شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + جدول الاختبار النهائي

[o_lg_ll]

بسم الله الرحمن الرحيم

السلام عليكم ورحمة الله وبركاتة


قبل ما أبتدى

أحب أقول مبروك لكل الناجحين والى حمل بعض المواد ان شاء الله تعوضونها لاتخافون

المستويات الأولى خاصه مستوى 1 ومستوى 2 ومستوى 3 ومستوى 4

هذول المستويات تقدرون ترفعون معدلكم فيها بالراحة

يعني الى يشوف معدلة نازل لايفكر كثير يقدر يعدل وضعه ويجيب حتى ممتاز ...


الحين ركزو معي في الخطوات

================================================

الخطوة الاولى

في كل سمستر دراسي وهذي أهم نقطة تعرفونها طول مشواركم الدراسي

بعد مانخلص الاختبارات النهائية بعدها بأسبوع كذا الجامعة تروح تنزل التقويم الدراسي الجديد للفصل الدراسي الجديد

هذا التقويم تحفظونه في المفضلة عندكم

http://www.kfu.edu.sa/ar/Deans/E-Learning/Pages/calender.aspx

------------------------------------------------

راح تشوفون في هذا التقويم كل التواريخ المهمة الى تحتاجونها طوال دراستكم للفصل الدراسي

- تاريخ بداية تسجيل المواد الجديدة ( المقررات ) ومتى ينتهي

- تاريخ بداية دفع الرسوم للمواد الجديدة ( المقررات ) ومتى ينتهي

- تاريخ طلب العودة للدراسة ومتى ينتهي

- تاريخ بداية اختيار مراكز الاختبارات النهائية ومتى تنتهي

- تاريخ بداية الاختبارات النهاية

.

الخ الخ الخ من تواريخ مهمة للفصل الدراسي هذا وغيره من الفصول الدراسية في المستقبل .....

أتوقع الأن واضح للجميع رابط التقويم الدراسي

سأمحوني ذكرت هذي المعلومة مرة اخرى

لنا بصراحة في نأس كثيرة تفتح مواضيع وتكتب متى ينتهي التسجيل ومتى ينتهي دفع الرسوم ومتى ومتى ومتى

ويجيلك واحد يفتى بتاريخ على كيفة او غلطان في التاريخ

وفي نأس موظفين او ربأت منزل ماهم فاضين ولا يعرفون عن رابط التقويم هذا ويعتمدون من بعد الله على الردود الخطأ الى مثل كذا ويروحون فيها

هذا رابط التقويم الدراسي عندكم وكل شي واضح فيه ....

.

------------------------------------------------..

.

تاريخ بداية تسجيل المواد ( المقررات ) يوم الثلاثاء 2010 - 2011 - 2012

.

بداية الفترة الأولى لتسجيل المقررات للطلبة القدامى للفصل الدراسي الثاني من العام الجامعي 1435/1436 هـ دفعة 2010-2011-2012

2015/01/13

1436/03/22

الثلاثاء

------------------------------------------------.

..

تاريخ بداية تسجيل المواد ( المقررات ) يوم الاربعاء لدفعة 2013

.

بداية الفترة الأولى لتسجيل المقررات للطلبة القدامى للفصل الدراسي الثاني من العام الجامعي 1435/1436 هـ دفعة 2013

2015/01/14

1436/03/23

الأربعاء

------------------------------------------------.

تاريخ بداية تسجيل المواد ( المقررات ) يوم الخميس لدفعة 2014

.

بداية الفترة الأولى لتسجيل المقررات للطلبة القدامى للفصل الدراسي الثاني من العام الجامعي 1435/1436 هـ دفعة 2014

2015/01/15

1436/03/24

الخميس

------------------------------------------------.

.

تاريخ بداية تسجيل المواد ( المقررات ) يوم الجمعة لدفعة 2015 و 2014

.

بداية الفترة الأولى لتسجيل المقررات للطلبة القدامى للفصل الدراسي الثاني من العام الجامعي 1435/1436 هـ دفعة 2015 و 2014

2015/01/16

1436/03/25

الجمعة

.

.

بكذا خلص تسجيل كل الدفعات للمرحلة الاولى

.

------------------------------------------------

.

بعدها راح يبتدى معنى التسجيل للمرحلة الثانية

.

المرحلة الثانية للتسجيل كل الدفعات تسجل مرة وحدة

.

.

وراح يبتدي التسجيل للمرحلة الثانية يوم الأحد

.

بداية الفترة الثانية لتسجيل المقررات للطلبة القدامى للفصل الدراسي الثاني من العام الجامعي 1435/1436 هـ وبدء تسديد الرسوم الدراسية المستحقة من خلال نظام سداد لجميع الدفعات

2015/01/25

.

1436/04/05

.

الأحد

.

.

وراح ينتهي يوم الأحد

.

نهاية الفترة الثانية لتسجيل المقررات للطلبة القدامى للفصل الدراسي الثاني من العام الجامعي 1435/1436 هـ

2015/02/01

1436/04/12

الأحد

.

.

ملاحظة

.

الى مايعرف رقم دفعته

.

رقم الدفعة تأخذها من رقمك الجامعي

.

أول 3 أرقام من اليسار << هذا رقم دفعتك

================================================

الخطوة الثانية

.

شروط تسجيل المواد ( المقررات )

هي تعتمد على معدلك التراكمي

.

- أذا كان معدلك التراكمي (أقل من 2) مسموح لك 12 ساعة كحد أقصى

.

- إذا كان معدلك التراكمي ( من 2 حتى 2.49) يعني أقل من 2.5 مسموح لك من 12 الى 15 ساعة

- أذا كان معدلك التراكمي (من 2.5 الى 5 ) مسموح لك من 12 الى 18 ساعة

.

- المستوى السابع و المستوى الثامن مسموح لك 22 ساعة تسجل

( وهي تعتمد على عدد الساعات الى خلصتها طول دراستك مثل تخصص أنجلش الى يخلص 88 ساعة بنجاح مسموح له بعدها يأخذ 22 ساعة )

.

.

هذي شروط الجامعة من أول مافتح الأنتساب

بس الى عرفته الفترة الأخيرة ان اي طالب يقدر يسجل أقل مواد على كيفة يعني يختار له مادتين بس او 3 مواد يبي يدرسها طول الفصل الدراسي

يعني على كيفك وعلى قد فلوسك

وانا متأكد من هذا الشي لأني أعرف شخص درس معي هذا السمستر ( الفصل الدراسي ) 3 مواد فقط

------------------------------------------------

بعد ماتعرفون تاريخ بداية تسجيل المقررات

تروحون تجهزون أرقام CNR للمواد ( المقررات ) الى راح تسجلونها

.

------------------------------------------------

هذي الأرقام CNR تحصلونها من الرابط التألي

http://www.kfu.edu.sa/ar/Deans/e-learning/Pages/courses_tables_page.aspx

------------------------------------------------

أول حاجه تختارون الكلية الى أنتو تأبعين لها

------------------------------------------------

بعدها تختارون مواد المستوى

للطلاب للطالبات


أنتبهو أرقام المواد للطلاب يختلف عن أرقام الطالبات

.

راح تشوفون المواد ( المقررات ) و أرقام CNR في ملف بصيغة PDF

.

.

الى ماعنده في جهازه برنامج PDF

.

يحمله من الرابط هذا

.

http://ardownload.adobe.com/pub/adobe/reader/win/11.x/11.0.06/en_US/AdbeRdr11006_en_US.exe

.

------------------------------------------------

.

بعد ماتحملون الملف في اجهزتكم

.

تفتحون الملف وراح تشوفونه مثل الصورة هذي

.

.

طبعاً الصورة والمواد ( المقررات ) تختلف من تخصص لتخصص

.

تروحون تأخذون أرقام CNR للمادة الى تبون تسجلونها في البانر

.

================================================

.

الخطوة الثالثة

.

تدخلون على نظأم البأنر من هذا الرابط

.

.

http://bannerweb.kfu.edu.sa/PROD_ar/twbkwbis.P_WWWLogin

.

لمن تدخلون على نظأم البانر

.

تروحون لرابط خدمات الطالب والمكافآت المالية

.

بعدها التسجيل

.

بعدها التسجيل/الحذف والإضافة

.

بعدها راح يجيكم مربع اختر فصل دراسي: الفصل الثاني 1435هــ

.

( هم دايم كذا في كل السمسترات ( الفصول الدراسية الجديدة ) يحطون تاريخ العام الى فأت يعني لاتحاتون تسجيلكم سليم )

.

أضغطو على تقديم

.

.

بعدها راح تدخلون على صفحة تعبئة أرقام CNR للمواد ( المقررات )

.

مثل هذي الصورة

.

.

.

تحطون رقم CNR للمادة ( المقرر ) الى تبون تدرسونه لهذا الفصل في المربع

.

مايحتاج تحطون رقم CNR في كل المربعات فقط حطوه في المربع الأول ( مربع واحد يكفي )

.

بعدها تضغطون على تنفيذ التغييرات ( في كل مادة ( مقرر ) تعملون الطريقة هذي )

.

------------------------------------------------

.

لمن تشوفون المواد ( المقررات ) تم تسجيلها مثل الصورة التالية

..

.

.

.

بعد ماخلصتو تسجيل المواد ( المقررات )

.

تجلسون مع نفسكم كذا ويطقكم الوسواس شوية وتتأكدون ان المواد هذي خلاص راح تدرسونها لهذا الفصل ماراح تغيرون شي

.

خلاص متأكدين ان هذا المواد ( المقررات ) الى راح تدرسونها

.

راح تشوفون مربع صغير في خانة العملية

.

جنب كل مادة مكتوب فيه لايوجد

.

لمن تضغطون على هذا المربع راح تشوفون خيارات

.

حذف

.

وتأكيد التسجيل

.

مثل هذي الصورة

.

.

أختارو تأكيد التسجيل لكل المواد ( المقررات ) الى أكيد خلاص راح تدرسونها

.

وبعدها أضغطو على كلمة تنفيذ التغييرات

.

.

كذا خلاص مبروك عليكم تسجيل المواد ( المقررات ) الجديده للفصل الدراسي الجديد

.

.

ملاحظة

.

ممكن في هذا الفصل مافي كلمة تأكيد التسجيل ( ممكن يشيلونها )

.

اذا شألوها معناتها التأكيد راح يكون اتوماتك مايحتاج احنا نأكد التسجيل

.

لاتنسون كل فصل دراسي فقط مسموح لك تدرس 18 ساعة

.

يعني اذا شفتو تخصصكم فيه 19 ساعة ومافوق لازم تحذفون مادة

.

يبقى لكم تسديد الرسوم

.

------------------------------------------------

.

تنتظرون لمن تنزل لكم في البنك وتسددونها

.

بس اذا تبون تعرفون الرسوم الدراسية عن طريق الجامعة
.

.
ادخلو على رابط الخدمات الطلابية

http://del.kfu.edu.sa/entisab_app/index.asp

وبعدها ادخلو على الايقونة هذي

.

وراح تشوفون الرسوم الدراسية

.

أنتبهو لحد يسدد الرسوم الدراسية الا لمن يشوفها صحيحة

.

يعني الى يشوف رسومه الدراسية ناقصة لا يسدد ينتظر لمن يجيه تحديث ويسدد

.

.

نصيحتي للجميع في تسديد الرسوم

.

أنتظرو لاتسددون الأن حتى لو رسومكم صحيحة

.

أنتظرو لمن تشوفون أنظمة الجامعة كلها سليمة وبعدها سددو

.

يعني بالمختصر لاتسددون الا متأخر لنا الجامعة فيها تخبطات في بداية التسديد كثيره ومكرره

.

وكل واحد براحتة

.

------------------------------------------------

.

الى يبي يتأكد ان مواده تسجلت خلاص وراح يدرسها لهذا الفصل ومضمون راح يدرسها

.

يدخل على

نظأم البانر

.

وبعدها يدخل

خدمات الطالب والمكافآت المالية

.

بعدها
التسجيل

.

بعدها
التسجيل الحالي

.

.

وبكذا تتأكدون ان موادكم تسجلت لهذا الفصل ( السمستر )

.

================================================

..

الملاحظات

.

.

تأكدو ان أرقام الــ CNR خاصة لكم يالطلاب والطالبات الأثنين أرقامهم تختلف

.

تأكدو من رقم CNR لكل مادة

.

------------------------------------------------

.

جدول الاختبارات النهائية للفصل الدراسي الثاني لعام 1436هــ 2015مــ

.

بالنسبة للي حمل مادة ويبي يسجلها ويدرسها عادي يقدر بس أهم شي انه مايكون فيه تعارض

.

يعني يوم الاختبار يكون في يوم واحد وفي فترة وحده بكذا يكون تعارض

.

تقدرون تتأكدون من هالشي من جدول الاختبارات النهائية

.

والحمد لله في مواضيع كثيره لبعض الأخوان رتبو فيه جداول الأختبارات النهائية لجميع التخصصات

.

ومن هذا الجدول تقدرون تعرفون منه هل في تعارض أو لا

.

وهذا جدول الاختبارات النهائية الجديد لتخصص اللغة الانجليزية للفصل الدراسي الثاني لعام 1436هــ

.

..

باقي التخصصات أبحثو عنها في المنتدى العام وراح تحصلونها

.

------------------------------------------------

.

سأمحوني على الاطالة في الشرح

.

لنا في طلاب جدد وحبيت اوضح لهم بكل نقطة

.

ولأني محب أعيد وأزيد في الشرح أحب اوضح الشي بكل تفاصيلة مرة وحدة

.

.

بالتوفيق للجميع

[o_lg_ll]

up

[رنيم ♥]

.
.
وعليكم آلسلآم ورحمة الله وبركآته

ربي يعطيك آلف عآفيه موضوع شآمل لكل الآستفسآرات
ومهم لآغلب الطلاب وآلطآلبات آلجدد

* خذ رآحتك في آلشرح مآ نقول لآ *

* آن شآء آلله مآ تنفتح موآضيع ثآنيه من بعد موضوعك لطلآب آو طآلبآت يسألون عن طريقة تسجيل آلموآد وآلحذف . . . آلخ *
جزآك الله خير شرحك كآفي ووآفي مآ قصرت
ربي يوفقك ويوفق آلجميع

[M O T A Y A M]

شكرا بارك الله فيك

[كنت دافور]

موضوع يستحق التثبيت ،،، شكرا لمجهودك

[أبو محمد]

بارك الله فيك .. نثبت الموضوع للفائدة

[همس الروح 2015]

الف شكر لك على التوضيح والوافي
جزاك الله الف خير

[Shade]

جعلك في الجنة ووالديك
شرح واضح
بارك الله فيك

[ام رضوان]

شششششششششكرا لكي ☺️☺️ طيب الجدول نفس الفصل الاول. ماغيروا ارقام crn متى بيغيرونها:😥

[آلله يسهلهآ]

يعطيك ألف عافيه
مجهود طيب تُشكر عليه