( موضوع للنقاش ) كم الراتب الذي يضمن لك عيشة كريمة ؟

[ديار]

المشاركة الأصلية كتبت بواسطة s3eed

ماينعرف لكم يالبنااات

3000 ريال تكفي وين .. وانتم ماعندكم الإداره الماليه .. يعني الوحده تطق فستان بـ3000 ريال
واليوم الثاني تعرضه للبيع بـ1000 ريال .. هذا لو ماخلته بالمخزن لاهي تقدر تلبسه ولا تقدر ترميه عشان لاتنغبن
المفترض السؤال من البدايه يستثى البنااات .. لأنهم مايكفيهم لو مال قارون .. ولو عندهم مال قارون راح كله فساتين وميك آب . وتخلص عليه .. وبالأخير بتقول هل من مزيد لأني ابي اشحن البي بي

مو الكل

أنا راتب 2000 تكفيني و يزيد منها 500 أدخرهم

يلا نخلص جامعه ويستلمنا حافز

[* آمل *]

امممم انا بوجهة نظري اول شي احنا غلاء معيشه وتلاعب بالاسعار
والانسان المتزوج اكيد يبي يتجيب عيال وعياله يبوون ويبون وغير اغراض البيت واغراض الزوجه والاجار والسياره وتصليحها والبنزين وبدايه الزواج لما يجيب الاولاد يبيلهم بامبرز وملابس وحليب ووووو
ولما يدخلون المدرسسه يبيلهم ويبيلهم وهيك شغلات اللي حبيت اوضحه المعيشه صعبه والراتب علشان تعيش حياة كريمه من وجهة نظري من8000 الى 10000
ولو ان فيه ناس رواتبهم اقل من كذا وعااايشين حياه كريمه لانو السالفه اول شي بركه وثاني شي توفيق والشي الثالث فيه ناس تقدر تمسك يديهم عن الاشياء اللي مو ضروريه ..
..
...
....
اما العزابي اموره تمام ماغير يفصل ثوب ويشتري شماغ وعقال حق العيد وكلهم مايتعدون500ريال
وتصليح السياره والاقساط بحدود5000 شهريا ويمكن يكون له التزامات اخرى واشياء مهمه صراحه انا ماعرف حق العيال وجربت بس انا اقول بوجه نظري 6000او6500 الى 7000 >>واجد عليه لان الاولاد يمسكون يدهم مو زي البنات اللي بيدها تركض للسوق..
ودمتم بود..
..
...
مع تحياتي,,
ملكه بمملكتي..
تقبلو مروري

[F!x]

شكرا ابوعبدالله موضوع رائع

أولا اللهم بارك بمالنا هناك من جيبه ملئ لاكن يفتقد للبركه وحسن التدبير .
ثانيا بسبب غلاء المعيشه . . . لعائلتي المكونه من 5 افراد 11000الي 13000

[آلمستشآر]

بموضوعك هذأ رجعت آتذكر مقآل كتبه آلآستآذ صآلح آلشحي في جريدة آلوطن
عآم 2007 تخيل قبل خمس سنوآت ودخلنآ في نقآش حد في آحد آلمنتديآت بعد هآلمقآل وآليوم آؤمن بأن مقآله صور وضعنآ بكل دقه في هذي آلآيآآم

يقال: ضربتان في الرأس توجع.. فكيف إن كانت ثلاثا؟ رأس المواطن السعودي سيتلقى ثلاث ضربات متتالية خلال الأسابيع القادمة. أما الضربة الأولى فهي العودة للمدارس وما يترتب عليها من مصاريف، وليل من الطلبات والشكليات لا ينتهي! وأما الضربة الثانية فهي المصاريف المترتبة على قدوم شهر رمضان المبارك. وأما الضربة الثالثة فهي تلك الناتجة عن مصاريف عيد الفطر السعيد!

- قبل سنتين كنت أشفق على المتقاعد الذي يتقاضى راتبا شهريا لا يتجاوز 2000 ريال.. اليوم أقسم لكم بالله إنني أشفق جدا على حالة الموظف الذي يتقاضى 4000 ريال. أسأل نفسي: كيف يستطيع هذا الموظف بهذا الراتب أن يستأجر بيتا ويتزوج ويشتري سيارة ويعول أسرة ويوفر لها سبل العيش الكريم؟ كيف يستطيع هذا الموظف بهذا الراتب أن يعالج طفلاً ويسدد فاتورة جوال وفاتورة كهرباء؟

- ولو استمر الوضع كما هو دون تدخل حاسم وجاد من الحكومة فسيأتي يومٌ قريب سنشفق فيه على الموظف الذي يتقاضى راتب 8000 ريال. الأسعار ترتفع بشكل جنوني ومثير للغرابة والعجب، أسعار الإيجارات نار.. أسعار السيارات نار.. أسعار الأراضي نار.. حتى الأرز غذاء الفقراء ستطاله نار الأسعار. الأسعار تواصل ارتفاعها الجنوني، وليس صحيحا ما يقال إن ذلك مرتبط بظروف خارجية، وحتى لو افترضنا صحة ذلك، المواطن ليس معنيا بذلك.. المواطن يريد عيشاً كريما وحياة كريمة.. الناس لم تعد تفكر بالكماليات.. انتهى زمن الكماليات وولى.. اليوم الناس لا تريد سوى ضروريات الحياة. الناس قلقون على المستقبل.. والأيام القادمة (بالذات) بحاجة لتدخل حكومي جاد.. المواطن بحاجة لمن يقي رأسه من الضربات الثلاث القادمة.

عوآفي آخوي آبو عبدآلله