 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2012- 6- 3
|
||||
|
||||
|
لكل من يريد الالتحاق بقسمي الجميل ( اللغة الانجليزية)
السلام عليكم ورحمة الله وبركاته ..
اولا احب ارحب في كل بنات تحضيري اللي محتاسين مع التسجيل للتخصصات و احب اوجهه تحيه لاختي دروب هوني اللي وضعت موضوع عن قسمها وحمستني اسوي نفس الشي .. سبق وتكلمت عن قسمي بأحدى الردود في احد المواضيع وردي كان كافي ووافي ف حبيت ان انقل لكم ردي عشان تاخذون فكرة عامة عن التخصص .. والله يوفقكم كلكم ....... السلام عليكم ورحمه الله وبركاته هذي مقدمه بسيطة عن قسمي الجميل " قسم اللغة الانجليزية " واهدي هالكلام لكل طالبة تفكر انها تنتسب لقسم اللغة الانجليزية .. انا الحين طالعة لسنة ثالثة ولي فترة لا بأس فيها بهالقسم واعرف بعض الدكاترة بالبداية قبل كل شي انتي رح تدرسين انجليزي كعلم وليس فقط ك لغة مارح اقولك الدراسة ممتعة ولا رح اقولك الدراسة صعبة .. لان هالموضوع نسبي ويختلف من بنت لاخرى ومن احنا صغار واهلنا يعلموننا انو اللي يذاكر ينجح .. ف لو مشيتي على هالمقولة صدقيني بتفلحين اهم شي يكون عندج خلفيه جيدة او لا بأس فيها عن اللغة تعرفين الاسياسيات و تعرفين تفرقين بين الفعل والفاعل تعرفين تكتبين جمل مفيده و تعرفين تقريين الكلمات المألوفة و اذا كنتي تتابعين افلام اجنبية بعد حلو لان هالشي رح يفيدج انج تسمعين اللغة من المتكلمين الاصلين .. وخلال فترة الدراسة رح تمر عليج كلمات مألوفة بالنسبة لج وتقدرين تفهمين عليها والاهم انج تكونين جريئة شويات وتمارسين اللغة اقلها بالكلية بين المحاضرات وههيك بالبداية تحسين غريب بس صدقيني بعد اول كورس بتتكلمين انجلش من نفسك اما بالنسبة للتأسيس فالكلية تتوقع منج انج تعرفين الاساسيات اللي ذكرتها فوق واول كورس يكون تأسيس خلينا بالدراسة الحين بالبداية رح تبدين بمستوى ثالث و تاخذين اربع مواد وهي كتابة وقراءة و قواعد ( نحو) و استماع هذي الاربع مهارات للغة مثل الدورة التأسيسية للانجليزي بس بنفس الوقت لازم تعتمدين على نفسج عشان تطورين اللغة عندج الكتآبة هي عبارة عن كتابة برقراف وكذا ورح يعلمونكم كل شي من الف الي ياء وفيه دكتورات كثير شاطرات درسوننا ودرسونا غيرنا والحمدلله عدينا وتقدرين تسجلين جدولك بنفسج وبكذا انتي تختارين مين يدرسك و مع سؤالج عنها هنا بيكون تكونت عندج فكرة بسيطة عنها اما القراءه فهو عبارة عن قراءة و كلمات جديدة بالاضافة الى شويه استراتيجات يعني قواعد بس مو نحو يعني قواعد بسيطه وسهله ان شاء الله وهالمهارات تقوي اللغة عندج بالنسبة الى القواعد فهو مثل النحو بس كان من احب المواد الى قلبي لان بالفهم افهمي وركزي مع الدكتورة بالمحاضرة وتعدين ان شاء الله واصلا القواعد مو صعبة تقريبا تأسيس للغة واتقانك لهالمادة يساعدك في كتابة برقراف ( تعبير ) صحيح لان كل برقرارف اصله جملة مفيدة صحيحة و الاستماع هو عبارة عن استماع انو تسمعين محادثة بين شخصين ويكون معك اسئلة وتحلينها وهذي مادة من اسهل المواد اللي نستفيد منها بتجميع الدرجات ركزي واستمعي زين وان شاء الله تجبين احسن الدرجات وقبل اي اختبار بيكون اصلا فيه تدريب مع الدكتورة الى ان تتمكنين من المادة .. و هالمواد الاربع كلها 3 ساعات وتاخذين على محاضرتين بالاسبوع + مادتين عامة ( المواد العامة هي مواد من الاقسام الاخرى بس تنفع برفع المعدل التراكمي ) بعد اجتيار هذه الدورة التأسيسية اللي هي مستوى ثالث معناها انك اكتسبتي مهارات اللغة الاربعة و مستعدة لدراسة تخصص اللغة الانجليزية تخصصنا هو لغة انجليزية وهو مزيج مابين الادب واللغة .. ووقت التخرج يكتب على الشهادة كلية الاداب تخصص لغة انجليزية مستوى رابع تبدا المواد تزيد وتصعب شوي .. شوي ركزي معاي مو كثير اذا ذاكرتي اول باول كل شي يكون سهل هنا تاخذين 6 مواد وهي اللغويات : تتكلم عن اصل اللغة .. و اهم علوم اللغة مثل الصوتيات وغيرها المادة حلوه تعتمد على الحفظ والفهم النثر : امتداد للقراءة 1 وهي مادة حلوة لكن تعتمد على استعابك لكل محاضرة لانها تتكلم عن عدة استراتيجات وبفهمك تقدرين تعدين المادة استماع 2 : هنا تقسم المادة جزئين جزء استماع وجزء محادثة والمحادثة جدا جميلة تعتمد على السوالف بس بالانجلش ومن اجمل المواد اللي درستها  اما الاستماع مثل الاستماع الاول . كتابة 2 : نفس الكتابة الاول ولكن بدون ماتكتبون برقراف تكتبون مقالات .. ولا تخافين المقال هو نفسة البرقراف بس بشكل اكبر يعني تكتبين برقرافين او 3 وهذا يسمونه مقال الادب في عصر النهضة : مادة جميلة للي يحبون الادب ويستمتعون فية .. انا مادرست هالمادة بس عندي خلفية عنها وهي مقسمه الى شعر مثل الشعر ايام الثانوية تمسكين قصيدة وتحلليها بس طبعا كل هذا بعد تدريب مع الدكتورة والقسم الثاني هو دراما وهي عبارة عن مسرحية ونفس الوضع نتكلم عن المسرحية والاحداث والشخصيات وطبعا الدكاترة يفهمونج طبيعة الماده اكثر بحكم انني مادرستها الانظمه والقواعد النحوية : وهالمادة مثل النحو الاول بس اقل واحلى يعني تفهمين ان شاء الله تمشين وهذي من احب المواد لقلبي ولان الدكتورة اللي مسكت المادة شرحها جميل ووافي وبكذا تخلصين مستوى رابع وتروحين لسنه ثالثة وتاخذين مواد غير .. وهذي الخطة الدراسية .. http://www.kfu.edu.sa/ar/Colleges/ar...s/ENGsup3.aspx بشكل عام اشوف القسم جميل والدكاترة متعاونين .. للعلم انا ماني متفوقة ولا حتى من المتحيزين بس انا اشوف لو ذاكرتي تنجحين ولا فيه حد بيرسبك او يظلمك انتي بيدك مصيرك وعلى فكرة انا حملت مواد كثيرة قبل بس لان خلفيتي بالانجليزي كانت سيئة بالاضافة الى انني ماكنت حريصة ومتابعة اول بأول .. يعني حتى المواد اللي حملتها كانت بسببي ولا فيه احد ظلمني والله على مااقول شهيد .. مع العلم انني كنت من المتفوقات بالثانوي بس مااقصد ان مستواي ميح لكن تحسن كثير لاني اشتغلت على نفسي وبنفس الوقت صرت حريصه واذاكر اول بأول .. على فكرة تذكري انج تدرسين لغة ثانية غير العربي .. يعني حطي ببالج ان القسم مايدرسون بس اللغة الا يدرسون لغة انجليزيه بالاضافة للمواد اللي بنـأخدها بعدين يعني علم لغة انجليزية .. وناخذ هالمواد وهالعلوم المختلفة بلغة غير لغتنا الام .. وبالاضافة الى ان تخصص انجليزي مايقيدك تقدرين تصيرين مدرسة او اي وظيفة اخرى لان الانجليزي لغة العصر هذا خلفية بسيطة عن قسمي الجميل واتمنى انج ماتتأثرين بحد .. لان كثرة الكلام يعور الرأس اذا تحبين اللغة وناوية تدرسينها وتشتغلين على نفسج صح حياك الله بين اهلك وخواتك 
|
|
2012- 6- 3
|
#2 |
|
أكـاديـمـي
|
رد: لكل من يريد الالتحاق بقسمي الجميل ( اللغة الانجليزية)
الله يسهل لنا يارب ونتخصص انجليزي
|
|
|
|
2012- 6- 3
|
#3 |
|
متميزة في كلية الأداب بالدمام
|
رد: لكل من يريد الالتحاق بقسمي الجميل ( اللغة الانجليزية)
يعطيتس العافيه ، و عقبال م نخدمتس خريجةة
 و يعطي العافيه دروب  
|
|
|
|
2012- 6- 3
|
#4 |
|
أكـاديـمـي فـضـي
|
رد: لكل من يريد الالتحاق بقسمي الجميل ( اللغة الانجليزية)
تسلميييييييييييييييين ياقلبي وفرتي عليً تعب وخوف من القسم لاني توني محوله له الترم هذا بس بعدني ما ادرس فيه شيء واسمع الكل يقول عنه صعب مع العلم اني شديت على نفسي ورفعت معدلي عشانه ولما حولت له الكل قال لي انه صعب وبديت اخاف منه
بصراااحه ريحتيني .. الله يعطيك العـــافيه و يوفقك وين ماكنتي
|
|
|
|
2012- 6- 3
|
#5 |
|
أكـاديـمـي فـعّـال
|
رد: لكل من يريد الالتحاق بقسمي الجميل ( اللغة الانجليزية)
|
|
التعديل الأخير تم بواسطة الآنسة ; 2012- 6- 3 الساعة 05:23 AM |
|
|
|
|
2012- 6- 3
|
#6 |
|
أكـاديـمـي فـعّـال
|
رد: لكل من يريد الالتحاق بقسمي الجميل ( اللغة الانجليزية)
يعطيك العافية ما قصررتي
" و هالمواد الاربع كلها 3 ساعات وتاخذين على محاضرتين بالاسبوع + مادتين عامة " ^ شلوون يعني مرررررره كثيير !!  اللي فهمته انها 24 ساعة بالاسبوع مواد التخصص بس .. ومع المادتين العامة تصير 28 ساعة بالاسبوع !! معقوووله كذا  يا رررب اني فاهمه غلط 
|
|
|
|
2012- 6- 3
|
#7 |
|
أكـاديـمـي فـعّـال
|
رد: لكل من يريد الالتحاق بقسمي الجميل ( اللغة الانجليزية)
يعطيك العافية ما قصررتي
" و هالمواد الاربع كلها 3 ساعات وتاخذين على محاضرتين بالاسبوع + مادتين عامة " ^ شلوون يعني مرررررره كثيير !! اللي فهمته انها 24 ساعة بالاسبوع مواد التخصص بس .. ومع المادتين العامة تصير 28 ساعة بالاسبوع !! معقوووله كذا يا رررب اني فاهمه غلط
|
|
|
|
2012- 6- 3
|
#8 |
|
أكـاديـمـي ألـمـاسـي
|
رد: لكل من يريد الالتحاق بقسمي الجميل ( اللغة الانجليزية)
تسلموون بنات على ردودكم وحياكم الله بالقسم .
بالنسبة للاستفسار قصدي بثلاث ساعات انو بالخطه مكتوب ان المادة 3 ساعات دراسية مثل تحضيري كانت المواد ساعتين هنا 3 ولان المواد قليلة يصير تاخذونها مرتين بالاسبوع مثلا القواعد يكون مثلا السبت اول محاضرة والاحد اول محاضره والغرض من هالشي انو تخلصون المنهج بسرعة .. مو مثل التحضيري المادة مرة اسبوعيا لا هنا تصير مرتين اسبوعيا هيك قصدي اتمنى تكونون فهمتوا .. |
|
|
|
2012- 6- 3
|
#9 |
|
أكـاديـمـي فـعّـال
|
رد: لكل من يريد الالتحاق بقسمي الجميل ( اللغة الانجليزية)
اهاا .. فهممت
مشكوورة يا قلبي يعطيكك العافية
|
|
|
|
2012- 6- 3
|
#10 |
|
صديقه منتدى كلية آلآدآب بآلدمام
|
رد: لكل من يريد الالتحاق بقسمي الجميل ( اللغة الانجليزية)
صبآآآح الخير ، ياعســـل
أشكرك حبيبتي ، وشكراً لك لانك ساعدتي البنات وتكلمتي عن تخصصك كان ودي كل بنت تتكلم عن تخصصها و تكون المواضيع مثبتة حتى تنتهي فترة التخصص يمكن غلطي ما ذكرت .gif "(107)") المهم الله يجزاك كل الخير
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تعليم قواعد اللغة الانجليزية والمحادثات | مايا عجور | English Forum & other Languages | 6 | 2012- 8- 16 09:49 AM |
| انجح طريقة لتعلم اللغة الانجليزية بطلاقة | ادب | ملتقى طلاب التعليم عن بعد جامعة الملك فيصل | 54 | 2012- 6- 2 03:43 PM |
| خدمة الفرد والجماعة | علم الاجتماع1 | اجتماع 3 | 11 | 2011- 1- 8 09:58 PM |
| محتاج ملخصات في بعض المواد | حفراوي منتسب | اجتماع 3 | 8 | 2011- 1- 5 12:02 PM |
| ممكن ملخصات خدمة الفردوالجماعة | علم الاجتماع1 | اجتماع 3 | 13 | 2011- 1- 4 08:11 PM |
