[ مشروع التخرج ] : قبل ان يتفرق الجميع *ادعوكم لحضور حفل تخرج بالقصيم بدون اي مصاريف*

[waleed4565]

المشاركة الأصلية كتبت بواسطة مادلين

جزاك الله خير مو غريبه على ولد ديرتي ياليت احضره:(

ويجزاك خير يارب . اذا حابين اتسون حفر تخرج للبنات انا مستعد اتكفل فيه ولاكن من يقوم عليه فانا وقتي لايسمح لي بتنسيق وترتيب للحفلين ولوجود اشغال خاصه بي

[waleed4565]

المشاركة الأصلية كتبت بواسطة gogi

لاتنساني أنا بعد أبي هدية لاحفل تخرج ولاأحد عبرني
عموماً الله يجزاك خير ويسعدك وبيض الله وجهك
ولاهو غريبه عليكم الكريم بني تميم خوالي يا دلالي

ابشري بسعدك وتستاهلين كل خير وانتي من ضمنهم . ويجزاك خير يارب ووجهك ابيض . ونعم والله فيك وبخوالك
اتمنى ارسال بيناتك الاسم ورقم الجوال او من ينوب عنك برساله خاصه

[waleed4565]

المشاركة الأصلية كتبت بواسطة طموح شايب

وعليكم السلام ورحمة الله وبركاته
الله يجزاك خير ويطول عمرك ويعطيك العافية

انا مستعد ان شاء الله للحضور حسب ظروفي وقتها والمشاركة في الحفل وفي التكاليف والتجهيز ووو الخ

هدفي اقابل اكبر عدد ممكن من زملاء الدراسة

حددوا الموعد واعطوني خبر

اهم شي يكون خميس او جمعة وما يكون في توقيت حفلنا بالرياض (13 شعبان)

وموفقين

يشرفنا حضورك يالغالي وبحول الله كل شي راح يكون جاهز بحول الله والموعد بحول الله ننتظر ارى الاخوان بتاريخ والموعد ونحصر العدد

[waleed4565]

المشاركة الأصلية كتبت بواسطة ترف آلسعد

للحظة تمنيت إنني رجل !
ما هذه الهمة و الكرم، و الإيثار لإسعاد الأخرين قبل سعادة الشخص نفسه
ما شاء الله تبارك الله .. زادكم الله من فضله و كرمه

ليت المتهورات يأخذون بعض كرمكم، بدل الأحزاب والحفلات الخفية الخاصة
التي لا نعلم عنها إلا بعد انتهائها !

أو الصنف الثاني من إذا نقصت عليهن تكاليف الحفلة، فتحوا قبول بعض البنات للدعم المادي لـ احتفالهن المزعوم

*دعابة للمتهورات، بدون درعمة لطفًا*

وانتي بحول الله افعالك افعال رجال وبنت رجال وعن 1000 رجال هذا الشعور يكفي ان نحس مابداخلكم من تعبير . واتمنى اني اسعد الجميع بقدر مايمكنني ان اسعدهم وذكرت اني مستعد ايظا لاقامة حفل لطالبات القصيم اذا وجدنا من يقوم عليه

[waleed4565]

المشاركة الأصلية كتبت بواسطة عبدالله العسكر

عليكم السلام
وكفو وتساهل الطيب
وان شاء الله اني من الحضور
والله يوفق الجميع و

وفي القصيم عندك

كفوك الطيب ونا اخوك والله يحييك وحي الله من يعز عليك وتنور بحضورك

[waleed4565]

المشاركة الأصلية كتبت بواسطة Lamia87

مساء الخير ..
اذا تسمحلي خاطري اشارك بهدايا ام جهاد والمنادي وطموح وجنون
وشكرا..

مساء النور . الله يحييك والي بيقدم هدايا لاي شخص الله يحييه مانرد احد ونا اخوك . ام جهاد اعتذرت بالحيل ولاقبلت منا هدايا

[waleed4565]

المشاركة الأصلية كتبت بواسطة أبو حليمه

ونعم فيك ياتميمي والله يكثر من امثالك والعقبى لنا ان شاء الله

الله ينعم بحالك . وان شاء الله العقبى لكم بالتخرج

[بنت مطير *]

ماشاءالله الله يوفقكم وتفرحون بتخرجكم وبيض الله وجهك اخوي بادره طيبه منك.. والكل ماقصر وام جهاد دعواتنا لك الله يسعدك .
وياليت تصورون حفلكم وتنزلونه هنا نشاركم عن بعد ��ههههه امزح لاتاكلوني وحلالاه ليتني ولد ):

[waleed4565]

المشاركة الأصلية كتبت بواسطة abo-reema

الف مبروك لك وللجميع ربي يوفقكم

بادره طيبه من شخص طيب وكريم الله يرزقك ويسعدك

وان شاء الله اذا ظروف العمل سمحت نكون من ضمن الحظور ونتشرف بمعرفت امثالك

والف مبروك مره أخرى ..

الله يبارك فيك يارب . يشرفنا حضورك ونا اخوك ويسعدنا

[waleed4565]

المشاركة الأصلية كتبت بواسطة omjehaad

جزاك الله خير اخي الكريم وربي يوفقك وهديتك اعتبرها وصلت يكفي شعورك النبيل
انا لااقبل هدايا واعذرني غرضي فقط كان للمساعدة ونجاحكم ودعاؤكم كن هدفي ولذلك ارجو ان تعذرني
بعدم قبول الهدية فلقد رفضت قبلها الكثير واخاف ازعل العالم اللي رفضت هداياها
والله لا هو تكبر ولا غرور ولكن نفسي ترفض ان استلم شئ مقابل شئ ابتغيت فيه وجه الله وابغى فقط دعائكم هو غايتي واذا توفاني الله اقبل انك تساهم ببناء مسجد او اي صدقة جارية لي
وجزاك الله عني خير الجزاء

والله ودنا ياام جهاد ان نقدم لكي رمز بسيط لمحبتنا لك ووفائنا منا لك ولا نستطيع ان نقدم الى الشكر والتقدير لك والله يحفظك يارب ويطول بعمرك ويخليك لعين ترجيك يارب ويحفظ لك عيالك ويسخر لك من في الارض