 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2009- 3- 10
|
||||
|
||||
|
سالوني قالوا تحبه قلت إيه أحبه لآخر نفس فيني أحبه
{..
سهرت الليل وانا اشكي ألم بعدك جلست ابكي كتبت أسمك على صدري نزف جرحي وانا مادري ماعلموك ؟! ان الغلا يجرح الروح ! وانا على فرقاك .. تنزف جروحي !! أسف ازعجتك ؟ بس يمك خذتني لهفة الخاطر ما امهلتني انتظر باكر يادرب ياطولك على فرقا الاحباب يادرب تكفى تختصر لي المسافه حبك بقلبي شراله "دتسن" غماره ومن كثر الغلا فحط على باقي المحبين مساء ابيض يضمك حيل باحضانه.. مساء يهدي أمل وردي لأجمل وأعذب إنسانه المحبه راس مالي والقلوب الي تعشقها *^* والضلوع اليا تثنت من غلاك الله عوجها تبسم للزمن تكفى ترى صمت القهر حراق وحذاري تذرق الدمعه ولو النفس مجروحه مدري غلا ! ولاوله ! ولا محبه ! لاشفت رقمك غصب عني تبسمت أنت الحياة وباقي الناس لي موت .. وشلون التفت للموت ؟ وأترك حياتي ! أبحكيلك حكاية قلب حلف يمشي على أمرك رفض يسكن صدور الناس وجاك بيسكن بصدرك لاشوف .. لاخبر .. لاحس .. لا أثر .. بس بس هذا طبع البدر يطل يوم ويغيب شهر رن رن رن ألو محل الورود ؟ لو سمحت أبي أحلى ورده لأحلى عيون تقرأ هالرساله فتحت أغلى اوراقي لقيتك عمري الباقي ولقيت اسمي يضم إسمك ومستحيل مثلك الاقي لو بغيت أكتب لك شعور القلب واحساسه ! حروف الكون ماتكفي ياعطر الورد وانفاسه ..} عائله أبو فراس أبو فراس(جاسم) الأب هذا الأب صاحب مركز كبير كان يعيش مع أسرته في الرياض ولكن بعد مده انتقلوا الى الكويت كان طيب مع ولده وزوجته ======== فراس(25) الابن الأكبر والوحيد شخصيه رائعة وسيم عيونه زرق رموشه طويله بس قليله يحب الرجه والاستهبال والكشته طويل جسم ولا أروع كان ماسك الشركة مع أبوه وفي نفس الوقت يدرس يحب بنت عمه نوف حب وطبيعي ========= أم فراس ( نوره) إنسانه رائعة حنونه طيبه ما رزقها الله إلى فراس ========= عائله أبو فيصل أبو فيصل( عبد العزيز) إنسان اجتماعي مخلص لي أسرته كان يملك هو وأخوه (جاسم ) عده شركات يديرونها بمساعدة أبنائهم ========= أم فيصل (فاطمة) أم حنونه وطيبه كانت حلوه رغم كبر سنها كانت تعود عيالها على الحب والتسامح والبساطة ========= فيصل(25) حبوب وسيم طويل عيونه خضراء فاتحه مكحله رموشه طوال خشمه سيف شعره ناعم وطويل جسمه رياضي حلو كان يديه مظهر الجامعةاخر سنه في الجامعه الطب ========= نور(27)بنت حبوبه فيها شوية غرور طويلة نوعاما متزوجة من ولد عمها مهند عندها بنت زي القمر اسمها أميره عمرها أربع سنوات ========== خالد: (20) انسان حبوب مرح طول وقته مع احمد وفراس طويل عيونه عسلي ويهتم بمظهر ويحب الكشته طبعا دامه طول الوقت مع احمد وفراس ========== نوف(19)اخرالعنقود دلوعة و طويلة ونحيفة عيونها واسعة عسليه رموشها كثيه وطويله وجهها نحيف وشعرها قصير يغطي رقبتها لونه بني طبيعي وكان ناعم مرره وكانت مرره حلوه وفيها رجه مو طبيعيه وتحب شي اسمه استهبال و تحب ولد عمها فراس =========== عائله مهند أبو مهند متوفي من3 سنوات تقريبا أم مهند أم كبيره في السن عندها القلب وكل شويه حالتها تتدهور زيادة =========== مهند(29) الابن الأكبر إنسان جدي سريع الغضب يدير شركه أبوه إلي منفصل عن شركه أعمامه بسب الطمع متزوج من بنت عمه نور =========== أريج (22) مغرووره بس حبوبه طويله نحيفه عيونها مايله لازرق يعني رمادي رموشها قصيره وكثيفه تهتم بالموضة تشتغل في شركة المرحوم أبوها تحب ولد عمها فيصل بس هو مو مديها أي اهتمام>>>خخخ مسكينه ========== عائله أبو احمد أبو احمد متوفي هو وزوجته في حادث عنده ولدين ولد وبنت عايشين عند عمهم جاسم ========= احمد (23) الأخ الوحيد لنهى عايش هو وأخته عند عمه من بعد وفاة والديه يشتغل في الشركة مع أعمامه إنسان حبوب ومرح ويحب الكشته والوناسه طويل جسم رياضي عيونه رماديه رموش طويله وكثيفه ========= نهى(20)إنسان حبوبه مرحه نعومه وحساسة شعره اطويل الين خصرها عيونه لونه رماديه غامقه **الجزء الأول** كانت نايمه في جناحه الفخم الي كان هادئ واللى عكر هذا الهدوء وخلاها تنزعج صوت المنبه حقها قامت بكسل من السرير وراحت الحمام اخذت لها شاور سريع وخرجت من الحمام وهي رابطه الفوطه على راسها راحت للبالكون وفتحتها ودخلت خيوط الشمس الذهبيه الغرفه المظلمه راحت بسرعه وغيرت ملابسه ومشطة شعرها القصيروحطت مسكره وشدو وغلوس وكحل وطلعت عن جد بريئه واخذت اغراضها وشنطتها بسرعه قبل لاتتاخر على المحاضره نزلت تحت لقيت اخوها وامها يفطرون قالت وهي تسحب لها الكرسي: صباح الخير جاوبتها امها بابتسامه خفيفه : صباح النور شافت اخوها قايم نادته :فيصل التفت لها علشان يعرف ايش تبغى:هلا نوف وهي توقف : ممكن توديني ال... قاطعتها امها: وين تونا بدري عاد ماافطرتي نوف : مامي ايش بدري الساعه 7:30 وانا محاضرتي الساعه 8 ردت عليها امها بقلت حيله : خلاص كيفك رجعت نوف لفت لاخوها :ها توصلني ولا اخلي السواق يوديني فيصل وهو يتافف : بوديك وامري لله راحت له بسرع وباسته: فديتك والله نزل خالد على اخر جمله قالتها : احم احم بقول لفراس نوف: الناس تقول صباح الخير اول مواحم احم خالد: وايش دخلك ادري انك تبي تضيعي السالفه بس بقول لفراس بقوله نوف مدت لسانه : قوله وخرجت خرج فيصل وركب السياره وبعد شويه لحقته نوف وركبت مع اخوها مرت دقائق والسياره يسودها الصمت قطع هذا الصمت صوت جوال نوف نوف :هلا والله بنهى اخبارك نهى :تمام اخبارك انتي نوف : تمام هلا بغيتي شي نهى : لا بس حبيت اسلم نوف استغربت : نهى انتي حاطه اسبيكر نهى بتوتر : هااا لالا من قال نوف عرفت: انتي اشبك تستعبطين فجأه سمعت صوت اخوها يضحك وهي مسكينه ماتدري ان فراس وراهم ومعاه نهى وهي حاط سبيكر علشان فراس بعد ثواني سمعت صوت رجالي يصبح عليها ابتسمت بخجل وردت : صباح النور فراس : انا تمام انتي كيفك>>>يستعبط لانها ماقلت له اخبارك نوف:تمام بعد مده قفلت نوف من فراس وهي تطالع الطريق وهي مبتسمه وقفت سياره فيصل عند جامعه.... نزلت نوف وتوها بتدخل الى تسمع صوت وقفها عن المشي التفت ورها شافت نهى كانت رابط شعرها ذيل حصان وكانت حاطه مكياج صباحي مديها انوثه نوف :هلا والله ومسكت اذنها بقوه نهى :أي أي خلاص توبه نهى:ههههههه انتبهت نوف لسياره فراس الواقفه والي كان داخلها جالس ومشغل اغنيه راشد الماجد عشان الحب وكان يغني لها بعدين غمز لها وارسل لها بوسه في الهواء وراح هذا الي خل وجهها يحمر ودخلت بعدين هي ونهى الجامعه وافترقوا كل وحده راحت للقاعه حقتها في الشركه توه فيصل دخل الشركه ووكان يسلم على العملاء والمراجعين والابتسامه على وجهه راح للمصاعد يستنى المصعد وطلع فوق راح غرفته شاف اوراق كثيره على مكتبه ناد السكرتير دخل السكرتير: نعم طال عمرك فيصل وهو معصب: ايش ذي الاوراق السكرتير : طال عمرك هذي معاملات للاستاذ احمد والاستاذ فراس فيصل: طيب ايش جابها عندي السكرتير: نبيك توقعها طال عمرك فيصل رفع حاجب وباستغرب : ليه وينهم السكرتير: الاستاذ فراس والاستاذ احمد لهم اكثر من اسبوع غايبين طال عمرك فيصل: ابيك تنزل قرار بعقوبه خصم من رواتبهم السكرتير: كم المده طال عمرك فيصل : 3 اسابيع السكرتير: امرك طال عمرك خرج فيصل من مكتبه بسرعه لان عنده محاضره بعد نص ساعه وصل فيصل الجامعه بسياره الفخمه دخل الجامعه والبنات بيموتون ويديهم نظره بس زي ماقلت لكم هو ثقيل خخخخخخ اجت وحده قليله ادب وقفت قدام فيصل: هلا ممكن نتعرف ياحلو فيصل رفع حاجب : خير البنت: ابي اتعرف ممكن فيصل : لا واذلفي عني البنت: ليه ياحبيبي فيصل : حبك برص فيصل مشي والبنت واقفه مكانه محد سوى فيها كذا غيره فيصل مشي وصل للقاعه وجلس وشويه دخل الدكتور حط النظاره الشمسيه حقه على الطاوله وبدا يشرح بعد ربع ساعه دق فراس الباب : ممكن ادخل الدكتور: بدري ياأستاذ فراس فراس وهو مبتسم :بدريك من عمرك مشكور توه بيدخل إلى الدكتور: وين ياأ ستاذ فراس وبداء يديه محاضره عن الالتزام بالمواعيد فراس قعد يلعب بالاسواره حقته وشويه بالساعه الين ماطفش و قاطعه: دكتور اروح اخذ البريك ولا لسى تبي تقول شي كل الي في القاعه ضحك الدكتور :يلا برا فراس : ابركها من ساعه الي اني افتك من مقابلت وجهك ومحاضرتك السخيفه الدكتور وهو معصب: انت لعد تحضر لي ولا محاضره فاهم فراس: لو اعرف ايبب كان يببت وهو خراج شاف نظاره الدكتور على الطاوله قام واخذها وخرج والي في القاعه يضحكون الدكتور : خير ان شاء الله يوم خرج من القاعه قابل نفس البنت الي قابلها فيصل الصباح البنت: هلا والله بالقمر فراس : انقلعي عن وجهي لاشوتك شوته اوصلك المريخ فاهمه مشي وهو يقول بصوت خفيف اشبه بالهمس:وحده قليله ادب البنت سمعته وقفت مكانه مندهشة راحت لشله حقتها وجالست: اشبه ذا اريج>>عرفتوها بنت عمهم : قلتلك ذولي ثقال مو أي وحده تجيب راسهم روان البنت: وحد يقولي اذلفي والثاني بشوتك اريج: هههههههه كنت متوقعه منى: انتي كيف تحبين فيصل اريج: انتي ماتشوفين كل البنات يتجننون عليه منى : بس عشان هو حلو اريج : عليك نور عشان هو حلو وعشان اقهر البنات منى : اهاااا طيب ايش دراك انه يحبك او يفكر فيك مو عنده نهى اكيها قدامه اريج: لا يحبيبتي وين بيلاقي زي في جمالي روان : لا يا حياتي هذا صعب مو زي أي واحد اريج ابتسمة بخبث فراس جالس يتمشى هو واحمد وشويه اجا اتصال فراس: السلام عليكم السكرتير: وعليكم السلام فراس: هلا اسامه بغيت شي السكرتير: لا طال عمرك بس ابيك تجي تستلم انت والاستاذ احمد ورقه العقوبه فراس: طيب كم المده في نفسه يضحك ويقول كالعاده فيصل نزل عقوبه خصم يا يوم ولا يومين السكرتير: 3 اسابيع فراس: هااااااااااا ايش تقول السكرتير: هذي اوامر الاستاذ فيصل فراس : طيب شكراا وقفل احمد : اشبك فراس قال له السالفه احمد: تمزح انت وجهك فراس : لا والله احمد: يلا خلينا نروح الجامعه اكيد هناك فراس: يلاااا فيصل توه خارج من القاعه وراح للبوابه الى ويسمع صوت واحد يناديه فيصل: هلا والله فراس: فيصل كم مده العقوبه الى منزله لي انا واحمد فيصل: بدون سلام ولا كلام ما عليه ههه ليه ماقال لكم السكريتر فراس: هااا لا ماقلنا فيصل لف لأحمد: هاا احمد علمكم احمد: الى بس نحن اكيد انه كذاااب لان المده مو قصيره فيصل: كم احمد:3 أسابيع فيصل : طيب وين الغلط فراس : من جدك لا شكلك تمزح صح فيصل عقد حواجبه: لامن قال تعالوا ابي اوريكم شي راح فراس واحمد مع فيصل وكل واحد ركب سيارته وصل فيصل الشركه وبعده فراس واحمد دخل فيصل ومكتبه وورهم الاوراق فيصل: ايش رايكم فراس: ايش هذا فيصل: معاملات وورق لازم بكره نسلم فراس: طيب هذي مشكلتك فيصل: لا هذي الورق انت واحمد لازم توقعونها وتخلصونها بسرعه احمد: بس الدوام باقي عليه 10 دقايق ويخلص فيصل خرج وقفل الباب فيصل: دحين تقدرون تشتغلون ماراح افتح الى لما تخلصون الشغل وترى في اكل عشان ماتقلون عني بخيل واشوفكم بكره بااااااي فيصل ركب سيارته وشغل اغنية عبدالمجيد عبدالله اموت بحبك وكان يغني معه وصل بعدين للقصر الفخم حق عمه الي ما يفصل عن بيتهم غير متر واحد بس دق فراس الجرس وفتحت له نهى نهى: هلا والله اخباركـ ليه معد تزورنا فيصل:ههه على ايسوال اجاوب نهى: كلها فيصل: والله الجامعه والشغل فوق راسي نهى: هذا مو عذر فيصل: وانتي بتفتحين لي تحقيق عند الباب نهى:هههههههه سوري تفضل فيصل: زاد فضلك بس خالتي موجوده نهى: ايوه ليه >>>اشتغل هرمون اللقافه خخخخ فيصل: بس من اللقافه قومي ناديها نهى راحت بسرعه فوق ونادت خالتها دخلت الصاله لقيتها جالسه تشرب شاهي نهى: يمه فيصل يبيك تحت نهى تعتبر ام فراس زي امها المرحومه ام فراس: طيب راحت نهى علة طول على غرفتها وشغلت النت نزلت ام فراس الدرج وراح لها فيصل بسرعه وسلم عليه ام فراس: هلا وليدي اخباركـ فيصل: تمام اخباركـ انتي وعمي ام فراس : تمام فيصل:خالتي فراس اليوم مابيجي البيت ولا هو ولا احمد ام فراس بخوف : ليش ايش فيهم قولي ياولدي تراك وقفت قلبي فيصل: سلامة قلبك لابس انا مديهم عقوبه في الشغل وانا خليتهم في الشركه وقفلت عليهم ام فراس: احسن خليهم دايم اقلهم ماعندكم شغل يقلون لا ماعندنا فيصل: هههههههههههههه يلا انا استاذن ام فراس: لا اقعد بدري ماشبعنا منك فيصل ابتسم: المره الجايه خالتي =============== الجزء الثاني فيصل خرج من البوابه القصر شاف القصر الي مقابله كان اكبر قصر في الحي كان شكله روع راح ودخل من البوابه ودق الجرس فتحت له الخدامه الباب فيصل: جدي موجود الخدامه: ايوه فيصل :طيب صاحي الخدامه : ايوه هو دحين في صاله فوق فيصل: تغدى واخذ الدواء الخدامه: لااا فيصل معصب: لوي تلوي حلقك ليه ماديتيه الدواء والأكل الخدامه: هو يقول مايبغى فيصل : طيب جيب الاكل والدواء وطلعيه فوق يلااا بسرعه فيصل طلع فوق شاف جده حالته حال كل مال حالته تسوء فيصل: سلام يابو الشباب الجد: هههه أي شباب وانا ابوك فيصل: الى شباب ونص حتى مبين اني انا ابوك الجد: هههههههههههههههه فيصل: تسلم لي هذي الضحكه ايوه يابو الشباب ليه الين دحين ما اخذت الدواء وما اكلت تبغى تزعلني يعني منك الجد: يا يبه والله اني تعبت من الادويه والمستشفيات ..... فيصل قاطعه بحده: لا يا جدي محد يموت ناقص عمر يلا دحين تتغدى وتاخذ الادويه ولا .. الجد قاطعه : خلااااص خلاااص باخذ الدواء وسكت طالع فيه فيصل بعيونه الحاده الجد : وبتغدى خلاااص فيصل: ايوه كذا ابغى ياولدي الجد : ههههههههههه فيصل: يلا ياولدي انا استاذن الجد: الله وين بدري اقعد اتغدى معايه ولا ما بتغدى فيصل: والله الوالده ..... قاطعه الجد: بلا اعذار يلا دق عليها وقلها انك بتتغدى عندي ولا ناظره الجد نظره تهديد فيصل: خلاااص خلااص فيصل طلع جواله ودق على امه ام فيصل : السلام عليكم ورحمه الله وبركاته فيصل:وعليكم السلام والرحمه والاكرام ام فيصل: هلا والله يا بعدي وينك ليه مااجيت فيصل وهو يطالع جده المبتسم: والله انا عند جدي وماني جااي على الغداء لا تستنوني ام فيصل: طيب يابعدي خلاص سلام على جدك فيصل: يوصل ان شاء الله مع السلامه فيصل : يا جدي تسلم عليك الوالده الجد: الله يسلمك ويسلمها من كل شر وعين اعوج فيصل: ههههه مشكور ياجدي جلس فيصل وتغدى مع جده وبعدين استاذن علشان يريح بس جده وقفه وعينه مليانه دموع : فيصل فيصل التفت وراح جري عند جده : نعم ياجدي افاا ليه هذي الدموع الحين الجد: فيصل انا تعبت خلااص في سر كبير انا وعمك جاسم اخفينه عنكم وانا تعبت من تانيب الضمير فيصل:سراي سر خير ياجدي الجد: أي خير عمك عنده وسكت وبدت دموعه تنزل وشهقاته مسموعه وبعد تردد قال عنده بنت فيصل: هااااااااا من وين فيصل بصوت مرتجف وين هي الجد : في السعوديه فيصل: السعوديه الجد : ايه ياولدي انا ابيك تاجي عندي بكره انت والعيال واعمامك علشان ابغهم يعرفون الحقيقه فيصل: اوكي ياجدي وخرج فيصل من البيت وهو يفكر في البنت المسكينه هذي ايش ذنبها ويمشي الين وصل عند البيت طلع مفتاحه وفتح الباب وطلع فوق بسرعه حتى بدون مايسلم على اخوانه كالعاده اول ما وصل الجناح الفخم حقه فتح الانوار حق غرفته وقعد يفكر بالسر الخطير من كثر التفكير نام وهو بملبسه بدون مايغيرها نروح للسعوديه وفي الرياض خاصه كانت نازله من الدرج وشعرها مفتوح ولبسه بجامه وكان شكلها زي الاطفاال خخ وراحت غرفه الطعام ولقيت اخوانها من امها وزوج امها يتغدون وخرجت بسرعه من الغرفه وراحت المطبخ ولقيت امها تقول للخدامات يودون الاكل لغرفه الطعام دانه: امي قولي للخدامه تقول للسواق يجهز السياره نجود: طيب دانه: كذا بسهوله شكلك تبغى الفكه مني خلااص نجود: بكيفك إذا ماتاجين يكون افضل مالها داعي الزياره دانه طالعت في امه مستغربه ومسكت دموعها لا تنزل وراحت جري غرفتها ورتبت ملابسها واخذت كل شي وغيرت ملابسها ولبست عبايتها ونزلت لقيت امها تتقهوى هي وإخوانها وزوج أمها وتوها بتخرج الى سمعت صوت حقير زوج امها : على وين انتي كل يوم في بيت علشان كذا رماك ابوك علينا دانه بعصبيه وبصوت عالي: انت يا حقير مالك دخل فيني و معلومه ابوي ماتخلى عني و معلومه ثاني انا بعد ماراح أصرف عليكم ولا حتى انتي يا امي وخرجت وركبت سياره وهي تبكي وتقول في نفسها ليه ابوي تخلى عني ليه وصلت القصر الكبير الي ساكن فيه الي اشتراه لها ابوها من زماان بس شكله مررره حلو وفخم دخلت وهي تبكي راحت للجناح حقها وقفلت الباب ورمت نفسها على السرير وهي تبكي وبدون ما تحس نامت بسلام دانه(19): احلى شخصيه بالقصه انسانه حبوبه ومرحه فيها رجه خفيفه تفكر صح بس وقت الرجه يتبخر العقل وعندها قلب طيب شعرها ناعم سايح لون بني يوصل نص ظهرها عيونها زرق روعه بشرتها صافيه >>>زي الحليب خخخخخخ اليوم الثاني فيصل خبر اهل واعمامه ان الجد يبغهم يجون عنده اليوم فيصل نزل من الدرج وشاف الساعه وتذكر فراس واحمد وضحك ضحكه خلى الكل يلتفت له ام فيصل: الله يدوم عليك الضحك والفرحه يارب نوف : قول خلينا نضحك معاك خالد بلقافه : ايوه ايش الي يضحك تكفى قول فيصل: امس خلية فراس واحمد في المكتب وقفلت عليهم الباب وتوني اتذكر والفراش ماعنده مفتاح ههههه خالد مات ضحك وهو جالس يتخيل اشكالهم نوف بعصبيه : ليه مو حرام عليك انا اوريك يادب فيصل خرج وهو يضحك شاف القصر الي ساكن فيه جده واختفت ضحكته بعد ماتذكر السر راح للسياره ركبها وحرك متجه للشركه دخل وسلم على الناس وطلع فوق الين ما وصل للمكتب حقه فتح الباب وشاف الغرفه موصخه اكياس البطاطس والعصير والحلويات والاوراق وجلس يطالع الشخصين النايمين بهدوء وراح عند اذن كل واحد منهم وصيح بقوه احمد: وجع يوجعك يادب فراس: الله ياخذك ياشيخ فيصل راح مسك اذن فراس واذن احمد فيصل : انا وجع وانا الله ياخذني هاا طيب وفرك اذنهم احمد: ايييييييي خلاص يا استاذ فيصل فيصل ترك اذن احمد وطالع في فراس فراس: الله يوفقك سيبني فيصل: ايوه كذا ايوه ليش الغرفه كذا فراس : مو انت تقول فيصل: قلت وقعوا الاوراق مو خربوا الغرفه فراس:اوكي اهم شي سوينا الشغل كله باااي فيصل: اوكي بس اليوم في غداء عند جدي يبغانا كلنا لان يقول عنده سر خطير فراس: أي سر فيصل: مادري اليوم بنعرف احمد:اتحد اذا انت ماتعرف لانك كل يوم عنده معقوله ماقلك فيصل: ارتاح ترى مادري عن شي احمد: خلاص لا تبكي صدقتك هههههههههههههه فراس: ههههههه فيصل : مجانين فراس: خلينا العقل لك يا حلو احمد وهو يطالع في الساعه المعلقه: يو عندي محاضره بعد شويه لازم الحق عليها يلا ياشباب باااي فيصل: باي وانت ماعندك محاضرات فراس تكتف ورمى نفسه على الكنبه: الى بس المحاضره الاولى الدكتور مانعني من دخولها والمحاضره الثانيه الدكتور غايب فيصل: مشاء الله "good" فراس قام : لابسوي زيك قبل ماتبدأ المحاضره اكون في القاعه في السعوديه قامت بكسل من السرير وشافت الساعه من بعد ماجت من بيت امها وهي نايمه قامت اخذت لها شورسريع غيرت ملابسها وتركت شعرها على راحته وحطت غلوس وردي واخذت الشنطه حقتها والعبايه وخرجت من جناحها الفخم و نزلت تحت وقالت للخدامه تقول السواق يجهز السياره لبسة العبايه وركبت السياره وراحت للجامعه اول مادخلت شافت صديقتها مجتمعين راحت عندهم بسرعه دانه: hiiiii girls البنات : hiiii العنود: اخبارك دانه ايش ذي الشياكه يا عيني يا عيني دانه: تسلمي لي انتي وعنونك العنود : مشكوره ياقلبوو شجون: بركي لها دانه: ليش؟؟ شجون : انخطبت هههههه دانه: ههههه وانا اقول العنود من وين جابت العقل هههههه شجون: هههههههههههه اكيد بتعقل ولا اذا بتقعد على حالها بتلقينها من ثاني يوم في بيت اهلها ههههههه دانه : ههههههههههههه ااااخ يا بطني العنود: صدق انتوا محد يديكم وجه دانه: هههههههههه حرام عليك احنا ايش سوينا شجون: اقول العنود سيبي العقل ترى مايصلح لك العنود بعصبيه: ليه شايفتني كل يوم اجيك وانا انطنط دانه + شجون في نفس الوقت: ايوه هههههههههههههههههههههههههههه العنود: مالت عليكم وعلى الي تجلس معاكم خليني اروح الحق محاضرتي احسن لي دانه: استنيني العنود:ماني مستنيه خلي شجون تنفعك دانه: هذي من جد زعلت خليني الحقها شجون : الله يعينك عليها نرجع للكويت اريج توها داخل الجامعه دخلت وراحت المكان الي دايما هي وصحباتها يجلسوا فيه وصلت للمكان وسحبت لها كرسي وجلست اريج: Hiiii منى: هلا اخباركـ واخبار نايف اريج بخبث: هههههه خبرك قديم من نايف رااح واجى بداله اربع بس دحين انا مع بسام منى: اووه ياقويه اريج : الى نسيت اقولك اليوم في حفله تجهزي لها اوكي منى: وين ؟؟ اريج :في شقه بسام منى :اوكي وانتي عارفه وين شقته اريج بضحكة غرور: ههههههههههههههههه اكيد تتوقعون ايش راح يصير مع اريج ودانه ايش مصيرها تابعوا الاجزاء الجديده **الجزء الثالــــث** في القصر الكبير كانت العائله كلها مجتمعه ماعدا اريج عادها في الجامعه بعد نص ساعه دخلت اريج ولقيت الكل جالس اريج: سلام الكل: وعليكم السلام الجد: اجلسي يابنتي اريج: مشكور ياجدي بعد صمت طويل قال الجد: تدرون ليش انا جمعتكم اليوم الكل هز راسه بالنفي فراس: لاياجدي الجد: انا وعمكم جاسم الي هو ابوك يافراس قرارنا نخبركم بسر اخفينه عنكم 19 سنه دحين اجا الوقت الي لازم كلكم تعرفونه احمد: ايش السر ياجدي الخطير هذا الجد: يلا ياجاسم قلهم السر جاسم ( ابو فراس)وهو منزل راسه : لا يايبه انت قول لهم السر انا ما اقدر الجد: طيب ياولدي فيصل قلهم السر الكل التفت لفيصل وكأنهم يبغون ياكلونوا فيصل: هااا يا جدي انا انا الجد: ايوه انت محد غيرك اسمه فيصل هنا فيصل : طيب ياجدي بتردد.. يا جماعه احنا عندنا بنت عمه وتكون اختك ي.. وسكت بعدين تنهد وتشجع وقال يا فراس فراس: هههههههه مخبول انت صح من لي اخت والوالده ماجابت غيري وماتقدر تجيب فيصل: من وحد ثانيه فراس: هااااا يا جدي الكلام الي قاعد يقوله فيصل من جد ولا كذب انا عندي اخت الجد: ايوه وهذا السر الي أخفيناه عنكم فراس بصوت مرتجف : طيب وين هي ايش اسمها وين قاعده مع من الجد: هي في السعوديه واسمها دانه مع امها وزوج امها فراس والدموع في عينه: طيب ليه انا مدري عنها ليه ياجدي ليه يايبه ما علمتوني الجد: انت دحين مو تعرف خلاص فراس: جدي عندك عنوانها الجد: ايوه ليه فراس: انا بروح اشوف اختي واجيبها هنا في هذي اللحظه رفع ابو فراس( جاسم) راسه واجاهم صوت قوي : انا هذي البنت ما تعيش عندي فاهمين واحنا قد تكمنا بالموضوع يا جاسم فراس: بس هذي اختي يايمه نوره: انت ما عندك اخت يافراس فاهم ولا لا انت عندك اخت وحده هي نهى وبس فراس : كيف انا ما افهم ودانه اختي وانا راح اقولك شي انا رايح بكره السعوديه نوره : لا خاليها عايشه عند امها فراس: لا يا عني لا تسمعوني لا لا نوره: تعصي كلامي يعني فراس: لا بس هذي بنت فاهمه ايش يعني بنت فيصل تدخل: ياخالتي انتي ماتعرفي البنت ليه تحكمي كذا عليها من الهواء الجد كبر في عينه فيصل وفراس الجد: خلاص بكرا طيارتك يافراس انت وفيصل فيصل ستغرب وناظر جده نظره تعجب الجد: ماراح تخلي فراس يروح وحده صح في اللحظة ذي ابتسم فيصل الجد :علشان كذا روح معها واقنعوها تاجي هنا دانه توها واصله البيت ومعها شجون والعنود دانه : بنات تصدقون فرحاااااانه مدري ليه شجون : دومـــــــــــــز العنود: ما بتغدينا دانه تدق راسها بخفه : اوه نسيت سوري يا حبايبي العنود: اجلسي امزح معاك اصلا تونا بدري دانه : اوكي دانه: يلا بنات نروح غرفتي شجون : اوكي يلاا طلعوا فوق وفسخوا عبايتهم وجابت لهم دانه بجامات من عندها علشان بينامون عندها شجون: اوصفها اول شي بنت حلوه بس مو احلى من دانه دانه كانت ملكه جمال مرحه حبوبه فيه رجه وتحب الاستهبال العنود: بنت رجه حلوه تحب الاستهبال بقوه دانه : وين العنود شجون: تكلم خطيبها خخخخخ في الحمام الله يكرمكم دانه: مجنونه البنت ذي مستحيل تعقل يلا خلينا نرقص قامت دانه وشغلت اغنيه عبد المجيد عبدالله الف مره وقعدوا يستهبلون ويرقصون بعدين تغدوا وناموا في سلام في الليل فيصل يجهز شنطته لان الساعه 7 طيارته وهو يفكر كيف راح توكن بنت عمه وين ساكنه وفراس كمان قعد يفكر توه بيخرج يتمشى وشاف امه وراح لها :يمه لا تزعلين بس لازم هذي اختي يايمه ام فراس: خلاص سوي الي يريحك فراس: يعني راضيه عني ام فراس:اكيد راضيه انتي ولدي الوحيد ودخل احمد على اخر كلمه احمد: افاا انا وين رحت فراس: امي مخليتك احتياط احمد: خخخ سخيف يلا طير روح عند اختك فراس: كيف اطير ماعند جوانح احمد: اشرب ريتبول يعطيك جوانح ههههههههه فراس: ههههههههه الله يرجك ام فراس: الله يدوم الفرحه و السعاده بينكم احمد+ فراس: امين وقعدوا يسولفون مع امهم الين الساعه وحده الليل بعدين استاذن فراس علشان ينام علشان السفر الساعه وحده في غرفة اريج كانت عادها تلبس علشان الحفله وحاطه ميك آب ثقيل واستشوارت شعرها وعملت بف كبير وكان شكلها مبين انها حقيره بقوه>>>مقهوره منها بقوه وخرجت من غرفتها وطلعت من الفله الي ساكن فيها وركبت سيارته وشغلت اغنيه رابح صقر لو يقولو انتي حلوه قالت في نفسها ( أي والله اني حلوه ههههههههه) >>>واثقه البنت خخخخ وصلت عند بيت صديقتها منى وكانت مسويه بف كبير وميك اب مو مره ثقيل اريج : أي دا الجمال يا ستي منى: تسلمي والله انتي الي طالعه روعه اريج : اكيد هههههههههه منى : مشكلة الثقه اريج: اكيد اوثق كل هذا الجمال وما اوثق>>>قصدها الحقاره ودي اكفخها خخخخخخخخخ وصلوا المكان ونزلوا ودخلو البنتين المكان مليان شباب وبنات والبنات كل وحده اخس من التانيه بلبسها اول شي اريج شافت واحد شكله غني وعجبها لفت لمنى : منى روحي لذا تاشر على الولد منى:من عنوني منى وصلت عند الولد وقفت قدامه بكل مياعه: مساء الخير الشاب: مساء الخيرات والفل والياسمين والكادي منى: هذا كله لي الشاب :ايه ياقلبي مشيت منى مسكها الشاب من خصرها ووقف وراها وين بدري ومشيت معه لغرفه وانقفل الباب على الساعه 3 خرجت من الغرفه وهي مبسوطه وراحت لأريج وخرجوا من الشقه ركبوا السياره اريج: اشبك ساكته منى: والله مدري طفشت من هذا الي نسويه دحين من يرضى يتزوجني اريج: هههههههههههههه مو لازم تتزوجي منى: ليه اهدم حياتي عشان تمبسطي انتي هذي اخر مره اريج سكتت ما تعرف ترد وصلت منى لبيتها وراحت بيتها غيرت ملابسها ولبست بجامه ونامت الساعه 6 الصباح فراس قام وراح ياخذ شور طويل يبغى يرخي اعصابه قبل المواجهه>>>ليه هو داخل حرب خخخخخ خرج فراس ولبس بدله ومشط شعره ولبس النظاره وخرج وهو نازل شاف فيصل توه دخل فراس: صباح الخير فيصل:صباح النور فراس: يلا نروح نلحق على الطياره فيصل: يلاااا احمد وخالد وصلوا فيصل وفراس المطار اول ما ندواء على اسم الرحله قام فراس وفيصل وتوجه للبوابه بداته الطياره ترتفع وفيصل كان حاط السماعات في اذنه يسمع عبدالمجيد عبدالله اموت بحبك فراس كان قاعد يفكر وشكله مرره ملخبط مو فاهم شي فيصل انتبه له : اشبك ؟! فراس تنهد: مدري خايف ملخبط معد عندي عقل فيصل: اصلا انت من متى عندك عقل ههههه فراس:اقول انت فاضي فيصل: امانه من وشو خايف فراس: اخاف من انها ما تتقبلني او ترفض انها تكلمني وما ترجع معايه فيصل تنهد: خليها على الله فراس سكت بس بعد مده بدت الطياره تهبط على الارض معلنه بداية مشوار جديدة في حياة دانه وفراس ^ ^ ^ ^ وين رايحين خلص الجزء يلا وروني توقعاتكم الحلوه والردود ولا تنسو التقيم ايش راح يصير بين فراس ودانه؟ دانه راح تروح معاهم ؟ كيف راح يكون اللقاء الاول بينهم ؟ وايش راح تكون ردة فعل العنود وشجون ؟ منى وشجون والعنود رااح يكوون لهم دور بالروايه؟؟ اتمنى ان تنال اعجاب الجميع ولكم مني خالص تحياتي وامنياتي للجميع بالتوفيق 
|
|
2009- 4- 5
|
#2 |
|
أكـاديـمـي ألـمـاسـي
|
رد: سالوني قالوا تحبه قلت إيه أحبه لآخر نفس فيني أحبه
رررررررررررروعه القصه اندمجت لآخر قطره في القصه>>>>خخخخخخخخخخ
تكفى كملها لآخر جزء بدون تقطيع ولعب في أعصابنا ياعطيف ...... :mh19:ســــــؤال: انت كاتب القصه او منقوله لاتتاخررررررررررررررررررررررررر  ننتظر الاجزاء الاخره :bye:مع السلامه:bye: |
|
|
|
| مواقع النشر (المفضلة) |
| الكلمات الدلالية (Tags) |
| أمير, ليته, بيته, سالوني, فيني, إيه, نفس, قلب, قالوا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
