[ استفسار ] اسلوب الجامعة متغير او انا غلطان

[alatta]

انا كان عندي مادة المقال من المستوى الخامس وجاب الدكتور اسئله من بين السطور و اتحدى الدكتور نفسه يقدر يحلها ؟؟





حسبنا الله ونعم الوكيل
واضح التعقيد ...

[umraghad]

المشاركة الأصلية كتبت بواسطة Doremi

نسيت أقول ، ترى ممكن/احتمال أن سبب الغدرات المتتاليه هو هباله "بعض الناس" الي نشوفهم بالمنتدى يقولون ذاكروا أسئله العام وفالكم a+ ..أو ذاكروا أسئلة العام ما بيجي إلا هي..


هالشيء يسيء للدكتور نفسه ممكن بعضهم ما يحب ينقال عنه هالكلام
وممكن هالشيء يضرهم.. يعني يتحاسب لما تكون أسئلته لعبه والكل عارفها كأنه مسربها لنا..


والدكاتره يعرفون المنتدى ويدخلونه مب جاهلين..


فممكن الأمم جنت على نفسها ..
لو استخدمنا الأسئله السابقه كمرجع واحنا ساكتين كان ماحد درا عنا ..

وانت الصادقه الا الناس اللي مالها داعي في المباشر وفي كووووووووووول محاضره يعيدون نفس السؤال اللي مال امه داعي (أستاذ نذاكر من أسئلة السنوات اللي راحت ) (أستاذ نذاكر أسئلة العام ) (أستاذ وش اللي محذوف ) ومالقيتوا الا عبدالرحيم تسالونه عن المحذوف هذاهو استلعن وجاب اختبار حاس مريرنا فيه وترا مو اهبل يوم انه كتب هالاختبار كله عشان يأدبنا

معليش نرجع للموضوع الرئيسي الترم السادس عادة اصعب ترم وفيه يشخلون الطلاب شخل يعني يعتبر تحدي للكل لكن الله يعين ع هالترم ويعديها على خير

[Doremi]

المشاركة الأصلية كتبت بواسطة umraghad

وانت الصادقه الا الناس اللي مالها داعي في المباشر وفي كووووووووووول محاضره يعيدون نفس السؤال اللي مال امه داعي (أستاذ نذاكر من أسئلة السنوات اللي راحت ) (أستاذ نذاكر أسئلة العام ) (أستاذ وش اللي محذوف ) ومالقيتوا الا عبدالرحيم تسالونه عن المحذوف هذاهو استلعن وجاب اختبار حاس مريرنا فيه وترا مو اهبل يوم انه كتب هالاختبار كله عشان يأدبنا

معليش نرجع للموضوع الرئيسي الترم السادس عادة اصعب ترم وفيه يشخلون الطلاب شخل يعني يعتبر تحدي للكل لكن الله يعين ع هالترم ويعديها على خير

عذرا ً يا أم رغد، واضح أنك فاهمه سالفة الجماري غلط ..
الجماري ما انسأل ( بتكرر أسئله ولا ما بتكرر )
السؤال الموجه للجماري كان ( نحتاج نذاكر المحتوى السابق مع المحتوى الحالي؟ ) وأشوفه سؤال وجيه.
لأن حتى في تمارين المحاضرات 7 و 4 كان فيه أسئله من برا المنهج يعني طبيعي الواحد يشك ..
والسؤال كان بعد محاضرتين مباشره وهو الي كان يقول أننا مطالبين بمنهجه هو فقط ..


مدري مين قال لكم أن الجماري انسأل عن تكرار الأسئله ..
ولولا الله ثم الايميل الي هو رد عليه كان ماعندنا حجه قويه لما نشتكي ..
يقول ذاكروا من منهجي ويجيب من منهج ثاني..


الدفعه الي قبل اشتكوا وماحد أنصفهم .. لأن الطلاب صاروا يشتكون على الي يسوى والي ما يسوى فما حد يصدق لما تجي دفعه تشتكي صدق ..
بس لما يكون معك ايميل من الدكتور قال فيه كلام وخالفه هنا فرصتك أكبر..
الجماري نذل نذل في كل الأحوال سواء انسأل ولا لا..
وهو كتب الأسئله من قبل لا ينسأل يعني ماله علاقه ..


قبل لا ترمون اتهامات الله يعافيكم شوفوا الوضع من كافة النواحي
مب تقرون ردود بعض الناس الي يدورون زلات على غيرهم ولا يشكرون ولا يحمدون ربي على شيء ..


------


السؤال عن تكرار الأسئله معروف أنه غلط ، بس السالفه الي قلتيها ما أشوف فيها شيء

[الدكتور ياسر]

أتوقع يرجع الأمر أن شهاداتنا أصبحت أكثر أهمية وأكثر قوة من السابق
ف ع سبيل المثال للحصر باب التعليم أصبح مفتوح لنا بعد م تتمكن من الحصول
ل دبلوم التربية ، عكس قبل هذا الأمر .

[أبـو مـاهـر]

بصراحه انا اشوف انه بعد تعيين الفريدان عميد التعليم عن بعد صار فيه تغيير وممكن اكون غلطان والله اعلم

[hajajy]

المشاركة الأصلية كتبت بواسطة alatta

انا كان عندي مادة المقال من المستوى الخامس وجاب الدكتور اسئله من بين السطور و اتحدى الدكتور نفسه يقدر يحلها ؟؟





حسبنا الله ونعم الوكيل
واضح التعقيد ...

اخذت الماده قبل ترمين وذاكرت قبل الاختبار بيوم واخذت 98 كان حبيب مررررررره

[umraghad]

[Doremi]

المشاركة الأصلية كتبت بواسطة umraghad

صح صادقه انا معك في كل اللي قلتيه بس وش السالفه اللي انا قلتها
وترا يابعد حيي انا ماقصدك بالكلام انا عقبت على السالفه ككل فقط وكملت على كلامك فقط لاغيييير وتشكرات يالغلا

السالفه الي قلتيها قصدي على حكاية الجماري لما قلتي أنهم سألوه عن المحذوف
وناس يقولون ( انتوا سألتوه هل يكرر الأسئله ولا لا و نكبتونا )..


مع أن هالكلام غير صحيح.. الأغلبيه يحسبون الجماري استقعد لنا بس علشان الايميل
بينما الايميل ما كان له دخل..


فكنت أبي أوضح الفكره بس..


موفقه يارب

[umraghad]

أي ايميل انا ماتكلم عن الايميل ولا حتى ادري عنه انا أتكلم عن المحاضرات المباشره فقط وانا حضرتها كلها وشفت يوم عصب علينا

[umraghad]

عموما اسال الله لنا ولكم التوفيق في اللي راح واللي جاي