تحتاج مذاكر.
بس لو فكّر يغير منهاجه وينحرف الى:
متى حدث الاختراع؟ من الذي اخترعه؟ ما كان اختراعه؟ ماذا تضمن؟
الاختراع مستوحى من الاختراع هذاك ولا ذاك؟


هنا باكون "اكلت خازوء" على قولة المصاريا. ورحت في خبر كان.
حالياً بالمحاضرة العاشرة. اشياء كثيرة مريت عليها مرور الكرام.
بكرى الامتحان و"عند الامتحان يُكرم المرء أو يهان"

وااللي ماقرأ شيء اصلا


توني حليت كويزين جبت فيهم 79% ومدري وش السالفه ^^


كل الاختبارات اللي راحت بدون مااذاكر اروح مدرعم وعلى الله بس ننجح

[مها المالكي]

الله يسعدكم المسائل اللي في المحاضره الثالثه يجي منها او لا ؟؟؟

[keyobo]

المشاركة الأصلية كتبت بواسطة RarRar

المحاضره الثانيه الحين وشلون مافهمت التعدادات ملخبطه وش العنوان الرئيسي ووش المعلومات

اذا قصدك التمثيل البياني لاحجام البايت. فهي تفهم بهالطريقة


البت bit يتكون من ---- 0,1
البايت byte يتكون من : 8 بتات bit
الكيلو بايت (kilobyte (KB or KByte يتكون من ----- 1024 byte بايت
الميغا بايت (megabyte (MB or MByte يتكون من ---- 1024 كيلو بايت
الجيجا بايت (Gigabyte (GB or GByte يتكون من ----- 1024 ميغا بايت
التيرا بايت (Terabyte (TB or TByte يتكون من ------ 1024 جيجا بايت


من الاصغر الى الاكبر:
بت -- بايت -- كيلو بايت -- ميغا بايت -- جيجا بايت -- تيرا بايت


اذا كان السؤال: ما هو قيمة 256 ميغا بايت اذا حوّلت الى كيلو بايت؟
لمعرفة الجواب نناظر الجدول فوق ونعرف أن الميغا الواحد يتكون من 1024 كيلو بايت
فنضرب العدد 256 ب1024 ويطلع الناتج: 262144 كيلو بايت.


اذا كان السؤال: ما هو قيمة 256 كيلو بايت اذا حولت الى ميغا بايت فنقسم ما نضرب
فيكون: 0.25 ميغا بايت


اذا كان السؤال: ما هو قيمة 3 جيجا بايت اذا حولت الى كيلو بايت فنضرب 1024 مرتين
فيكون: 3×1024×1024 كيلو بايت


اذا السؤال: ما هي قيمة 2 جيجا بايت اذا حوّلت الى بت bit: فيكون نضرب 1024 مرتين ونضرب ب8 الناتج
يعني: 2×1024×1024×8= الناتج