اخويا كلية الغد ... ريحني الله يريحك :(

[غفران]

السلام عليكم ورحمة الله وبركاته

سؤالي لاخويا كلية الغد بوجه الخصوص وماعندي مانع ماسمع رايكم ماستغنى صراحة عنكم

اخويا كلية الغد ... دحين انا بادرس في سكشن معين .. سكشن (2) يسير انقل لسكشن (1 ) !! رغن اني لمن كلمت الاداره قالولي انو ممنوع وانو فرع الرياض يرفض الشي ده .. وانو عندكم نظام في النت زي اون لاين ندخل فيه الكشف وبعدين يتقفل ولا يمكن التعديل ... صح الكلام ده

مادري ليش سالت السؤال ده بس والله ضروووووووري ابغا اعرفهم اذا صح كلامهم ولالاء ... لاني تعبت نفسيا وجسديا وفكريا من السكشن اللي انا فيه

مع العلم اساسا انا كنت في سكشن ( 1 ) ليش نقلوني على اي اساس مادري
مع العلم انو سكشن 2 كلو موارد بشريه تمريض انا لحالي طب طوارئ

وسكشن 1 كتيييييييير منهم طب طوارئ وعلى حسابهم ومنحه فمادري ليش

ياريت الجواب يجيني بدري عشان اعرف اتحرك سريع

[كلية الغد]

أختي العزيزة راح اختصرها لك

بخصوص موضوعك هذا شأن داخلي في الكلية اللي أنتي تدرسي فيها ،، يمكن هم حبوا يقسموا الطالبات بالتساوي ،، أو لسبب آخر ،، إذا عندك عذر قوي يمنعك في مواصلة الدراسة في هذا السيكشن قدميه وهم راح ينظروا لوضعك ،، و إذا انتي في السنة التحضيرية فما في ضرر من ناحية التخصص لأنها نفس المواد


بخصوص البرنامج ،، نعم يالغالية هناك برنامج يتم فيه إدخال الأسماء ،، ولكن يمكن التعديل عليه ؟!!


دمتي بود

[طالبة في سكشن 2]

شكر و عرفان بحجم السماء لأخ كلية الغد
لآن لولا الله ثم هو لما انتقل غفران من السكشن لآنها كانت مسببة مشاكل كثيررررررة لنا

لدرجة انها تتهم الدكاترة اللي يدرسونا في اللغة الإنجليزية ، بإنهم مايهتمو فيها ولا يساعدونها
إحنا أفضل سكشن ، ومايحتاج اني اقول او اثبت هذا الأمر

بس ياغفران انتي نقلتي من عندنا ، لآن مستواكِ التعليمي اقل بكثير مننا
فلا تكذبي على نفسك ولا تكذبي على صحبتك الثانية اللي تبغى تنقل زيك من السكشن



،



نصيحة ياغفران / كما تدين تدان

[غفران]

هههههههههههههههههههههههههههههههههههههههههههههههههه ههههههه والله يابنتي انك مسكينه
وانا مح ارد عليكي لاني عارفه مين نفسي والكليه كلها الحمدلله عارفه مين غفران
وكيف مستوايا التعليمي اقل منك وانا اتكرمت في الكليه ؟؟
واذا انتي قد الكلام ده ياحبيبي واجهيني وقوليلي مين انتي طيب ياشاطره؟

بالنسبه للمعلمات اللغه الانجليزيه اكن لهم كل احترام وتقدير ومعزة .. والموضوع تم بيني وبينهم واتناقشنا والحمدلله حبااااااااااااااااايب وبنسلم على بعض كل يوم خاصة استاذتكم كل يوم تسلم عليا وتسالني اذا كنت محتاجة شي او لاء ..

فالحمدلله كل مين يعمل باصلوا ومعدنوا ..

[فارس الشهري]

المشاركة الأصلية كتبت بواسطة طالبة في سكشن 2

شكر و عرفان بحجم السماء لأخ كلية الغد
لآن لولا الله ثم هو لما انتقل غفران من السكشن لآنها كانت مسببة مشاكل كثيررررررة لنا

لدرجة انها تتهم الدكاترة اللي يدرسونا في اللغة الإنجليزية ، بإنهم مايهتمو فيها ولا يساعدونها
إحنا أفضل سكشن ، ومايحتاج اني اقول او اثبت هذا الأمر

بس ياغفران انتي نقلتي من عندنا ، لآن مستواكِ التعليمي اقل بكثير مننا
فلا تكذبي على نفسك ولا تكذبي على صحبتك الثانية اللي تبغى تنقل زيك من السكشن



،



نصيحة ياغفران / كما تدين تدان

اتوقع انها حريه شخصيه ممكن السكشن مو عاجبها اذا عجبك انتي يعني لازم يعجبها بصراحه ردك يعبر عن مستوى تعليمك الكلام هذا ماينقال حتى لو الكلام صدق لكن مثل ماقلت هذا يعبر عن نفسك وتمنيت من اختي غفران عدم الرد

[غفران]

الله يسعدك ياخويا فارس الشهري .. تسلم ع المرور الكريم
والله انا رديت نظرا لضغط اللي باعاني منو في الكلية باسمع الكلام ده واسكت وانصدمت لمن شفتو في المنتدى
قلت هزززززلت !!!

مشكور .. وابشر بعزك مح ارد لانو ده التصرف الصح