 |
|
||||||
| إدارة أعمال 3 ملتقى طلاب وطالبات المستوى الثالث أدارة أعمال التعليم عن بعد جامعة الملك فيصل |
 |
|
|
أدوات الموضوع |
|
#1
2012- 12- 9
|
||||
|
||||
|
شرح اجابات اسئلة اختبر نفسك في محاسبة التكاليف
السلام عليكم ورحمة الله وبركاته
اخواني خواتي الله يوفقنا واياكم اجمعين ويسهل علينا اختباراتنا وننجح على خير يارب هذا موضوع بحط فيه بعض الاسئلة اللي في اختبر نفسك واللي عجزت عقولنا النابغة عن فهمها واستنتاجها  واللي مثل حالاتي متنح والمعلومة متنحة قدامه موب راضية تدخل مخه يجي يسدح سؤاله وان شاء الله الاشناب وخوات الاشناب مايقصرون في هالمنتدى وبيساعدونا ويفرجونها لنا الله يفرج لهم لين نعديها على خير هالترم  يعني رجااااءا خلوه بس لشرح اسئلة اختبر نفسك لأنها مختصرة ومباشرة وامثلتها احتمال كبير تجي في الاختبار حتى لو تغيرت الارقام بداية صار عندي ظروف وماقدرت ابدا مذاكرة الا اليوم وطبعا اكثر شي خارش قلبي هالسنة محاسبة التكاليف وخويتها الادارة المالية هذولا وحدة بجيب بها عيد الفطر والثانية عيد الاضحى والاحصاء العيد الوطني قدر الله علي اليوم وفتحت اول محاضرة لمحاسبة التكاليف وعصرت مخي على سؤالين في اختبر نفسك بعد ماسمعت المحاضرة حاولت وحاولت لكن ماش ماعرفت شلون جاء الجواب السؤالين هم 3 و 4 في اول محاضرة اختبر نفسك : 3 ـ وقعت الشركة في 1/9/1431 عقد لمدة سنة لنظافة المصنع بمبلغ 24.000 ريال كم تبلغ قيمة التكلفة : 1)16.000 ريال 2) 8.000 ريال 3)12.000 ريال 4)18.000 ريال هو قايل سنة شدراني هو يبي من شهر 9 الي 12 هالسنة يعني 4 الشهور الباقي في السنة او من شهر 1 السنة الجديدة الى 8 السنة الجديدة ؟ ويوم يطلب تكلفة او مصروف شلون افرق هو يبي اللي قبل الشهر اللي معطينا والا نحسب الشهور اللي بعده ؟ 4 ـ قامت الشركة بشراء بعض المواد الخام في 1/10/1431 بمبلغ 6.000 ريال لاستخدامها في السنة القادمة كم تبلغ قيمة المصروفات : 1) 6.000 ريال 2) صفر ريال 3) 1.500 ريال 4) 4.500 ريال ليه صفر ؟؟؟؟ والسؤال هذا بعد ابي احفظه حفظ 7 ـ من أمثلة المصروفات : 1) التأمين على المباني ضد الحريق المقدم 2) شراء الآلات للمصنع 3) إيجار السنة الحالية المدفوع 4) مخزون البضاعة انا شفت الاجابة ايجار السنة الحالية المدفوع شلون اعرف انها امثلة على المصروف وتكفون الباقيات امثلة على وش ابي احفظهن اذا مافهمتهم الله يعطيكم العافية ويوفقكم  والله يجزا كل من يساعد اخوانه وخواته المسلمين كل خير ويفرج كربه وينور قلبه وعقله بالعلم النافع  التعديل الأخير تم بواسطة ღ الليدي ساره ღ ; 2012- 12- 9 الساعة 12:08 AM |
|
2012- 12- 9
|
#2 | |
|
أكـاديـمـي مـشـارك
|
رد: شرح اجابات اسئلة اختبر نفسك في محاسبة التكاليف
اقتباس:
... ونصيحة لو شئ اشبهه عليك او ماعرفتيه راجعي محاضرة الاستاذ على نفس الجزئيه ... شرحه ممتاز الله يعطيه العاافيه موفقه عزيزتي 
|
|
|
التعديل الأخير تم بواسطة وردة الحجاز ; 2012- 12- 9 الساعة 12:17 AM |
||
|
2012- 12- 9
|
#3 |
|
متميزه بإدارة أعمال
|
رد: شرح اجابات اسئلة اختبر نفسك في محاسبة التكاليف
الليدي ساره مثل ماقالت لك وردة
تابعي الدكتور شرحه مرا حلو بدون تعقيد ومفهوم مووفقه
|
|
2012- 12- 9
|
#4 |
|
أكـاديـمـي ذهـبـي
|
رد: شرح اجابات اسئلة اختبر نفسك في محاسبة التكاليف
مشكوووووووووووووووورين
|
|
2012- 12- 9
|
#5 |
|
أكـاديـمـي ألـمـاسـي
|
رد: شرح اجابات اسئلة اختبر نفسك في محاسبة التكاليف
وردة الحجاز وملاك الفرح الله يجزاكم خير ياغاليات
السؤال الثاني فهمت لكن الاول للحين شفت المحاضرة والشرح مرتين لكن مافهمت الاجابة هي 16000 24000 قسمتها على 12 شهر اللي هي سنة طلع كل شهر = 2000 ضربت الالفين في الشهور من 9 الى 12 = 4 شهور = 2000 * 4 = 8000 ضربت الالفين في الشهور الباقية من السنة اليي هي 8 شهور = 2000*8=16000 على اي اساس اختار وحدة من الاجابتين بمعنى ثاني وباختصاااار لاقال تكلفة اختار الشهور اللي قبل الشهر اللي معطينا والا اللي بعده الله يجزاكم خير تحملوني شوي لين افهم اول محاضرة عشان اقدر افهم على اساسها المحاضرات الجاية يارب  |
|
2012- 12- 9
|
#6 |
|
أكـاديـمـي ألـمـاسـي
|
رد: شرح اجابات اسئلة اختبر نفسك في محاسبة التكاليف
شوفي اختي
لازم تفرقين بين كل من المصروف وهو ماتم صرفه واستفدنا منه التكلفة وهي ماتم صرفه و سنستفيد منه مستقبلا الخسارة ما تم صرفة دون اي فائدة لا الان ولا مستقبلا يعني فقدنا الامل منه السؤال يبي التكلفة والتكلفة في التعريف السابق زي ماقلنا ماتم دفعه و سنستفيد منه مستقبلا انتي حسبتيها صح 100% لكن ما فرقتي بن التكلفة والمصروف بس هذي السالفة لو انه طلب منك كم المصروف كان الجواب 8000 لكن انتي شاطرة ضربتي 2000 في المده الي باقي ما استفدنا منها الي هيه 8000 التي تمثل تكاليف اسف طولت بس ماني فاهم الا السؤال هذا فرحان ان احد سألني 
|
|
2012- 12- 9
|
#7 |
|
أكـاديـمـي ألـمـاسـي
|
رد: شرح اجابات اسئلة اختبر نفسك في محاسبة التكاليف
ههه متعاون قل ماشاء الله تراني كنت دافورة لكن الدنيا لعبت فيني لعبتها وصرت مفهية >> دنقوا عن الصواريخ
 شوف حسب تربيطات مخي ربطت فكرة ان التكلفة الشهور المستقبلية الجاية والمصروف الشهور اللي راحت صح والا بديت اخبّط  والله يجزاك كل خير ويوفقك على المساعدة بعدين ياشباب المحاضرة اللي عندي الثانية حملتها مرتين وكل ماافتحها تطلع لي نفس المحاضرة الاولى الله يقلعهم هم وبلاكهم وسستمهم المعفن من هالمليارات اللي يبلفونا كل هالسنين بخلانين لايصلحون نظامهم عن هالاعطال والاخطاء اللي فيه يامال الضعفة ان شاء الله انتم مثلي يوم حملتوا الثانية طلعت هي نفسها الاولى ؟ |
|
2012- 12- 9
|
#8 |
|
أكـاديـمـي ذهـبـي
|
رد: شرح اجابات اسئلة اختبر نفسك في محاسبة التكاليف
 اكرة هالمادة
|
|
2012- 12- 11
|
#9 |
|
متميز في قسم المدونات
|
رد: شرح اجابات اسئلة اختبر نفسك في محاسبة التكاليف
شوفي طال عمرك .. السنه فيها 12 شهر نقسم 12 على 24 = 2000 ريال من شهر 9 الى نهائة السنة 4 شهور . 4000 * 2000 = 8000 ريال والباقي من 2400 الف ريال 16000 الف ريال تعتبر تكلفة لانها لم يستفاد منها . وتحمل هلى السنة القادمة . السؤال الثاني : صفر لانه لا تعتبر مصروف للسنة الحالية . لانه لم يستفاد منها .. بتوفيق لكِ |
|
2012- 12- 11
|
#10 | |
|
أكـاديـمـي مـشـارك
|
رد: شرح اجابات اسئلة اختبر نفسك في محاسبة التكاليف
اقتباس:
تصحيح لما قلته سابقا .. مانتبهت لكلمة المقدم . دامه مقدم مايعتبر مصروف لانه لم يستنفذ .. |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اسئلة اختبر نفسك لمبادئ التوريد | &بسمه& | إدارة أعمال 6 | 14 | 2012- 12- 15 09:28 AM |
