[ اسئلة اختبارات ] : تم كتابة الشكوى في خدمات الطلاب بخصوص ان الوقت غير كافي انجليزي قراءة

[أم وسام]

اسجل اسمي معاكم على هالشكوى فعلا الوقت لايكفي لحجم الاسئله وطول القطع

[ابو شوووق]

الله يجزاه خير الدكتور عبدالله ماقصر .. الوقت خلص وباقي لي 8 فقرات ع القطعه الاولى 5 والثانيه 3

جاء المراقب قال (( قف )) حسيت اني قاطع اشاره قلت سم قال هات الرخصه

قف وسلم ورقتك قلت يارجل اذكر الله اسمح لي بخمس دقايق قال الله اكبر هات الورقه وسحبها

قلت يارجل ماهي لهالدرجه باقي لي ثمان فقرات المهم كلمتين معسولتين سمح لي اضلل بدون ماشوف السؤال قلت زين شيء احسن من لاشيء

المفروض اقل زمن للاختبار ساعتان ونصف

[Ahmad@246]

فعلاً اول مرهـ اشوف ان الوقت غير كافي مع سهوله الاسئله والمشرفين الله يهديهم يربشونك فوق انك انت مرتبش وتبغي تخلص مع انه هو المستفيد ياخذ انتداب علي الاشراف براتب مو بسيط .

[حسن القرني1401]

جزاك الله خير

[fatifatooma]

انا اطالب بباكيت باندول وجلسة مساج ساعة وسونا استرخاء ساعه .... صدع راسي ورقبتي طاحت وانا افر يمين يسار الله يهدااه مايقدر يحط لنا قطعة صغيره وعليها اسئلتها من تحت بدال هالحوسة .. يحمدون ربهم ماشلت الدبابيس

[هزوونه]

فعلا الأسئلة حلوه بس الوقت غيركافي
لأن القطع تحتاج تركيز وبحث دقيق عشان
تكون الاجابات ميه ميه
لا والناقص صفحه تضليل بيانات الطالب تأخذ وقت
بس ربي يسيرها للجميع

[س الخالدي]

الاسئلة كانت بالنسبه لي سهلة وواضحة وجبت ما شاء الله 70/70 الحمدلله وجلست لاخر الوقت ازبط الشباب اللي معي واعتقد جاء المشرف وقال يارجال فقط منى 5 دقائق زيادة اللي ما ضلل يضلل الان وخرج ..ووالله انها كافية الساعتينلكن اللي ما يعرف يقراء اكيد بيقول ماتكفي هنا الخطاء مو من المشرفين او الوقت ما يساعد (يااخواني ويا اخواتي مشكلتنا الوحيده اننا مانعرف انجليزي من شان كيذا نقول الوقت مو كافي ..والا انا معكم للي ما حل او لخبببط او يظن انه حمل المادة لحاجة واحدة وهي ان الماده ليست من تحصصنا وبكيذا بتحوس ع البعض المعدل
اتمنى التوفيق للجميع ..والي حاس انه بيحمل الماده من الاصل لايأخذها الان الاصل يؤجلها للاترام الاخيره والله يوفق الجميع,,

[نبض الدعوة]

وين نكتب التظلم بعد ظهور درجات الاختبار

[تفاحة الخبر]

لازم يحتسب وقت الاختبار من بعد الصلاة يادوب نصلي بعدين هالبيانات واجد تاخذ وقت ليه مانعبي غير الاسم والرقم الجامعي والهوية ورقم جوال واحد باقي التفاصيل مالها داعي

[بنت لطيفه]

صحيح الأسئله في منتهى السهوله ومع هذا نحتاج وقت زياده لازم نبحث في القطع وندور الإجابه ونتأكد منها وكل هذا يحتاج وقت