..}.. قصائد عديدهـ ..}.. لنجوم الشعر الشعبي ..}..

[مفـآآهيــم آآلخجــل]

× × ×






السلام عليكم ورحمة الله وبركاته




هنا في هذا المتصفح سوف تتناثر حروووووووف شعرائنا وابداعاتهم الادبيه









× × ×

[مفـآآهيــم آآلخجــل]

× × ×


لمحبي الشاعر بندر بن سرور



ترقبو قصائده هنا ...




× × ×

[مفـآآهيــم آآلخجــل]

× × ×


قصيده للشاعر بندر بن سرور



سر ياقلم

سر ياقلم مالي على الصبر طاقه ... صبري تعدى الحد ماعاد ينطاق


أكتب لمثلي قصته واشتياقه ... في خطك الواضح على بيض الأوراق


قصة حزين صافي الحر ذاقه ... انا بذكره ماصله خاطري ضاق


باقو به الأصحاب والوقت باقه ... وصار الضحيه بين باير وبواق


يمشي وهو ماحس في كسر ساقه ... امسى على ساقين واصبح على ساق


مهذي سواة الوقت شين اصطفاقه ... الوقت لو يصفى لك ايام دراق


لاشك يامن معك عقل ولباقه ... بنصحك كان انك للأمثال تشتاق


صادق رجال يعرفون الصداقه ... يقفون صفك يوم يبسات الأرياق


ومن يرغب فراقك فعجل فراقه ... جاز الذي يجزيك أفراق بفراق


يقوله اللي جاير الوقت عاقه ... ولازال في غيبوبة الهم مافاق


حظه على اقشر شي للنفس ساقه ... بقبور الاحياء ينتظر يوم الأطلاق



× × ×

[مفـآآهيــم آآلخجــل]

× × ×



وهنا قصيده اخرى



حكم نجد بالسيف


الله من عين طرقها صواديف ... عميت ويبسن بالعروق الصخافي


شفت الوزا بالعين من عرض ماشيف ... شفته وغيري من فطن له وشافي


وقت تغير فيه حتى العواصيف ... جا في عواصيف الرياح أختلافي


شره قناطير وخيره مقاطيف ... يفطن له اللي يرضع الديد غافي


كم واحد جاله زمانه على الكيف ... واغترته نفسه يبا الجود وافي


يطلع مطاليع العلا بالسواليف ... بين العذارى عد روحه سنافي


يفرح بهرج بالقفى يكره الضيف ... قتات والقتات بالنار هافي


يعلق قصيره علقة النار بالليف ... عي ولد عي زنوده ضعافي


ان رخصت الحذوه توفي عن الحيف ... وان غليت الحذوه مشى اللاش حافي


يرقد ويلحق والدينه تخاليف ... دايم ومرقد ميت النار دافي


هو مادرى ان الجود يبغى تكاليف ... سهر الليالي مقبلات مقافي


يبغى يدين للعطايا مغاريف ... ويبغى رجول ماتمل الوقافي


والصبر بنحور السنين الشواحيف ... اللي قساها مثل حد الرهافي


مايقدرون الجود سود الأطاريف ... مشاركة بيض النسا باللحافي


يقدر عليه اللي حكم نجد بالسيف ... واودع مباغيض القبايل ولافي


عبد العزيز اللي يبث المصاريف ... يجدع قناطير الذهب بالفيافي


يمشي على دربه جموع مراديف ... نو تحدر ماه والجو صافي


يشدي لواقيط الزبيدي بعد ريف ... ومما كسى البيدا تفيد الضعافي



× × ×

[مفـآآهيــم آآلخجــل]

× × ×



وهنا قصيده اخرى



انحاس بالي


انحاس بالي يامحمد وصديت ... من كثر الصدات قلت شطونه


ماني وانا بندر بهيت ولد هيت ... هيت يجامل خمة يكرهونه


من كثر ماجربت واقبلت واقفيت ... قولة هلا لمن لايودك مهونه


سلط على النصراني اللي لقا الزيت ... لعل نبع الزيت يعمي عيونه


لاشك تحتاج المراجل شفاليت ... تحتاج شي يقصر النذل دونه


عزم على الفرجه وقطع الخلا الميت ... حتى عيال البوم مايقطعونه


ثلاث*من كل المعاني تنقيت ... واللي بقى كل الملا يقدرونه


مابغى جزاهن غير من خالق البيت ... عمالهن للناس ماينفعونه



× × ×

[مفـآآهيــم آآلخجــل]

× × ×



وهنا قصيده اخرى




عجل على المسجد

ياكثر يافيحان صبر صبرناه ... امس الشهر عديت باقي اسبوعه


لاتغبط اللي صار زوده بدنياه ... يتبع هوى نفسه وغير طبوعه


مخطي طريق الحق غاد بعمياه ... يجمع وصخ مال زوال نفوعه


اغبط تقي صار زوده بتقواه ... عبد لصوت العبد يرخي سموعه


يفرح بصوت منادي الحق ناداه ... عجل على المسجد بطيْ ركوعه


والا ترى الدنيا حدود مسماه ... لابد مايقفي وتقفي زروعه


× × ×

[مفـآآهيــم آآلخجــل]

× × ×





هذه احدى آخر قصائد الأمير بدر بن عبدالمحسن ..

سارة

من كُتب الحب العتاق .. وتاريخ القراق

وستاير الدمع الرقاق ..

جمعت قلبي غبار .. وقطع فخار ..

ومن على المرمر البارد ..

ومن ما نسته النار .. من غيمي المحروق ..

وحملت عيوني وركبت أول سفينه تبحر ..


على وجهي الاصفر .. خريفٍ طال ..

وسلال من رذاذ وملح ..

وفي صدري حجارة نسيوها بحاره ..

مروا علي فـ يوم ..

وقالوا تعال معنا .. وما كان يجمعنا ..

إلا الضياع والريح ..

راجع من الايام .. من الاحلام ..

ومن الف سناره .. مغروسة بقلبي ..

لقيت لي بشارة .. ما اغلى عطا ربي ..

أثر العمر ساره .. وموج البحر ساره ..

وكل المدى ساره ..

سافرت كل العمر .. وراجع احب سارة






× × ×

[مفـآآهيــم آآلخجــل]

× × ×




للشاعر الأمير

بدر بن عبد المحسن ال سعود


((ارقام ))

في آخر الصفحه .. يسار ..

خبر صغير .. حادث قطار .. مات أربعة ..

مكتوب في السطر الأخير ..

باقي التفاصيل .. في الصفحة العشرين ..

على الثرى .. وبين الورق ..

أجسادهم امقطعة ..

الأربعة .. لجل المساحة ماتشيل ..

وفي باقي الصفحة صور ..

فنان .. وحصان .. و كور ..

وابحث عن الخبر الحزين ..

في نهاية الصفحه يمين ..

حادث قطار ..

ماتوا ثلاثة وطفل ..

وباختصار .. شديد .. شديد ..

كان القطار .. هو الوحيد ..

اللي بأسم ..

بلا ملا مح .. أو أسامي ..

ليه كلنا نموت ..

ليه نهمل الجثه ..

ونتذكر التابوت ..

لأقدامنا صوت ..

من يسمعه ..

من يسمع الأقدام..

هم مروا من تحت الكلام..

الأربعة ..

وصاروا أرقام .. أرقام ..


أنا رقم .. اصقه ضرير ..

المشكلة .. مثلي كثير..

يجمعنا حب الهاويه ..

احلامنا .. انا نصير..

وقاماتنا متساويه..

نركض على ورق الحياه ..

لين ننمحي ..

المشكله مانستحي ..

إنا نمرّ ..

ماشافنا انسان ..

ولا سمعنا انسان ..

اكتبني يالنسيان ..

انا رقم ..






× × ×

[مفـآآهيــم آآلخجــل]

× × ×












((اه يا لجراح ))


لا جيت أنا بــ سامحك..

تبكي الجراح ما ودها..

مشتاق ودي أصافحك..

عيت يدي لا مدها...

آه. .يا لجراح .. راح اللي راح ..

وراحتي .. من يا ترى بيردها ..

يا حب.. ياذ كرى واسم..

مدري انا ابكي عليك من العذاب اوابتسم..

صدقني في يأسي .. نفسي تبي نفسي تبيك ..

لا يا دفا شمسي تبيك..

ليه خنتني ..الله عليك ..

آه يا الجراح .. راح اللي راح..

وراحتي .. من يا ترى بيردها ..

لا تحاكي عيوني .. يمطر سحاب الملح ..

ولا تلمس أشجوني .. ينبت في قلبي جرح ..

ناظرني يا خلي .. جرح انا كلي ..

وشلون أبـ ارضى الصلح ..

فصل الخريف حبي ..حزن وورق أصفر..

...ودعني يا قلبي..وخل العذاب أقصر..

آه يا الجراح .. راح اللي راح..

وراحتي .. من يا ترى بيردها ..






× × ×

[مفـآآهيــم آآلخجــل]

× × ×













((اوراق الزمن ))


ادفن يدي .. تحت الثرى ..


واسقيها من جفني ارق ..


يذبل مابين اصابعي ..


عشب و ورق ..


ادفن يدي .. فوق الثرى ..


يلفها برد وسموم ..


واحس بعروقي يبست ..


ما توصل عروقي الثرى ..


ولا تشرب عروقي النجوم


وينبت على جفني سهاد ..


يذبل ورا صدري الشجن ..


اشقق اوراق الزمن ..


وانام ..


في حلقي الليله جفاف ..


شربت أيامي .. ومضت ..


واللي بقى جرحي الوفي ..


في خاطري باب يرد ..


وسراج دوبه ينطفي ..


اغطي الظلمه بظلام ..


كل ما اشد اصابعي ..


على العيون المتعبه ..


جرحٍ ينام .. وجرحٍ شعر بي وانتبه ..


قام وتبعني لشرفة ظلمه بعيد ..


جاني يقاسمني السهاد .. جاني قصيد ..


ادفن يدي تحت الثرى .. فوق الثرى ..


واعيش انا بباقي يدي ..


نصفٍ يموت .. ونصفٍ درى انه يموت ..


يا سيدي .. ربي انا نقطه فـ بحر ..


علمني كيف اهوى الحياه ..


علمني كيف اهوى القدر ..


علمني بإماني اكون ..


يارب .. اكثر من بشر ..






× × ×