ايام حلوه . . .

[فـهـد الجبيل]

السلام عليكم ورحمة الله وبركاتة








مدري وش جاب هسالفة على بالي

وبلشان وشلون ابدى لكم به ابدى من اخر السالفة والا من اوله


طرت على اياام المدرسة والمرحلة الابتدائيه يعني ايام الطفولة والبرائة <<< امحق طفولة وامحق من برائة

كانت عندي افكار جهنمية في بعض الاوقات الصعبة اللى لابد انهاا تواجهك كطالب يوم من الايام


يعني تجي لك يوم منت حافظ الانشودة اللي قالكم عليهااا المدرس وجالس تستنى دورك يجي عشان تسمع


وقاعد تشوف ها اللي مهم حافظين انواع الجلد تمحط بهم ها المدرس تقول اانهم مسوين جريمة

وكل ما يقرب دورك دقات قلبك تزيد دق وخفقان تتحنط الا شوي




انا قبل في مثل ها الحالة لا شفت ما بقى قدامي غير ثلاثة

رفعت اصبعي واصوت يا استاد ابي.... الله يكرمكم ................. اروح دورة المياة واجلس اصيح يا ستاد يا ستاد حصران حصررررررررررررررررررررررران واطلع


واحط رجلي ما ارجع لحد ما يدق الجرس


وايام صف رابع ابتدائي ومدري وشلون صرت انا واحد من اخوياي اللي نبيع سندويشات للطلاب با المقصف

كله بس عشان نطلع قبل ما تخلص الحصة الثالثة بربع ساعة




وعلى با لنا انه سندويشاتنا بلاش بس طلعنا نحاسب قبل العيال وبعد ما

كبرت اكتشفت انه فعلا كانت سندويشاتنا بلاش بس مدرس الرياضيات السوري اللي مسؤل عن حسابات المقصف كان يخلينا ندفع حساب سندويشاتنا وهو ياخذ الفلوس

عاد انا كنت اكل سندويشتين وعصير وخويي سندويشه وعصير صار كل يوم هو ياخذ ها الخمس ريالات

اوما كان عندنا مدرس صعيدي مايضرب الا الطالب المؤدب

^
^
اقسم با الله

عاد انا كان يكسر خاطري في البداية واجلس مؤدب ويغثونة العيال ويجي يضربن

ويحط حرتوه بي

ويوم شفت الوضع ما يطمن والسالفة هلون صرت اضربوه با الطبشورصار يعطيني خمس درجات

هذي ايام الأبتدائية اوما المتوسطة ههههههههههههه انواع الفصلات والفهاوه

با الله اللي يمر اذا يقدر نبي منوه موقف ايام الدراسة

وتقلدو تحياتي

[Thè Duchèss]

,’

يامرحبـ,

رفعت اصبعي واصوت يا استاد ابي.... الله يكرمكم ..... اروح دورة المياة واجلس اصيح يا ستاد يا ستاد حصران حصررررررررررررررران واطلع
واحط رجلي ما ارجع لحد ما يدق الجرس

رهيييبة , صدق المثل(من له حيلة فليحتال)

كان عندنا مدرس صعيدي مايضرب الا الطالب المؤدب

مسكين!!يمكن المدرس فيه حول..اذا يبغاآ يطق الكسلان طق المؤدب:d

هذي ايام الأبتدائية اوما المتوسطة ههههههههه انواع الفصلات والفهاوه

لوووول..إذا هذا ابتدائي ومتوسط..شلون الثانوي؟

,’

ذكرتني بمعلمة عندنا..اذا جات تنادي بنات التحفيظ
تقول لهم:يابنات التفحييييييط!!
< مدري شايفتنا راكبين شاآصي ولا جمس 454بو شكمانين

,’

يعطيكـ ألف عاآفية أخوي فهد الجبيل,
موضوع حلوو بالمراآ وان شاء الله يلقاآ التفاعل من الأعضاء..

دمتـ بود

,’

[فـهـد الجبيل]

بصراحه منصدم وجهي طقته البوهه
اول مره اشوف بنت تعرف بهبهاني
يعني جمس454
ولله انتي مبين عليك زقرت ولله
ويسلمو ع الشطفه القميله يابنت التفحيط ههههههههههه

[Thè Duchèss]

,’

خخخخ , أعجبكـ
شو معنى (بهباني)؟
<من أولها

شكل الغربة مأثرة فيكـ!
تتذكر أيام الابتدائي والمتوسط..

الله يسلمكـ,لي رجعة إن شاء الله
ان تذكرت أي شطفة


,’

[miss**soosoo]

ههههههههههههههههه :d1::d1:<<دمووع الضحك خخخخخخ

اماا انا أبتداائيتي امم الدفااااره كاانت فيني <<قسم ماتمدح نفسها خخخخخ

وكنت مارووح المدررسه الا انا حاله تدرريبااات الدرس الثاني <<بالرصاص الخفيف عشان ماايبين ههههههههههههههه

واتذكر فييه أستااذه اسمها هياا<<حسسبي الله عليييها كاانت معيشششتني بررعب<<ماتجيب عياال وتحط حرتهاا فيينا:d1:

<<تحمسست مع الموضوع:049:

يعطييك العافييه بأنتظار دجااتك قصدي سولافتك:mh01:

[فـهـد الجبيل]

ههههههههههههههههههههههههه اي ولله متأثر بالغربه
بس ولله اني فااااال امهاااا على الاخر وربي فله لاتفوتكم
وبنسبه للمعلمه الي اسمها هياا << الاسم ذا مهو غريب كأني مره سمعته عند اهلي هههههههههههه
ويعطيكم العافيه ع مروركم

[ريم 2010]

يالله تذكرت ايام وانا صغيره بالابتدائي بصف خامس كنت اكره شي اسمه حصه فنيه او تفصيل ولااحب المدرسه الي كانت تدرسنا اسمها صافيه كانت بس تضرب وكنت مااخاف منها ولا اجيب اغراضي مع انه عندي كل شي استانس اوقف طول الحصه ولا اشتغل معها عاد هي صارت تضربني وانا طناش ولا همني يوم هي عجزت عني كلمت امي قالت ليش بنتك كل يوم ماتجيب اغراضه عاد امي يوم درت اني اعاند راحت حطت اغرضي بالشنطه ويوم جت الحصه قالت ها جبتي ايوم والا لا كالعاده قلت لا لاني اصلن يوم جيت الصبح اول مادخلت حطيت كل اغراضي عند الزباله بكيس قلت لاطلعت اخذيهن اهم شي عندي مااطيعه الله ذكريات هههههههههههههههههههه انواع الاهمال

[فـهـد الجبيل]

ههههههههههه
عاد ياريم انتي ياحبك للعناد عنيده لدرجه راسك ذاا كنه صخره هههههههههه
ويعطيك العافيه خيتو ع مرورك

[أمير القلب]

ههههههـ تعليقات حلوووة وموضوع أحلى
وش أقول وش أخلي أيام الإبتدائي أحلى أيااام
أما من ناحية المدرسين ففيهم من لديه حالات نفسية
وفيهم من خلى المدرسة أحلى وأحلى فرق كبير
الأصحاب والطفولة الجميلة لها ذكريآت كثيرة
أما حصة الفنية فكانت أجمل حصة وأروع مدرس
كانت غرفة كبيرة فيها أفلام كرتون ورسومات ولوحات
عجيبة عالم مختلف عن فصول المدرسة وكل حصة
فلم كرتوني جديد وأجوااء حلوووة
شكراً عالموضوع المميز ودعواتي لك بالتووووفيق

[أم رعد]

ههههههههههههههههههههه

يا الله ليه تفتح الجروووووح ليت الايام هاذيييك ترجع ....

محسوبتكم الله يسلمكم طانت في الابتدائي في قمة الرووووعه وكانت دايم تنقرص اذنها من معلمة الفنيه كان اسمها نوريه الله يرحمها اذا ما خاب ظني عطتكم عمرها<<<ما ابي ادعي عليها..هع هع هع

اما بالمتوسط لا تعليييييييييق الله يستر علينا كانت احلى ايام مراهقه ماخلينا شي ماسويناها انا وربيعاتي...هههههه\\

الثنوي انواااع الهبال لدرجة ان المديرة حافظه اسمي الرباعي كل دفتر انذار جديد اسمي ينحط اول واحد فييه..هع هع هع

<<<<تحمسسسسست حكيت قصة حياتي...

آآسفه ع الاطاله<<<اخس ع اللغه العربيه..هع هع

تقبل مروري خيو ....