طريقة التواصل مع الجامعه للاعادة فتح الاعمال السنويه

[شقاااااوه]

الله يعطيك العافيه

[R ~]

صحيح الجامعة حددت وقت زمني لرصد درجات المشاركة ولابد للكل انه يلتزم ويخلص كل شي من بدري

لاكن عزيزتي مهما كان سبب تأخر الطالب كل شخص الله أعلم بظروفه .. ليش تحكمي على اللي طالبوا بإعادة فتح المشاركة أنهم مهملين ومالقوا وقت .. هل لكي الحق أنك تحكمي عليهم أنهم مهملين وتتطالبي بعدم فتح المشاركة .. يختي التمسي العذر لأخوانك وخواتك وحبي الخير للجميع مثل ماتحبيه لنفسك .. الله أعلم بظروفهم مو أنا ولا أنتي ولا غيرنا .. وحتى لو فرضنا أحد فيهم كان مهمل ونسي وخلى كل شي لآخر أسبوع طيب الأنظمة كانت معطلة وأنا موظفة ووقتي ضيق الله أعلم وش كثر أعاني ومارجع لبييتي الا بعد المغرب وعانيت من تعطل الأنظمة الى آخر لحظة والحمدلله أنجزت كل شي .. لاكن غيري مامداه يكمل كل شي لأي سبب وظرف كان .. ليش نحسده ونتعب حالنا ونروح ونرسل إيميل للعميد ونطالبه انه مايعطيهم فرصة .. أنتي ماراح تخسري ولا راح تستفيدي شي سواء عطوهم فرصة ولا ماعطوهم .. ولو لاسمح الله صارلك ظرف وما أنجزتي كل شي هل ردك كان راح يكون كذا ؟ ..

وعفوا عزيزتي نحنا هنا مو بساحة معركة نحارب بعض .. وكلنا أخوان في الله ان شاء الله

ورأيك ان شاء الله محل تقدير عند الكل .. بس بالنصيحة والأسلوب الحلو مو بالتحدي وأكون لهم بالمرصاد وأرسل ايميلات وأوقف بوجه الطلبة وهم أحوج ربما لدرجة تساعدهم على النجاح.

موفقة والجميع يااارب

والله ييسر أموركم ويفتحها عليكم وتتعاون معكم الجامعة

[الطيف العابر]

أختي أم ليالي ،،
من جد الله يهديك ويصلح حالك ، من جد أسلوبك مايدل على إنك إنسانه كبيره ، بالعكس حركات الحسد تبع المراهقيين ،، ولا يبرر لك تدخلي في موضوع مايخصك ، لو إنو طلبنا منك إنتي تفتحي النظام لا توافقي وقتها ،،

وعلى فكره ولله الحمد والمنه أنا إمتياز من أول مستوى لي بالجامعه وأغلب موادي اجيب فها 100 من 100 والله على ما أقول شهيد ،،، هذي الكلمتين علشان ماتفكري إنتي والي عقلهم مثلك إنو إحنا طلاب مو مجتهدين حسب كلامك ،،،

وانا مو ملزمه اشرح لك أو لغيرك إن أمي الله يعطيها العافيه جاتها جلطه وتعبت علينا ،، ولا ملزمه اقول هالكلمه حتى لعمييد الجامعه ،، لأن كل شي ولا الغاليه أمي ،،

لكن إلي مثلك ماتتفوق بذكاءها ولا تعبها ولكن تتفوق بسبب تأخر غيرها ،،

اخر شي بقوله لك ،،،

الجامعه سواء تفتح لنا النظام ،، أو تولع فينا بقاآ آ آ آ ز يحرقنا ،، حظرتك لا تدخلي ،،

[الطيف العابر]

وترى فتحوا النظام او مافتحوه ،، الله يعوضنا بكل خير

وقدر الله وماشاء فعل ،، وبالنسبه لي بقووول ،، الخيرة فيما إختاره الله ،،

لا تحسبي بنقهر إنو هذا الفصل بتنقص درجاتي ومعدلي ،، ترى كلوو مكتوب ، وإنتي ماراح تاخذي رزقي ولا احد فينا بياخذ رزقك ،، وو لا أحد بياخذ مكان الثاني ،،،

[طآلب العلم]

كثير من الردود تتكلم عن المثالية في جانب وتهمل جانب و تلوم الطالب وتترك المسؤول سلمنا انكم مثاليين ومنظبطين ونحن مقصرين فلماذا تلقوا اللوم على الطلبة وتبرؤوا ساحة المسؤول والذي قلتم ولم اقل بأنه (عادة السيرفر يتعطل نهاية الترم) يعني ما يقارب اسبوع اذاً هناك قصور من إدارة الجامعة وانا كيفي ما ابي احل غير آخر يوم اضبط نظامك وانا احل في الوقت المحدد اما اسبوع خربان مخصوم من المدة وانا اللي اتحمل رداءة النظام لا وألف لا يجب ان تسعى الجامعة لتطوير الانظمة و لتراجع بعض القرارات اللامحسوبة وان شاءالله حقنا محفوظ ولن يضيع .


ولكل من حشر انفه في الموضوع نقول القافلة تسير ...............!

[بنت الداود]

ام ليالي الله يهديك و يصلحك و يصلح عيالك

قولي خيراًاو اصمتي انا خلصت مشاركتي و شاركت من البدايه و الحمدلله تمام

لكن اقسم ب الله العظيم اني ارسلت لدكتور عبدالله الفريدان مرتين م ادري ثلاث اطالب فيها فتحها لأخوانا و اخواتنا اللي م امداهم الوقت

حبي الخير لناس و حبي الخير لاخيك مثل م تحبيه لنفسك

فكري ب العقل اختي لو مرضت بنتك لا سمح الله او والدتك و جلستي معاها مرافقه !! و م قدرتي تدخلين طوال الاشهر لعذر و سبب

انتي م تدرين ظروفك بالمستقبل !!


و فاتك م راح تطالبين !! بتقولين لا بقول كذابه و تراني اكلمك مثل اسلوبك العدم اللي ردتي فيه ع الطلبه

بعضهم يراعون اهلهم كبار السن و بعضهم مبتلى بمرض و بعضهم مبتلى بدوام و يشقى

راعي راعي ترا انا زي نظرتك لازم من البدايه نشارك لكن ردودك فيها انانيه

فوق همومهم و اختبارتهم لا تصيرين عليهم حسبي الله و كفى و ع قولتهم اللي يده بالنار مو زي ام ليالي !!!

[المراجل]

ههههههههههه يبدو ان الادارة نائمه فالعسل

[الطيف العابر]

أختي أم ليالي ،، تقولي إن كل من يطالب بفتح باب المشاركه هو لص وفاسد! ! وإتهمتي الجميع هذا الإتهام إلي بتحاسبين عليه يوم القيامه ،


على غرار كلامك لمن قلتي ،، إلي يتمشى بسيارته ويضيع بنزين لص وفاسد! !
أنا أقلك إلي يخلص شاحن جهازه وهو جالس يكتب ردود في موضوع مايخصووو لص وفاآ سد

والكلام لك ياجاره. ..

[شرقاوي.]

للرفع

[king of silence]

من حق الطلاب ان يتم تعويضهم عن الأيام التي كان البلاك بورد متعطل .!

وبدل ان يتم تعويضهم عن تلك الأيام !! تم تقديم موعد اقفال رصد الدرجات !!
صحيح ان هناك قصور من بعض الطلبه .. ولكن ايضاً القائمين على هذا النظام بالجامعة ارتكبوا خطاء اكبر .