[ اسئلة اختبارات ] : بخصوص انجليزي قراءة طلاب وطالبات الانتساب تعالوا ابيكم بكلمه راس

[فوز البليدة]

السلام عليكم

اخواني وخواتي يعلم الله اني مقهورة لدرجه اول مره ابكي فيها بحيااااااااتي علشان اختبار ياربي لك الحمد
بكيت مو لأن الاختبار صعب لا بس انا عندي صعوبات قوية في التركيز قالوا نقص فيتامين ولكن المشكله لا تزال موجودة
المهم دخلت الاختبار مباشره ولقيت العالم قد بدوا بحل الاسئله لمادة انجليزي قراءه وكنت جالسه بمقعد جتني المراقبه قالت غيري مكانك هذي تبي تجلس هنا وارفع راسي والقى طالبه تبي تجلس مكاني واحترمتها بدون ما اسوي سالفه وقمت الى مقعد آخر وجلست لقيت الطاوله منكسره طلبت تغيير المقعد قالت اصبري لين اوقعهم
وانا استنى بدأت اتوتر واصابني نوع من فقد التركيز التاااام اللي يسمونه ( الهلع )
بعد ماخلصت من توقيع الكل جت واخذتني لمقعد مناسب وبدأت احل مباشره لآن مامعي وقت اعبي بياناتي
وهي لحالها يبي لها مايعادل وقت حل 10 فقرات من الاختبار
صارت هالمراقبه تجي عندي تسال : كملتي بياناتك قلت لا المنهج طويل ان شاء الله اعبيهم بأخر شيئ
فصارت تردد كل شوي هاه كملتي واقول لها نفس العباره وازيد عليها واقول لها ي استاذه انا قراءتي بالانجليزي بطيئه وابي اللحق وقت على الاجابات خليني اركز واحل لسى باقي لي 28 فقره ماجيتهم
المراقبه راحت ورفعت شكوى للمسؤوله اني ماكتبت بياناتي
وجتني المسؤووله وانتبهوا ياجماعه الخير كل هذا راح من وقت الاختبااااااااااااار وقالت ليششششششششششش ماكملتي بياناتك تبين نسحب منك الورقه ؟؟
هنا زاد الوضع توتر وقلت لها ي اختي انا مااقدر اركز القطع طويله وداخله على بعض وابي اللحق الوقت بحل الاجابات ياليت تزيدوننا لو عشر دقايق
قالت ايه بس اكتبي بياناتك ونشوف وراحت وجت المشرفة الاكبر منها ( بقعة الزيت )
واقتحمت القاعه تقل داخله حراج مب قاعه
ومعها كوبها وقالت : مين اللي طلبت وقت اضافي ؟؟؟؟؟؟؟؟؟؟؟؟؟
سكتت المراقبه قالت الطالبه الي طلبت وقت اضافي ماااااااااااااااااااااااااااافيه ممنووووووع وطلعت
واضطريت اكتب بياناتي والمراقبه حسبي الله عليها كل شوي باقي نصصصصصصص على نهايه الوقت
باقي ثلث على نهايه الوقت
انا خلاااص دخلت بحاله تشتت صرت اقراء القطعه طلاسم ماادري وش قدامي المهم باقي لي من الاختبار القطعه الثانيه ماجيتها الا وهي تقول خلاااااااااااااااااااااااااااااااااااااااص خلص الوقت
فاضطريت اضلل الباقي بشكل عشوائي وجت المسؤوله وسحبت الاوراق مني ومن الي وراي




انتهت القصه




السؤال الاهم
حنا طلاب انتساب والا انتظام ؟؟
هل الفرق بيننا وبين الانتظام اننا ندفع فلوس ونجي وقت اختباراتنا ؟؟

طيب وين الوقت من الفروق الفرديه
انت يا استاذ عبدالله وغيره من باقي الاساتذه هذا طالب منتظم وانا منتسب مادري راسي من رجليني تساوينا بالوقت ليه ؟؟؟

ان كان لابد ان يكون الوقت المحدد ساعتان فأمامك تقلل محتوى القطعه الى جزئين او بشكل مختصر
علشان نلحق وقتك المحدد
ترى حنا بنات على بال مانلقى احد يودينا لمقر الاختبار وهاللي يودينا يصلي نجي ندخل القاعه ربع الوقت خلص
او نجي ويستلموننا زي ماصار معي في تعبئة البيانات الاجباري وهذا ياخذ من وقت الاختبار

حتى اختبار القياس والقدرات يوم نشرف على الطالبات كنا نعطي لطالبات وقت مستقطع خاص بتعبئه البيانات
اما تجيني مراقبه على اختبار مقرر مش قياس ولا هباب وتحشرني بالوقت وكمان يجون يقولون لك ممنوووووع نزيدك وقت اضافي ؟؟

حشى حسيت انها عسكريه مو اختبار

ووقفه محترمه مع المراقبات : 017:
انتي تراقبين علشان تاخذين فلوس فهمنا الشيئ هذا
طيب ماعندك تعاطف تجاه الحريم الكبار اللي يختبرن والمنهج انجلش مب عربي او احصاء هذي اللي مافهمتها
وش بيضرك لو زودتي الوقت عشر دقايق وادعي لك العمر كله ؟؟؟

وليش الاصرار على كتابة البيانات اول شيئ ؟؟
فهمنا ان هذا شغلك لكن خليني على رااااااااااااااااااااااااحتي الله يريحك
اكتب حل سؤال سؤالين وارجع اكمل شويه وهكذا لين اخلص بتخرب الدنيا يعني ؟؟
بعد الله وكيلكم هالبيانات الي نكتبها بنت ابو ستين كلب
والله لو اني باخذ عينه من القنبله النوويه الي باليابان ماكتبت هذاك الاقرار كله
لا وكل يوووووم نكتبه
ترى حده اختبار مو اختراع

في النهايه
انا جربت الانتساب ولكن عتبي الاول والاخير على اداره الجامعه في تحديد الوقت ورفضها لإعطاء وقت اضافي
فوق اني ادفع رسوم ماالقى وقت كافي أدي فيه اختباري بشكل طبيعي

ارجع واقول الفروق الفرديه معيار مهم لابد ان اي دكتور يتخذه قبل وضعه لأسئله الاختبار
بتجي وتقول لي الاسئله مكرره وفي الموقع لا ي سيدي
فيه شريحه كبيره مادرت اصلا ان فيه شيئ اسمه ذاكروا اسئله العام وتجيك بالاختبار
وانا من ضمنهم

حسبي الله على كل مراقبه مطفوقه منقوصه مرجوجه تجيب التوتر ومخفوفه ماغير تطامر بيننا تقل مناطح ثيران وتحسر علينا بالوقت تقل الوقت يخر من عروقها حسبي الله عليها حسيبن كااااااااااااااااااااااااااااااااااااااااااااااافي

سوري على الاطاله بس من حر مااااااابي على اختباري والي صار معي

[hano99]

لحول ولاقوه والله الاختبار كان صعب مره حسبي الله على الدكتور

[سماء]

الله اكبر حاشية مراقبات عشان تعبئة بيانات !! قمة التخلف
كان الله في عونك صراحه وضعك صعب جداااا
ياجماعه يجب ان لانسكت على هالمهزله لانها رااااح تتكرر
مافيه اي احترااام

[سماء]

الدكتور ماقصر المشكله في الوقت وعدم الاحترام من فرقة المراقبات

[mashael20012]

الوقت كان ضيق في هذي معك حق
والي صار معك صار مع الاغلبيه
الله يكون بعونك
وان شاءلله تعدي

[فوز البليدة]

مافيه ايقونه او شيئ بخدمات الطلاب نكتب عن مهزله المراقبين ذولا ؟؟ او جهة نرفع لهم والا الدعوة هنا احمد ربك قبلناه تدرس عندنا .؟؟

[العامري1]

المفروض تجي القطعه بورقه غير حقت الاسئله يعني بورقه منفصله عشان نقدر نشوف الاسئله ونقولبها افتر راسي وانا ادور وارجع اشوف السؤال

[ليالي القصيمية]

حبيبتي لاتقلقين ان شالله خير ،،، وبالنسبة ل المراقبة المتخلفة ارفعي عليها شكوى كيدية ب أنها دمرت نفسيتك وخربت جوك ...
انا ياقلبي حالتي شبيهه فيك وماكتبت بياناتي الا بعد ما خلصت و اول مره تحصل معاي الحركة بس الحمد لله توفقت في مراقبة خلوقة
ومتربية وانتضرت لين خلصت ... وموضعك هذا ياحلوة انا وصديقاتي متفقين نرفع للجامعة ب قصر الوقت مع اني اشوف اغلب القاعة خلال نص ساعة يطلعون ما ادري هل كل هذي السرعة شطارة او عدم مبالة بالحلول مع اني الحمد لله درجاتي حلوة
لكن بتكون أحسن لو عطونا وقت اطول .
اتمنى لي ولك ول كل من اجتهد وكافح النجاح يارب

[ام علوولي]

ياعمري الله يعوضك وتنجحين وربي نفس الاحساس المراقبه بالصراحه ماقصرت بس اعطتنا وقت عشان اعبي بيناتي واعبي الاجابات وتدعي لنا ع انا وربي تشتت وماعاد اعرف احل وربي اظلل اجابة من راسي لكن الله يعوضنا خير
حسبي الله ونعم الوكيل لو كان امتحان الانجليزي قراءة بالبدايه وكان يوم قبله ماعلينا ماده احس انظلمنا
صديقتي نفس حالتك تشتكي من المراقبه طفشتهم راح الوقت ترى بطلع واخلي اوراقكم معكم وتتحملون المسؤليه
لكن مانقول الا حسبنا الله ونعم الوكيل لازم نوصل الشكوى للمدير الجامعه ع ماصار اليوم بالانجليزي

[نداء الخير]

حسبي الله ونعم الوكيل حتى انا صار معي نفسك هاذا اول اختبار يصير فيني كذا .. المراقبه جننتنا كل شوي باقي نص الوقت .... وكل شوي تتكلم والمشكله اذا احد تكلم ما اعرف احل لازم يخلص كلامه علشان اعرف اركز .. وقعدت تقول ضيعتو وقت وجيتو متاخرين وبعدين صليتو .. قتلتها انا ياذن المغرب وانا في الطريق وين تبغيني اصلي ؟ حسبي الله ونعم الوكيل بس ..