[ قصة ] : غابت ثمان اسنيين حل وترحال..من اروع قصائد الفراق. القصه الحقيقيه هنا فقط

[طلال المطيري1]

السلام عليكم ورحمة الله وبركاته
هذه القصه كثر الحديث عنها من وقتها والى الان ؟
ومن أروع قصائد الفراق
وغناها فنانيين كبار وصغار منهم الفنان عبدالله القرني وغيرهم وموجوديين باليوتيوب.
وقبل كم سنه في الراديوا في الخيمه الشعبيه مع السكران.صار جدال عليها ولم يجدوا صاحبها او ما طلع السبب؟؟ تحت اقوله والله اعلم بعد التحقيق..
فيه ابيات مفقوده تقريبا من بعد الخامس 6 ابيات يتوقعون انها توصيف لشكلها وكيف كان معها ومن ها التوصيف ما احد يعرفها ابدا كيف ولماذا مع سرد القصه تحت؟؟؟؟؟
منبغى يسمعها اول مره لايسمعها من فنانيين فيه واحد شايلها وموجوده باليوتيوب وضابطها واحد بالصوت نسيته
القصه جميله وحزينه وشريفه. وللاسف في اشخاص نسبوها لهم وهي ماهي لهم با الادله والبراهين .
انا ببدأ أولا مثلي مثل أي شخص ونعتبر انفسنا محايدين.
التحقيق
اولا ببدا بالمنتديات التي نسبتها لهم
اولا فيه شخص يدعى فلان الصامطي العنزي اتوقع يقولوا وعلى كلامهم بمنتداهم ان اللذي قالها اصلن مش ( مدرس) وانه عسكري في حفر الباطن؟؟
الرد .طيب فيه بيت من قصيدته يقول .(جاني ولدها يبتسم من بين الاطفال من بسمته عرفت انا بسمة امه)..قالوا كيف دريت انها كذبه قال من كبرها ..يعني معقوله الطفل راح للعسكريه او راح قدام طابور العسكر وشافه العسكري ههههه بالمنطق الولد اكيد انه في الفصل ومعروف مدرس اول ابتدائي وطلبة الصف الاول صغار ومن الطبيعي يسلم او يظمه المدرس ...بدون ما اكمل في كذبهم من اولها كذبه هو مدرس وليس عسكري وعشان ما اطول في التحقيق بالكلام الباقي وتكذيبهم . ومع كل الاحترام والتقدير لقبيلة عنزه العزيزه هذه القصيده ليست لهذا الشخص وطولوا بالكم معي
نبدا في منتدى اخر شمالي يقول ان المدرس فلان بن فلان نسيت اسمه ومختصرها الرجال وقايل انه كتب القصيده وعطاها الطفل وقال اعطها امك ..ياناس حراام والله ووين اولا مستحيله يعطي مدرس من طلبته ويقول عطها امك ولو افترضنا ان المدرس حقير واستغل طفولة الولد ...هو يقول في احدى بيوته.. (واليوم بنت الناس في بيت رجال وحبن على غير الشرف لي مذله) البيت هذا هو طعم القصيده واثباته لحب الشرف النظيف والستر لها..يعني الرجال ماهو خسيس يوم قابل ولدعشيقته بعد كم سنه بيهدم بيتها او شرفها ..وابي افصل اكثر بالنقطه هذه تحت
نبدا في منتدى من الطائف ويقول انه حارثي واسمه فلان وان البنت من قبيله وهو من قبيله ..ويقول من نفس القريه والحب من الصغر. ياخي الله ماشفناه بالعقل عرفناه ..معروف ان اهل القريه كلهم من النفس القبيله او من فخذ من قبيله بالتحديد..
منتدى اخر نسبها لواحد من نفس قبيلتهم بمنتداهم يقولوا هو تخرج من الثانوي وراح من الديره ودخل الجامعه 4 سنوات واربع سنوات في التدريس وصادف ولدها بصف ثالث ..طيب ياخي مش معقوله انقول اول ماراح من الديره هي تزوجت وانجبت طفل وصار عمر الطفل 8 سنوات كيف بيكون بصف ثالث ابتدائي !!!!!!!عيال الديره قبل مايدخل صف اول الى عمره 8 سنوات..
نبدا في القصه وشرحها بيت بيت ثمن ننزلها . واتمنى من قرا القصيده يتابع تفصيلي انا ويتابع المنتديات اللي انسبتها لهم ويتابع سردها بيت بيت مني؟؟؟
واحكم انت.
هذه القصه حزينه لأنسان شريف في عالم الحب يحبها حب الجنون اول حب واخر حب.ومن الناس اللي الله يعينه ههههه يدعى له بالخير . قالها لي شخص وهي الاقرب للصحيح.وانا احب مثل هالقصص الوفيه واحب انها ماتجرح من اي شخص او يقلل من قيمتها.عشان كذا اهتميت فيها.
هو يحب بنت من نفس القريه وليست بنت عمه لزم .يعني من نفس القبيله لكن بعييد شوي من يوم هو صغير. اول ماخلص المتوسطه راح لقريه اكبر قريبه من مدينه في نجد فيها ثانويه وكمل الثانوي ثم راح للرياض ودخل كليه المعلمين وكان وقتها ما طلعت الجوالات ولا الديره حقتهم فيها تلفون ولا حتى البريد مايوصل وتعرفون خاصه قبل اللي راحوا للرياض يطولون مايروحوا لديرهم منها بعد المسافه ووقتها ماوصل حتى الزفلت مثل هالحين عشان يقدر يروح كل بعد فتره ويرجع بسرعه كان مثلها مثل أي قريه مثله مثل اي شخص ممكن يمشي 500 كيلوا زفلت وينزل وبعدها صحراء بمئات الكيلوات وكذا . ووقتها كان مع ربعه عيال عمه في الرياض واكبر دليل انها مش بنت عمه لزم في مطلع القصيده يقول و(غابت ثمان اسنيين حلن وترحال ) يعني لو بنت عمه هو مع عيال عمه بالرياض ومايدري عنها خبر لو بنت عمه كان على الاقل عرف من اخته من عمته من احد اقاربه فلانه تزوجت من الطبيعي..وفي نفس الوقت من الصعب يسئل عنها عند اهله عن فلانه وهي مش تقربله...ووقتها ومامعه بعد سياره عشان يروح لهله مو زي الحين سهل تحصل سياره.واذا راح يروح بالنقل الجماعي او في السنه مره يروح .ثم يجلس في اقرب مدينه لقريته يصادف احد من قريته يروح معه لديرته هههه يعني صعب وكذا يطول او يتكاسل مايروح مو الحين سهل وادبر نفسك ووضع قبل مو زي الحين ووقتها كان قليل من البدو وخاصه عيال القبائل يروحوا لمجال التدريس كان يبغون عسكريه وعلى اول الناس اللي اتجهوا للجامعات وكذا ..اتوقع كان اوال التسعينيات حرب الخليج .وقال مطلع القصيده
وفي السنه الاولى من غيابه عن الديره تزوجت
(غـابـت ثـمـان سنـيـن حــلّ وتـرحـال...غــابــت ثــمــان ٍ كـلـهــا مـدلـهـمّــة)
ثمان سنوات ؟ ثلاث سنوات في الثانوي و 4 سنوات في الكليه واول ماتخرج درس اول سنه بعييد عن ديرهم ومع بداية السنه التاسعه نقل قريب من ديرهم وصارت الديره هي اللي حبيبته فيها مع زوجها. وهي اول ماراح تزوجت وتعرفون عادات البدو وكذا مستحييل البنت بتقول لبوها ترا انا احب فلان وابيه وهذا الرجال ما بيه . جاء رجل وخطب البنت وابوها شاف فيه الصلاح وعطاه وزوجه وبدون مايكلم البنت من الطبيعي .ومن الصعب انها ترفض عطى ابوها.المهم تزوجت البنت وراحت مع زوجها .لديرة زوجها وهو من نفس القبيله لكن ديرهم بعييد يعني مايجمعهم الى اسم القبيله..غابت ثمان في دراسته وفي غربته وبهاذيل الوقت والفقر والصبر يبي يكمل دراسته عشان يعيش ومابين همه وحبه فيها من تفكييير فيها وكلها مدلهمه ( تعب في تعب)
(سألـت عنهـا سنيـن وشهـور وليـال...ولافـيــه قـطــر غـيــر وجـهــت يـمّــه)..سئل الليل سئل النجووم سئل السهر ههههه سئل من عيال عمه اللي يموون عليهم ما احد يدري سنين وشهور وليال ولافيه ديره الى وجهه لها اليا حصل اجازه في السنه ضرب الدير .الله يعينه ..
(وعقب الثمان اللي تعبها برى الحال جـــاب الـزمــان الـكـارثـة والمـطـمّـة.)
..بعد الثمان اسنين وتعبها والتفكير فيها برى الحال واتعبه الزمان وحاله تعب . جت الان الكارثه والمطمه ..اسمع
اول يوم يقولوا داوم فيه في هالمدرسه تعرفون لابد المدرس خاصه للطلبه الجدد صف اول يقفوون معهم ويلعبوهم وكذا ....اصلن اول ماتزوجت انجبت طفل وصار عمره 8 سنوات او اقل ومن الطبيعي في القرى وخاصه قبل مايدخلون عيالهم الى بها العمر.
المهم وهو يلاعب العيال الصغار بالصف.. والولد اتوقع حنين مثل امه ههههه
(جاني ولدها مبتسـم بيـن الأطفـال ..ومن بسمتـه ذكـرت أنـا بسمـة أمّـه)...عادي الولد ياخذ من أمه يا من عينها يافمها لكن سبحان من ضحكة الطفل عرف الطفل انه ولد حبيبته وبسرعه لا اراديا مسرع راح وظم الطفل

شفته وصاحـت داخلـي كـل الآمـ ال .بصـوت ٍ عجـزت بكتـم الأنفـاس ألمّـه
ركضت له ودمعي على الخد همّـال.... ومن كثر شوقي قمت بالحيل أضمّه
لحظة حضنته والطفل في يدي مال ....شميـت ريحتهـا علـى اطـراف كـمـه
ويوم حظن الطفل وقام يظمه اكثر من الطبيعي بالحيييل والطفل مال على كتف المدرس اتوقع الطفل يحاول يبتعد عنه.لأن الضم صار اقوى من ضم امه له ومن ظم ابوه بعد.. العاشق شم ريحتها(عشيقته) على كم الطفل ..وترا فيه ناس بتقول مستحيل يشم ريحة معشوقته اللي يقول مستحيل اكيد ما جرب حب الطفوله والمراهقه ههههه.
(وأستلهمت نفسي مقادير الأهـوال ..تــمّ الـضّـيـاع وأكّـــدت لـــي مـتـمّـه)..
الاهوال المصيبه والسنيين ..تم الضياع خلاص عرف الرجال انه حبه انتهى بسبب الطفل واكدت متمه.. انها فعلا يعني غيابها كانت متزوجه وضاعت كل اماله في التمني انه يلقاها و يتزوجها .وكان اكييد قبل على علم وهي بعد انه بيرجع ويكمل دراسته ويتزوجها لكن الاقدار حالت.
(ليت الغياب الي شغل غربتي طال...ولا دور العاشق على حرق دمه)
تمنى انه طال في الغياب اكثر واكثر ولا شاف حرقة الدم بعيينه.
الان البيت العظيم
اعيدووه كم مره
(واليوم بنت النـاس فـي بيـت رجّـال ..وحب على غيـر الشـرف لـي مذمّـه)...هذا البيت يغني عن حب اليوم . ولو في الوقت هذا وحاصل مع حب الشات والخرابيط النت والتكنولوجيا هاذي كان يوم قابل ولدها كان راقبه وبهذلها وقام يدقدق
عليها وازعجها وفضحها عند زوجها وامتحنها في نفسها وجاب مصيبه ..هههههه.
لكن حب الشرف شف يقولك
(واليوم بنت النـاس فـي بيـت رجّـال ...وحب على غيـر الشـرف لـي مذمّـه) يعني لو كمل حبه وصارت علاقه معه وهي متزوجه .اعتبرها العاشق او المدرس او راعي ها الابيات مذمه .نعم مذمه انشهد ..يعني اختصرها وخلى باقي عذابه بقلبه وحبه لها ولايمكن انه يقربها لانه يعرف لو قابلها بيهدم بيتها وبتخون زوجها على الاقل لكن ستر الحب ..اخر القصيده واجاوب على اللي بأول الموضوع
لازم أعـود وأشتكـي لـكـل الأميال .. بـنـفـس حـزيـنـة كـائـبـه مستـهـمّـه
بأرجـع غريـب ٍسكّتـه شـوك ورمــال ..يـمـوت يحـيـى يـنـدفـن مـــا يـهـمّـه
هو اول يوم له واصلن رجع للبيت وكان معه في السكن وهم عزاب مدرسين اثنين او واحد الله اعلم .قام يكتب القصيده مره في الدفتر هذا ومره يقطع الورقه هاذي كني معه ههههه .ويكتبها مره ثانيه لكن القصيده كانت تلقائيا وطلعت من قلب وطالعه من قلب ومره يكملها بدفتر ثاني وهو يتقلب حسره في الغرفه اتوقع نسئ ها الابيات بدفتر وفيه ابيات اخرى بدفتر ثاني تختلف حاجات بسيطه .ودليل على اختلافها بالمنتديات..لكن القصيده يوم كملها كامله اخذها معه ..ومن القهر والحسره وقلب المواجع والبكاء اكيييد نسى الاوراق الثانيه ويوم رجعوا المدرسين خوياه ماحصلوه ولقوا ها الاوراق فقط ووقتها ماكان حتى اذا غاب المدرس عن المدرس اتوقع ما بعد جا الجوال او اول بدايات البيجر هههه ويمكن ما كان عندهم ولافيه تواصل واخذوا ها المدرسين خوياه ها الاوراق القصيده وانتشرت من واحد لواحد للمنتديات يا الين صارت مجهوله وصارت ماعليها وسم ولاتعرف من هي له اصلن كلن نسبها له . وممكن خويه اللي اخذها قالها لولد عمه وولد عمه نشرها في المنتدى حق قبيلتهم وقال انها لفلان ..كل شي جائز .
والاعظم والاقوى انه ترك التدريس من ذاك اليوم لماذا؟؟؟؟ مستحيله الرجل يقعد بها الديره وبعدين لماذا لم يعرف او مخبئ نفسه ولو انتشرت مثلا وهو باقي في المدرسه بيعرف على الاقل زوجها انه ها الشخص لانه اكييد يعرف ان زوجته من نفس قريت ها المدرس وبتصير كارثه .وليش ماهو معروف وتاكييد انه ماقال الى هذه القصيده فقط .لو انه شاعر وكذا ودايم يقول قصائد من الطبيعي بحافظ عليها وبيعلن عن نفسه انها له.احتمال..لكن حب وتضحيات وبعد وشقى وتعب وغراام يا اهل الغرام هههه ..و من حبه لها بعد حاول انه يختفي هو بنفسه فما بالك بالقصيده واكبر دليل ان القصيده لها ابيات مفقوده وراحت في صدر العاشق وماطلع الى ها الابيات ومن سوالف شعراء ولو عرضتها على شعار بها القصيده يوجد لها ابيات مفقوده مثل راعيها ...ولأكبر دليل وخوفه عليها من الفضيحه او انها كانت تعشقه ما حب يطلع نفسه .لانه لو اعترف بينكشف عند اقاربه بعد..
لكن رجع غريب ترك التدريس سكته شوك ورمال ....ماعاد شي يهمه لا وظيفه لا رزق يبحث عنه لاشي (يموت يندفن مايهمه)
حبيت اشارك ولاول مره في ها القصه الجميله وان شاءالله ووفيت وكفيت
من هو اللي سمعته انه من قبائل في نجد وليس الشمال ولا الجنوب ولا الشرق ولا الغرب ..
ويبقى صاحب ها القصيده مجهول
وهذه الابيات واتمنى تسمع من اليوتيوب من غير موسيقى وفنانيين.
....................
غابت ثمان سنين حل وترحال ~~ غابت ثمان كلها مدلهمه
قضيتها بالحب و الشوق رحال ~~ شوق تحدى كل باس وهمه
وسئلت عنها سنين وشهور وليال ~~ لا فيه فج غير وجهت يمه
عقب الثمان الى تعبها برى الحال ~~ جاب الزمان الكارثه والمطمه
جاني ولدها مبتسم بين الاطفال ~~ ومن بسمته ذكرت انا بسمة امه
شفته وصاح بداخلي كل الامال ~~ ب صوت عجزت بكتم الانفاس المه
وركضت له ودمعي على الخد همال ~~ من كثر شوقي قمت بالحيل اضمه
ولحضة حضنته و الطفل في يدي مال ~~ شميت ريحتها على اطراف كمه
واستلهمت نفسي مقاديم الاهوال ~~ وتم الضياع واكدت لي متمه
ليت الغياب الي شغل غربتي طال ~~ ولا دور العاشق على حرق دمه
و اليوم بنت الناس في بيت رجال ~~ وعشق على غير الشرف لي مذمه
مجبور اعود واشتكي لكل الاميال ~~ نفس حزينه كائبه مستهمه
برجع غريب سكته شووك ورمال ~~ يموت يحىى يندفن ما يهمه

[نورة بنت فهد]

انشهد انها مفقوده وراحت في صدر العااشق ،،،،،،، وعشق على غير الشرف لي مذمه ♡
لاهنت طلال

[طلال المطيري1]

المشاركة الأصلية كتبت بواسطة نورة بنت فهد

انشهد انها مفقوده وراحت في صدر العااشق ،،،،،،، وعشق على غير الشرف لي مذمه ♡
لاهنت طلال

ولاهان الجميع
مرورك نوره خااصه له شرف

[ayat alissa]

جججميلة عشت الجو معهم ههههه بالذات يوم يضم الطفل بس جد شوفوا الصدف كيف .. عرف الولد من بسمة امه .. سبحان الله
يعطيك العافيه عالقصه الجميلة حقت القصيدة ..

[طلال المطيري1]

أكييد عايش الجوو هههههه .والى ليش اصلن تكتب القصه ..
ومن سوالف مع شاعر متمكن يقول ها القصيده ناقصه ابيات . وبعض الشعار يعرف هل ناقصه اولا.
وبما اني ( ضابط بحث جنائي في الغرام ودروبه) :)وعضو منتدب دائم في الامم المتحده (منظمة الحب النقي) قمت اقرب في الاحتمالات الاقرب في الاقرب
شكرا

[Abo Rahma]

ويبقى صاحب ها القصيده مجهول

كتبت وامتعت سلمت يمينك اخوى طلال

جازتلي حيل هالمناصب ( ضابط بحث جنائي في الغرام ودروبه) :)وعضو منتدب دائم في الامم المتحده (منظمة الحب النقي)
دوك

[طلال المطيري1]

والاحلى . دوك ههههه

[2COOL]

برجع غريب سكته شووك ورمال

يموت يحيى يندفن ما يهمه

سلمت يداك أخوي طلال

والله ما أنت هيّـن تنفع مُحقق

مشكور على الدعوة

راقتني القصيدة والتحقيق

لك مع تقديري

[طلال المطيري1]

وشكراا على التلبيه
اكييد محقق واول ما بحقق في اللون الابيض :)

[الــغـــدراء]

،،


قصة جميلة تبلورت بقصيدة وجدانية
سلمت يمينكـ يـ طلال

لآهنت ،،،

.