اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ

[M!ss Messo]

مردودااااات المبيعااااات

اذا انا اشتريت اي سلعه من منشأة فاضل واكتشفت ان فيها عيب ماا وبغيت اردهاا

في ثلاث صور للمردوداات

الصورهـ الاولى مردودات مبيعات نقديهـ
يعني المنشأه رجعت المبلغ للمشتري نقداا وتسجيل القيد راح يكون كذاا

من حـ/ مردودات المبيعات << مردود المبيعات يعني يردوو البضاعهـ يعني بيزيد اصل بس ماراح نسميه بضااعه بنفتحله حساب باسم مردودات المبيعات
إلى حـ/ الصندووق <<< الصندووق بطبعه مدين بس لانه نقص منه رصيد راح ينتقل للطرف الثاني


الصورهـ الثانيهـ مردودات مبيعات بشيك يعني رجعتالبضاعه للمنشأه وعطتني شيك اسحب من رصيدها بالبنك
وتسجيل القيد بيكون كذا
من حـ/ مردودات المبيعات
إلى حـ/ البنك << مدين نقص يريوح للطرف الدائن

الصوره الثالثهـ اني ارد البضاعهـ وينشأ دين عالمنشأه تجاهي انا كمشتري
ونسجل القيد كذاا
من حـ/ مردودات المبيعات
إلى حـ/ المدينين

:
:
:

BrB ونرجع نكمل المسموحاااااات

[M!ss Messo]

المشاركة الأصلية كتبت بواسطة الشاهين

يعطيك الف عافية ياختي انت الجندي المجهول (شمعة تحترق لاجل اخواتك وخواتك)
لوسمحتي ابغى الخلاصة من محاضرات 10-11-12 ------------ واحد طماع
واصلي لاتوقفين لاتوقفين لاتوقفين

الف شكر لك عالإطراء

أما بالنسبه للمحاضرات اللي طلبتها انا الحين وصلت للعاشره اللي هي عن المبيعاات تابع معي وان شاء الله اقدر اكتبهم بسرعهـ

بالتوفييق

المشاركة الأصلية كتبت بواسطة ابولمار

اسأل الله ان يسعدك في الدارين

ويارب فل مارك

والاولى ع الجامعه

ويرحم والديك

ويعلم الله اني ركزت لين حولت عيوني

والف شكر استاذتنا الغاليه (( يسعدك ربي ))


والله انها هانت عندي المحاسبه بعد شرحك وراح تكوني سبب بعد الله في نجاحي لو ماجبت العيد الله يستر

آآآمين ياااارب وتسلم عالدعواات
وإن شاء الله ربي يوفقك ويوفقنا اجمعيين

[M!ss Messo]

مسموحات المبيعااات

طيب ممكن انا كمشتري احتفظ بهالبضاعه اللي فيهاا عيب بس بمقاابل ان يخفضلي سعرها يعني يردوولي جزء من المبلغ

مسموحات المبيعات تعتبر مدينه بطبعهاا ليه ؟؟ لانها تخفض ايرادات المنشأه

ملاحظهـ يظهر رصيد مسموحات المبيعات في نهاية الفترهـ مطرووح من اجمالي المبيعاات في قائمة الدخل للدخول لصافي المبيعات

يعني ::

صافي المبيعاات = اجمالي المبيعاات - مردودات المبيعات - مسموحات المبيعات

ويكون كمان على عدة صور

الصورهـ الاولى إنو جزء التخيفض يرجعلي انا كمشتري نقدا يعني راح ينقص من صندوق المنشأه
راح يكون القيد كذا

من حـ / مسموحات المبيعات
إلى حـ/ صندوق المنشأه

وتسمى هذه الصوره مسموحات مبيعات نقديهـ
:
:
:
الصورهـ الثانيهـ إنو ترجعلي المنشأه جزء التخفيض بشيك يعني اروح اسحبه من البنك يعني الرصيد في البك راح ينقص
وراح يكون القيد كذاا

من حـ/ مسموحات المبيعات
إلى حـ/ البنك


الصورهـ الثالثهـ هي انو ينشأ دين عالمنشأه يعني ترجعلي جزء التخفيض بالاجل وهنا بينقص حساب المدينين
وبيكون القيد كذاا

من حـ/ مسموحات المبيعاات
إلى حـ / المدينين

:
:
:
وكذااا نكون خلصناا من مسموحات المبيعات وصورهاا

BrB ولنا عوودهـ مع خصم المبيعااااات

[arij]

ملاحظة

في قوانين بالمحاضرة العاشرة مهمة جداً

لأن المادة اغلبها تطبيق للقوانين

ذاكروها..

[شرقاوي الجبيل]

مجهود مميز بارك الله فيك اختي

وفالك مو المليون فالك التوفيق والفل ماااارك

في الحقيقة استفدت كثير من شرحك المبسط والممتع

[ابو عبدالعزيز2]

/سؤالي أختي مس ميسيو / معليش ثقلنا عليك البربرة ودوخة الراس بس تحملينا باقي أختبار هالمادة و يارب نعديها على خير ونفرح بنجاحنا جميعا" قولو أأأأمين يالحاضرين , السؤال ح/ المسموحات و ح/ المردودات والحساب الأخير مردودات المبيعات الي تشرحينة الآن ** قيودهم زي بعض سواء السداد النقدي أو على البنك أو بالآجل مع العلم بأن السؤال الرئيسي نفس الصيغة أعادة بضاعة لوجود عيب أو أختلاف في المواصفات الخ .. ودي اعرف ليش ما تظم في حساب واحد مادامت نفس القيود الثلاثة... ياليت تكوني فهمتي وأستوعبتي سؤالي ؟؟؟؟؟؟؟ والله أني أدعيلك في نفسي قبل لساني بالخير والسعادة لك ولمن تحبين ,

[M!ss Messo]

نجي الحين

لخصم المبيعااات

كمان خصم المبيعات مثل خصم المشتريات ينقسم لقسمين
أ / الخصم التجاري .. ب/ الخصم النقدي

نبدا بالخصم التجاري ......
الخصم التجاري نفس الخصم في المشتريات هو ان البائع يمنح خصم للمشتري حتى يروج مبيعاتهـ
وتسجل المبيعات بالصافي بعد مانستبعد قيمة الخصم منه

* الخصم التجاري يظهر في فاتورة البيع ولا يظهر في دفتر اليوميه .. يعني قلنا ماراح نسجل الخصم في الدفتر .. علطول راح ننقص قيمة الخصم ونسجل المبلغ اللي بعنا فيه البضاعهـ

ناخذ مثال طيب علشان ترسخ المعلومهـ

باعت منشأة فاضل التجاريهـ بضاعه بسعر الكتلوج بمبلغ 50000 ريال لمنشأة النجاح بخصم تجاري 5% وحصلت القيمة نقدا
المطلووب .. تسجيل العمليهـ السابقه في دفتر اليوميهـ

أول شي نطلع قيمة الخصم التجاري = 50000 * 5 = 250000 / 100 = 2500 ريال
قيمة المبيعات المحصلهـ = 50000 - 2500 = 47500

ويكون القيد كذاا

47500 ..................... من حـ/ الصندوق
...........47500 .............. إلى حـ/ المبيعات
والبيان بيكون عادي شرح للعمليه بإختصار ( إثبات مبيعات نقديهـ بخصم تجاري 5% )

:
:
:
BrB ولي عودهـ مع الخصم النقدي

بالتوفييييق

[ههههههههههه]

[IMG]file:///C:/Users/USER/AppData/Local/Temp/moz-screenshot.png[/IMG][IMG]file:///C:/Users/USER/AppData/Local/Temp/moz-screenshot-1.png[/IMG]شبااااااب فيه اسئله في ملخص ابو موووزه المحاضره رقم 14

السوال من رقم 7 الى 15

ابي اعرف كيف جاااب الناااتج لاني والله تعبت مافهمت كيف

حاولت انزل الاسئله ما عرفت

بالله بليز شوفوو الحل الله يخليكم ويوفقكم

[احتمال انجح]

ماشاء الله عليكم

الله يوفقكم ويكثركم يالدوافير

[M!ss Messo]

المشاركة الأصلية كتبت بواسطة ابو عبدالعزيز2

/سؤالي أختي مس ميسيو / معليش ثقلنا عليك البربرة ودوخة الراس بس تحملينا باقي أختبار هالمادة و يارب نعديها على خير ونفرح بنجاحنا جميعا" قولو أأأأمين يالحاضرين , السؤال ح/ المسموحات و ح/ المردودات والحساب الأخير مردودات المبيعات الي تشرحينة الآن ** قيودهم زي بعض سواء السداد النقدي أو على البنك أو بالآجل مع العلم بأن السؤال الرئيسي نفس الصيغة أعادة بضاعة لوجود عيب أو أختلاف في المواصفات الخ .. ودي اعرف ليش ما تظم في حساب واحد مادامت نفس القيود الثلاثة... ياليت تكوني فهمتي وأستوعبتي سؤالي ؟؟؟؟؟؟؟ والله أني أدعيلك في نفسي قبل لساني بالخير والسعادة لك ولمن تحبين ,

لازم يكون كل قيد لوحده علشان يعرفو وش اللي ردووه ووش اللي سمحو بارجاع جزء من المبلغ
يعني هم يبون دوخة الراس هذي
دفتر اليوميه من اسمه
تسجيل كل العمليات يوم بيووم صغيرها وكبيرها
علشان كذا يفتحون لكل قسم حساب خااص

اللهـ يجزاك كل خير وانا ماابي إلا دعووهـ بظهر الغيب