[ استفسار ] بخصوص تغيير مسمى التخصص رد من عميد الكلية

[ديري وافتخر]

طبعا للامانه الاموضوع منقول من احد الاعضاء

السلام عليكم ورحمه الله وبركاته

طبعا اليوم أرسلت للدكتور عبدالله لماذا تغير التخصص الي : ادراه : وقبل كان " ادراه اعمال "
طبعا اشكر دكتور عبدالله رد علي بسرعه


لا دعي للقلق اول شهادة سيتم اصدارها الاسبوع القادم وسيتم تصويرها للطلاب بان الشهادة هي بكالوريوس ادارة الاعمال تخصص فرعي ادارة فقط لتطمينكم ولمزيد من التاكيد وقد تم التاكد من وزارة الخدمة المدنية بان هذا المسمى مصنف لديهم حسب اتصال هاتفي اجريته شخصيا معهم

كلية ادارة الاعمال بها قسم الادارة الذي يقدم عدة مسارات منها مسار الادارة ومسار التسويق ومسار الموارد البشرية وغيرها
وانتم تدرسون في مسار الادارة وهذا لصالحكم و لتمييزكم عن غيركم ممن يدرسون تسويق او موارد بشرية في الجامعة ( هنا اتكلم عن الجامعة ككل انتظام وانتساب) لان الشهادة تخرج من الجامعة بشكل موحد للانتظام والانتساب ولا فرق بينهما مما يعطي قوة للبرنامج بانه بيصدر بنفس الية طلبة الانتظام

والنتائج بإذن الله بعد 3 أسابيع وسوف يتم اعلان عن التاريخ المتوقع قريبا

وبالتوفيق يارب للجميع ..

[مستقبلي بداء]

حلو الله كلام يحمس

[أميرة الأطلال]

إذا الشهادة بتكون نفس الانتظام
شي كويس من جد

اهم شي تكون مصنفة من شان نستفيد من دراستنا
وخاصة للي يبغاها للوظيفة

مشكوور ديري

والتوفيق للجميع

[وليد الطائي]

الله يبشرك بالخير اخبار جداااا رائع تشجع على مضاعفة الجهد

[هـــتـــون]

وين يشجع الادارة العامة مالها مستقبل وظيفي يعني بلو شهادتكم موية واشربوها

[عَبيرْ ♥]

أكره الاستغفال وأكره ان حد يستغبيني ! ! !

ليش مو كل شيء وآضح من البدآية

ليش من أول ماسجلت في الجآمعة قالوآ لنآ ( كذا وكذآ وكذآ )

سجلت في الجآمعة على اساس مسمى ( ادارة أعمآل ) وش جاب طاري الادارة في الموضوع

طيب حتى ادارة الاعمآل على كذا شاملة كل شيء

ليش مايخلونهآ مثل مآهي ..,

بالله يعني ندرس كل شيء مختص في ادارة الاعمال وفي الاخير يقولون مسارنآ ( إدآرة )

لا مهوب اطمئنآن ولا هم يحزنون الا يرفعون ضغط اللي مايرتفع ضغطة

جآمعة طول بعرض وتجلس تلعب فينآ كأن حن كورة عندها

[7amood]

صحيح عبير والله استغفال كبير جداً جداً
وش اقول لدوامي الحين غيروا التخصص ؟ لاني مقدم على تخصص إدارة اعمال وليس إدارة
والله قمه التحطيم الفريدان ذا ماشفنا منه شي يبرد الخاطر بصراحه ومن جا الساعاتي اللي مدري وش اصله الجامعه تتخبط
يازين اللي قبل الساعاتي بس

[البدران]

ان شاء الله تكون نفس شهادة الأنتظام وتكون موحده اتمنى ذلك
موفقين يارب

((الشهادة تخرج من الجامعة بشكل موحد للانتظام والانتساب ولا فرق بينهما مما يعطي قوة للبرنامج بانه بيصدر بنفس الية طلبة الانتظام))

[هب ريح]

كلام جميل ورائع.. ويحمس ويرفعالمعنويات الصراحه وان شاء الله نشوف الفايدة منها بام العين

[عشيقي A]

لا مو صحيح تكون شهادتنا نفس شهادتهم حنا دافعين فلووس تعبنا فيها وحنا داخلين على اساس التخصص ادارة اعمال على أي اساس يغير التخصص من غير مايقول لنا او يعطينا خبر نطالب بارجاع التخصص نفس ماكان ولا على هالحاله راح ننسحب من الدراسه بكبرها والله حرام عليهم استقلال عينك عينك يسوون اللي يبغون وحنا اخر من يعلم .... اعترااااض قوووي