مهارات التعــــــــــــــامل مع الاختبارات مقتبس من محاضرة لـ الدكتور يوسف الخاطر

[اغ’ــــرآب]

السلام عليكم ورحمة الله و بركاته
اهلين ياحلوين .. اخباركم ..
الاختبارات قربت .. أكيد النفسيات محطمه وموش ولا بد :>
المهم اكيد الاغلب يعرفون الدكتور يوسف الخاطر .. هذا الانسان الجيد .. قريت له دوره قبل فتره عن كيفية تطوير مهاراتك الدراسيه ومواضيع كثيره من هذا القبيل ..
واستفدت منها من جد .. فحبيت انه ما أكون انا المستفيده الوحيده ونقلت الموضوع لكم

- كيف يتعلم الدماغ ؟!

اول شي قال معلومه مهمه / كثرة شرب المويه تزيد من قدرتك ع التعلم
قال الدكتور احصائيات كثيره عن قدرة الدماغ ع الحفظ والاستيعاب .. وأكثرها عقلانيه هي ..
ان الدماغ يقدر يحفظ مليون مليون مليون مليون مليون كتاب .. يعني الميموري حقته 10 اس 79 ! ... تعرفون اكبر هاردسك اخترعوه الحين
كم مقدار الحفظ حقه ؟ 10 اس 12 .. ويقدر يحمل لك مليون مليون مليون فلم

لما يتعلم الدماغ .. ينشئ رابط بيننه وبين الخلايا العصبيه الثانيه .. ولكن هذا الرابط اذا ماأكدت على المعلومه وراجعتها مع نفسك ف خلال 4 دقايق بس
راح يتلاشى الرابط .. لكن اذا بدينا بمراجعة المعلومه وتكرارها راح تصير هذي الروابط أكثر سماكه وقوه , وتبقى المعلومه ف دماغك ياعزيزي :praying:

- مهارات في قاعة الدراسه .
1 ) العلاقه الايجابيه مع المعلم :
كثير مننا نترفز من معلم معين .. او من طريقة تعلميه او اسلوبه مع الطلاب
ومع كرهنا له نكره مادته ويكون حلمنا الوحيد متى نخلص ونتفك !
لكن لو فكرنا بالعقل .. المعلم لما ما ارتاح له واكره مادته بيخسر شي ؟ بيدري عنك اصلاً ؟ .. لأ هو راح يجي يعطي مادته ويشرح ويطلع وبينسى كل شي صار .. الخسران الاول والاخير هو انا ,
فلذلك .. لازم اكون علاقه حلوه مع المعلمين انبنت على التفاهم والاحترام عشان احب مادته وامشي معها .. :g8:

2 ) التأقلم :
تتذكرون بأولى ابتدائي ؟ كان فيه معلم لكل فصل اسمه " مربي الفصل " .. كانوا يحطونه لان الطفل في المرحله هذي كان مايقدر يتحمل خمس اشخاص
يدخلون عليه باليوم وكل واحد له طريقته واسلوبه .. راح يتشتت صح ؟ , وشوي شوي يبدون يكثرون المعلمين لين الثانوي يصير الشخص من اول اسبوع يقدر
يتأقلم مع اسلوب كل المعلمين .. لكن فيه اشخاص .. كبار بالعقل أطفال بالتفكير .. يجيك يقول المعلم ذا ما احب مادته .. لييه طيب ؟ يقولك ابد ما احب طريقته بالشرح
عشان كذا .. لازم اعرف أنه " مو كل المعلمين زي بعض وكل واحد لطريقته فلازم احاول إني اتأقلم مع كل وحده وطريقتها " !

3 ) التركيز :
هذي صراحه مشكلة الشعب .. تلقى الواحد انواع الذكاء والطاقه لكن مشكلته يسرح بسرعه ومايقدر يركز .. >>> انا
اول شي خلونا نقول التركيز : عمليه اراديه .. يعني لما يجيك واحد يقول لك مشكلتي مقدر اركز بأجي لراسه وبكرزه لا مقدر ! هو من نفسه اذا بغى يركز بيركز ..
عشان كذا فيه طرق تساعد للتركيز ..
- أكون هنا وبالي هنا .. يعني انا صح جسمي معكم لكن بالي يا بالمستقبل او الماضي .. فلذلك " BE HERE AND BE NOW "
- أركز على هدف وجودي بالمكان .. ليه انا هنا ؟ ليه جايه ماسك الكتاب ؟ عشان اذاكر ويكون لي مستقبل حلو
- احبّ الماده , طيب انا ماحب الماده إذاً راح أحط " إيجابيات وسلبيات الماده " .. راح تلقى مافيه ماده لها سلبيات .. واذا مافيه ايجابيات بيكون فيه نقطه وحده
وهي راح تعطيك درجات

4 ) تدوين الملاحظات :
الطلاب المتفوقين يكتبون النقاط المهمه .
تفيد :
- التركيز والاستماع الجيّد .
- متابعة المذاكرة بصوره زينه .
- سرعة فهم الماده .


قاعدات مهمه :
مو شرط تكون ذاكرتي حديديه عشان اتفوق .. المتوفق الحقيقي يعرف كيف يتعامل مع الماده .
التحضر .. التحضير مو دراسه , التحضير " قراءه سريعه .. ماتتعدى 10 دقايق .
إذا فيه ماده ماتحبها , اجبر نفسك انك تحضر لها لمدة 3 اسابيع كل يوم .. وبعدها شوي شوي راح تتقبل الماده وترتاح لها .
إعرف ان عندك قدره .. ومافيه احد احسن من احد .
إحذر من الايحائات السلبيه .. خليك متفائل .. لما سالوا الرسول ماهو الفأل ؟ قال : الكلمه الطيبه
انا ما ارى نفسي .. إذا شفت نفسك فاشل راح تبقى فاشل , وإن شفت نفسك مميز ومبدع راح تكون مميز ومبدع

تنظيم الوقت :
يقول الدكتور يوسف الخاطر انه مره كان بمقابله .. دق عليه واحد قال له يادكتور ابيك تنظم لي وقتي ؟ قال له مافيه شي اسمه تنظيم وقت
يعني مثلا بكتب الساعه ست الصباح اقوم سته ونص انزل سبعه افطر وحده الظهر اطلع تثنين انام ... كله هذا خطأ خطأ
فيه شي اسمه ترتيب الاساسيات .. يعني يكون عندك اشياء مهمه تسويها بيومك " أقعد مع الاهل , اروح الجيم , اذاكر , الصلاه "
هذي اخليها بالاولويات .. وبعدين تجي الثانويات .. وهذا هو تنظيم الوقت .
إذاً تنظيم الوقت = تنظيم الاعمال .


ع الهامش :
الالوان تحرك الجانب الايمن من الدماغ , إختر الالوان اللي ترتاح لها وخطط الاشياء المهمه , التخطيط لازم ماياخذ اكثر من 15 % من الورقه >> مو كل الورقه محدده
عشان عقلي يلقط المعلومه بسرعه .
إكتب ع الهامش .. لانه اول شي راح يلفت اهتمامي هو الهامش , تبغى تحفظ تفهم شي اكتبه ع الهامش .
لخص عشان تفهم الماده بسرعه .. وعشان تنمي الجانب الحسي عندك !
توقع اسألة الاختبار .
المهم لازم تاخذ بريك لمدة ثلث ساعه ع الاقل . وبعدها لما ترجع غير المكان ..
وهذي اسمها " مهارة كسر الحاله " ومنها تجدد نشاطك وزاوية النظر وقال " لا تذاكر اكثر من 40 دقيقه متواصله " >>> مو تطقك الشطارة ساعات ع الكتاب


مهارات التعامل مع الاختبارات :

1) شروط عمل الدماغ :
يقول الدكتور عن استراتيجية عنتر بن شداد .. لما سالوه كيف دايم تتفوز بمعاركك ؟ قال ابحث عن السهل فأضربه ينتهي .
يعني تخيل ياحبيبي قدامك ورقة الاختبار .. فيها سؤال واحد .. " أجيب عن خمسة اساله من اصل سبعه " وبديت تحل بكل حماس وابتسامه تشق الراس
اول سؤال طلع اصعب سؤال , بتقول ينعن اموه ذا وبتترك السؤال وانت معنوياتك محبطه .. بتروح للي بعده تلقاه اصعب , بتجلس تسب وتلعن وتحبط معنوياتك ,
وراح تشوف كل الاساله من بعدهم صعبه !! وبتخبص ام الحل ! .. عشان كذا خذلك قاعده " ابدأ بالسهل فالاسهل بالاصعب "

2 ) كيف تذاكر للاختبار ؟
- إعمل لك جدول للمواد والمراجعه .
- لخص المواد من قبل الاختبارات باسبوع وقفل عليهم .. عشان بليلة الاختبار ماتبذل جهد كبير ويكون مجرد مراجعه .
- نام بعد ماتذاكر على طول , لانك لما تنام الدماغ راح يثبت المعلومات بفتره تدوم اكثر من 6 اضعاف الوضع العادي .

3 ) كيف تتعامل مع الاسأله ؟
بقاعة الاختبار :
استرخي واذكر ربك وحسن الظن فيه وتذكر " انا عند ظن عبدي بي " , تعال مبكر للاختبار , حظ ببالك صوره حلوه للاختبار .
إقرا التعلميات بدقه .. واقرأ الاساله كلها وافهم المطلوب .

كيف اتذكر الجواب داخل القاعه ؟ .. من مننا حاول يتذكر الجواب حق السؤال وعجز واول ماتطلع من القاعه تتذكره .. الاكيد كلنا مرت عليها ..
عشان تتجنبين هالشئ بالمستقبل خذي لك 3 شروط
- انك تجي للاختبار وعقلك بكامل طاقته .. كيف انا اقول لك كيف
كل زين قبل الاختبار ولاتقول مالي نفس آكل - خذ كفايتك من النوم عشان تقدر تسترجع المعلومات - والنفسيه لازم تكون اوكيه .
- إسترخي , لأن مخك اذا شديت عليه مايتجاوب معاك .
- حدد الهدف من السؤال .

قد قلنا قبل .. انه مايشترط تكون ذاكرتك حديديه عشان تكون متفوق , بس اعرف كيف تتعامل مع الماده ..
شوفوا هالتصنيف ..
مثال :
الفقه حفظ 20 % فهم 80 %
نحو حفظ 10 % فهم 20 % تدريبات 70 %
فيزياء حفظ 15 % فهم 25 % تدريبات 60 %
كيمياء حفظ 20 % فهم 30 % تدريبات 50 %
رياضيات حفظ 5 % فهم 15 % تدريبات 80 %

الوسائل الذكيه للتعامل مع أسئلة الاختبار اللتي لاتتذكر اجابتها :
* أسألة الصح والخطأ
فيه منها نوعين .. النوع اللي يجيك فيها جمله رئيسيه فقط
مثلاً : الرياض عاصمة المملكه العربيه السعوديه ( صح او خطأ ) فهذي دايماً يكون على حسب معرفتك ومذاكرتك ..

النوع الثاني :
الجمل المقيده ..
فيه ثلاث انواع للقيود
1 ) مقيده متطرفه ايجابياً : كل - دائما - الافضل - بالتأكيد - كلية - فقط .
2 ) مقيده بين وبين : معظم - بعض - احياناً - نادرا - يوجد - محتمل .
3 ) مقيده متطرفه سلبياً : أطلاقا - الاسوء - لا .

الجمل اللي تتضمن كلمات مقيده متطرفه سواء سلبيه او ايجابيه غالباً تجي خطأ .. مثلا : جميع الحيوانات تأكل اللحوم . هذي خطأ
أما الجمل اللي فيها كلمات مقيده بين وبين هذي غالباً صحيحه

- الاساله اللي فيها كلمات سالبه , يعني اوقات اللي يحط اسأله الاختبار يكتب قبل الجمله الرئيسيه : غير , ليس .. للجمله الرئيسيه
وعشان تعرف كيف تتعامل مع هالاسأله حط يدك على هالكلمه السالبه وشفها الجمله , إذا كانت صح إذا العباره الاصليه خطأ .. والعكس صحيح .
مثال : راس تنوره ليست اكبر مصدر نفط في العالم .. حول هذا السؤال للأسأله المباشره .. من خلال التعامل مع المقوله المنطقيه : نفي النفي اثبات

- التخمين : اذا ماش مرره مره ماعرفت .. خمّن .. العب حقره بقره قلي عمي اللي هي بس لاتخلي الاجابه فاضيه .

* إجابة أسئلة الاختيار :
اول شي اقرا التعلميات زين مازين واقرا نص الفقره كله .. اذا ماعرفت الاجابه اول شي احذف الاختيارات اللي انت متأكد من انها خطأ
لما نخلص .. نركز على ثلاث انواع من الباقي .. ( اختيار سخيف - اختيار غريب - اختيار مقيد متطرف )
مثلاً : يعد نهر الفرات :
- الاحلى طعماً ( اختيار سخيف )
- يتكون ماءه من فلزات ولا فلزات ( اختيار غريب )
- يفيض طوال العام دائماً ( كلمات مقيده متطرفه )
وواحد من هذولي بيكون صح .. طبعاً غير الاختيار السخيف والغريب .. بيكون الاخير
ملاحظات :
لما يكون ماعندك اي فكره عن الاجابه خذ الاختيار اللي يكون مليان معلومات لان المعلم اوقات يميل لتوضيح الاجابه الصحيحه بشكل سهل
حاول اجابة السؤال قبل ماتشوف الاختيارات عشان تسمح لعقلك انه يفكر باجابه صحيحه بدون تأثير الاختيارات ..
لا تقرر الصح من اول ماتشووفه يمكن اللي بعده يكون هو الاختيار الصحيح .

* أسئلة المقابله ( صل عمود أ بعمود ب ) : <<<< قدييييييييييييم
لا تحاول انك توصل اي فقره من هذا السؤال قبل لا تقرا كل العامودين واقرنهم ببعض بحيث تبدا بالفقره الاولى من العامود الاول وبعدين تبحث عن الاجابه
بالعامود الثاني وبعدها وصل .

* أجابة أسئلة اكمل الفراغ :
- حدد طول الاجابه من طول الفراغ الموجود لك .. وهذا الشئ راح يساعدك بتخمين الاجابه الصحيحه .
- اذا كنت ابد منتب عارفه الاجابه .. فحاولي انك تقرب من الاجابه وهذا يخليك ع الاقل تجيب نص الدرجه .

* اجابة اسألة المقال :
- اختار الاسئله اللي راح تجاوب عنها واحذف اللي قررت انك ماتجاوبها بناء على التعليمات ورتب الاسئله اللي راح تجاوبها .
- حلل اي سؤال راح تجاوبه عن طريق قرايته واقراية ناقده والتدقيق في الكلمات اللي يتضمنها واكتشف معانيها .

انتهى

اتمنى انكم استفدتوا ولو شي بسيط

هذا موقع الدكتور يوسف الخاطر اللي حابه تتعلم مهارات في الحياه

http://www.mhayah.com

اذا اعجبكم لا تنسوني من صالح دعاؤكم

اغــــــــــــراب

[سعودية ذوق]

الله يسعدك ويعطيك العافيه

[мαнαααωαу]

الله يزيدك من فضله ،، ويفتح عليك فتوح العارفين ،، ويبارك لك في فهمك وحفظك وعلمك ،، :g8:


بارك الله فيك

[همس النسيم]

الله يعطيك 1000 عافيه

[حـــــنـــــان]

جزاك الله كل خير اغراااب فديتك قمه بالافاده موضوعك

الله يوفقك ويسعد لنا قلبك

والله يبلغنا ننجح باعلى الدرجات اجمعين

[اغ’ــــرآب]

شرفني مروركم جميعا

[ترآنيمـ الروح..}]

مــــوضوع في قمة الروعـــهـ,,

جزيـــت خيرا" غاليتـــي,,

بالتوفيق للجميع..