 |
|
||||||
| منتدى كلية التربية بحفر الباطن منتدى كلية التربية بحفر الباطن ; مساحة للتعاون و تبادل الخبرات بين طالبات كلية التربية بحفر الباطن و نقل آخر الأخبار و المستجدات . |
 |
|
|
أدوات الموضوع |
|
#1
2012- 6- 6
|
||||
|
||||
اتوقع حنا مو بنات ... يمكن ضبان :d
السلام عليكم ورحمة الله وبركاته
اول شي احب اقول للبنات اجازه جميله ورائعه بعيدا عن بيت الرعب ( الكليات الي عندنا .. سواء علمي ولا ادبي ولا بيت الخرابه التاريخ )  جلست افكر مع نفسي بعد ماخلصت الاجازه .gif "(107)") واقول اني انا وبنات الحفر الباقيات من اكثر الصابرين .. والله سبحان وتعالى قال ( وبشر الصابرين )  بجد يعني مدري كيف كنا نتحمل هالكليات الخايسه واعذروني على رداءة التعبير بسبب رداءة الموقف نفسه ولو كنت اقدر اكتب تعبير اشنع من كذا كان كتبت :D تصدقون احيانا وانا بالجامعه اتخيل اشياء كذا جميله   يعني مثلا القاعات الي فيها محاضراتناا شاشات كبيره و واضحه والمكيفات باااااااااارده جدا في وقت الحر واذا طلعت من المحاضره احتار وين اروح .. بن كوفي ولا دكتور كيف ولا كوستا ولا اروح ستار بكس او اذا كنت جوعانه مايحتاج اروح اجيب لي وجبه وتكون جوا الجامعه حقتنا فيه فروع مطاعم مشهوره زي ماهو موجود في اغلب الجامعات  والبريك حقنا اكثر من ساعه ونص .. نجلس في مكان محترم يحسسنا اننا بشر مب جرابيع ولا ضبان  والمكان الي نجلس فيه كببببببببببببير ومسكر وفيه من جوا مكيفات وفيه ساحه مفتوحه كلها ثيّل وزرع واذا جت الساعه 10 يرشون الزرع بالمويا والعصافير تزقزق اتخيل واتخيل واتخيل وفجأه تصدمني وحده قدامي وافتح عيوني زين واتذكر اني ف هالكليه المخيسه  ^ ليش كذا ياعالم :( وربي اننا بنات لطيفات حبوبات وكلنا رقه ونعومه واحساس  يارب اننا مب جرابيع يارب اننا مب حمير يارب اننا حلوين يارب اننا ناس بشر نتنفس وكائنات حيه راقيه يارب انك ترزقنا وتبشرنا كما وعدتنا يارب لكم المايك والتعليق وكل وحده تذكر لنا وش تتخيل وتنصدم بعدين وكذا مثلي
|
|
2012- 6- 6
|
#2 |
|
أكـاديـمـي
|
رد: اتوقع حنا مو بنات ... يمكن ضبان :d
كل شيء قلتي طلعتي الي بقلوبناااااا
 ما اقول الا الله يسلم امن جابتك 
|
|
|
|
2012- 6- 6
|
#3 |
|
أكـاديـمـي ذهـبـي
|
رد: اتوقع حنا مو بنات ... يمكن ضبان :d
 ـهلاااااااااااابك في كليتنااااااااااا الجميلـــــــــــــــــــــــــــــــة ضحكني كلامك الله يسعدك على هالاسلوب شر البلية مااااااااااايضحك |
|
|
|
2012- 6- 6
|
#4 |
|
أكـاديـمـي
|
رد: اتوقع حنا مو بنات ... يمكن ضبان :d
أنا أيضًا جديدة ربما أدرس السنة القادمة في كلية الحفر, معقوووول هي بهالقبح!
 وش نظامهم, وطريقتهم آه جاني إحبااااااااااااااااط :( |
|
|
|
2012- 6- 6
|
#5 |
|
أكـاديـمـي فـعّـال
|
رد: اتوقع حنا مو بنات ... يمكن ضبان :d
اه ي ختتتي كليات العالم تججن شوفي كليات الاحساء والدمام من جد كليات تفتح النفس مو احنا وش اتكلم عنه اردى شي هالكفتيريا الي هي اصلا مقصف بس احنا نسلي روحنا ونحس اننا كبرنا ونسميها كفتيريا عشان نبين لنفسنا اننا بالجامعه مو بمدرسسه ولا الممرات الي الي مفروض تكون كبيره واسسعه ومبين انه مبني جاامعه ولا ولا لا وش يقول الواحد
.gif "(177)")
|
|
|
|
2012- 6- 8
|
#6 |
|
أكـاديـمـي
|
رد: اتوقع حنا مو بنات ... يمكن ضبان :d
وعليكم السلام ورحمة الله وبركاته أنا أشهد أنك صادقه تدرين جت فكره ببالي بما أنك بالعلميه أول ماتدخلين في على يسارك أرض كبيره فااضيه لازرع ولا مضلات ولا شي كأنك قاعدتن بالبر أتسأل ليه مايبنون به مبنى أو يخلونها مسبح  أأأأقصد مززرعــــه ولا يبنون كفتريا بدال هالمقصف الي مكانه غلط وبوجه هالشمس ولا مكانه بالممر أستغفر الله العظيم وأتوب إليه ولا بعد هالصبه الي البنات يرقن عليها علشان المقصف هاذي لو الوحده تطيح منها على طوول كسر ولا أختلال بالمخ صحيح المساافه مو حيل بعيده بس مو زين تترتب عليها عواقب هذا غير الشمس الي تصقع براس هالارض المفروزوض نستفيد منها أو على الأقل غرفه للخادمات ويوجد فيها مكيف هذولا بشر كائنات راقيه وبعدين هالشجر الي بين المبنى 1 والاداره ليه ماحد يسقيه دايما القاه جاااف عطشااان حرام مايصير اساسا مره كنت أمشي ومعاي بطل ماي شافتني الشجره وقالت لو سمحتي أعطيني بشرب !! يعني شوفوا وين وصلنا الشجر تكلم من شدة العطش ترى راح تتحاسبون عليه يلي حاطينه علشان الزينه أسقوووه ولا شيلوه حرااام **** أما من ناحية التخيل أتخيل بعض الأستاذات محترمااات يواجهن أسئلة البنات أنقهر لما أشووف الوحده ترفع صوته على البنات وتهاوش وأحيانا ماتعطي وجه ولا المصيبه إذا كانت غير سعوديه  أتسأل ليه الناس الي مثل كذا يخلونهم يمسكون مناصب مع أنهم أحلف أنهم مااايستاااهلووون دايما دايما دايماد دايما أشوف بنات يحتاجـــن استفسار من رئيسة قسم أو أستاذه ومـــاتـــــرد عليهن أبــــد طيب وش معناته جالسه على الكرسي؟؟ إذا أحتجنا أستفار ويـــــن نروووح أتمنى من بعض رئيسات الاقسام والاستاذات تكون قد المسؤليه وتتيح للبنات الفرصه على الأستفسار,, دام الوحده محترمه وتسمع للبنات هذا أهم شي عندنا كطالبات كلمه أخيره الأستاذات السعوديااات يحترمن الامهات إذا يبون أستفسار لبناتهن يقّدرن أن هاذي أم .. بينما بعض الجنسيات الأخرى لاتعني لهم منظر الأم شي,>>,قلة أدب أنا أشهد  والسلام عليكم |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تجميع الاستفسارات التي تم الاجابه عليها | ولد حبيل | المستوى الأول - كلية الأداب | 37653 | 2012- 1- 12 11:56 PM |
| نزل الواجب الاول والثاني لمادة البناء ,, | ,, لحظة لقاك ,, | ارشيف المستوى 3 تربية خاصة | 3 | 2011- 11- 13 01:23 AM |
| الي عندهم مدخل الي الاعاقه العقليه00حل الواجب | طمووووحه | ارشيف المستوى 2 تربية خاصة | 3 | 2011- 11- 3 12:31 PM |
| [ جميع التخصصات ] : نهاية العالم وعلامات الساعه الكبرى | هدوء! | منتدى كلية الآداب بالدمام | 36 | 2011- 3- 19 05:29 PM |
| قضايا ثقافيه معاصره(المحاضره الثانيه) | الباارونه | اجتماع 3 | 0 | 2011- 3- 18 07:46 PM |
