تغيير التخصص .. بغيت رأيكم ,

[هاجس المطيري]

السلام عليكم
و
صبّحكم الله بَ الخير ،

أفكّر أغيّر تخصصّي
من إدارة أعمال إلى أنجليزي ..
ولكن محتار
في أحد جرب هالشي
وكيف تجربته
ومدى صعوبة الإنقلش وهل شهادة الانقلش مطلوبه أكثر من الإداره ؟
وإذاأخذت شهادة أنقلش أقدر أقدم على التدريس ؟
وإّذا انا الحين مستوى أول إدارة أعمال راح اكون مستوى كم بعد التحويل

واللي عنده معلومات عن هالاشياء أتمنى يفيدني وأكون شاكر له ..

()

[عبادي الصبحي]

إذا عندك ميول لeتوكل ع الله لان هو التخصص الوحيد الي تقدر تقول انه مشمول في مجال التدريس وإذا مافيه خليك على تخصصك وريح رأسك

[العضيد1]

الإدارة ممتازة، والإنجليزي تقدر تتعلمه بمعرفتك.
خلك على تخصصك لا يجيك أخص منه.

[لمياء الوزير]

تخصص الانجليزي رائع إذا عندك رغبة في تعلمه وكمان مش صعب إذا كنت تحب المادة ومطلوب وله مستقبل وتقدر تدرس بعد ما تتخرج إذا قدمت على اختبار قدرات وكفاءات الجامعيين

يمكن تصير مستوى ثاني بس احتمال يبقى عليك مواد من تخصص الانجليزي


برأيي تحول لأن الانجليزي مطلوب اكثر من الإدارة

[B-A-D-E-R]

السلام عليكم

شف وانا خوك الي مايحب الحساب بيقولك ادارة الاعمال صعبه
والي يكره الانقليزي بيقولك مادة الانقليزي صعبه
واي تخصص انت حابه ولك نفس فيه صدقني بتمشي فيه وممكن تبدع فيه ولكن ان اهملت صدقني كلها بتكون صعبه .
لكن نصيحتي لك الان في المنتدى خذلك فره على قسم الانقليزي وشف موادهم واطلع عليها تكون على بينه افضلك تشوفها وتطلع عليها وبعدين تقرر

[مغاط]

انا كنت علم اجتماع ودرست المستوى الاول والثاني
بعدين حولت لانجليزي والحمدلله ماشيه الأمور بس اعرف انه يبيله شدت حيل ويبي مذاكره للماده اقل شي اسبوعين
وصدقني هو الوحيد الي يخولك تدرس وهذا بيعطيك دافع اكثر من اي تخصص بتاخذه وبتصور جنبه

انا داج بالانجليز بس ماشي بالدفدفه وابشرك اني تطورت بالانجليزي احسن من قبل وانا رايح للخامس الآن

الانجليزي سهل جدا اذا تأسست صح

[الباراتون]

إدارة الأعمال أكثر طلابه موظفين و يحاولون يحسنون درجات تصنيف وظائفهم

[ليان المدينه]

اللي سمعته انو من شروط اختبار الكفايات للمعلمين انو يكون منتظم

ودا الشي اذا كان صحيح معناته ما حنستفيد من الانقلش في مجال التعليم

بس في اماكن تانيه مطلووب طبعا

[هاجس المطيري]

عبادي الصبحي ..

الله يعطيك العافيه
والله وانا اخوك الميول مو شي تعتمد عليه
لان تنجبر تروح للمطلوب لو انه مو ميولك
وهذا اللي خلاني افكر اغير عن الاداره
ماقصرت يالامير

العضيد ..

الله يعطيك العافيه
ومن ناحية الاداره صراحه ماشجعوني اللي سألتهم عنها
ولحد الحين محتار بين هالشيئين الله يكتب اللي فيه الخير
وماقصرت يالغالي

لمياء الوزير ..

الله يعطيك العافيه
وشمول الانجليزي هو اللي خلاني اختاره لان ودي بـ شيء مطلوب
والله يكتب اللي فيه الخير .. ماقصرتي يالشيخه

بدر ..

ماقصرت ياكحيلان
وهذا اللي ابي اسويه
ابي احاول استفسر قد ما اقدر قبل اقرر
والله يعطيك العافيه يالامير

مغاط ..

الله يوفقك ويتمم عليك وتمغط المواد مغط : )
والله يعطيك العافيه
والظاهر راح اكون زميلك قريبا ..

الباراتون ..

كلامك صحيح
والله يوفق الجميع
الله يعطيك العافيه وماقصرت

ليان المدينه ..

والله هالشي ماقد سمعت فيه ولا عندي معلومات عنه
لكن أتمنى اذا احد عنده خبر عن هالموضوع يفيدنا
والله يعطيك العافيه وماقصرتي

،

لاهنتم جميعا وماقصرتم ()

[هاجس المطيري]

+ سبحان الله و بحمده سبحان الله العظيم ..