 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2013- 2- 17
|
|||
|
|||
|
~~ّقصيده الزواج للشاعر.... عبدالرحمن رفيع ّّ~~
بسم الله الرحمن الرحيم السلام عليكم ورحمه الله وبركاته هذي قصيده للشاعر البحريني المشهور عبدالرحمن رفيع يحكي فيها عن شاب قادم على الزواج ويريد ياخذ اراء وافكار ونصائح الناس حتى لايتفاجئ في النهاية بسلبيات هذا الزواج  إشكثر كنت اتسأل اشكثر قبل الزواج كنت اتسأل اقعد الساعات مع الناس ماتملل يالربع ابي الصراحه قول علي لا تكذبون الزواج بيني وبينكم شي عدل وإلا ينون ؟ ما تركت من ربعي واحد ما سألته هالسؤال من كثر خوفي بغيت اسأل بعد حتى اليهال ياهل المعروف ترى ضاعت دروبي عندي چم نوط اتزوج والا لا ابقى عزوبي ؟ والله خايف منه هالقرقور ولو كان من ذهب زينة الحرية زينة حتى لو تكون من حطب راسي راس متروس وعاقل ليش اقط نفسي فمشاكل كنت افكر ليل نهار في هالامور حتى كنت ساعات احس راسي يدور والحياة ما تيي تجاربها بلاش والحقيقة ما تبان الا بنقاش هذا كان تفكيري من قبل الزواج كنت اچذب عقلي ساعه وساعة كنت اعتبره صاج الزواج جاوبني شايب قال لي ذي حظ ونصيب لا تريد ينجح فيه بعضهم والبعض لازم يخيب والسعادة مو بالفلوس في الحياة السعادة لين توفجت بمره بين البنات روح تزوج ولاتتردد وتتحجج الحذر فوق حده لين زاد ما يفيد واللي ماينشين يرمي في القنص مو مايصيد وانت مو بأول ولا اخر ولد اللي قبلك عرسوا من غير عدد يالله جرب موب عجب لو مرة في الالف حظك الزفت يبقى طيب يمكن تلوف لك بدانة وتكتمل نصف الديانة روح وجرب روح وجرب قلت في نفسي هذي شايب مخه خرفان وخراب ليش ماروح واسأل لي شاب الجواب يمكن يكون عنده الجواب رحت سألت واحد اعرفه شاب من المتزوجين قلت له يافلان بالله قول لي الزواج زين هالسنين ابي من عندك نصيحة وانت شيخ العارفين الزواج جاوبني يضحك الزواج لا يخدعك شهر العسل واليالي الاوليه والمواعيد والغزل الزواج موب كاب ثريد هذي شيء يبي له واحد قلبه مصنوع من حديد الزواج يمكن يكون زين للي فوق الاربعين للي يبي يستقر لكن بشرط بوكه سمين انصحك مول لاتزوج حتى لو يقولون لك اتزوج بلاش حتى لو فوق المئة تاخد معاش چم سنة بتدفع اجار الشقه چم انت لو تداوم على دفع الاجار يعني نصف عمرك عدم ولين سمعت اخر الشهر ريال يصيح افتح الباب هذي بيل الكهربه غن على نفسك وقول آه يا يبه مالها قيمة الدنانير يا رفيقي هالزمان الله يرحم يدي خذ اربع حريم ولو حلال چان خذ ثمان ما صرف ربع اللي راح مني في ايام الخطوبة وما لقى ادنات صعوبة والله غير لعزوبي مايقدر يعيش حتى لو يتعشى باجلا ويتغذى اريش انصحك مول لاتزوج انصحك مول لاتزوج قلت في نفسي هذي شاب باين عليه وايد يزيد ليش ماروح اسأل لي واحد توه متزوج يديد مرت الايام وصدفة طاب رفيج لي في العسل رحت عقب مدة ازوره قلت له صف لي ما حصل عطني رأيك باختصار جنة العرس والا نار قال لي لحظة وقام وتم مدة يتصوخ مرته كانت قاعدة تطبخ قلت اكيد خايف اتسمعك يالله هات بس مول لا تشلخ قال روح باجر تزوج انت تحتاج للأدب اجذبوا جذبه علي قالوا لي قرقور من ذهب حد يهد ديرة النعيم حد يقول الحبس زين الا الغشيم تسوى چم طاير وحر بين العرب ما تخاف من لوم ولاتخاف من تعب لين رجعت البيت تنام لك مستريح ولين مشيت تمشي اتفنى من الطرب والله مينون اللي ياخد له مره  يقعد يشاهدها طول عمره كانها منظره والله يا عالم حرام والله لو كل ليله اشاهد قمر شان طفشت منه وحنيت للظلام روح تزوج بس على نفسك تشهد قول على الدنيا السلام حد يجيس الكهربه حد يربي عقربه,<<ماكنه مصخها حبتين  حد يطيح في حفرة وعيونه تمام روح تزوج بس على نفسك تشهد قول على الدنيا السلام والله حيرتوني ياناس بالكلام من اصدق من؟ ومن ذي استشير؟ الزواج امرٍ خطير!! قال لي راي روح استشير مطوعه يمكن يفيدك كلامها ويمكن تكون منفعه يالله قوم ما فيها شي ياما شخص تظنه ميت وهو لو جربته حي كنت سمعت عن حرمة طيبه عندها بويت بالمنامة ويوم سألت عنها اوصوفها وميزوا بيتها بعلامة ناس يقولون عنها طاهرة وناس يقولون عنها ساحرة قلت في نفسي طاهرة ساحرة يالله روح جريبيت كل الفلاسفه وذي بعد انسانة روح يمكن تحل القضية او تسليك بكلام اهي دينارين ثلاثة والزياره مب حرام كانت الساعه تسع بعد العشا وكانت الدنيا ظلام ويوم ضربت الباب ومرت خمس دقايق بالتمام رد علي صوت من ورى الباب قال لي من؟ جاوبت صديج ياي تحلون له قضيه من سنة تسبب له ضيج قال تفضل وانفتح لي الباب وبديت بالسلام وقادني شخص من يدي وقال لي ممنوع الحچي الا لما تسألك الحجية جاوب باحترام وما وعيت الا جدامي وحدة بالدفة والملفع بحلقت بعيونها فيني ساعة من غير ماتخرع قالت اش عندك تشكى وارفع الصوت حتى اسمع قلت لها عندي قضيه منها وايد اتوجع قصدي اتزوج وقلبي صار له مدة ما يتشجع اتسأل دوم وخايف جني بتزوج لي اربع قالت انت تحتاج اوحيده يمها كل ليله تربع الحريم مثل الخبيصة ما في ريال منها يشبع قلت اخاف اخد لي وحدة حلوة بس السانها يلسع انا ريال موب فدائي حتى اتزوج لي مدفع قالت انت ناوي تزوج والا ياي بس تتدلع قول لي بين لي مرادك راوني باب قلبك مشرع عندي لك زوجة جميله الشكر من عينها ينبع وحدة محترمة وخليقه في زمان الشدة تنفع وحدة ما يدوخك مهرها وما تشرط وتمنع قلت لها اقدر اچوفها والا ذي الوحدة تبرقع يالله دليني محلها ابى وسط الجنة اركع قالت انت تحتاج نظارة من نظارتك هذي اوسع كشمتك باين عليها كشمة ما توضح قربمع اللي تبيها جدامك والا تتعامى يامبلتع وما وعيت الا بها قايمة وكاشفها عن ويه ما يترقع
ويه كريه لو يچوفه يني شان من المنظر تصروع ولو ما ريلي ساعدتني في الركيض چان حالتي خروع 
|
|
2013- 2- 17
|
#2 |
|
متميز بملتقى الفنون الادبيه
|
رد: ~~ّقصيده الزواج للشاعر.... عبدالرحمن رفيع ّّ~~
|
|
|
|
2013- 2- 17
|
#3 |
|
Banned
|
رد: ~~ّقصيده الزواج للشاعر.... عبدالرحمن رفيع ّّ~~
وش هالتسطير القيم والنير
تسلمين لنا يالياسمين  |
|
|
|
2013- 2- 17
|
#4 |
|
متميز بقسم المواضيع العامة
|
رد: ~~ّقصيده الزواج للشاعر.... عبدالرحمن رفيع ّّ~~
العرس طيب
مافيه وحده تحلف اني اخذها ولادفع من المهر ولا ريال 
|
|
|
|
2013- 2- 17
|
#5 |
|
متميزة بالمستوى السابع لقسم الإنجليزي
|
رد: ~~ّقصيده الزواج للشاعر.... عبدالرحمن رفيع ّّ~~
قالت انت ناوي تزوج والا ياي بس تتدلع
هههههه سألته سؤال وجييه طلع الواااد خرع  يسلمو ياسمينه الشاعر كان ومازال من احب الشعراء الى قلبي ولقصائده ذكريات حلوه
|
|
|
|
2013- 2- 17
|
#6 | |
|
أكـاديـمـي ألـمـاسـي
|
رد: ~~ّقصيده الزواج للشاعر.... عبدالرحمن رفيع ّّ~~
اقتباس:
ياهلا والله بابوعبدالعزيز
 اسفرت وانورت وتسلم على هالكلام الزين << قل ماشاء الله لاتعوق اللحين ماابديت لنا رايك يارجال اسئل مجرب ولاتسئل طبيب ترانا لسى بالبر انصحنا اذا ماعليك امر ومسائك توت ورمان |
|
|
|
|
2013- 2- 17
|
#7 | |
|
أكـاديـمـي ألـمـاسـي
|
رد: ~~ّقصيده الزواج للشاعر.... عبدالرحمن رفيع ّّ~~
اقتباس:
هلا اخوي بحر مرحبتين
شرفت والله وشرفني تواجدك بموضوعي هههههههههه مافيه وحده بتاخذك بدون ماتدفع ولا ريال اممممممممم ماتدري  روح حطها امنيه بموضوعي الثاني يمكن تضبط  والله يوفقك اخوي ويسرلك امورك يارب مسائك سكر |
|
|
|
|
2013- 2- 17
|
#8 | |
|
أكـاديـمـي ألـمـاسـي
|
رد: ~~ّقصيده الزواج للشاعر.... عبدالرحمن رفيع ّّ~~
اقتباس:
هلا والله بعد ناسي كلها وروحي
انا نذوره فديتك والله وفديت طلتك  الله يسلمك ياقلبي زين يعجبك هالشعر حتى انااحبه خطير اهو قصايده شي شي والله يوفقك قلبي مسائك سكر |
|
|
|
|
2013- 2- 17
|
#9 |
|
مشرف سابق
|
رد: ~~ّقصيده الزواج للشاعر.... عبدالرحمن رفيع ّّ~~
هههه
سلمتي ياسمن على هالقصيدة المعبره صدق يحتار في الزواج لكن النصيب هو الحكم في مثل هالامور والله يرزق كل العزابيه |
|
|
|
2013- 2- 17
|
#10 | |
|
أكـاديـمـي ألـمـاسـي
|
رد: ~~ّقصيده الزواج للشاعر.... عبدالرحمن رفيع ّّ~~
اقتباس:
هلا والله هلا وسهلا
نورت والله ياساهر ودوووم هالضحكه يارب  والله يسلمك اخوي صادق في هالامور النصيب هو الحكم وفي النهايه الله يرزق كل العزابيه يارب ونجي كذا شي يوم نسمع خبر جميل زيك يقول ترا الجارح زواجه بعد كم يوم <<تستاهل كل خير والله والله يوفقك اخوي مسائك سكر |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
