استفسار عن اللباس والتاكيد المواد......ارجو الرد باسرع وقت

[طموح الحياة]

صباح الخير

اانا طالب جديد بكلية الطب بالاحساء

حبيت استفسر عن تاكيد تسجيل المواد كيف يكون ومتى

وحبيت استفسر عن لباس كلية الطب هل هو الثوب والشماغ ولا عايدي لو البس تي شيرت وبنطلووون


مممممكن الاجابه باسرع وقت:119:

[اورجوان]

فكرتك بنت

قلت ثوب و شماغ :s12: هههههههه

ع العموم أخي الكريم ..

الزي الجامعة حلو انه يكون رسمي و الزي الرسمي السعودي هو ثوب و شماغ ..

أنا مدري عن قسم الطلبة وش يلبسون لكني انصحك تروح بثوب و شماغ أول يوم و بعدين تشوف وش يلبسون الطلبة .. اذا بنطلون جينز البس زيهم ! <<<<<< الحشر مع الناس عيد

و من ناحية تأكيد التسجيل ..

:mh19: تقريبا دفعتكم يوم الاربعاء

اذا ما فتح التسجيل فيمكن لين تداومون الادراة تخليكم تسجلون

و الله اعلم

تحياتي

[المحترف]

اي والله نفس مشكلة أخوي أنا





يسلموو أختي أرجوان



لكن عندي استفسار هما عطونا ورقة ومكتوب فيها الخطة الدراسية



وقالوا لنا ندخل في 7/10 لكن عن نفسي للحين ماسويت ولا أكدت تسجيل




لأن نظام البانر يطلب الرقم الجامعي والباسوورد >> والباسوورد ماعطونا اياه




وهالعمادة حرقت التلفون عليهم ومو راضيين يردون يعني لازم أروح لهم




يا ناس اذا حد عنده علم لايبخل علينا الله يرضى عليه




بنتظر الى بعد الظهر واذا محد جاوبني مالي الا اروح

[A.Z Al-Shamrani]

جامعة الملك فيصل ـــ مع احترامي الشديد ـــ مقصرة جدًا في تثقيف المستجدين عن الجامعة ،

وهذا من واجباتها .. !

أنا اليوم اتصلت على عمادة القبول والتسجيل 27 مرة (عديتهم) ومن ثم رد علي موظف

ثم سبّني وسكّر السماعة في وجهي قبل ما أنا أتكلم :o3:

حسبي الله ونعم الوكيل !

[A.Z Al-Shamrani]

تأكيد التسجيل سيكون في يوم السبت 14/10 بالنسبة للمستجدين (على حسب كلام موظف في كلية الطب)

وهذا الجدول من موقع الجامعة يؤكد كلام الموظف




وللمعلومية : أنا طالب مستجد بكلية الطب بالأحساء

[اورجوان]

:mh19:

تأكيد التسجيل = 7-10 و لكن لا يعني ذالك امكانية تسجيلك طوال الاسبوع

فلكل دفعة يوم محدد ..

مثلا انا دفعة 2007 يوم الاحد هو يوم تأكيد التسجيل لي ..

انتم .. بإمكانكم فتح موقع الجامعة و راح تلقون جدول بمواعيد تأكيد التسجيل لدفعتكم ..

اذا جا اليوم المخصص لدفعتكم و ما ضبط معكم التسجيل , لا تخافون .. لأن الادارة بتعطيكم فترة مخصصه كونكم طب تسجلون المواد بمجرد ابتداء الدوام ..

تحياتي

[طموح الحياة]

شكرا اختي ارجوان


الحين محد جاوبني على اللبس هل هو الثوب والشماغ ولا عايدي نروح ببنطلون وتي شيرت

انتظر الاجابة

[A.Z Al-Shamrani]

المشاركة الأصلية كتبت بواسطة طموح الحياة

شكرا اختي ارجوان


الحين محد جاوبني على اللبس هل هو الثوب والشماغ ولا عايدي نروح ببنطلون وتي شيرت

انتظر الاجابة

أتوقع بنسبة 95% أن لبس البنطلون والتي شيرت ممنوع ..

واللي يأكد هذا .. شوف هذي بعض الصور للطلبة المستجدين العام الماضي (دفعة 2009)

والصور من منتدى أطباء الأحساء






ومن وجهة نظري أنك تلبس ثوب وشماغ حتى وإن كان لبس الجنز والتيشيرت مسموح ،

لأنك ستذهب إلى مكان علم ،

ومن باب احترامه والتأدب فيه عدم لبس الجنز والتيشيرت ،

وأنت تدري أن الطلاب والدكاترة يحترمون بلا شك اللي يلبس ثوب وشماغ أكثر من غيره ،

ومن الجميل أننا نعتز بقيمنا وعاداتنا !

اعتبرها نصيحة أخ محب لا أكثر

[hyuuga faisal]

السلام عليكم...

انا طالب جديد بكلية الطب بالدمام :150:

كيف حالكم طيبين ان شا الله...والله انا مثلك ياخوي طموح الحياة ما ادري بعد لكن انا ودي يسمحون نلبس بنطلون و تي شيرت او بدلة لانها بنظري اريح و احسن :o3:

و معك حق يا اختي ارجوان نلبس ثوب في البداية و اذا شفنا ان البدل مسموح فيها لبسناها

:praying: يا رب مسموح


اما مسألة ان لبس البنطلون و التي شيرت ما اشوف فيه شي من الاساءة لاي احد...طبعا انا اقصد البنطلون و التي شيرت العادية مو الضيقة او الملونة بالالوان ملفتة او مزعجة :mh19:

[guess!!]

مرحبا

بالنسبة لسؤالكم عن الزي الرسمي

أنا أخوي طب بالدمام بيروح رابعه
وأشوفه أحيانا يروح ببنطلون وتي شيرت وأحيانا ثوب وأحيانا السكراب
فأتوقع إنو عادي البنطلوون

هو حاليا نايم ولا كان سألته لكم إذا تبغون بكرا بسأله وأرد لكم خبر