أحلامنا تطآآآآيرت مع الدكتورة أحلام !!! دعوة للنقاش من الجميع !!

[amjad]

السلام عليكم ورحمة الله وبركاته

دائماً أكرر عليكمـ وعلى الي يعرفن اني احب الإختصار ولا احب اقرقر واجد مااحب ازعج اتابع من بعيد لبعيد اتضايق من الدعاوي وشيم بعض الأعضاء على اي شخص بغض النظر دكتور / أو دكتور هذا طبعي وقناعتي وأتحمله واكيد يعنيني ’’ لكن تقدرون تقولون أتقي شر الحليمـ إذا غضب

,,,<< كلامي أعيه تمام الوعي لست بصغيرة سناً أو هدفي التشويه والدعاء وتجميع المسبة على اي شخص هنا فــ أنا مربية تربوية وأعمل وكيلة مدرسة

ابتكلم عن أمتحان مادة بناء وتطوير المناهج


الحين هل يعقل ان الترم اقل من 3 أشهر ويدرسنا دكتور وينزل مناقشاتنا دكتور وواجباتنا دكتور ونتعود عليه ونتابع محاضراته والوقت ابد مو مساعدنا فدوامي خارج منطقتي وسبق كررتها تبعد حوالي 80 كيلو يوميا اتردد ومع ذلك على يقين تام أننا قد التحدي ومادرسنا إلا لهدف وونواجه الصعوبات من البداية مانقول شي بالتغيرات غيرتوا دكتور علم نفس النمو قلنا ماشي ولا اعترضنا لأنه بداية السنة ,إيضاً غيرتوا دكتورفقه السيرة ولاقلنا شي لأنه من البداية ’’ تأخير في نزول المحاضرة لخبطة في أماكن المحاضرة فبعض المحاضرة كلها تمهيدية تعليق النظام فصلكم للنظام في وقت متأخر نظام البلاك بورد والنظام الإفتراضي حوسة محاولات الواجبات !! تغير واجبات البناء بدون سابق إنذار حنا الي إكتشفنا بعد ماراحت علينا كل المحاولات ليش كذا دكتوره على عيني ورآسي والي بيدخل بيدعي عليها ولا على غيرها ولا على العميد بطلب حذف رده وطرده من المشرف العام لكن انا من غيضي من هالأسئلة والحركة البايخه تدرون اغلب الناس هنا بالمتلقى يوم شفنا أسمها تحت المادة ضحكنا قلنا مع التعديلات ناط اسسم بنت تدرس بالغلط من حوسة وتعليق النظام مادرينا ان صحيح والتغيير بين فتحة عين وتسكيرتها انا تراني نسبتي عالية وناجحة بكل المواد بالمستوى الأول ماشاءالله علي اصعب امتحان مر علي واقسم لكم اني مذاكره من المذكرة الي هي منزلتها لنا بالبلاك بورد كلها ولا اعتمدت على اية اسئلة ولا اي شي ثاني وعكيت صح وحست صح لانطالب بشي غير !!


مراعا ظروفنا ودراستنا فلدينا :

الكبير رب اسرة كثيرة مسؤولياته وين يلحق على هالملازم والكتب والمذكرات .
لدينا الموظف /ـة من رفض مدير عملة بإعطاءة إجازة ولاتقلون لي لا موافقة ومن هالخرابيط !! نذالة بالتعريف مكتوب من عملة ومقر إمتحانة في نفس منطقته لايمنح إجازة تراني منتبهة لهالنقطة يمكن أنا ماتهمن لأني موظفة رسمية باخذها غصب لكن في بالي غيري وهمي غيري
لدينا ام الأم ولديها مسؤلياتها ومعرفتها قليلة بالانترنت
لدينا من رفضته الجامعة لأسباب الإكتفاؤ والنسبة وأكبر دليل زميلتي علمي رفضت من الجامعة ووضعت انتساب بقسم عربي تخيلون مالنا الا هناء
ليش مايكون الجميع متفق على اسس انصاف لطلاب المنتسبين عن بعد !!!! توحيد أسئلة موضوعية تحديد زمن إختبار يكون بعد المغرب عدم ضغطنا بمادتين بوسط الأسبوع كل هذا يهون ونتقبله وانا واثقة من الجميع لكن تغير من دكتور لدكتور وتصعب الأسئلة وتتحدانا وطوال الصباح بإجتماع ماترد على الزميلات ليه ياربي هل يعقل بيجي يوم بتشرح محاضرات فيديو صوت أو !!! صوت المراءة عورة أو توحيد صفوف خاصة للبنات يكون كل طاقمنا دكتورات والشباب كل طاقمهم دكاترة!! << تفكير عقلي وأتحمله

إيضاً لدينا إيضا الصغير سننا من تخرج من الثانوية العامة ولدية امل بالتحويل للإنتظام وبعد التسديد والانتهاء يكتب إعلان تم إيقاف من انتساب عن بعد إلى إنتظام كل هالضغوط والعقبات والله يادكتورة أحلام واجهناها وشكوانا لله رب العالمين لكن تجيبين لنا أسئلة ناس تدرس ماجستير هذا ظلم الله يسامح من كان سبب ترشيحك لنا ,, لو رسب احد في المادة الله يعينك فتحتي على نفسم دائرة الخناق من الجميع


أكررالموضوع ليس للدعاء ولا السخرية ولا ارضى اي شخص يدعي - يقل أدبه - هذا مافي خاطري واعتقد خاطر الكثير - ويالمشرفين اي احد يسوي شي من هالتنبيهات لاتغلقون الموضوع احذفوا رد الشخص لاني ماكتبت وتعبت وظحيت براحتي ونومي وبالأخير يحذف ََ الجميع يحترمون المكان الي أحنا فيه



ماارضى أحد يدخل بدون مايعلق وأكرر للمشرفين اتمنى عدم الحذف أو الإغلاق على يقين تام بأني ماغلطت بأي كلمه !! وأكرر الي بيقل أدبه أحذفوا رده

[اكاديمي منتسب]

يسعد مساك امجاد
الاختبار كان دقيق جدا بالاجابات يعني اللي دارس زين يتخربط ( السهل الممتنع) اما مصطلحات التعريف كلها بالفهم مو من المحتوى

الله يعين ونعدي على خير

هدي بالج امجاد وان شاء الله تعوضي خير السمستر الجاي بمادة اخرى a++

بالتوفيق،،

[جيهان بنت حامد]

حبيبتي امجاد هاذي نقطه مايختلف عليها اتنين انه الاختبار كان دقيق جدا وغير واضح ويوتر بصراحه انا شخصيا توترت وفي بعض الاختيارات حطيتها من عندي بدون مأفكر لانه كنت خلاص وصلت لمرحلة الملل من التفكير وقرب الوقت يخلص .. بس هالشيء طبعا مايخلينا ندعي على مسلمة حراام وكمان لاقدر الله وحملنا الماده فهذا شيء عادي ووارد في كل مراحل الدراسه سواء الجامعيه او المدرسيه ... وان شاء الله الجميع يعدي وفالكم النجاح ..


ربي يسهلها لنا جميعا وموفقين يارب ...

[فرراوله]

الله يعين
وكلمك في الصميم اتمنى لو يرفع
للمسؤلين

[الفراق الصعب]

امجاد صوتي خرب من المذاكره وشكوى وتعليق مافيه فايده

[بـBaderـدر]

معـاك حـق امجــاد بكل إلي ذكرتيــه
واللخبطــه حاصله هالمره بشكل غريب من كل النواحــي..
لكن إن شاء اللــه خيــر..

بالنسبـه للدكتوره أتوقع داخله بحماس وماراعت ظروف احــد أو إنها ماتفرق بين الانتساب والانتظام ..
اللــه يعيــن بس..


وأسال الله للجميــع التوفيــق..

[جنووووبي]

فعلا كانت الدكتوره قاسيه في الاسئلة و وضعت اسئلة على فهمه الخاص ونست مفاهيم واستوعاب الطلبة انها تتئفاؤت من شخص الى اخر بس الشي الملحوظ ان اسئلة الاختبار ليس موجه لطلبه انتساب بل موجها لمن هو اكبر من شي اسمه طالب الله يسامح الجميع
نسال الله عز وجل ان يوفقن في الدنيا والاخره

[طالبه منتسبه11]

الله يحلل الدكاتره عن الدكتورات اصلا دكتوره تجي اخر السمستر بس تحط الامتحان هذا بحد ذاته ظلم لانها على حسب مافهمت انه في احد كلمها من الطلبه وقالت انا ماشفت المحاضرات ولا الاسئله ولاحتى ائلتنا كان طول الترم مع الدكتور حوارنا ونقاشنا واليوم والله الاسئله صعببببببببببببببببببببببببه بالمره

[متفائله بقوة]

وكلي امرش لله والله يفرجها والي تعب مارح يضيع تعبه
انا حليت الي ربي قدرني والله حتى خايفه يطلع غلط
,,,,,,,,,,,,,,,,,,,,,,,,,,,,,,

[فيوليتا]

حسبي الله ونعم الوكيل والله لو كنت ماني مذاكرة احسن لي كان اقول
أساتهل قلعتي هذا جزاء الي مايذاكر لاكــــــــن..
ذكرنـآآ وتعبنـآ قلبنـآ وسهرنا اليل وحرمنا عينا النوم وعيت النفس تاكل كله عاشان هالماده
أحس كل دقيقه اذا ضاعت يوجعني قلبي عليهـآآآ كنت مجتهدة ومتأمله خير ...
وكنت مأتامله على أحلام كثيرة ...
لاكن ...
ماأقول الا حسبي الله ونعم الوكيل
وان شـآء الله نطلع منهـآآ.
وماأحد فينـآآآ يحمل الماده ...
قولو آميــــــــــــن