[ استفسار ] طــالبـ/هـ المستوى الخــامس..قبل الأنتقال الى المستوى السادس تعال هنـــا

[غرشـوب]

الســلام عليكم ورحمة الله وبركـــاته

أتمنى الجميــع بأفضل وأحسن أحواله


قبل الأنتقال الى المستوى الجديد

أتمنى نفيد الدفعه القادمة للمستوى الخــامس بمعلــومات عن مواد المستوى الخــامس..

نقـود وبنوك:
فقه السيـرهـ:
إدارة العمليــات:
إدارة الأعمال الدوليه:
إدارة الأعمال الالكترونية:
السلوك التنظيمي:

وأنا راح أبدأ


نقـود وبنوك: مـادة جدا ممتعه مع الأستـاذ عبداللطيف السمـاعيل تتكلم عن النقود ونشأتها وتاريخهـا..وتتكلم عن البنك المركزي والبنوك التجاريه..مــاده معلوماتها مفيدة جدا في مجال الحيــاة.
فقه السيـرهـ:أخذتها المستوى الثالث..إن شاء الله ما يقصروا معـاكم طلاب المستوى الخامس
إدارة العمليــات:المــادة دسمـة شويات ويبغى لها مذاكرة أول أول..فيها تقريبا 4 الى 5 مسـائل..الفصل هذا أول فصل يجيب فيه مسـائل كامله كان عددها 11 سـؤال..بشكل عــام مو صعبــه ولكن معلوماتها ثقيلة شوي.
إدارة الأعمال الدوليه:المـادة من اسمها تتكلم عن التجارة الدولية دكتورها محمد دليم القحطاني..الاسئلة كان فيها اختلاف البعض يشوفها زينه والبعض الاخر يشوفها صعبه وشينه..بشكل عام هي مثل إدارة العمليــات يبغى لها حفظ أول بأول.
إدارة الأعمال الالكترونية:مــاده جميــلة جدا .. أشووفها أسهل مواد الفصل هذا..تتكلم عن التجارة الألكترونية..طرقها..ايجابياتها وسلبياتها..مــادة ممتعه للي يحبوا الشراء من النت..دكتورها مصلح العضايله.
السلوك التنظيمي:اخذتها الفصل الماضي مع الدكتور يحضيه سملالي...مادة متوسطه الصعوبة الى صعبة..طريقة الأسئله كانت غريبه شووي..ولكن المادة نفسها ممتعه..


يلا ننتظركم يا أعضاء المستوى الخامس...

لي عودة

[l a v e n d e r]

يعطيك العافية ي بطل ،،،

تثبيت ،،،

[حمد الدووسري]

كفيت ووفيت يااغرشوووب

ماازيد على كلامك الا للي يعتمدون على الاسئله للمذاكره ويحفظون الاجابات

الان الدكاتره يغيرون فقط كلمه ويختلف الحل فنصيحه تراجع الملخص مره مرتين بعدها تنتقل للاسئله ومن ثم تختبر نفسك بالكويزات


هذا وصلى الله وبارك على نبينا محمد

[منال خالد]

اخذت مادتيين وهي فقه السيره و نقود وبنوك
فقه السيره جداً جميله والاسئله واضحه واللي بجيب اقل من a+ ماعنده سالفه




النقود والبنوك ماده سهله والاسئله واضحه يبي لها تركيز فقط لا غير


بالتوفيق

[Brlent]

بسم الله

كفيت ووفيت اخوي غرشوب

بس نصيحه المذاكره اول بأول لانه هالسمستر مواده كلها نظري ومعلومات كثير

لانه بوقت المراجعه تسوي لروحك ريفريش ع المعلومات وتقدر تتذكرها
وسهل حفظها

ومانعتمد بس ع الكويزات والاسأله السابقه صحيح انها تفيد بتثبيت المعلومه بس ماتوصل نعتمد اعتماد كلي

سوري ع الأطاله وارجو لنا التوفيق والنجاح ومعدلات اعلى بأذن الله


فقه السيره انا اخذتها صيفي العام واتوقع اسهل منها مافي كافي انها عن سيرة نبينا وحبيبنا عليه افضل الصلاه والسلام

[تُفاحه]

"

وعليكم السلام
جزاك الله خير ,, اخوي غرشوب مَ قصرت

الله يوفقنا في المستوى السادس ""
والتوفيق للمستوى الخامس اللي بعدنا "" ,,امين يارب

اولا ياليت تتاكدون من الدكاتره اذا تغيرو تذاكرون الماده اول باول
وتعتمدون على الله ثم مذاكرتكم ومتابعة المحاضره ,,
لانو بعض الدكاتره مايجون بنفس الاسلوب يختلفون 100%
المستوى هذا مع المذاكره اول باول تسهل عليكم ,, لاتعتمدون على الكوزات
ذاكروا وبعدين الكوزات خلوها من المراجعه افضل

ثانيا بتكلم عن ثلاث مواد
# فقه السيره : جميله جدا جدا وكلها مب غريبه تتكلم عن الرسول صلى الله عليه وسلم
وان شاءالله هي اللي بترفع نسبتكم ,, الاستاذ هشبول الله يسعده ويجزاه خير متعاون

# ادارة العمليات : توقعتها معقده ولكنها ماتبعد عن ادارة التسويق < كفكره وليس مفهوم
هي احلا من التسويق والادارة الماليه ,,
تتكلم عن المنتج وانواعه وخصوصياته والمنافسين للمنتج
وتقدير الطلب واختيار مواقع المناسبه للمنشأه او مصنع واشياء مثل كذا

وفيه مسائل لكن بعضها حلها مباشر وشرح الدكتور سهل ومفهوم جدا

بالعربي هذي الماده احلا من الماليه والتسويق والتحليل (الحمدلله)

# النقود والبنوك : الله يسعده الاستاذ عبداللطيف السماعيل
عرض الماده بشكل واضح ومفهوم ك رؤوس اقلام وتعمق بشيء من البساطه بالملخص
والقوانين قليله ,,,, متعاون جدا

وبالتوفيق جميعا وفالكم A+ ,,

[Olay]

# فقه السيره معلومات عامه ويكفي قاريه الملخص مرتين واذا تحب تتابع الشرح افضل انا اعتمدت على الملخص

#اداره اعمال الكترونيه ممتعه جدا ومن أسهل المواد ودمها خفيف

#النقود والبنوك ماده تعتمد على الفهم والدكتور ماخذ الماده بشكل تبسيطي جدا وسلسل زلا هو معقد اهم شي تركزا على محاضره رقم 14 اذا سوالكم مراجعه وتفهموا الكلام وتقرؤوا الملخص مرتين وثلاث والماده
جميله جدا

#اداره اعمال دوليه الدكتور شرحه جميل لاكن الاختبار حار بارد

#اداره العمليات .. الدكتور شرحه جميل ويفهمك . بس دسمه وهي اكثر المواد دسومه يبغالها تركز صح خاصه من الموضوع 5 لان تبتداء المسائل سهله على الي يذكر ويركز :) < مش زي

الله يوفقكم يلا دعواتكم

[btbt]

عليكم السلام
هلا غرشوب يعطيك الف عافيه خيو . .

،



نقـود وبنوك: ماده سهله و جميله تحتاج فهم مع شرح دكتورها الرائع عبداللطيف
فقه السيـرهـ: مادة حلوه و تحتاج حفظ
إدارة العمليــات:ماده جميله لكن تحتاج فهم و متابه و الدكتور دقيق
إدارة الأعمال الدوليه: دسمه و تحتاج فهم و تركيز و متابعه
إدارة الأعمال الالكترونية: جميله و لطيفه كان احلى ماده هالمستوى
السلوك التنظيمي: مادة متوسطه و الدكتور دقيقه بالاسئلة


،

بالتوفيق

[Angel alghamdi]

خلاص كفيتو ووفيتو
ماعاد يبيلي أحكي و أقيم بعدكم
بس انا فرق عنكم م خذيت فقه السيرة و لا الكترونيه

بالتوفيق للجميع

[الفلاح]

السلام عليكم ورحمة الله وبركاته

احب انهنئ الجميع على انتهاء الاختبارات وان شاء الله تكون النتائج على ما تحبون

اختبرت معكم مادتين فقط هذا الترم وهي النقود والبنوك وادارة الاعمال الالكترونيه وجميعها ممتعه

البنوك والنقود دكتورها متساعد لاكبر حد اسئلته واضح للشخص اللي ذاكر الماده تحتاج فهم اكثر من الحفظ تحتاج مذاكره واستعداد بوقت كافي عشان يكون عندك وقت تحاول تحلل بعض الاشياء ومتى ما فهمت الماده ماراح تتعب معها ابد.....

الاداره الالكترونيه سهله ومفهومه جدا الحفظ ينفع معها . المحاضرتين الاخيره بالانجليزي اذا ما كان عندك معرفه باللغة الانجليزيه فوق المتوسط لا تتعب نفسك معها واعتبر ان المحاضرات 12 محاضره
طبعا المحتوى مانزل إلا متأخر لان الدكتور جديد ولكن بالنسبه لكم ممكن اللي يكون عنده الملخص من بدري يحاو ل فيها ممكن يطلع بنتيجه او ريح مخك منها من بدري .... دكتورها شرحه جيد واسئله مفهومه ...


هذا ما حبيبت اضيفه وممكن غير عنده غير الكلام .......... وجميع المواد صعوبتها وسهولتها ترجع للشخص وكيفية مذاكرتها ومتى ذاكرها .....

علما بأن صعوبة الماده وسهولتها ترجع للشخص نفسه بكيفية مذاكرتها ووقت مذاكرتها واعلم ان اي ماده تعطيها حقها من المذاكره ما راح تصعب عليك واذا ما اعطيتها حقها وتذاكر فقط الكويزات والاسئله السابقه ... فأكيد راح تلوم الدكتور .....

واخيرا شكر موصول لجميع المشرفين ولكل من ساهم في مساعدة زملائه حتى ولو كانت بكلمة شكر .... شكرا للجميع