|
منتدى كلية الآداب بالأحساء منتدى كلية الآداب بالأحساء ; مساحة للتعاون و تبادل الخبرات بين طلاب و طالبات كلية الآداب بالأحساء و نقل آخر الأخبار و المستجدات . |
![]() |
|
أدوات الموضوع |
#1
|
|||
|
|||
الحذف و الاضافه
السلام عليكم و رحمة الله و بركاته
و تستمر معاناة التسجيل و الشعب القليله لااعلم عن بقية المواد و لكن اقصد شعب مواد قسم اللغه الانجليزيه بالتحديد معاناة الشعب القليله جدا و سرعة امتلائها قبل موعد تسجيل دفعة 2012 من الاساس سواء في التسجيل المبدأي او في تأكيد التسجيل حيث تم توسعة الشعب بالشئ البسيط جدا او انها تمتلئ بسبب ضغط البانر مع بداية التسجيل و يتم ظلم الاغلب الذين لم تتم لهم الفرصه في التسجيل . سؤالي ي اعزائي : متى موعد الحذف و الاضافه من القبول و التسجيل في الكليه ؟ لعل و عسى نتمكن من اضافة المواد . ظلم اذا خلصنا كل المواد العامه و مواد التخصص مانقدر نسجلها . متى بنتخرج اذا ظلينا على هالحال و اذا لجأنا للمسجلات في الكليه قالو مو مشكلتهم و نظل نحاول في البانر ![]() ![]() ![]() ![]() ![]() |
![]() |
#2 |
أكـاديـمـي ذهـبـي
![]() |
رد: الحذف و الاضافه
عليكم السلام
المشكله انهم يحطوا شعبه وحده لكل المستويات من الخامس للاخير يعني بكذا كل المتخصصات متاخرات وش اللي يضحكك يوم قلت للفريدان انو انا المفروض سنتين واتخرج وانا ماخلصت مواد المستوى الخامس وانا المفروض فالسادس حتى مواد الرابع بالموت دخلتها يجي يقول انو انتم تدخلون متاخر وتكونون نايمين !! حدث العاقل بما يعقل يعني اهي ششعبه وحده اساسا ويكون فيها بنات مسجلات من قبل يعني تكون متاحه علشان عشر طالبات او اقل وبلمح البصر تتسكر ويقول لو انكك تقدمي خطاب كان نلتي ماتبين وانا راسله له رساله صار لها سنتين للحين مارد عليها واسمي بكل المواد احطه مدري ليه الاستغفال الى متى كل الطلبه على ماده وحده قسم بالله طفشونا لا الكليه تفهمنا ولا رئيس القسم مدري هم مايلاحظون ولا كيف !! الله المستعان الظاهر بنظل سنين و عالفاضي بعد >< نفس حالتك وكمان نفس دفعتكة |
التعديل الأخير تم بواسطة شرشرة العيد ; 2014- 1- 27 الساعة 04:17 AM |
|
![]() |
![]() |
#3 |
أكـاديـمـي فـضـي
![]() |
رد: الحذف و الاضافه
اسمع عن معاناتكم
الله يساعدكم |
![]() |
![]() |
#4 |
أكـاديـمـي
![]() |
رد: الحذف و الاضافه
شرشرة العيد . حتى انا رسلت له ايميل و قلت له نفس كلامك قلت له ان من غير المعقول ان كل ماده تخصص تكون شعبه وحده بس و اغلب الطالبات متأخرين في اتباع الخطه من الطبيعي ان الشعب تمتلئ من تسجيل اول الدفعات و ننظلم احنا الدفعات الاخيره . قال ان تم توسعة الشعب في التسجيل المبدأي و في فترة التأكيد .اين انتم كل هذا الوقت . قلت له كفايه الضغط ع النظام مع بداية التسجيل و فتح معي الساعه 7 و كل الشعب ممتلئه . طيب و احنا خلصنا مواد عامه اذا مادخل لنا تخصص متى بنتخرج . قال ان في شعب للحين مفتوحه و لكن لا اعلم لماذا لا احد يرغب في التسجيل فيها قلت له ان بس شعب الدكتوره وضحى الدوسري و هي اغلب البنات عندها يحملو المواد يعني طبيعي اننا نتجنب ناخذ عندها . يعني احنا مخيرين ي نظل نحمل المواد بسبب سوء طاقم التدريس او اننا نتأخر بسبب قله الشعب و للحين مارد
|
![]() |
![]() |
#5 |
أكـاديـمـي
![]() |
رد: الحذف و الاضافه
مااقول الا حسبي الله عليهم اذا هذا نظامهم . تخصص فيه فوق 400 بنت حاطين لكل ماده شعبه وحده بس .
طيب بنات محد منكم عنده علم متى يبدا الحذف و الاضافه في الكليه ؟ |
![]() |
![]() |
#6 |
متميزة بكلية الاداب بالاحساء
![]() |
رد: الحذف و الاضافه
انا يوم قلت له عن مدخل الى اللغويات قال شعبتين تكفي 160 طالبة هذا اكثر من عدد الطالبات المفترض يعني حسب بس طالبات 2013 اللي سكرت عليهم قبل يوم تسجيلهم طيب كأنه مايدري إن في طالبات كثير متعثرين بسبب ان المادة ماكانت تنزل إلا عند د وضحى واذا ماكان بياخذهم بعين الاعتبار المفروض ماتفتح المادة الا يوم تسجيلنا وفي النهاية نطلع غلطانين لأن احنه مانمشي على الخطة
![]() |
![]() |
![]() |
#7 |
متميزة في كلية الأداب _جامعة فيصل
![]() |
رد: الحذف و الاضافه
واي رحوب ايش هذا يكذب الكذبه ويصدقها
شنو اذا في بنات اللحين اعرفهم شخصيا اكبر مني بخمس سنين وست بعد ماتخصصوا الا نعي وبعضهم محولين كيف يعني جد يستهبلون مافي الا انهم يجبون دكاتره زياده تغطي حاجه القسم او يشيلون الدكاتره اللي عليهم شكاوي او انهم يحذفون المواد العامه انحليزي قراءه وكتابه وانجليزيه عامه ويخلونها بس لتخصص ويزيدون شعب التخصص او يخذفون المتطلبات واللي يسجل يسجل المواد والحل الاخير ان اللي متاخر بالخطه يحذفون منه عشر مواد علشان حنا مانتاخر على كذا كل دفعه بتتاخر ثلاث سنين |
![]() |
![]() |
#8 |
متميزة في كلية الأداب _جامعة فيصل
![]() |
رد: الحذف و الاضافه
تومي الاسبوع الجاي يبدا
|
![]() |
![]() |
#9 |
أكـاديـمـي
![]() |
رد: الحذف و الاضافه
السلام عليكم ورحمة الله وبركاته
ومعاناتي تماما نفسكم والحمد لله على كل حال أنا كنت لغة عربية وطلبت تحويل إلى الدراسات الإسلامية ووافقوا على التحويل لأني أتمتت جميع الشروط لكن التحويل كان على ورق فقط , وضليت سنتين حتى يتسجل عندي بالبانر أني دراسات ويوم حولت , حولت على النصف الثاني , وأغلب المواد كان فيها متطلب سابق من النصف الأول ما استطعت أخذ مواد كثير والآن أنا سنة 4 , ودرست من قسم الدراسات سنة فقط وكلما أسجل جدول , تخربه الكلية والجميل في الموضوع مايخربون الجدول إلا وقت تأكيد التسجيل ويكتبون عذرا تم تعديل الجدول ’ والله تم تخريب الجدول يرحم والديكم وراء ماتعدلون الجدول وثم نسجل مو نسجل وثم تحذفون الشعب وتقولون عدلنا جداولكم لكن الشكوى لله يفرجها علينا |
![]() |
![]() |
#10 |
أكـاديـمـي نــشـط
![]() |
رد: الحذف و الاضافه
سبحان الله نفسسسس المشكله بس انا زودوها معي شوي
انا دفعة ٢٠١١ يعني المفروووض خررريجه بس كالعاده متأخره عن الخطه بسبب جداولهم اللي مثل وجوههم و توني السمستر اللي راح اخذت مدخل لغويات عند د وضحى و حملتها و الحين بضطر اتأخر اكثر بسبب ذي الماده لانها متطلب لاكثر من ١٠ مواد و لما ارسلت للفريدان ايميل اطلب منه ان يوافق ادرس مدخل لغويات مع المواد اللي بعدها قال اذا الطالبع تعثرث في المتطلب فمعناها راح تواجه صعوبه في المواد اللي بعدها و كأنه ما عنده خبر ان د وضحى تحمل البنات الماده عشوووووائي بس ما اقول الا الشكوى لغير الله مذله و الحمد لله الذي لا يحمد على مكروه سواه |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
[ استفسار ] ما قدرة اسجل سيفر وعدم فتح الحذف والاضافه | SAFER76 | اجتماع 4 | 32 | 2014- 1- 27 07:22 PM |