[ تجمع ] : الشعور اللي تجاهك غير حروف القوافي

[2COOL]

،'

راح الزمان اللي به الخير مرغوب
والطيّب اللي بالمواصل يبادر

وجانا زمان يجمّع الناس ب ( قروب)
آطيبهم .. اللي لاتضايق .. يغاادر

،'

[2COOL]

،'

لا مرك الشوق سلم يابخيل الشعور
الناس لـ الناس .. والدنيا على حالها

لولا نسيم الهبايب مـا تميل الزهور
عليك عذب القوافي جاري ارسالها

،'

[✿ e s я α`α]

حب‬⁩ فيني ⁧‫الزّعل‬⁩ والغيض و ⁧‫جنوني‬⁩
‏مع ⁧‫غيرتي‬⁩ وإرتجاف ⁧‫نبرتي‬⁩ وعتابي

[(مشعلي)]

‏صاحبي سلّم على روحك سلامٍ ويش كنّه
‏كنه التحقيق للأحلام من عقب التمني
‏ㅤ
‏وإلا بشرني عن علومك عساها مستكنه
‏والهموم اللي على بالك عسى ماهيب مني؟

[2COOL]

،'

دوّر على شي تساعد به الناس
وإجعل طريق الخير مفتوح بابه

إما تحصل كلمة ترفع الراس
وإلا تحصّل دعوة مستجابة

،'

[تركش كوفي]

جت تدفعها الثقه و الفخامه و الغرور
هيبة تمشي على الارض فوق اقدامها

اقبلت شيخة نسا جيلها بدر البدور
وارفعت من فوق عرش الجمال اعلامها

[ريماآاس]

يامفتي الديره نبي منك تفسير
نحتاج لك ياشيخ وقت العوايز

لاشفت خلي ضايق ولا هو بخير
ضم الوليف بنية الخير جايز : )

[السرالكاتم]

.
.
;


سؤالكم طيب ولا فيه تقصير
أسمع جوابي دام تنشد وعايز

ان كان ضمه بنية الخير يصير
ما فيه مانع والحكم فيه جايز

# بقلمي

[2COOL]

،'

به جرح
لاما اوجعّكْ
طبّه" ..
نزيفه
به جرح لك بالذات ..
به جرح للكل
ترى الجروح اللي تسولِفْ
خفيفه
الموت
لاجتْ صامته مالها حل

،'

[رحال 2626]

ياوليفي دمعكم فـي غيابي ردّ لي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت في حشاي
والله انّ كبدي عليكم عراويها أضميّ
والمشارب غير هرجتك ماتقطع ضماي
كيف تستغرب بطاي ومجييّ يوم أجيّ
منك اجيك بدون رأيٍ وأروح بدون رأي
ليلي أسهر به والى جا النهار أشلى شوّي
مرة أشلى ومرٍ يعاودني بلاي
وأنت سبّة كلّ شي ولا داويت شيّ
كيف ياقادر على داي ماتقدر دواي