 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2013- 10- 4
|
||||
|
||||
|
افهم المحاسبة + تبسيط المقرر بالمرفقات
السلام عليكم ..
وعدتكم بتبسيط للمحاسبه وان شاء الله اقدر اوصلكم المعلومات بشكل سهل و سلس تفهمون من خلالها ماده المحاسبه كلها تنويه : هذا التبسيط مجرد مساعدتك على الفهم بوضوح + وضع القواعد في هذا الموضوع من فهمي الشخصي كـ استزاده فقط وغير وارد ذكره بالتبسيط الموجود بالمرفقات اللي يحب يضيفه عنده و يطبق بنفسه يشوف مدى الصحه براحته لكن تبسيط المحاسبه تبع المقرر موجود بالمرفقات مختلف ,يتضمن اسئلة امتحان سابقه بصيغه وورد للي ما يفتح عنده pdf اول شي اقولكم إياه حط نفسك بمود الحسابات عشان تمشي بالمحاسبه تخيل نفسك صاحب الشركه عندنا 3 أشياء رئيسية وهي الأساس اللي يقوم عليها أي مشروع او عمل تجاري اللي هي الأصول و حقوق الملكيه و الخصوم انا ذكرتها مو عشان اعرفها التعاريف موجوده عندكم بالملخص ذكرتها عشان اقولكم ليه تسمى الثلاث أمور هاذي بالمصطلحات المحاسبيه ؟ عشان تفهمون المحاسبه مو حفظ و بس درسنا ان الأصول هي ممتلكات الشركه .. تسمى ممتلكات الشركه أصول لأنها الأصل و الأساس اللي يقوم عليه عمل المنشأه او الشركه من الالات و المعدات من دونها مافي عمل ولا انتاج للشركه .. الخصوم سمي في المحاسبه خصم لانه اعطاك المال بالاجل و ممكن ان يقايضك و يطلب منك السداد فهالحاله يكون هو خصمك .. بمعنى أي جهة لها عندك فلوس فهي من الخصوم .. حقوق الملكيه هو صاحب الشركة و هو نفسه راس المال اللي يمول الشركه يسمى في المحاسبه حقوق ملكية لانه ببساطه له حق امتلاك الشركه اللتي قام بإنشائها المعادله المحاسبيه الأصول = حقوق الملكيه + الخصوم كيف تكونت المعادله ؟ بعد ان عرفنا أسباب تسمية المصطلحات المحاسبيه لكل واحد منهم و عشان نفهم تكوين المعادله مو نحفظها على عماها نقول ان من غير حقوق الملكيه (صاحب الشركه ) + الخصوم (اللي يعطيك مال بلا مقابل بالاجل ) مافي شي اسمه أصول ولا متلكات للشركه ولا شركة اساساً فعشان تكون عندك ممتلكات تبدا فيها عمل شركتك لابد من وجود حقوق الملكيه و الخصوم مجتمعه ينتج عنهم الأصول ........ الدائن و المدين الدائن و المدين رفيييق لك لنهاية مشوارك المحاسبي ولا في أي عمليه حسابيه تخلو من دائن و مدين على الاطلاق دائماً فيه طرفين بائع و مشتري و على أساس الدائن و المدين في المعادله المحاسبيه تقدر تحدد أي بند محاسبي وارد في عالم المحاسبه حتى لو ما درسته و جديد عليك احنا اخذنا الأصول = حقوق الملكيه + الخصوم (مدين ) (دائن) (دائن) قلنا المدين هو اللي (الآخذ) و الدائن هو اللي (يعطي) سألت نفسي سؤال / على أي أساس قالوا الأصول مدينه و حقوق الملكيه و الخصوم دائنه ؟ لقيت ان السبب يرجع لزمن تاريخي انه قبل القرن ال 21 ما كانت عندهم نظريه الشخصيه الاعتباريه و بعده القرن 21 اعتبروا الشركه شخص مستقل عن صاحبها مدري اذا شرحته بتفهمونه ولا لا المهم شي ثابت ان الأصول طبيعتها بالاصل مدين و حقوق الملكيه + الخصوم طبيعتها بالاصل دائن فيه قاعده بعلمكم إياها لو تطبقها على أي أي أي بند محاسبي تصادفه حتى لأول مره يمر عليك راح تجيب طبيعته اذا هو دائن او مدين بسررعه و كل سهوله خصوصا الدائن و المدين ما ينفع الحفظ ابدا ليش ؟ لسبب بسيط هو اني مقدر أكون محاسب بشركتك و تعطيني عمليه حسابيه تقولي اكتبي قيدها اقولك والله كنت حافظه طبيعة البنود و نسيتها لحظه بس شوي افتح ورقه عندي فيها جدول حق المدين و الدائن ينفع ؟ طبعا لا لازم تكون عندك سرعه برمجيه بمخك ناتجه عن فهم حقيقي للمحاسبه مو حفظ عشان لو واجهت أي بند محاسبي جديد ما مر عليك بالدراسه او منت ملم فيه على طوول تقدر تطلع طبيعته و بالتالي تقدر تكتبه بالقيد بسهوله و عشانك في وظيفة المحاسب بتتعامل مع امواال لازم تتميز ملعلوماتك القاعده هاذي مش موجوده بشرح الدكتور ولا بالملخص هي فقط لسهوله الفهم و سرعته وعلى فكره هي صحيحه ولو صادفت أي بند ما تطبقت عليه هاذي القاعده تعال و قولي كلامك غلط يا سويت القاعده تقول ان أي بند يكون له تأثير إيجابي على صاحب الشركه (اللي هو حقوق الملكيه ) يأخذ طبيعته و أي بند له تأثير سلبي على حقوق الملكيه يكون عكس طبيعة حقوق الملكية يعني ايش هالكلام ؟ خلوني اعطيكم مثال اوضحلكم الصوره مثلاً نأخذ بند (الأرباح ) اول شي نسويه نشوف تأثيره على صاحب الشركه انت كصاحب شركه يفرحك ان شركتك تحقق أرباح صح ؟ فأذا هذا البند مدام يفرحك فهو زيك يأخذ طبيعتك و قلنا حقوق الملكيه طبيعته دائن و الأرباح تسعده فهي تأخذ طبيعته اذان الأرباح طبيعتها ايضاً دائن عكسها (الخسائر ) لما تشوف شركتك قاعده تخسر هذا الشي يسعدك ولا يزعلك ؟ طبعا بتنزعج تتضايق فإذن بما ان الخسائر تضايقك فهي تأخذ عكس طييعة حقوق الملكيه (صاحب الشركه ) و قلنا حقوق الملكيه بطبيعتها دائن و الخسائر عكسها بمعنى ان الخسائر مدين فهمتوا قصدي؟ هاذي القاعده عشان تسهل عليكم طبيعة البنود و ما تحتار تحطها تحت أي خانه مدين ولا دائن حتى لو جاك بند ما بعد درسته مثلا الخصم المكتسب يعني ايش خصم مكتسب ؟ يعني تجيني انت كـ حقوق ملكيه = صاحب الشركه = رأس المال مش فارقه كل هالمصطلحات معناها واحد اللي هو انت صاحب الشركه المهم جيت انت و عطيتني مبلع من حساب الشركه قلت لي روحي يا سويت خذي 50 ربال اشتري فيه بضاعه اخذته ورحت اشتري .. لقيت البضاعه ب 50 بدال ما اخذها بسعرها اخذتها ب 30 ريال جيتك وقلت لك بدال ما اخذ البضاعه ب 50 ريال اخذتها ب 30 ريال و رجعت لك 20 ريال طيب هنا اخذت البضاعه بخصم و كسبت من هالخصم باقي المبلغ اللي معي وفرت لك 20 ريال بالحساب انت كـ صاحب شركه بتنبسط يعجبك هذا الشغل ولا يضايقك ؟ اكيد بيرضيك .. اذا مدام يرضيك فياخذ البند طبيعتك الدائن اذن بند الخصم المكتسب طبيعته ايضاً دائن وهذا البند بعدين بناخذه بمحاضرات قادمه عندنا بند المصروفات بمعنى انك تصرف من حساب الشركه وانت اذا صرفت كثير ش اللي يصير فيك ؟ تفلس طيب لما تفلس .. بتكون مبسوط ولا متضايق ؟ اكيد بتتضايق فأي بند يؤثر تأثير سلبي على حقوق الملكيه يأخذ عكس طبيعته حقوق الملكيه طبيعته دائن فالمصروفات بهالحاله يتكون طبيعتها مدين و قيسوا على طبيعة حقوق الملكية أي بند محاسبي تشوفونه بالحياه مو بس بالدراسه حتى لصار احد منكم موظف محاسب بالمستقبل ملاحظه : هاذي القاعده لا تنطبق على الأصول و حقوق الملكيه و الخصوم ولكنها تنطيق على كل البنود المحاسبيه ليه ؟ السبب : ان الأصول دائما طبيعتها بالاصل مدين حقوق الملكيه دائن الخصوم دائن القيد المحاسبي و المفروض قبل ما ناخذ القيد ناخذ أنواع الأصول و حقوق الملكيه و الخصوم .. عشان نقدر نمشي بالقيود و نعرف نوع الشي اللي اتعامل معاه من أي نوع وجهة نظر اللي حط المقرر تختلف عموما في قاعده برضو بالقيود عشان تكتب أي قيد محاسبي بطريقه صحيحه و يكون الدائن = المدين هذا شرط أساسي و ما تتلخبط و المفروض اخذنا جانب بيان القيد لكن الدكتور له معرفته لازم تحط لك قاعده تمشي عليها بكل حياتك في القيد المحاسبي في أي عمل محاسبي .. يحدث للبنود به زياده او نقصان القاعده تقول : البند اذا كانت طبيعته مدين و زاد يكتب في القيد بالجانب مدين وان نقص او قل يكتب في الجانب الدائن واذا كانت طبيعة البند دائن اذا زاد يكتب في الجانب الدائن للقيد و ان قل او نقص يكتب في الجانب المدين وعشان أنشئ قيد صحيح اعطيكم مثال بسيط مثلاً : قامت الشركة A بدفع ايجار المصنع و قيمته 2000 ريال . كيف تكتب قيد بالعمليه الحسابيه بناء على ما تم دراسته ؟ ناخذها خطوه خطوه 1- احدد العمليه نوع العمليه التي حدثت . 2- احدد نوعها اذا كانت من الأصول او الخصوم او حقوق الملكيه .. ليه ؟ عشان اعرف طبيعتها.. وليش لازم اعرف طبيعتاها ؟ عشان احطها بالقيد ان كانت مدين او دائن . اذن عشان تعمل قيد محاسبي لازم تحدد نوع العلميه اللي حدثت في المسأله .. تحدد نوعها من أصول او غيره و تحدد هذا النوع ايش طبيعته 3- تجي للبند اللي في المسأله و تشوف زاد او نقص ؟ على أساسه تطبق القاعده القيد اللي عطيتكم إياها ملاحظه : وضع القواعد من فهمي الشخصي كـ استزاده فقط وغير وارد ذكره بالتبسيط الموجود بالمرفقات اللي يحب يضيفه عنده و يطبق بنفسه يشوف مدى الصحه براحته لكن تبسيط المحاسبه تبع المقرر موجود بالمرفقات بصيغه وورد للي ما يفتح عنده pdf بجد شي يدوووخ اعتذر عن الإطاله بالتوفيق للجميع التعديل الأخير تم بواسطة sweetness~! ; 2013- 10- 4 الساعة 06:22 AM |
|
2013- 10- 4
|
#2 |
|
أكـاديـمـي
|
رد: افهم المحاسبة + تبسيط المقرر بالمرفقات
كفيت ووفيت وفقك الله
|
|
2013- 10- 4
|
#3 |
|
أكـاديـمـي
|
رد: افهم المحاسبة + تبسيط المقرر بالمرفقات
مشكور
|
|
2013- 10- 4
|
#4 |
|
أكـاديـمـي
|
رد: افهم المحاسبة + تبسيط المقرر بالمرفقات
الله يعطيك العافية بمجرد قراءته يُفهم
ألف شكر ع التبسيط ربي يوفقك |
|
2013- 10- 4
|
#5 |
|
أكـاديـمـي ذهـبـي
|
رد: افهم المحاسبة + تبسيط المقرر بالمرفقات
هاذي الماده اكرهها ويارب تموت
.gif "(110)") فوق ماهي صعبه بعد الدكتور صعبها  اشكرك اختي على المساعده 
|
|
2013- 10- 4
|
#6 |
|
متميزة بالمستوى الثامن - ادارة اعمال
|
رد: افهم المحاسبة + تبسيط المقرر بالمرفقات
ماشاء الله تبارك الله
شرح جمييل الله يوفقك ويجزاك خير يارب |
|
2013- 10- 4
|
#7 |
|
أكـاديـمـي ذهـبـي
|
رد: افهم المحاسبة + تبسيط المقرر بالمرفقات
اخوي. يعطيك. الف. الف. عافية. وفيت. وكفيت. والله. كنت. محتاسة. ماني. عارفة. شي. احس. كنت. ضايعة. بس خففت. علينا. اشوي. نبي. احنا. واحد. يمشي معنا. خطوة. خطوة. في. دروس. المحاسبة. والحمدللة. الله. يكثر. من. امثالك. ومشكور
|
|
2013- 10- 4
|
#8 |
|
أكـاديـمـي
|
رد: افهم المحاسبة + تبسيط المقرر بالمرفقات
الله يعطيك العافية
|
|
2013- 10- 4
|
#9 |
|
أكـاديـمـي فـعّـال
|
رد: افهم المحاسبة + تبسيط المقرر بالمرفقات
شرح مبسط جميل .. يعطيك العافيه .. دمتي ,,,
|
|
2013- 10- 4
|
#10 |
|
أكـاديـمـي فـعّـال
|
رد: افهم المحاسبة + تبسيط المقرر بالمرفقات
جزاك الله خير:)
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ~◄ كل م يخص الخدمة الاجتماعية ورعاية الشباب (محتوى + اسئلة)► ~ | Dima | اجتماع 7 | 141 | 2013- 5- 18 03:27 PM |
| ♥♥ ░مجـــلس المـــذآكرة لمـــآدة (أصول الفقه 2) ░♥♥ | أبو الحسن2011 | الدراسات الإسلامية | 77 | 2013- 5- 11 05:40 PM |
| اسئله حق الصحه محلوله | ولد ابو متعب | ارشيف المستوى 3 تربية خاصة | 4 | 2011- 12- 24 05:05 AM |
| اسئلة حجر +الجوري +الاعضاء +الواجبات (الصحة النفسية) | ادب انجليزي | ارشيف المستوى 3 تربية خاصة | 13 | 2011- 6- 4 02:34 PM |
| حجر - أسئلة الصحة النفسية لذوي الاحتياجات الخاصة | ادب انجليزي | ارشيف المستوى 3 تربية خاصة | 55 | 2011- 6- 4 01:49 PM |
