[ استفسار ] موضوع يخصنا جميعاً

["Amani"]

السلام عليكم ورحمة الله وبركاته
صباحكم خير اعضاء منتداي الغالي
عندي موضوع كنت حابه اكتبه بس توني افضى >> خفي علينا يالمشغولة
حابه اخبركم موضوع جدا مهم اننا نرفع قرار للعميد الفريدان للإدارة لمن يهمه الأمر
اننا نخبرهم يخفون علينا بالأسئله الصعبة ويراعون اننا طلاب انتساب مابينا وبينهم تواصل روحي مابينا وبينهم التواصل الي يحوجهم انهم يلفون ويدورون بالاستفسار والاهم والأهم من هذا كله نحنا تخصص علمي مو ادبي احفظ المادة والسلام التعاريف بالاقتصاد والمحاسبة يبيلها تفكيك وتحليل وهم يدورون بالأستفسارات مايصير هالشيء
لو ترجعون ليوم القانون صدقوني بتلاقون نص الاسئله الي غلطتوا فيها من الفهم يبون يلفون بالأسئلة ويدورون مو قسمنا في الانتظام ياليت الكل يوقف معي ويساندني لاتغركم نتايجكم اذا جاتكم زينه ممكن تكون صدفه ممكن جات من اسئلة العام لكن المستويات الجايه مانضمن هالشيء
آسفة ع الإطالة والي يناسبه كلامي نبدأ بالخطوة الثانية .




استفسار ثاني لا هنتم ع استفسارات الرياضيات سؤال المتواليه الهندسية ومافيها اي أجابه صح هذا وش بصير عليه وحتى نموذج لأختي سؤال تباديل مافيه جواب صح واستفسارات أخرى هالأسئله وش بصير عليها أفيدوني لا هنتم إذا عندكم فكرة.

أختكم
Amani

[ask1411]

ربنا ييسر كلام صحيح وننتظر الدعم

[بلقيس الهاجري]

كلامك صحيح واتمنى ان يُأخذ في الاعتبااااار

[Miss sos]

ايه والله وانا معاكم إن شاء الله لازم يسهلو لنا الأسئله

يكفي ضغط البزارين وحوستهم ..

الله يسهلها علينا ونتخرج بتوفق ونرفع الراس ..

[عبدالله المويهي]

كلامك بالصميم ولازم نوصل كلامنا لعمادة الجامعه

ومن ناحية الاسئلة بالرياضيات ع حسب الي فهمته انو راح يحسبونها اجابه صحيحه لكل سؤال خطاء :)

[مجرد وجع]

السلام عليكم

والله كلامك صحيح اختي الفاضله.

وفي كذا نقطة لازم يشوفون لها حل.

اول نقطة. سالفه ال 50 سؤال. ب 70 درجة. ياخي والله قهر ليه كذا. ليش ما يكون الاختبار 50 سؤال ب 50 درجة او 60سؤال ب 60 درجة. واعمال السنة تتغير. بدل ال 30 تكون 40. او 50. عشان لو جبنا العيد بالفاينل يكون عندنا شوي دعم. بدرجات اعمال السنة ولا يصير فينا مثل يوم القانون


نقطة ثانية المحاضرات المسجلة اللي تنعاد لنا. وهي مسجلة بالاساس من سنوات ماضيه. ليه ما تكون حالها حال المحاضرات المباشرة. وللطلاب حرية الاختيار الحضور مباشر. او حظور المحاضرة مسجلة. مو كل فقرة تنشرح الكل يفهمها. ولو كل شي بناجله للمحاضرات الماباشرة. ايشراح تكفي المحاضرة المباشرة اللي هي بالاساسا. وقتها قصير بين 25 الى 45 دقيقة. هل. تتسع لمناقشة. 3-4 اربع محاضرات.
يعني انا ياعالم ندفع فلوس. عشان نتعلم. مافي اي تقدير. للموضوع.


بجد اتمنى. يكون في تحرك من قبل الجميع. طلاب وطالبات. جميع المستويات وجميع التخصصات. وعاجلا غير اجل.

وشكرا جزيلا.


اتمنى التوفيق والنجاح لجميع طلاب المستوى الاول

[مشعل الدهيم]

والله موضوع جدا مهم بس الكلام ماينفع نبي جد ونبي نتحرك وياليت نبدأ بالخطوة الثانية ياليت كلنا نتحرك

[britney L]

انا مو معكم

مو مهم تكون المناهج سهله.. قد ماهي تكون متطوره ومفيده

ومابغى احد يستخف فينا لانو انتساب

الفرق لوحيد بييننا وبين الانتظام انو نقدر نحضر المحاضره متى مانبغى

[britney L]

ةوع فكراانا عندي دوام كثير صعب

حتى اجازه اختباراتي خصموها من رصيدي

[أحسآسي سمآإأآ]

كلامك سليم 100%

لآزم يقدرون على الاقل المستوى الاول ما يدرون وش لهم ووش عليهم

وبعدين مو مشكله يصعبون ولا يسهلون بس الأهم تكون الأسئله واضحه مثل ما ندرسها في الكتب والملخصات
مو لف ودوران وتشابه في الخيارات قسم بالله الاجابه تكونين عارفتها بمجرد ما تشوفين الخيارات تطير من مخك بسبب فك الرموز من كثر ما تكون متشابهه الأجوبه

ولآآ كله كوم وبعض المرقبات الله يهديهم زن وون على راسك باقي من الوقت وباقي كذا من الوقت استعجلو ي بنات وتحركو ي بنات تجيب لك الزهايمر

مشكوره ي قلبي ع الموضوع ولآزم يشوفون لنا حل