محـتـارين في الـ Reading !? طيب جربوا !؟

[وزيرة]

السلام عليكم ورحمة الله وبركــــــاتة

كيف حـالكم جميعاً أن شاء الله أنكم بخير !؟
بدخـل في الموضوع على طول من دون أي مقدمـات //
لاحظت الكثير هنـا حــــــاير مع الـ Reading وموب عارفين شاالطريقـة الصحيحـة لمذاكرتـه وخـايفين وموترين أنفسهم والحقيقة أنه أسهـل ممـا يتوقعونـه ومـاأقول هاالشيء لمجـرد كـلام عـابر !؟
راح أقولكم طريقتي في مذاكرتـه باالخطوات وأن شاء الله لو جربتوهـا تكون سهلـه عليكم !؟

1/ تفهم عنوان القصـة زيييين

2/ تبون الصراحـة طريقة أني أخـذ القطعة بعمرهـا وأكتبهـا وتطلع لي الترجمـة دفعة وحده خذوه فغلوه مـاتعجبني !؟ حـاولوا تقرون القصـة مع أنفسكم بصوت خفيف وتشوفون آيش الكلمات اللي مـاتعرفونهـا تسيرون على الوافي أو ترجمة قوقل وترجمونهـا وهكـذا حتى تنتهون من القصـة كلهـا !؟ بتقولون مضيعة للوقت ، ولا الكلمـات اللي ماأفهمهـا أكثر من اللي أفهمهـا آوكيـه مـاعليه فتحوا القطع المترجمه باالعربي اللي نزلتوهـا من الملتقى بس أمشوا جملة جملـة !؟ يعني مثلاً موب على طول تروح تقراهـا باالعربي بس من دون أن تطل في القطعة بالأنجليزي وتبي تحـل التمـارين على طوووول وبكل سهوووله وأنت حتى مـاكلفت على نفسك بقرأتهـا باالأنجليزي أكيد كـذا بتكون معقدة جــــــداً من دون مبالغه !؟
لذلك على الأقل خـلوا القطعة مفتوحه يمكم والقطعة اللي باالأنجليزي بأيدكم وأمشوا جملة جملـة أقرأهـا باالأنجليزي وإذا مافهمتهـا أقراهـا باالعربي يعني حبه حبه!؟

3/ عقب مـاتنتهي من ترجمتهـا وفهمهـا حـاول تقولهـا بشكـل ملخص موب شرط باالإنجليزي لا باالعربي بس عشـان تختبر أنك فهمت شاالقصـة !؟

4/ أرجع أقرأهـا مره ثـانيه بصوت عــــالي وتفاعل مع القصـة هاالشيء يرسخ الكلمـات الجديدة !؟
5/ صدقوني إذا سويتوا هاالخطوات التمـارين راح تمشون فيهـا زي الزبدة بسلاسـة وراح تلاحظون الفرق بإذن الله !؟

عيب الـ reading أنه ياخـذ وقت طويل في المذاكرة بس صدقوني لو مشيتوا على الخطوات راح تستوعبون المادة وراح يزيل الخوف !؟

بإذن الله راح أنزل قريباً unit وبشرح طريقة المذاكرة فيهـا بشكـل مبسط "يعني تطبيق عملي" أمـا اللي فوق تطبيق نظري وبنفس الطريقـة راح تكون البقيـة وأي سؤال لايردكم إلا الكيبورد كلنـا هنـا في خدمـة بعض ومـاحبيت أني أشوف الأغلب حـايرين فيهـا وماأقدم خدمة بسيطـة هي من واجـبي وسـامحونـا على كثرة الكـلام ؟!

ونسألكم الدعـــــــاء

[вяιgнт мσση]

مشكوره حبيبتي
موضوع جدا رائع وطريقه سهله بس البعض مع الخوف وكذا يحوس الدنيا فوق تحت
وانا هالطريقه اتبعها بعد
والحلو ايضا اضيف ع الي قلتيه انه يترجم الكلمه نفسها بالانجليزي بحيث يفهم معنى الكلمه بدون ماتكون بالعربي بالتالي يكون الشخص عنده محصله كلمات مره كثيره
حتى لو ماعرفنا معنى الكلمه لحالها نحاول نقرا كل الجلمه بحيث مانلجا للترجمه بالعربي
ادري بتصفق بس عجبني الموضوع
كل يوم راح انط لك
موفقه حبيبتي وفالك +A

[منتسب ولكن..!]

تخصصاتكم انجليزي ماشاء الله فأكيد بيصير عندكم طموح وحماس لتعلم اللغه اكثر
اما انا مبتلش بهالمادة العقدة فمانزلت الا القراءة وحاسس انه صعببب وطريقتك بالنسبة لي مش سهله ابدددد

[يارب تخلي امي]

مافكرت اقراها بالانجليزي الخط صغير والقطع طويله.. يعطيك العافيه وزيره والله يكتب لك الاجررر..

[وزيرة]

bright

إلا أصفق لـج مو تتصفقين فعلاً كـلامج 100% بترجمة الكلمة باالأنجليزي حتى لو طقطقه بس أنهـا تنفع وتركز في البــــال
والـ Idioms توضـح المطلوب وتفي باالغرض بس عشـان البعض عنده صعوبه في هاالشي وعشـان الوقت ممكن في البداية يترجم الكلمة باالعربي عـاد إذا خلص المـادة وقفلـهـا يمديه على الفلسفـه ورطن معاني الكلمات باالأنجليش !؟
حيـاج يـاقمـر والله يسمـع منج

[وزيرة]

منتسب ولكن

المـادة اللي تشوفهـا تخصصي كـانت يوم من الأيـام عقـــــــدتي !؟ لكن كـل شي باالإرادة والتطوير يسهـل وييسرهـا ربك لكن أنت أبذل الأسباب وتوكـل !؟ لاتحطم نفسك ولاتعقدهـا لاهي عقده ولاشي أنت جرب وشوف شيصير معــــــاك !؟ يعني مـاأحس أنتي كتبت شي معقـد باالعكس أحس الخطوات سلسة وسهلـة أنـا ماقلت لك ترجم من أول جديد لا مـاراح أتفلسف على رووسكـم لأن مـافي وقت أصلاً والترجمـة تــــــــاخذ وقت إذا باالوافي أو قوقل !؟
طيب وين الصعوبة أخوي في الطريقـة اللي ذكرتهـا خل نشوف لك حـل !؟
طبعاً لو أي أحـد ياأخوان وأخوات عنده طريقـه أسهـل خل يذكرهـا يمكن تفيـد وتكون أسهـل !؟

[وزيرة]

يارب تخلي امي

مـاأقولج العين تلفت من الخـط بس لازم تقرينهـا عزيزتي تتعبين اللحين ولا تحوسين في الأختبــــــار !؟ قراءة القطعة باالأنجليش مهمـة تهيئج نفسياً للقطعة الخارجية اللي راح يجيبهـا !؟ وتعودج على أستنباط المهم والأحداث وطريقة البحث عن الأجوبة المطلوبـة !؟

عمومـاً أنـا مـاسويت شيء هـذا واجـبي لكن حبيت أفيدكم

[تخطيت السحاب]

الله يعطيك العافيه
فالك +A

[abdulkrim]

اجل السالفه فيها ترجمه

احنا ميــــــــــــــــــــــــــــــــــــــــــــــــ ح بالانقلش مره

لو حافظين بعض الكلمات مشى الوضع معنا بس المخ مقفل من ناحية الانجليزي لأن الحفظ يبي وقت ونحن مو فاضين ،،،

نبي طريقه ثانيه اسهل من كذا

[عطرالحياة]

،

يعطيك العافيه حبيبتي ع الطريقه الروعه

وبالفعل جربتها المستوى اللي راح مع مادة اللغه الانجليزيه العامه
والحمد لله كانت سهله بالنسبه لي ...
لكن إنقلش قراءه مابديت فيها للحين ..ومتخوفه منها ومن مادة الإحصاء
هالمادتين مسوين لي قلق ..

وإن شاء الله راح اكون متابعه معك ..
بالتوفيق لك وللجميع

’