🔴◀ اختر وعلل ▶ 🔴

[.Rosemary]

المشاركة الأصلية كتبت بواسطة p e a c e

شكرا على الطرح الجريء

بالنسبة لمهنة التمثيل في حد ذاتها ليس عندي مشكلة معها أو مع من يمتهنها طالما كانت في حدود الأدب والشرع
المشكلة أن هذه الصنعة كثيرا ما تدخلها التجاوزات الأخلاقية سعيا لعرض واقعي أكثر وجاذب أكثر

ليس لدي إجابة مباشرة "أبيض أو أسود" لكنني لا أفضل أن يمتهنها أحد من أهلي ابتعادا عن الشبهات، فأرض الله واسعة وأبواب رزقه مفتوحة في أشياء أفضل بكثير

ظليت مترددة كيف ابدأ ردي ..لين شفت ردك و اختصرت علي ..
أنا بصراحة استغربت السؤال و التصويت خصوصا ان ماعندنا معاهد للفنون المسرحية مثلا و تكاد تكون وظيفة غير معترف بها للنساء..!

عموما التمثيل ماعندي موقف ضده ..في بعض الدول كان المسرح صوت الشعب و يقدم مُتعة فنية ..كثير من الأعمال الأدبية انشهرت كمسرحيات أكثر منها ك كتب ..مسرحيات شكسبير و مارلو لا زالت تدرس في الجامعات و اقتباسات مسرحية هاملِت و عُطيل مثلا متداولة بشكل كبير..
و بعض الأفلام صورت بعض الحروب و معاناة بعض الشعوب من الجياع و المهمشين و المسحوقين..والبعض صور لنا سير تاريخية لشخصيات ممكن ما راح نعرف تفاصيل حياتهم بالشكل ..
ف المفروض ان ما يتم تجاهل الجانِب الجيد مقابل المساويء اللي ما تتوافق مع الدين والأعراف ..
الحديث في الموضوع راح يطول ..لكِن ما يقدم اليوم لا يبشر بخير ..ماادري هي الذائقة في انحطاط ..و الا المحتوى المقدم لازم يكون بهالشكل عشان يجيب فلوس ..

[عبدالله الشّلاحي]

المشاركة الأصلية كتبت بواسطة P e a c e

أكبر مقلب احتيال أكلته في حياتي كان من صديق مقرب وهو ممثل هاوي

قد لايعلم البعض أحد حلقات المسلسلات الرمضانية قد اقيمت في مخيمنا وكان كثير من الممثلين حاضر
منهم فايز المالكي وفيصل العيسى والمزيني والكثير

بعد انتهاء الحلقة كانت جلسة سمر وكنت طول السمره افكر هل السوالف الآن هي حقيقة أم تمثيل

صحيح استمتعت بالسوالف لكن غير واثق هل أنا وقتها كذلك حقيقة


الأكيد أني نورت الشاشة الفضية وقتها ههههههه

[أبان]

وش سالفة طرح مواضيع مثيرة في المنتدى في الآونة الأخيرة ؟

[ARoNA]

ضدها طبعا :)

الديـــــــــــــــــــــــــن واضـــــــــــــــــــــح *_^

[لمياء الفيصل]

المشاركة الأصلية كتبت بواسطة ساره توت

من وجهة نظري سابقا كنت لا امانع فكرة التمثيل بالدول اللي تسمح بتحرر المراة بشكل اوضح غير السعوديات لان كل شعب يمثل سسياسة وعقيدة وعادات دولته فكنت احب ظهور الممثلات لغرض التمثيل وايصال رساله او نقل صورة اجتماعية مثل المسلسلات القديمة الخليجية مثلا فكانت الممثله تظهر بطبيعتها وبلبسها الغير المتكلف حتى لو اضطرت تكرار اللبس في كل اللحقات مثل الفنانه الكبيرة حياة الفهد وسعاد عبدالله في مسلسلات جيل الطيبين


بس الواقع الان ان الممثلات اتجهو للسوشيا الميديا وصارت اخبارهم وخصوصياتهم وحياتهم اليومية امام مراى للجميع وصاروا يهتمون باللبس اكثر من التمثيل وبتكلف ومبالغة بالميك اب والتعري فيكون الهدف انها تعرض نفسها اكثر من تعرض رسالة بالدراما التصويريه

وغير ان تعرض نفسها لعمليات التجميل الي تبدل خلقتها مرة وحده حتى تعابير البكاء والحزن والفرح تظهر واحدة بسبب الشد والنفخ بالوجه

والواقع والحقيقة التمثيل يجر وراه الكثير والكثير والكثير والكل يعرف المقصود من كلامي

ملاحظة / انا لا اقلل من احترامي للممثلات وللنساء الدول الاخرى ولكن احب اوضح انه اذا بتظهر الممثله بالصورة القديمة التي ظهرن عليها الممثلات السابقات فلا حرج اما غير ذلك فعذرا فهناك امور وادوار تناسب المراة اكثر من التمثيل تحفظ لها كرامتها و سمعتها وتفرض احترامها على الجميع

+1

[لمياء الفيصل]

المشاركة الأصلية كتبت بواسطة -PEARL-

-




حطيت مدري وانا مدري وش السالفه فعلا ..


عموما , التمثيل هالوقت من مطب لـ دحديره ..


ولا هو جالس يقدّم اي شي , لا يعرض قضايا صايره فالمجتمع ولا يعالجها

كل السالفه ,

اعجابات فالبدايه نص المسلسل زواج اخر حلقه ... " طلقني ياجاسم "


الله يرحم ايام طاش ما طاش والجمس حقهم , اللي مدري كم نفس فيه

وكله عبايات حتى ماندري هم حريم صدق ولا رجاجيل لابسين عبي هههههههههههه ..



الفن حاليا والقادم , من هبوط لـ أهبط


يعطيك العآفيه شفروليه

الله الله يطاش ماطاش افضل مسلسل عندي


فعلن مسلسلات هالايام ماادري اشلون صايره ياحبني واحبك يالله نتزوج يا حزن ومشاكل وقصص مأساويه ،اش هدا هههههههههههههه

مسلسلات عجيبه بصحيح وامور ماتصدق إنها تحصل في الخليج بس نطوفها لانها اولا واخيرا تمثيل ...


وش حلاتها مسلسلات زمان، وربي إنها أحلى من المسلسلات الي تنعرض هالأيام، مسلسلات كلها نكد ومآسي وبلاوي وقصص ما تدري من وين جايبينها، بس تشوف حلقات هالمسلسلات ويوم تخلص الحلقه ما تقول غير: الله لا يبلانا بمثل هالأمور.


تسلم ع هالطرح الرائع

[Trident]

سعدت بطرحكم وارائكم
دمتم متألقين ومتفاعلين يلفت النظر طرحكم الاكثر من رائع
وتناول الامور من عدة جهات

[k.shamray]

لا أؤيد ذلك ..
و أرفض التمثيل بجميع أشكاله ..

شكراً
صاحب الموضوع ع الدعوه
شكراً
لمياء و الملكه ع التنبيه

[حياتي حلوة بطاعة ربي]

مهنه ممتازه فأن تمثيل المرأة ، يُعد تمثيلا منخفضا وبسيطا و زيادة تمثيل المرأة أمر ضروري

[عـلـي]

انا مدري اللي سوت لي تنبيه لهذا الموضوع وش وجوها بالضبط!! 🤔
عموما فيه مواضيع قابلة للنقاش والتصويت ومواضيع غير قابلة لذلك مثل هذا الموضوع

لكن عموما اللي سوت لي تنبيه كيدها عظيم وتبيني اتهاوش مع خلق الله 😡